annielittlefish's Profile

雖然係平安夜前夕，都唔算難book枱，也許是餐廳尚算新開。(這鋪開業不足一個月)慶幸的是，在平安夜前夕，也不用吃那些set好了的「聖誕大餐」，可以散叫實在太開心。之前也試過這餐廳，但到這鋪卻是第一次。地方比廟街那間更闊敞，可容納更多食客，而且枱也不算擠迫，感覺好舒服。很適合情侶或好友傾談聚會。食物方面：1.必食之選：焗法式田螺釀磨菇配薯茸2.扒雞扒凱撒沙律—雞扒意想不到大大塊，而且好juicy。讚﹗3.辣汁蜆肉螺絲粉—辣味配螺絲粉好入味。4.龍蝦汁海鮮天使麵—濃濃o既龍蝦汁配上青口、帶子、魷魚圈、蝦及魚塊，天使麵吸收晒龍蝦汁o既味，好yummy﹗5.飲品：You are my Delight (士多卑梨奶昔)及 Morning star (菠蘿梳打特飲) 士多卑梨奶昔雖然普通，但每次也是必然之選。 菠蘿梳打特飲，味道恰好，不太甜，而且感覺好清新。服務也相當唔錯。可惜是餐牌上少了墨魚汁的意大利飯或意粉，有點失望，但老闆說大概半年會更新餐牌，而且平日set dinner也有機會有墨魚汁的項目，十分期待﹗…Read More

因為團購ge關係，諗住一試價值$148免加一的二人七道菜泰菜啦.....點知.....係小妹食過咁多到團購之中，最差﹗最劣﹗最可惡的一間﹗一入到去心知不妙........煙霧彌漫(並不是油煙......而係.......)一直繼續行入去，星期五的晚上，人好似好多，有好多枱都係到飲緊酒，同吞雲吐霧.....雖則話係飛鏢泰式餐廳[其實係酒吧格局囉].......都無理由咁多人在放煙架....，污煙瘴氣......(「嚴禁吸煙」的牌如同虛設)本想搵個好d ge位置，礙於人太多，較入而又無咩煙味ge地方，俾人坐晒，唯有硬住頭皮咁坐左一個較寬敞的座位。好啦....皆因已經洗濕左個頭(俾左錢)，唯有落埋個護髮素(繼續食埋先走).....冬陰公兩客、泰式併盤、生菜包豬肉、 一客黃咖哩連飯、一客青咖哩連飯(豬、牛、羊任選)、泰式甜品及飲品兩杯。黃咖哩連飯可轉海南雞飯或泰式生蝦或蝦餅皮蛋。最後選了泰式生蝦。上菜ge次序勁差，又慢，上左咩都唔知，仲問返你轉頭幾次咁多....﹗可惡﹗上菜ge次序勁差：飲品-->青咖哩牛連飯-->泰式生蝦-->生菜包豬肉-->冬陰公-->泰式併盤-->甜品青咖哩牛連飯：一兜水NEL NEL ge青咖哩加數片牛肉、一兜仔白飯....少得可憐......(已經擔心d份量不夠2人量)泰式生蝦：得果4隻，少﹗旁邊有兜辣汁。一睇就知d生蝦根本唔辣，如果唔係都唔使整兜辣汁黎。生菜包豬肉：一般。冬陰公：一樣係水NEL NEL，差﹗幾舊草菇加隻蝦，味道差過一般，所以食晒d餸，飲左幾啖，就算啦。泰式併盤：可以話係最好ga la...春卷、豬頸肉、蝦餅、雞翼。蝦餅炸得唔夠金黃、又唔脆。春卷、豬頸肉還可以，最好食算係雞翼ga la.......甜品：一杯細細杯ge野，好似有d椰汁類ge液體浸住好多綠色不規則ge物體：原來係...d人係泰國買到果d綠色椰汁味三角錐體ge野....不難入口，但係都係食左一半就放棄。環境太惡劣，食物水準差，上菜勁慢.....本來想快快脆脆食完走人，都差不多食左成個鐘..........最後離開之後，決定盡一個好巿民同好食家ge負責：留一個食評﹗…Read More