食得太狼's Profile

住中環嘅朋友話佢屋企樓下開咗間高質嘅魚生丼飯，咁啱開放返晚市堂食一於去試吓先！呢度地方雖然唔算大，但係壽司吧可以睇住師傅即叫即做魚生飯，而且仲有Omakase set,有廚師發板將最新鮮、時令嘅魚生拼成丼飯，都幾有特色喎！今日第一次嚟唔知食咩好，好彩店員都好熱心介紹咗每一個系列嘅特色最後我哋揀咗以下兩款，每款都跟麵豉湯、沙律、同埋茶碗蒸蛋。茶碗蒸好滑，裏面有日式魚蛋片同埋雞肉。海言日式沙律都好豐富，有粟米、生菜、蕃茄仔、菇類、白蘿蔔，仲有啲櫻花蝦，材料好豐富！個汁酸酸甜甜好開胃又惹味江戶前散壽司（特上）$320一共有10款魚生喺裏面，一上枱已經俾佢嘅顏色瞬間吸引住，好繽紛，好靚！魚生方面包括油甘魚、海鰻、吞拿魚、帶子、海膽、赤貝等等….全部用料都好新鮮！再加上日式卷蛋、漬蘿蔔同埋新鮮嘅青瓜配搭好match! 而採用日本米煮嘅壽司飯好軟熟，醋嘅味道都剛剛好，突顯出魚生嘅鮮味！北海道三色魚生飯$380日式魚生丼嚟講呢個一向係我嘅至愛！而今次呢個裏邊除咗有三文魚籽同埋海膽之外仲用上咗蔥拖羅蓉。三文魚籽份量好足！每一粒都大粒而飽滿，絕對係食得出嘅新鮮，北海道海膽亦都好鮮甜，蔥拖羅蓉好香，比例亦都剛剛好，食到拖羅嘅鮮味同時又唔會俾蔥味蓋過晒，再飲一啖熱辣辣嘅麵豉湯，成餐飯真係好滿足！好似去咗日本咁💕…Read More

同朋友兩點幾先來食晏晝飯🤣過咗lunch time又唔想食下午茶set,唯有散叫啦！豚面頸肉貝殼粉呢個係朋友揀嘅，估唔到食落口個有少少芥辣味都幾出、幾特別喎！當中嘅配菜都有好多，例如橄欖、蕃茄、煙肉碎同埋洋蔥，當中我最鍾意嘅就係車厘茄！豬面肉好彈牙呀！煙肉忌廉扁意粉只要有卡幫尼意粉嘅餐廳，我都一定會叫返個卡邦尼意粉🤩呢度嘅卡幫尼意粉賣相好靚、上面鋪滿左芝士碎重點真係好好食、好creamy, 上面鋪滿左芝士碎，而且佢哋嘅火腿又充滿鹹香，超正！…Read More

話說西京燒銀雪魚呢一款美食已經唔係太多日本料理嘅餐廳會做，因為工序比較繁複味道亦都比較難控制，所以而家仲能夠食到嘅餐廳真係要好好珍惜一早上OpenRice見到佢哋嘅午餐裏面竟然有西京燒銀雪魚，身為西京燒銀雪魚忠粉嘅我，梗係要試試🤩成個午餐好豐富，有前菜、有沙律、有麵豉湯有白飯、有甜品，重點係主菜西京燒銀雪魚銀雪魚有兩大件，而且好鮮嫩多汁🤩配埋沙律醬同埋粒粒分明嘅日本米飯，果然係特別好味呀！銀雪魚甜度亦都剛剛好呀！沙律又好新鮮，酸酸甜甜嘅汁好開胃！今餐真係好滿足🤩…Read More

記得以前細個拍拖嘅時候好鍾意嚟金鳳鋸扒，而家人老咗都想重拾返呢一份情懷，今次假日嘅中午嚟到金鳳餐廳、雖然佢哋有好多茶餐廳式嘅炒粉麵飯午餐，但我依然都係鍾情於鋸扒多啲。叫咗小牛排鐵板餐，一如以往嘅濃濃忌廉湯同埋軟熟餐包配牛油，每一個畫面都充滿着回憶，鐵板餐上台嘅一刻最期待都係揸住張餐巾，滿心期待店員將美味嘅醬汁淋上鐵板嘅渣渣聲🥰估唔到咁多年之後佢哋嘅薯條依然都係冇變，擺喺個鐵板底下，淋到爛晒嘅😆唯一變咗嘅係佢哋餐飲品終於不再好似以前咁孤寒，凍飲都俾隻BB杯你仲要超多冰，而係終於變返正常嘅凍飲杯啦！鋸扒要好味嘅未必係金鳳，但係如果要食懷舊香港情懷同回憶嘅話，就一定係金鳳啦！你懂的！…Read More

朋友唔講我都唔知原來呢間麵包店有咁好味嘅嘢食！美味嘅法式布甸麵包@$15每日指定時間新鮮出爐，我係等4:00嗰轉買嘅，雖然人龍都有啲長，但係速度都好快排到！少少哋買咗四個返屋企試吓，放入雪櫃雪凍食有雪糕嘅，放落氣炸鍋度180度大概5分鐘，法式麵包好鬆脆，然後裏面嘅布甸暖暖地好滑，超正😋好鍾意佢呢種香甜嘅味道同埋滑溜嘅質感！其實呢間麵包店啲出品一向都唔錯，除咗佢哋嘅法式布甸麵包之外，佢哋嘅芝士火腿牛角包都好好食😋！誠意推薦呢間麵包店俾大家！…Read More

一直都係西樹泡芙嘅超級fans😍我自己食嚟食去都只係會食原味忌廉或者吉士，今次開home party叫朋友幫手買上嚟，佢又竟然鍾意試吓新口味，每款都有啲喎！有原味忌廉、北海道3.6牛奶布丁、特濃朱古力、士多啤梨忌廉、同埋期間限定嘅乳酪荔枝味🤩款款賣相都好靚好吸引,個個朋友都大讚邪惡但好好味😋今次我就試咗買相勁靚嘅乳酪荔枝，粒粒粉紅朱古力仲有荔枝果肉，荔枝乳酪味嘅cream酸酸甜甜好清新，配埋鬆脆嘅泡芙真係好好食！會繼續做忠實粉絲❤️…Read More

幾年前曾經同朋友喺呢間食過佢哋嘅沙嗲烏龍麵，濃郁嘅花生醬味嘅湯底真係好難忘，而且烏龍麵亦都好彈牙！今日經過見到佢哋竟然仲響度，所以忍唔住入去試吓搵返當年嘅味道。碗麵一上台真係令我有啲失望😖好多油！忍唔住問佢拎多隻碗仔「筆」走啲油，再飲一啖個湯底…哇！點解可以甜到咁樣？🤯好似飲緊糖水咁😨到底落咗幾多糖？定係師傅將糖同鹽搞錯咗？😨😨😨重點係見到隔離枱嘅糖心蛋好似好吸引，諗住追加埋平衡一下今餐嘅評價，點知個蛋都係非常之唔掂😔睇相都見到成個蛋白嘅範圍都係乾硬晒，而且食落口覺得個味都有啲變變地，酸酸叔叔咁……我諗應該唔洗再來了！…Read More

晚飯食唔飽結果最後要食宵夜🥲好耐冇食過川燒，所以叫咗佢哋嘅外賣。唔知而家點解會貴咗咁多😢打電話去叫外賣佢話羊架係$88@2件…..因為大件啲喎（但明明睇到佢哋個Menu係68）雞軟骨$15一串，味道係好食嘅，但係就唔太抵食囉！…Read More

約咗朋友嚟屋企食飯，佢真係好客氣，專登買咗呢間嘅Cup Cake上嚟請我哋食首先賣相嚟講係幾靚嘅！做散水餅真係一流！可惜我個人唔係好鍾意食甜嘢，所以略嫌上面嗰舊裝飾太過Heavy，同埋都比較硬身🥲但係蛋糕味都係好鬆軟，甜度都可以接受嘅、最好味係類似金莎朱古力嗰嚿朱古力脆脆！香濃嘅朱古力味唔錯！…Read More

😋我一向都好鍾意食軟雪糕,偶然經過將軍澳pop corn咁靚嘅商場裏面有間叫做我想和你無所事事嘅店名咁得意，仲要一杯軟雪糕只係$10咁抵食😍梗係要試吓啦首先牛奶雪糕嘅賣相肥嘟嘟好得意食，落口都好香濃嘅牛奶味，個雪糕筒你超級香脆，拍得住薯片嘅口感，重點係食到個雪糕底部嘅時候竟然有黑糖珍珠😍真係好有驚喜同埋好好味呀！…Read More

嚟到尖沙咀突然間心血來潮想食返碗黃沙豬膶粥暖暖胃，見到呢間叫大師傅諗住啲粥一定好好味喇！點知碗黃沙豬膶粥嚟到真係嚇一跳！🤯啲豬潤竟然係瘀黑色😨見到個賣相已經唔多開胃抱住「唔緊要！賣相唔靚可能味道好呢」嘅心態繼續食，一咬落去個豬潤到，喂大佬！超鞋同埋個感覺膠膠地仲要冇味㗎喎！唔知佢哋搵啲咩加工過，即刻不停諗到底我食緊啲乜嘢😖真係從來都未食過黃沙豬膶！唔好講話黃沙，直情連普通豬膶來講都煮得好難食，唔講真係好難相信食緊嘅係豬膶囉！總結呢間粥店真係可一不可再！😔…Read More

以前屋企附近都有間傷心酸辣粉，但係當時我唔識貨所以未食過就已經結業左🥺今次同朋友嚟試咗一次之後真係食過返尋味🤩酸辣粉嘅質感好煙韌彈牙，而且裏面嘅配菜有好多，例如有榨菜、肉碎、花生同埋芫荽、配埋酸酸辣辣嘅湯，我先知道原來傷心酸辣粉係咁好味㗎!我叫咗佢哋嘅王牌口水雞酸辣粉🤩呢到嘅口水雞真係好大碟，雞肉嫩滑又唔會太肥，裏面啲炸花生好香脆，超正🤩朋友叫咗蒜泥白肉，真係超多蒜泥而且呢豬腩刨到好薄一片，索晒啲汁，真係好開胃又好味😋可惜朋友係唔食辣嘅，所以當日佢叫咗一碗走辣嘅酸辣粉，結果等咗好耐好耐好耐…..佢又趕住返工最後要急急食😢呢個係唯一美中不足嘅地方！希望可以改善一下！…Read More

今次朋友帶咗我嚟沙田話有間靚餐廳介紹我估唔到就係呢間，成個場都係粉紅色真係好靚，可惜lunch嘅時間太多人，所以唔方便係影環境相。我哋叫咗兩個午餐share食，佢哋嘅蘑菇忌廉湯真係做得好出色，啖啖磨菇蓉，好正🤩香煎豬鞍配薯條羽衣甘藍沙律豬鞍juicy,，薯條都好香口，配埋健康嘅羽衣甘藍平衡一下油膩感蟹肉香蒜欖油扁意粉呢個估唔到出奇地好食，好香蒜味蟹肉鮮甜而且意粉好彈牙，仲有好多蔬菜添！甜品係紅絲絨蛋糕都幾好食😋…Read More

記得好耐以前試過同朋友嚟呢度食生日飯，已經覺得幾好食😋不過晚餐比較貴啲，估唔到佢哋嘅午餐又出奇地抵食喎。餐牌唔記得影🥲直接入正題講食物吧！午餐Menu之中嘅頭盤，杏鮑菇及黎麥，上面有啲芝士同火箭菜，健康又好味😋頭盤來講賣相好靚，算高水準！主菜：慢煮德國鹹豬手配忌廉里昂薯仔因為慢煮嘅關係所以肉質好鮮嫩，咸度適中，配埋惹味嘅芥末同埋薯仔🥔好食😋散叫：白酒煮澳洲藍青口（500g) $228講真，我都幾鍾意食青口好多時去到餐廳都會叫，但係呢度嘅青口真係煮得非常之好味同埋肉質超級滑溜🤩同一般諧霎霎嘅冇得比!而且份量非常之多,絕對對得起這個價錢,誠意推薦大家一定要試吓!散叫:特色卡邦尼扁意粉$258呢個意粉好彈牙而且個汁真係好Creamy,充滿蛋香而且裏面嘅煙肉亦都非常鹹香好味😋散叫：12小時慢煮澳洲M5和牛牛小排（36安士）$498擺盤好靚，肉質好鮮嫩，不過我覺得唔係我想要食果種感覺，可能我都係比較鍾意煎牛扒多啲…Read More

每次去開中環仲係忍唔住嚟三多嘆番碗豬膶雲吞米，加腩汁，多薑蔥🤩因為佢哋嘅薑蔥都係每日新鮮切，配埋豬膶同埋佢哋秘製嘅辣椒豉油，係特別鮮味！香港雖然有好多地方都有豬膶麵食，但係試過咁多間，我覺得中環三多嘅豬膶真係冇得輸！爽口、鮮甜、大大件、厚切！係食得出嘅新鮮嫩滑😍再加上佢哋招牌嘅鮮蝦雲吞好似乒乓波咁大粒!裏面充滿咗彈牙嘅鮮蝦肉同豬肉！介紹過咁多朋友去每個都食過返尋味，十分之推薦呀！…Read More