or#Tm66125963's Profile

閒日與朋友去大嶼山索罟灣行山，行完山去食海鮮。選擇泰園的原因，因為這裏的套餐選擇多，又全包。點了個$368二人餐，再加個椒鹽鮮魷例牌。鮮魷好味，白灼蝦好新鮮，炒蜆和菠蘿咕嚕肉也不錯。起初擔心唔夠飽因為份量唔多，但之後加埋炒菜和炒飯，一定夠飽。今時今日，一個人大約240元，有6道菜，比你坐得舒舒服服，去邊度搵。仲有，服務態度一流，啲餸一個個上，唔會凍晒。店員又幫斟茶、換碟，真係好值得讚👍🏻和推介給朋友。…Read More

閒日兩人來食午餐，坐滿人，有點心食。我特登來食海鮮的，叫了芝士焗龍蝦、炒花甲，蒸聖子。等了好耐未上菜，一吹就3碟一齊來，食得A來，B凍哂。碟龍蝦好似食剩咁，應該還原唔到一隻龍蝦，2個人的伊麵超少，賣相極肉酸。（好後悔冇影相。）聖子和花甲都好韌。從來唔寫食評的我，也忍不住要出手。食咗大約一千元，最想知係隻龍蝦幾多錢，但單上邊只有一個「海鮮牌」的價錢，是3款海鮮的總價。反之，煮法的收費就列得好清楚：加伊麵底、加粉絲等。我好掛念跑馬地的竹園海鮮酒家。…Read More