hkfoodshared的个人专页

琴曰去咗試食位於灣仔嘅諾富特世紀酒店自助晚餐！ 食物種類方面，我試左生蠔、靑口、螺肉、三文魚刺身、帶子甜蝦刺身、豬肝糕、三文魚刺身、阿拉斯加蟹腳、芝士白汁燒帶子、雞胸肉、燒牛肉、燒大蝦、咖喱雞肉牛肉、茄汁焗魚柳等等。個人不嬲鍾意食即開生蠔,尤其鍾意食即開生蠔，生蠔肉加上淡淡的檸檬汁，一淡食落去之後鮮味係口中化開，簡直係一流享受！自助餐提供嘅即開生蠔並唔算大隻，中等size,但係味道都算唔錯，食落去味道都係新鮮ge。另一款個人幾喜歡嘅食物係即切燒牛肉，燒牛肉雖然食落去有少少老，但係勝在有肥有瘦，而且牛肉味好濃郁，所以我都幾鍾意食～甜品方面，個人覺得用係甜品上嘅芒果好甜好好食，例如芒果布甸等，建議大家試多啲😂😂刺身、蟹腳、冷盤等就會有少少失望，感覺味道會比較普通。…查看更多

今日去咗一落小鍋試咗個三餸車仔麵同埋蜜糖燒雞翼！三餸車仔麵我揀咗秘製豬頸肉$14、五香牛腩$13同埋菜肉蒸餃$13。由於菜肉蒸餃佢話係現場即包，我見咁特別當然要叫黎試吓啦！最後果然冇令我失望，蒸餃係好好食嘅！豬頸肉外層有少少脆，有少少似叉燒嘅外層，我覺得可能係因為燒過嘅緣故，食落去口感好好。相比之下, 我覺得牛腩就稍為遜色少少，感覺份量比較少而且味道較為普通，不過都推介大家去試！由於我見到+$9蚊可以有多兩隻蜜糖雞翼，價錢真係幾抵下，我當然要叫試吓！最後嘅結論係：完全無伏，雞翼表面真係有蜜糖汁，我認為如果想試呢間野雞翼係必叫！！…查看更多

最近同朋友去咗試一間位於觀塘嘅樓上cafe～#原蒲燒鰻魚炒飯（$148）不嬲都好鍾意食鰻魚，但係好多餐廳饅魚份量都好少，細細舊咁。今次試呢個鰻魚炒飯有整整一大條肥美嘅鰻魚！終於唔使就住就住，可以大大啖狂食鰻魚啦😆😆#長崎潮鯛3.7牛乳鍋（$142）牛乳鍋嗰湯底好香，真係估唔到牛奶味湯底同埋魚塊原來係咁夾😆材料方面，成個牛乳鍋有魚塊、冬菇、 生菜、烏冬等食材，都算幾豐富下。鍾意食芝士嘅朋友，仲可以加$8蚊，就可以升級成芝士牛乳鍋🤤#十勝一口牛（$108）牛肉粒份量頗多，伴以洋蔥汁同洋蔥絲，食落去每一啖都有洋蔥嘅香味😋口感方面，牛肉粒都比較厚身，所以食落去淡淡肉，口感唔錯。…查看更多

今次同朋友去咗試一間係旺角嘅樓上 cafe~#墨西哥烤雞餅$86烤雞餅係由三層薄皮組成，中間夾住他他漿同埋雞肉碎。估唔到原來雞肉碎同埋睇他他漿係咁夾😋😋#熱情果薄荷香橙梳打$58#熱情果接骨木花茶$56今次試咗兩款熱情果飲品。個人覺得兩款飲品賣相都超級靚😂尢其是#熱情果接骨木花茶 真係好似個花樽咁。#熱情果薄荷香橙梳打 飲到勁多熱情果種子，feel 到加咗幾多熱情果下，幾足料～#烤西班牙豬肋骨$188呢個餐包括一大塊豬肋骨同埋一兜番薯條拼薯條。豬肋骨食落去感覺抺左bbq醬一齊燒，而且燒得好入味，唔會話得表面有燒烤風味。佢仲俾咗一小碗bbq醬，但我覺得唔使點已經夠味。豬肋骨食落去有肥有瘦，每一淡食落去都好香口🤤🤤推薦！#慢煮甜酒燴和牛面頰$188見好少樓上cafe有得食和牛面頰,難得呢度有然要叫一過嚟試吓啦🤤慢煮牛肉肉質唔會太生或者太老，而且有些少油脂，食落去更加香口。比較有驚喜嘅係嗰薯蓉，同甜酒汁撈埋一齊食真係好好味😋#熱情果薄荷香橙梳打#熱情果接骨木花茶吃吧 (旺角)🏠🏠旺角彌敦道566-568號僑建大廈2樓2室…查看更多

次次去西九都唔可以唔食雪糕！今次就去咗試一間超級抵食嘅雪糕小店！憑學生證可以$10/五球（原價$10/4球）。總共有20幾種唔同味道嘅雪糕！每次都可以試唔同味道～我今次就試咗雲呢拿味、 薄菏朱古力味、石板街、提子砵酒同埋曲奇味。味道方面就真係冇得頂㗎啦， 每隻味都好好食😋😋個人最喜歡薄荷朱古力味，味道好似dreyer 雪糕嗰隻薄荷味，雖然每隻味道嘅雪糕只有1小球，但係成兜雪糕份量其實都好多， 真係cp值好高嘅雪糕呀！推介大家去食～…查看更多

琴晚偶爾行經西寶城，發現原來後巷位置有一間甜品舖！咁啱我又想食甜品，於是即刻衝左入去試下味😋😋店舖空間唔算好大，但勝在裝修精緻，喺度同朋友一邊食甜品一邊吹水真係唔錯嘅選擇！今次我試咗芒果椰汁河粉，我朋友就試咗西米焗布甸。#芒果椰汁河粉$30一開始見到都呆左下，乜河粉唔係平時喺米線鋪食嗰啲咩？之後老闆娘同我係口感類似涼粉嘅嘢，之後我就叫咗個來試吓！驚喜嘅係表面真係好多好甜嘅芒果粒，而且河粉真係好似兜米線咁，但係食落去又係凍嫁喎！口感好鬼特別，推介大家去試吓～#西米焗布甸$27留意番呢個甜品係熱嘅，表面鋪左一大層西米，我試咗一小羹，覺得口感同埋味道都唔錯！…查看更多

今日心血來潮想食越南菜，所以就去咗試胡越小館。我下就六點幾到，唔使等位就有得食，完全唔覺多人。員工服務態度唔錯，一入去就好主動遞上菜單，同我講而家冇下午茶食啦～今次就試咗越式茄汁牛腩飯（$48），送一杯熱菜蜜。首先不得不提嘅係，我覺得嗰餸幾有新意，本來以為得茄汁同埋牛腩，點知原來仲有蘿蔔、豬紅等配料，令我幾驚喜嘅！但係定有失望嘅係佢啲牛腩，真係好似湯渣，完全感覺係湯渣牛腩再淋啲茄汁上去咁樣，完全唔入味。而且份量好少，無論係牛腩、豬紅同埋蘿蔔。飲品方面，個人覺得佢個菜蜜幾好飲嘅，味道唔會話太甜，推介！總括而言，覺得其實唔係太抵食，因為味道真係麻麻，性價比有啲低。…查看更多

麥當勞實在是窮人恩物！平時溫書溫到好夜，返到屋企附近幾乎唔會有咩嘢食，呢個時候就可以食麥當勞啦！只需要20幾蚊就可以食到一餐熱辣辣嘅包，真係快靚正呀！平時不嬲都幾鍾意食雙層芝士孖寶套餐，而今日佢做特別推廣（只限一天），有得食四層芝士孖寶連汽水（$16），作為芝士控的我當然即刻去食啦！ 食物味道方面，個人覺得白色嘅芝士會比較淡味，而且感覺四層芝士同埋兩層芝士差唔多味道，可能係因為多個兩層芝士好淡味啦，不過其實都幾好食嘅，只係覺得同雙層芝士孖寶冇分別咁解～…查看更多

不嬲都幾鍾意食甜品， 今次我係朋友嘅介紹下我去咗食一間幾出名嘅、位於街邊嘅豆腐花店！今次就試咗凍銀杏豆腐花（$12）。佢可以揀堂食或者外賣，我今次就中伏地揀咗堂食，即係企係店舖門口食（鋪頭隔離放咗幾張凳喺度）！份量方面，豆腐花份量唔算多，不過都可以接受。豆腐花表面鋪滿左好多甜甜地嘅銀杏，食落去口感好正，每一啖都好好味！而且銀杏豆腐花唔係間間都有，同埋$12可以食到咁特別嘅豆腐花真係好抵！推介大家去試下～食物質素：9/10食物顔值：7/10性價比： 8/10回頭率： 8/10…查看更多

不嬲都好鍾意食海南雞飯，所以今次去咗大頭蝦餐廳試食海南雞飯（$55）當晚餐！我大概下晝六點幾去食， 都唔算多人，唔使等位即刻就可以入去食，而且服務員都好快同我落order,服務態度唔錯！佢個餐包括一碟雞、三款醬料、一碗是日餐湯、一碗白飯。先講碟雞，雞肉份量頗多，而且都幾嫩滑，同其他餐廳唔同嘅係， 佢比左三款醬料我點，可以根據自己喜好選擇點邊款～另外我都幾喜歡佢嘅餐湯，我食嗰日係青紅蘿蔔豬骨湯，個湯都幾好飲，唔會話好重味精味～推介大家去試吓～…查看更多

成日都會去polyu舊Can食早餐，因為貪佢夠近紅磡，而且價格亦都好平！今次就試咗雞扒餐肉薯餅，拼雪菜肉絲米粉（$23）。個人認為賣相就唔太討好㗎啦，不過我不嬲都唔係介意，只要味道夠好同埋夠平就ok啦😂😂味道方面，個人建議雞扒最好走汁，始終個汁幾鹹下，而且食清淡D亦都會健康啲～薯餅嘅味道就一時時，有時即炸完食落去係熱嘅就好味，有時試得出放左好耐就覺得好難食。餐肉味道都唔錯，不過唔算特別有驚喜，而且份量都幾少下。如果嫌唔夠飽肚， 我通常會加多個雪菜肉絲米粉，味道幾好食㗎， 推介大家試吓～…查看更多

個人幾鍾意食上海野，於是今日又去咗試啦😋😋今日就試咗口水雞撈拉麵（$78)、芝士鮮肉小籠包（$50）、上海擔檐面（$60）。先講口水雞撈拉麵，撈拉麵嘅醬汁係口水雞醬， 個人認為好味有少少重，同埋味道偏鹹，食完會好口乾，個人唔太喜歡。芝士鮮肉小籠包就比較有驚喜，芝士同埋肉湯汁出奇地夾，皮薄餡靚，一啖食落去成口都係湯汁同埋肉，大滿足呀🤤上海擔檐面都幾好食，成個湯有好濃嘅花生味，而麵嘅軟硬適中，口感不錯，同湯撈埋一齊食味道真係好夾，推介大家試吓～…查看更多

不嬲都幾鍾意食KFC， 今次又去咗食雞做晚餐啦😋我要咗M3狂野香燒雞餐（$38.5)再配汽水。呢個餐其實之前都食過，我最唔滿意嘅地方係，汽水轉其他嘢飲要加錢，而家係冬天，但係唔想加錢的我只好被迫飲汽水😭份量方面，個人比較建議加大個飯，否則未必夠食，如果想食小食,薯格都係一個唔錯嘅建議。味道方面，我覺得狂野燒雞係咁多隻雞裏面最好食嘅！好似沃爾瑪烤雞嘅味道，冇得頂！價錢方面，我認為其實唔係好抵。因為成個餐份量比較少，以前我會加大個飯，再加一個薯蓉先會夠食，後來覺得好戇居，冇理由食KFC都食五十幾蚊☹️☹️…查看更多

今日又去咗一間成日試嘅餐廳薩利亞😂今次我試咗牛扒（$59）同埋芝士焗薯角（$17）牛扒方面，我覺得牛扒肥瘦均勻，而且食落去口感好正，因為牛扒本身切得好厚，唔會話好似出邊有啲餐廳咁切得好薄，所以覺得幾好食😋😋美中不足嘅係，鐵板上面嘅粟米成日都會窿窿地，而我係好鍾意食粟米的，呢點可以改善一下。芝士焗薯角方面，半溶化嘅芝士撈埋煙肉薯角一齊食，味道一流！作為芝士控表示好滿足，但係細食嘅人食一碟扒再加焗薯角應該會幾飽下😂😂…查看更多

今日同朋友去越北試咗牛肉粉同埋咖喱牛腩飯～先講越式咖喱牛腩飯（$55），咖喱味道唔算太辣，反而係偏鹹，不過個人幾喜歡，覺得送飯一流。牛腩份量就唔算太多，應該得6-7塊，而且比較偏瘦，個人比較喜歡肥肥地的牛腩。由於咖喱汁比牛肉多太多，所以個賣相會覺得成兜都係汁，實情係啲肉喺晒個底度，所以個人認為個食物賣相唔好睇，不過其實我不嬲都唔太介意食物賣相😂😂朋友就試咗越北生牛肉通粉方面，個人認為啲牛肉幾好食，食落去幾嫩囗，抵讚！…查看更多