eateat_energy's Profile

隨意揾嘅一個地方，純粹地點方便、環境舒適。下午茶時段到，客人比較少，待應生招呼我地入坐。我地一行五人，見到餐牌有下午茶套餐，由於只有文字，我地準備研究之時，待應窩心提供圖片，亦在旁加以解釋。最後我地揀咗四款鹹點、一款甜品。食品質素不錯，材料新鲜。我地有朋友生日，臨時加購生日蛋糕碟，精美、可口😊我地大約坐咗两個鐘，整體感覺都好好。食物中規中矩、環境舒服、清靜，服務態度良好。…Read More

疫情下好少出街食嘢，今日決心去又一城，買下食下。呢間餐廳好耐之前嚟過，當時要等好耐位。今日去食中午餐，時間係兩點後，立即安排入座。我哋一行3人，都要等一陣間先有人幫我地落單。我哋叫咗一個意大利、一個沙律、一個pizza 。由於係套餐，可以選擇跟湯或者沙律，當天既湯係大蒜蜆肉湯。咁當中我哋有人唔食蒜，想要一個沙律兩個湯，但服務員回覆pizza係不能選擇，必須跟湯，咁就比咗3個湯。😅問服務員pizza是否有牛肉，因為唔食牛，服務員絕回一句：冇，完全冇尾音🤨其實食物整體都唔錯，份量都好足。沙律好新鮮、啤梨好甜，不過汁比較多了少許。Pizza 好軟，好多芝士，好味。意粉軟硬適中，味道偏淡。3個套餐，人均消費百元左右、有湯有飲品，其實好吸引，不過服務質素唔會想再返去。😌…Read More

第一次去呢個商場食嘢，商場好新、感覺良好。剛剛過咗午市時間，不過都有四五枱客人。自助形式點餐，我地點咗份全日早餐、蜆肉炒意粉、啡菇牛油果漢堡包。蜆肉意粉份量都唔細，適中，味道都好好，意粉爽口唔會林林咁。全日早餐冇咩驚喜，不過個自家製scone 都好香牛油味，不過細嗰咗小小。個果醬好清新、好天然。啡菇漢堡包好夠份量，配薯條一齊，個包好香芝麻味，麵包好有口感，好健康、但又好好味，👍🏻。飲品叫咗latte ，都好香咖啡味，不過如果熱啲就更好。朋友叫冬瓜水，一般般咁。不過整體都唔錯，可以輕鬆hea 下既好地方。…Read More

啲人成日話元朗多野食，上網搵既時候又唔係好多選擇，朋友推介下，就去嚟間試吓。去到附近先知已經搬咗鋪，好在都係附近，行多兩條街。鋪頭細細，我地四個人，都等左一下位。我哋當然試招牌菜，醉鷄麵、豬扒米粉。醉鷄分開上，另外可以叫佢地比碗鷄湯，好細心。麵底好爽，正。鷄好入味，肉質鮮嫩，一啲都唔鞋。豬扒有汁、有味，嫰口，真係唔錯。鋪頭細細，服務員態度和藹，食物唔錯，不過元朗就唔係常常去，不過嚟度都係值得去一試👍🏻…Read More

唔知想食咩、又好多野做想食，最好選擇就係放題。$198 有四款串燒、鷄煲同打邊爐，正。我哋揀咗蠔、鷄翼、鯖魚、多春魚、羊架、豬腩肉、雞泡魚干。串燒嗰汁偏甜、鷄泡魚干有好多，其餘都係一至兩件。鷄㷛微辣、唔太麻，不過有少少鹹，不過啲鷄肉好滑。飲品供應都好多，可能滿足我又飲啤酒又飲解茶😃食完鷄㷛就揀咗胡椒豬肚湯底打邊爐，湯底好香，有好多料，一滾起充滿胡椒味。火鍋材料好多、牛都有3款、蝦好新鮮爽口、豬梅肉肥瘦適中，當中我最欣賞嗰炸魚皮，好爽脆、一啲都唔油，好味。我哋一行3人，各選所好，每樣分類適中，唔夠再加又唔使浪費，正。火鍋啲選料好新鲜，用嚟個價錢可以有尼個回報，可以再次去幫襯。當晚見到都有8成入座，場面都好熱鬧。…Read More

冇得去日本，咁就係香港試吓啦，之前去日本實在排太長隊所以冇食過。叫左個貝汁醬油拉麵、裡面有牛乾箘粉及油，黑松露醬、京蔥…..一呢到立即試吓個湯，黑松露味好出，都好特別。個麵都偏細碗、男仔應該唔夠飽，啲义燒真係太薄。麵入面的京蔥好食、好多，夾住麵一齊食好爽口，正。湯底夠熱，不過中後段有少少鹹。煎餃子看似平平無奇，不過皮薄又夠熱，都唔錯喎。朋友食海鹽味拉麵，大致都滿意，啖湯我試咗，都好清，好味。整體都覺得幾好食，不過偏細碗，價錢有啲偏貴，但係都會再去食😊…Read More

家中有養哥基，某日路過觀塘，見到有間火鍋店用哥基做背景，好似好得意咁，一於去試試。同朋友叫咗個$238 任飲任食、鷄㷛、火鍋套餐。7:30 去到，現場大約有8成入座。$238 套餐包括三款刺身，三文魚、紅蝦刺身夠新鮮，擺盤都好靚。食完刺身食鷄㷛，鷄煲上枱時未熟，要兩分鐘翻一次鑊，翻三次先可以食。鷄煲我揀中辣，食落有麻有辣，啲麻椒越滾越有味道。食完鷄㷛已經飽左一半，不過唔可以停，立即叫佢地轉麻辣湯底打邊爐。套餐包括蝦、蠔、蜆、龍㚄魚片、鯇魚片。牛肉、豬肉、餃子、丸、菜籃、魚皮。飲品都有多款茶、汔水任飲。如果用嚟個放題套餐同其他類同做比較，呢度環境寬敞、食物質數，一定唔會輸，值得一試。👍🏻…Read More

去到深水埗見到尼間米線，應該二十年前食過，一於再試試因為已經唔記得係咩味道。因為係星期日、等位都等咗二十分鐘。叫咗黃鱔鷄肉小窩米線、豬膶腩肉小窩米線、一份炸豬扒，由於係等位期間已經落單，所以好快有食物上枱。黃鱔應該其他地方好少有，所以要試吓，佢係黃鱔夾住豬皮一齊，黃鱔都爽口。不過整體感覺係味道普普通通，可能習慣米線可以有辣度揀，而尼度冇，所以湯底偏酸，辣椒油又有啲益味，唔係好啱我口味，試過就算。…Read More

唔知食咩既時候、朋友又要分開唔同時段到，最好選擇就係打邊爐。上次食過一次，之後想再食訂唔到位，今次早兩個星期就訂定先。火鍋湯底叫咗豬骨湯加刺身象拔蚌，套餐嚟嘅，抵呀！湯底好足料，豬骨都好多舊👍🏻叫左魚頭、脆腩、手切牛肉、筒蠔、炸響鈴、叫咗份三文魚刺身，有哂攞盆，不過不失。食物全部大大份，抵食。牛肉有咬口、有牛味脆腩好新鮮。炸響鈴好大份，又唔會成口油，推介。全場爆滿，不過啲服務姐姐都好好態度，真心讚👍🏻絕對可以再食過。…Read More

去深水埗一定要扮文青，去cafe 又想有野食，一於去小房子試試。叫咗份日本飯團跟北寄貝沙律（魚乾）、及抹茶蕨餅，飯團幾好味，大小適中，不過如果待應生比兩隻小碟我同朋友會好啲🙃。魚乾都好好食，又唔太乾身，蕨餅有少少甜，一般。另外叫咗雪山多士，焗既時候已經好香，多士拎出嚟重有少少脆，上面有好多cream,有雪糕，藍莓、士多啤梨，香口，唔錯。我哋分別叫咗杯梅子梳打及青檸薄河薑，係咁熱嘅日子，爽，正。又可以扮文青、又可以試新嘢，都係一個唔錯嘅地步。…Read More

灣仔要搵有鑊氣粉麵，一定會去德如。當日叫咗個家鄉炒飯，保持水準、飯唔會太濕、足料、惹味，正。干炒肉片河，味道剛剛好、唔太油、好味。配番杯凍檸茶，午餐鬆一鬆，懷舊一番，隔段時間又要再嚟。☺️…Read More

朋友推介去尼度食，我地一行7人，要隔板分開坐，慶祝生日飯。7:30 去到，現場見仲有一、兩枱客，全晚都好似有4、5枱客。由於個別朋友要遲啲先到，我地決定邊食邊等。鮑汁鳳爪、嘢味、淋身、好食。麻辣手撕雞、正正常常。酸菜魚、好大份量，有薯粉係底，有酸味、辣味差少少。椒鹽豆腐、口感不錯茄子太咸。😕東坡肉都幾好味，又唔感肥，瘦既地方都唔嚡口，個汁甜甜地咁。荷葉鷄蒸飯，清清地，都唔錯。炒芥蘭，太淋，不好吃😕食物大致上都不錯，環境舒服，靜靜咁。不過啲服務態度就非常失望，我地因為有朋友遲嚟，所以我哋要求有部份食物9點先上菜，服務員立即面色一沉、語氣好差咁回應、9點？😟當我哋發覺漏咗冇嚟個傷心酸辣粉，問服務員時，服務員回應你哋冇叫，講完。😌總之去到9點後完全有趕客feel,係咪疫情下收10點，如果客人早走，服務員就可以早收工？一個高級嘅餐廳點解有咁嘅表現？真失望😞…Read More

好食既地方，一定要介紹比朋友，gogogo今次一行五人，我哋決定慢慢吹吹水，慢慢食，所以每次叫三兩個餸。叫左鮑汁豬皮鳯瓜，靚女老闆娘解釋咗，見唔到啲豬皮係因為已經煮溶咗，所以食既時候就感受到啲gel 口😆網炸春卷，乾爽、唔覺油。小炒皇，多料、大碟、惹味，好送酒。乾煎花竹蝦、好好味、好香口，連殻都脆😋筍殼魚、大大條、香口、唔過火，正。…Read More

之前净係食晚飯，疫情下都好耐冇幫襯，今日好想食日本野，下午3點去試試。入到去見有8成入座，都好多人食。剛好有卡位，舒舒服服，正。坐低見有下午茶餐，4x-5x 包飲品，試吓先。叫咗個魚生飯，大大隻牡丹蝦、絕不欺場、兩件三文魚腩，好肥美、再有兩件墨魚、蟹籽、蟹柳、玉子，值回票價，正。炸雞湯拉麵，有5嚿鷄，粟米、紫菜，麵嘅份量都唔少，合理。杯即冲咖啡都唔錯，有咖啡味、好正常，反而係叫咗兩件三文魚壽司就一般般，偏瘦。大致上都唔錯，下午茶又多一個地方可以揀。😆…Read More

中午去食齋，淨化下自己😆三人同行，叫咗個個金菇如意餃，最清新，好味。蘿蔔糕，偏甜，不喜歡。鼓油皇炒麵，偏油、麻麻甘香扎碲，冇味道。香麻羊肚耳青瓜花苗，一啲都唔麻、其實都係冇味。可能係食齋嘅地方，味道要清淡啲？😆😆最後試左一個叫欒樨餅，外皮好似一種特別嘅草藥，內裡係紅豆，唔太甜，好特別，不過唔算好食🤣總管食物一般般，不過環境一定唔會輸，好舒服、好有特色。…Read More