angieterry's Profile

今晚同朋友一行三人嚟到「一鍋堂」，呢間分店第一次嚟，環境唔錯喎！座位舒適，職員有禮貌，就夠鐘會有溫柔提醒，好滿意呀～食物，多選擇、整齊、衛生，飲品有有汽亦有無汽選擇，多元化。…Read More

女友人今日約去旺角食晏，唔洗諗，去「雙魚座咖啡室」，朋友嚟過，推介我食海南雞餐，加配要杯latte ，完美嘅一餐。海南雞都不錯。南瓜湯好味｜環境好啱打卡。職員男男女女都好有禮貌，好喜歡。…Read More

廣田邨，人口老化邨，加上疫情，連連鎖快餐店「大家樂」都做唔住晚市，廣田邨晚市只有「牛奶冰室」和一間無水準嘅酒樓。漸漸，早午晚餐，已轉移到光顧「牛奶冰室」；條邨嚟講算獨市，但職員依然有禮，食物無馬虎，我一星期幫襯咗3次，3次體驗都不錯。…Read More

今日出開佐敦，見有少少時間，急腳行去澳洲牛奶公司，我一個人，唔使等位，直入，兩個以上要等位。坐抵，急口令咁叫茶餐：炒蛋多士叉燒通粉。職員接住講，餐飲轉頭叫。人和食物一樣無變，喜歡～…Read More

今晚約了姊姊弟弟一起來這家酒家聚餐，環境很熱鬧，服務很不錯，食物彼佳，第一次光顧，有驚喜，有缽仔焗魚腸，這菜式已不多店家有，要好好珍惜，另一出色是菜膽南北杏豬肺湯。…Read More

同好友慶生，約到這家「Staro」聚聚，一入門口已很有cyber 感，星空環境很不錯，最最最要稱讚是職員非常細心，當我地拍攝食物照時，竟貼心地遞上燈條，還教怎樣放才有好效果；不一會，又窩心地建議我地掉另一雅座，太好了，掉到這位置，拍到更美的照片，好讓我們留念，多謝晒～…Read More

約了好友聚聚，選了新都城「小魚鴨子」，因2月14日情人節當晚，該店衆多食客等候，吸引了我想一嘗滋味！今晚點了「水煮魚」「油泡田雞」「蒜泥白肉」，「水煮魚」合格，扣分在有魚骨和魚鱗，一後外出的是一片片魚肉，而這家店是原條魚上。「油泡田雞」失望，因不像油泡，是油浸，多湯汁，過咸；「蒜泥白肉」正常，沒有再可具體說明。…Read More

掛住好耐嘅焗羊扒餐，依然咁好味，配菜沙律、焗蒜、薯條，樣樣都好好味，再配甜品焦糖燉蛋，加一杯凍奶茶，完美嘅一餐，真心推介呢間用心嘅小店，女職員又非常有禮，招呼周到，誠意介紹｜…Read More

母親大人94歲生辰，因不良於行，又子女衆多，選擇到會，商量後選了「到會谷」，訂單前已看過食評，38笑😊1苦笑☹️，評論不錯，便試一試，訂單、聯繫、送餐、賣相，全都合格以上，但一家人唯一不滿意是食品不夠味，蝦多士太多太多油。（我估是做法出錯）希望貴商店改善。…Read More

叫咗兩款二人餐，全部都好好味！賣相好靚好靚好吸引眼球，環境一踏入已好似置身童話世界。沙律，唔係一般嘅沙律，一份配話梅粉，好開胃、醒神、好味！嗰個燒焦過嘅菠蘿極夾。飲品，好飲之餘色彩繽紛，好搶眼。主菜，精緻，份量足，色香味齊。甜品，做形棧鬼、有趣。完成晚餐後，去餐廳影相，職員勁細心，會叫我地去呢度影，去果度影，教埋企位添，無得頂嘅體會。用餐時間都唔短，有120分鐘。價錢尚算可接受。好開心，脫離現實兩小時。…Read More

約咗12:30門口等埋朋友一齊入去，隊暫時無人排，齊人，職員帶領入座，呢位職員好有禮貌，值得一讚。我地坐吧枱位，清楚睇到廚師煮麵過程，因為真係好衛生，所以透明度咁高俾客人睇。麵送到，賣相得，味道掂，會再幫襯，多謝多謝～…Read More

好少去黃大仙中心，去open rice 搵食肆，見到呢間，睇到海南雞飯張相好吸引，一於約朋友去食。職員有禮帶入座位，之後落單，我叫咗個「亞金龍鳳配$75，海鮮叻沙＋皇牌招牌海南雞飯叻沙湯底超濃椰奶味，但點大辣，唔夠辣。海南雞飯 雞滑飯香甜品係黑白配（紅豆芋圓豆腐花，甜度恰當）飲品 凍咖啡 （好飲喎，唔係間間食肆啲咖啡好飲架）…Read More

其實要好有愛，好有心至有動力寫食評，因為無任何利息、好處，又要最少寫80字，問過好多朋友都話要寫太多字，無心機寫。今次好想寫出嚟俾開飯fans 知，今次去呢家「姚姚酸菜魚」嘅實況。我地一行三人，點好餐，見未有得食，難得一聚（兩年半係見），隨便叫一位白恤衫戴眼鏡女侍應幫手影相，女職員聽到我地要求後，佢停咗兩秒，之後講：「我好忙架！叫第個幫你地啦！」吓！我地反應唔切，佢已轉身走，係嘅，唔係一定要幫忙影，但真係第一次遇到咁情況，我地後尾自拍，繼續等野食；後尾陸陸續續有野食，食下傾下，到某時間，食肆最高級男職員行嚟，講：「唔該，夠鐘埋單啦！」我地三人都呆一呆，問：「我地仲要叫甜品喎」最高級男職員：「入座90分鐘，你地夠鐘路喎！無得叫路喎！」朋友話：「我地唔知入座計90分鐘要交枱！？！？無人同我地講喎！」最高級男職員：「門口貼咗張紙，寫住咗。」朋友講：「真係唔知，同埋帶位時無職員提過。」（我地經open rice 訂位，都怕睇漏，再入個app 望清楚，真係無寫90分鐘要交枱。）最高級男職員見我地咁講，佢好勉為其難俾我地落埋個甜品。甜品到，我地未食晒都急急腳走。（因為個位最高級男職員成日望住我地張枱。）朋友埋單時，我係門口係見到張A4 size 嘅紙，係有寫入座90分鍾交枱。（我當時入座時，職員問我有無訂位，之後指我去邊張枱，我真係留意唔到果張貼係膝頭哥咁高嘅通告。）…Read More

今日24號平安夜，約咗三位好姊妹嚟High Tea，訂咗3:30，入坐職員已講明5:00要交枱，個半鐘都算急趕架；3:40已要求我地落單，再多幾分鐘又嚟問飲咩，再多十幾分鐘，職員又嚟，問last order有無野要落。四人，張枱細到呢，同二人枱一樣，搞到我地先交返4杯清水俾職員，之後要夾手夾腳攞晒野食到自己隻碟，快快交返個「雀籠」俾職員，張枱至叫做啱啱好（可睇相）…Read More

回港第一餐飲茶，環境不錯，地方乾淨、闊落，食品不錯，手機落單勁方便，出點心快，點心姐姐很有禮貌，其次職員都不錯。今次叫嘅點心，樣樣都不錯，唯獨芝麻卷太甜無芝麻香味，有待改善。…Read More