meisilo的个人专页

因為一直都想飲Dom Perignon香檳，呢間推出既Brunch包2小時Free Flow，所以約朋友一齊黎試。坐落於Ritz-Carlton 酒店的118樓，環境唔駛講，一定正，雖然落雨天好多雲，但置身於高處享受美酒佳餚係一件美好既事，成個餐廳氛圍好relaxing，仲有音樂聽。一開始服務員送上一盤海鮮併盤，有生蠔，龍蝦，蟹腳，蜆同青口，海鮮絕對新鮮好味，最令我們有深刻印象係青口，比起出面食過既，呢度整得超好，係爽口。之後每人各自有5碟小食，當一放哂上枱時我們都嚇親，因為份量唔少。所有小食都好味，最吸引係天婦羅同soba。然後每人有一款Main course，我們選Steak同Halibut，水準高。出面亦都有sushi bar同甜品區，基本上淨係食枱上既食物已經好多，所以我們淨係拎左刺身各一片淺嚐，刺身質素都唔錯架。最後甜品就每樣拎一件share食，最吸引就係牛角包及朱古力cake。整體係一個超級滿意的美酒佳餚體驗，食物質素超班，最正當然係香檳，好飲到一杯接一杯。服務方面又係五星級體驗，侍應生好有禮貌又nice，照顧到客人的需要。所以值得推介呢間Brunch，價錢分兩個級別，分別就係在於揀飲邊款香檳，下次可以試埋Ruinart Blanc。…查看更多

經朋友介紹，所以Happy Friday就揀左呢間食晚飯，整體食物質素好味，叫左蒸聖子，黑松露蝦多士，金瑤扒時蔬，蜜餞薯仔牛柳粒，唯獨豉椒炒花甲唔夠入味，加上環境乾淨，裝修夠地道。…查看更多

經過新港中心，見到新開日本美食街，就決定喺度食晚餐，我們坐壽司位置。經職員介紹，試左日本生蠔，味道好，喜出望外。壽司方面都唔錯。清酒就去左商店買，然後在餐廳飲。整體食物幾好，本人就覺得服務有點奇怪，各自負責指定區域，各自為政。當需要與另一個區域同事溝通時，雙方都不視對方為同事，語氣有點怪。而接待客人的職員就好睇個人的做法，有些頗有禮貌，有些就當客人係同事咁。希望有待改善，期望下次感覺到猶如身處日本一樣的好客之道。…查看更多

叫了二人Tasting Dinner Set同啤酒及cocktail，聲稱牛係賣點，但全set就係除了牛，其他食物可接受，我認為最好味應該係雪葩。牛好多筋，無論係燒肉，和牛海膽卷和牛煲仔飯都係有筋。食到尾聲時，侍應問我們意見，我們就好老實答佢，牛好多筋，仲反問比左咩部位你們食，好似想了解咁，但竟然要求個客話番比佢知，當然我們叫佢自己去check下。然後突然間拎兩塊牛肩出黎，燒比我們，想証明d肉無問題，我們有表示最嚴重係牛肋條同和牛煲仔飯，果侍應竟然答我們，哦…牛肋條要識燒先得既，我們都無話可說。我們真唔識燒同唔識食，唔敢再幫襯啦～…查看更多