禾火's Profile

一向知道這裡食物質素和環境唔錯，今天公司請食飯，我們一行接近20人，預先book了枱，預定了食物，一去到就有得食了。感激餐廳職員細心的招待，我們在這裡渡過了一個愉快的午餐時間。…Read More

見到隔離紅茶排長龍，天氣又熱，本想簡單地安安樂樂食個午餐，我哋入咗嚟呢間，點知中伏！嗰個高大但冇乜頭髮嘅男士應，我眼見，佢全程唔當每個客人係客人，我心諗我哋唔係入嚟食免費午餐，佢可唔可以有返啲專業態度，至少對客人有啲禮貌呢。食客落order時，佢就好似審犯咁樣嘅態度，問多一句，佢都黑面唔耐煩。佢對其他職員更變本加厲，大聲呼呼喝喝，搞到我哋食個餐，都心驚膽跳，全場人都好似欠咗佢咁。食物質素尚算可以的，但係响呢個氣氛之下，更加好食嘅食物在你面前，你都想快啲食完快啲走。可能這就是呢個這男侍應嘅目的吧。佢趕客嘅態度，相信令到好多客人，唔會再來幫襯。香港嘅飲食業，真係多得佢唔少。…Read More

和朋友聚舊， 諗住一齊去試新嘢 ，我哋一行四人， 之前同事介紹我去呢個地方打邊爐， 話個食法有啲特別， 所以我book咗七點，襯復活節假期，同朋友去滾一滾，吹吓水，熱鬧吓。我哋第一次去， 本來好有禮貌咁同個男侍應話，我哋想要個清湯底先，其他要諗多一陣。點知個外表魯粗的他，一句「得」埋嚟話:「你睇完，揀咗食乜先一次過話我知啦。」 ，這樣，我哋之前嘅開心情緒一下子就畀佢打熄咗， 佢果嘅副態度， 似係佢係客人多D， 其實我哋坐落都係七點正， 四周圍得兩三台客 ，佢根本就唔忙， 為乜事咁粗聲粗氣對待客人呢!未食嘢我哋已經一肚氣了。 Order完食物， 我哋叫支白酒， 點知拎嚟嘅係另一款白酒， 同menu上面嘅唔同， 問個女侍應兩支酒有乜分別， 佢支吾以對，只係好想我哋肯收貨就算， 佢對自己餐廳嘅食品唔了解，又令我們嬲嬲地。講番食物本身，所有海鮮一鑊熟，根本就有問題，咁樣一些必定Overcooked， 最大問題係啲蟹， 我的朋友自己本身有做過餐廳， 對食材都有啲研究， 佢一食啲蟹落口， 就話啲蟹唔新鮮，肉質好「梅」， 其實我哋有驚食到肚痛㗎。個湯底更加不知所謂， 味精重到呢，連湯底都咁差，唔該厨房大佬可唔可以在打邊爐的基本嘢上做好啲呀。我哋一路食，一路傾吓偈，飲完白酒，飲米酒，仲有叫啤酒和前後幾支意米水，剩係酒水價錢， 已經超過成張單的價錢一半，但個魯粗男侍多次想熄我哋爐，其實明明仲有些烏冬和菜未食完的， 我哋真係覺得好冇癮， 於是乎埋單， 決定以後唔會再嚟。 另外要一提嘅就係， 成間餐廳得一個殘厠 有冇搞錯呀，真係好方便又唔衛生囉。食物， 服務，環境， 三樣都唔合格呀， 希望你哋可以有啲改善啦。…Read More

第二次來這裡，因為第一次來時很多食品也售罄，而且我和他也喜歡食日式串燒和飲兩杯，所以昨晚(星期日)我哋早少少0715就來到了。今次小店又差不多爆滿，只剩兩個吧枱位，但其實我哋很喜歡坐吧枱的，因為可以看到師夫準備食物。由於厨房人手少，而且日式串燒是手作仔嘢，侍應建議我哋一次過叫，而且有心理準備會耐少少。我哋耐心等，因為眼見師夫得一個，爐又得一個，心機嘢，明白係要慢工出細貨。第一樣食品廿五分鐘後才送上，因為我哋有酒飲，看看師夫燒烤，傾吓偈，唔覺耐。師夫叫阿東，熟落咗先知他收埋好多好嘢，下次你哋來記得問侍應什麼menu 冇的好介紹。今晚我們推介：厚牛舌，燒鳗魚，燒新鮮雞心，新鮮雞皮和燒雞肝。如果有老人家或小朋友，叫一大鍋烏冬，也是樂事，因為真係好大隻碗，成個細型洗手盤般大，我見小朋友食得好興奮呢，下次我也要試吓。…Read More

由於工作地點改了，我大半年冇返來灣仔了。昨日帶同朋友去食我以前很喜歡的日本拉麵店「幸亭」，但可能由於我太攰，條街又太黑，我找不到。之後行咗去隔離街，見到呢間叫「幸屋」的拉麵店，朋友説：「是否搬咗過嚟呀？」因為大家太肚餓了，未看真就入咗去。入到去，我問侍應：「你哋係咪由隔離街的走廊舖仔搬過來㗎？」她說「係呀，以前在聯發街。」我聽到後，好開心噉揀嘢食物。但看到枱上自選拉麵的紙，牆上食品的介紹，覺得改變了很多，我立即問店員：「你地以前個餐有拉麵，有一口炸雞同一支啤酒果個餐冇咗嘅呢？」她答我：「而家要分開叫呀。」我再問：「你哋而家冇咗啤酒嘅？冇咗個酒牌咩？」她答我：「申請緊。」我越諗越覺唔對路，但既然大家坐底咗，就四個人叫了四碗麵醫肚。第一碗五分鐘內就到，但其餘三碗就等咗十五分鐘都未有，隔離情侶遲過我地落單，也有得快過我地食，所以吹單。來到的第一碗本來叫粗麵的，但在没有比較之下，又怕麵浸得太林，所以食先。食了第一啖，我就肯定自己中了招，麵質差，糖心蛋做得好求奇，個湯就直頭係行貨嘢溝出來果d嘢，好失望呢。其餘三碗也唔好得過第一碗好多，仲要清一式全部俾錯幼麵，張電腦單明明打我哋兩碗粗兩碗幼麵的，但個厨房整錯咗，因為肚餓，怕又要等十五分鐘以上，大家決定食了就唔換了。以上經歷，真係好激氣，首先侍應唔老實，食物質素差，仲可能係走漏單，厨房仲要出錯麵。我平時都好少咁長篇大論畀評價，但今次唔寫唔得！返到屋企再看資料，發現原來聯發街「幸亭」已結業了，這晚我好明顯被騙囉。…Read More