SilChu的個人專頁

今日係中秋節翌日🌕 喺參見活化後嘅中環街市之前，當然要搵間特色Cafe打下卡🎯🥑Everything Toast 先講賣相，淨係朵牛油果玫瑰我都過去啦花花已經夠吸引🙈塗上一層牛油嘅多士非常香脆！牛油果花上邊加左一啲堅果粒作為點綴，令到味覺嘅層次更加昇華👍🏽 ☕️Rose Latte 咖啡上邊除咗有拉花之外仲有玫瑰嘅碎碎，而且咖啡嘅酸度啱啱好😌 💚Smoothies (Super Green) 千祈唔好俾佢嘅綠色外表嚇親，入口係非常清新嘅感覺，絕對係一個小驚喜😊最大亮點係佢哋亦都有手工意大利雪糕，玫瑰花瓣造型嘅雪糕簡直係浪漫至極，有10隻口味啊🤩🤩 而我今次食嘅玫瑰味道，味道微甜，絕對係夏天嘅小確幸🌹最後大家仲可以喺旁邊嘅特色牆打卡😆😆店內嘅環境，都有唔少打卡位㗎❣️—————————— 食物質素：8/10 環境衛生：8/10 舒適度：6/10 服務：7/10 性價比：7.5/10 總評分：7.3/10 ——————————#foodblogger #foodlover #foodie #hkfoodie #相機食先 #中環…查看更多

相信唔少喺本港大學食過飯嘅朋友都知道，大學嘅餐廳價錢雖然比出邊便宜但係質素就未必會咁好！最近喺社交平台見到呢間餐廳告急，於是乎就趁女朋友生日嘅時候book咗來支持下！由於適逢係母親節所以餐廳都安排了Set Menu供客人選擇😀 其實本來我係比威靈頓牛吸引左，點不知我傻仔左唔知道要提早預約🤡。所以最終同女朋友嘅生日餐就變咗母親節套餐👩🏻‍🤝‍👨🏼 😂咁當晚就點左價值$698嘅中檔次套餐：套餐已經包括兩個前菜、兩份餐湯、兩個main courses、以及兩杯飲品！一般而言食西餐之前都會有麵包提供，而bistro bon嘅是蜜餞提子包同埋法包，送上嚟嘅時候係暖粒粒的😂餐湯分別有兩款：分別係蘑菇湯以及南瓜湯！呢兩個餐湯都有擺盤，蘑菇切成顆粒，南瓜味亦非常濃郁！而且仲有少少蟹肉㗎！到咗前菜：分別係巴拿馬火腿凱撒沙律以及櫻桃黑醋配鵝肝！其實真係越嚟越有fine dining嘅感覺！過多一陣main courses都上了：首先出場嘅係煎帶子意大利飯😆 帶子只係輕輕地煎所以鮮味仍然保存！唯一要彈嘅就係飯嘅口感都仲係比較硬，如果可以煮多分半鐘就非常之好🥺🤭接著出場嘅就係戴安牛拼龍蝦尾配薯蓉🤩 其實當下送上嚟嘅時候已經嘩一聲😎 真心覺得呢一個價錢會想呢一個份量同埋質素嘅美食絕對係值回票價！食戴安牛嘅時候一定要伴以薯蓉，味道就非常之出！不過少少彈就是龍蝦有少少霉😖 但係整體都是非常高質素！最後就係甜品😊伯爵茶意式奶凍係非常之動L㗎👻 同埋好香嘅茶味混合埋之後我覺得有啲似飲緊港式奶茶😹雖然臨到尾已經食到飽飽，但係我就非常之欣賞呢一個甜品。—————————— 食物質素：8/10 環境衛生：9/10 舒適度：9/10 服務：9/10 性價比：9/10 總評分：8.8/10 ——————————#foodblogger #foodlover #foodie #hkfoodie #相機食先 #九龍塘…查看更多

九龍灣不嬲都唔算係美食集中地，不過自從有幾間話題黃店進駐之後，每逢放飯時間人龍一定係不絕！時代冰室嘅裝修用上了懷舊嘅感覺，到處都見到有唔少陳年電影嘅海報同埋燈牌等等。一打開餐牌其實都有啲驚喜㗎！完全唔似一般嘅茶餐廳，入邊嘅種類選擇非常之多，而且菜式比較貼近時下香港人嘅口味整體來講我覺得佢嘅味道好特別，就算係一個你覺得好普通嘅碟頭飯，但係佢嘅配搭同埋醬汁都係出邊茶餐廳食唔到嘅😂最後提提大家，全部份量都很大碟，就算係男士們食完都非常之頂肚，同區黃店又有多一個選擇！—————————— 食物質素：8.5/10 環境衛生：8/10 舒適度：8/10 服務：8/10 性價比：8.510 總評分：8.210 ——————————#foodblogger #foodlover #foodie #hkfoodie #相機食先 #九龍灣…查看更多

餐廳喺兩層高cafe，店面圓拱型設計下門口貼滿了一道一道的文宣，在反修例活動中一直身體力行！餐廳裏面以青花瓷為主題，主打港式Fusion菜、咖啡同bagel，大家經過旺角，喺太子站大概行10分鐘左右就會到達良心小店。呢間Cafe裝飾擺設富有中國傳統風味，店內掛了青花瓷磚牆，廚具全用青花瓷碟。由於武漢肺炎肆虐，除咗要測量體溫同埋消毒雙手之外，餐廳亦安裝左間隔版分隔客人，令到顧客食得安心👍🏽 （板上亦都寫滿左好多同路人嘅字句同插畫）今日叫咗兩個set，都係配有餐湯以及$40或以下嘅飲品一杯（超過$40就補差價）⭐️南瓜蓉忌廉湯味道香濃好重南瓜味，而且亦都有洋蔥粒粒，餐前飲一碗非常之醒胃⭐️台式黑椒一口和牛炒扁意大利麵成個感覺就好似平時喺茶餐廳食開嘅高階版嘅「黑椒牛柳絲炒意粉」。由於用上和牛關係所以肉質都比較鬆化，但我就覺得有啲似牛腩嘅口感🥺唯一要挑剔嘅就係油份偏多🥶⭐️日式刺身級帶子忌廉香草醬意大利飯最近我都愛上綠色嘅食物，香草醬再加忌廉令成碟飯嘅味道更加鮮明，帶子只是輕輕的煎過，令到本來嘅鮮味能夠鎖住！⭐️荔都幾夠薑荔枝加薑都係一個幾特別嘅味覺衝擊，大家可以一試⭐️喝不到的山楂是酸的由於本人比較鍾意飲酸甜嘅飲品，我就覺得呢一杯嘅味道就比較淡本來仲想試吓佢嘅甜品，係之前其他嘅食評見到佢哋嘅甜品非常之精緻！不過食得太飽嘅關係唯有下次再嚟食過🙈🙈🥺—————————— 食物質素：8/10 環境衛生：9/10 舒適度：9/10 服務：9.5/10 性價比：8.5/10 總評分：8.8/10 ——————————#foodblogger #foodlover #foodie #hkfoodie #相機食先 #太子…查看更多

平日嘅旺角女人街，喺排檔兩側其實隱藏左好多餐廳，今次就去咗一間主打手工意粉同埋薄餅嘅餐廳！全店嘅裝修非常之簡約，有任何花巧，只用上灰白兩隻色。而家疫情嚴峻，喺進入餐廳之前店員亦細心謹慎地為顧客量度體溫以及提供酒精搓手液消毒。⭐️忌廉汁鳳尾虎蝦配手製闊麵（免費配水果冰茶或冷泡玄米茶）闊面蛋味非常之濃郁，而且口感煙韌，食得出係經過多番嘅手搓過程。另外忌廉醬汁creamy，令本身有粗鞋感嘅闊面增添幾分滑溜！☺️ 用菠菜配搭亦平衡了忌廉醬汁，成件事令到味道實在而不帶花巧。⭐️自家製醃肉、菠菜及車打芝士手作薄餅（免費配水果冰茶或冷泡玄米茶）薄餅香脆可口，內裡煙韌，芝士嘅味道溫和，而醃肉非常之香口！🤓食完兩個主菜都仲有啲唔夠喉，所以再睇睇餐牌，仲有幾款甜品精選😛⭐️焦糖脆脆蛋糕 以海綿蛋糕做底，外層抹上一道細滑輕盈忌廉，焦糖脆餅是即時製作，甜味細緻不膩，香脆不痴牙！幾十蚊嘅價錢食到如此質素和份量，性價比非常高。⭐️水果冰茶夏日炎炎非常之解渴！而且甜度適中👍🏽最後提提大家，店舖只收現金😜—————————— 食物質素：9/10 環境衛生：9/10 舒適度：9/10 服務：9/10 性價比：9/10 總評分：9/10 ——————————#foodblogger #foodlover #foodie #hkfoodie #相機食先 #旺角…查看更多

以往嘅大埔東昌街，都係以租單車同埋食魚蛋粉而聞名。就係早幾個月呢條街悄悄地開咗一間黃店！呢度平時日頭經過人流並唔算太多，但係一入夜餐廳嘅人流就車水馬龍！好在事前有訂台，一入餐廳店員就細心幫你量度體溫以及提供洗手液搓手。餐廳裏邊播着輕快嘅音樂，另外亦以工業風為主題，牆上亦設有連儂牆以及多幅同路人深刻難忘嘅掛畫！餐廳提供多款嘅菜式，而今晚我就點了一個意大利飯同埋豬肩肉⭐️香煎西班牙伊比利亞豬肩肉豬肩肉煎煮嘅時間適中，切開之後亦見到肉質同埋油脂嘅分布平均；配菜以牛油搓成嘅薯蓉加上清炒嘅菇鮮蔬。如果嫌肥膩嘅話就一定要點一點酸味味嘅香菜中和油膩感⭐️香煎帶子菠菜意大利飯佢出邊餐廳都比較少食菠菜配搭意大利飯，第一次嘅嘗試我覺得菠菜嘅味道融入左意大利飯嘅感覺！意大利飯嘅咬口啱啱好，而且煮食嘅帶子口感亦都非常之一流，成件事喺好夾！🍹日月潭紅玉個人認為並唔係太有自然蜂蜜以及水蜜桃香，但係都感受到啤酒麥芽嘅清香！⭐️清甜的水另外，餐廳嘅衛生功夫亦做得非常之足！有晒膠板隔開座位！👍🏽亦都要提提大家，暫時餐廳並未接受信用卡結帳，記得帶定現金🤓—————————— 食物質素：9/10 環境衛生：9/10 舒適度：9/10 服務：9/10 性價比：9/10 總評分：9/10 ——————————#foodblogger #foodlover #foodie #hkfoodie #相機食先 #大埔…查看更多

旺角既火鍋放題多不勝數但係要火鍋+刺身+海鮮任食，又要唔貴真係幾難😎前幾日係op訂左呢間八幡屋日式火鍋放題試試每位$268 已經有齊火鍋+刺身+海鮮無鬼鼠收費位，$268 加一🔹12款刺身🔹7款海鮮🔹10款湯底無記錯係無時間限制添 可以坐幾耐都ok🥳好岩成班人gathering 吹水吹幾耐都得呢度點餐全部都可以用ipad，就算係加湯、想要多隻碗，都可以禁一禁個ipad就搞店🙈好快捷又唔怕會漏單🤪一坐低服務員會先幫你order 一round 既食物，隨後再慢慢自己點餐😆👍🏻刺身👍🏻海鮮（火鍋用）👍🏻肥牛👍🏻調味bar👍🏻熟食區都分左幾個areas🔹中式小菜🔹炸物🔹壽司🔹甜品🔹湯重點要食雪條，有懷舊既黑牛雪條&韓國既蜜瓜味雪條🍈👍🏻飲品總共有兩個大雪櫃，仲有任飲嘅啤酒呢個價錢真係抵到爛埋單每人大概$294，呢個價錢配這質素我覺得非常之合理😜—————————— 食物質素：7/10 環境衛生：7/10 舒適度：7/10 服務：8/10 性價比：8/10 總評分：7.4/10 ——————————…查看更多

今日同屋企人食飯饑落亭前身係聞名既陳根記 細細個已經有幫襯開🤡搬咗過嚟之後都係第一次食而家嘅大排檔都好多元化新潮d既酸菜魚、石頭鍋飯，到傳統既糯米飯煲仔飯都一應俱全🤤而且價錢仍然好抵食，又有冷氣電視睇，好過食酒樓👍🏻每張枱食夠$320仲可以加一蚊一隻乳鴿🥳👍🏻酸菜魚最緊要係乜嘢？當然就係酸菜啦呢度用既酸菜我認為係偏辣，一般酸，後勁係帶點甜，幾喜歡💓魚肉新鮮，份量多，係厚身果種魚塊👍🏻琵琶豆腐呢d家常菜 易學難精 所以專登點左 果然係外脆內嫰 醬汁係帶甜👍🏻黃沙蛽份量足 無沙 新鮮用檸檬調味 酸酸地引出海鮮味道👍🏻記得要點旁邊既蝦醬一開始食 覺得碟餸正常味道啦一點蝦醬 成個鮮味都出哂黎 驚喜地好食用黎點蔬菜定海鮮都好惹味👍🏻石鍋飯選擇好多 超過15款上檯果時咋咋聲 熱氣十足見好多街坊2個人食一鍋，加碟菜咁真係抵過你自己屋企煮飯🤣😇甜品楊枝甘露，花奶既比重好高淨係食到奶味，偏甜，唔岩我口味埋單每人大概$100，呢個價錢配這質素我覺得非常之合理😜—————————— 食物質素：7/10 環境衛生：7/10 舒適度：7/10 服務：8/10 性價比：8/10 總評分：7.4/10 ——————————…查看更多

平時行尖沙咀The One見到一間泰菜都係大排長龍，今次就一於去試一試！大概排左15分鐘就能安排入座。打開餐牌其實發現每樣野嘅款式價錢都唔算話特別貴（尤其係尖沙咀大商場入邊）。我哋2個人就總數嗌左五樣嘢😗青咖喱軟殼蟹鍋配法包相信都係食肆近期推介之選，而家仲做緊推廣價！軟殼蟹係另上保持香脆，配菜有薯仔伴底都煎得香脆好好味😋青咖喱內配料都豐富，有茄子、大豆等。味道微辣，非常香口惹味！加埋法包真係不得了！😉豬肉生菜包生菜包不嬲都係基本泰菜，肉好juice，辣味都有返咁上下。把肉碎放上新鮮生菜，再夾埋fresh爆嘅青瓜同豆角，yummy😆泰式炒椰菜苗揀得菜苗，當然就係食佢嘅幼嫩啦🤨 泰式炒係微辣，食得出炒嘅時候加咗點酒，非常之香甜！泰式乾炒豬頸肉河豬頸肉同菜份量都多，反而河粉嘅量顯得唔係太多😂 但係整體嘅味道非常之香，炒出嚟火喉足！串燒（3串）喺出邊食泰式串燒好多時都會燒到又乾又韌，今次呢間有質素三樣嘢都保持juicy。兩個人叫五樣餸埋單$400，食到捧住個肚走，我覺得價錢同埋食物質素都非常之合理！—————————— 食物質素：8/10 環境衛生：7.5/10 舒適度：7/10 服務：8.5/10 性價比：7/10 總評分：7.6/10 ——————————…查看更多

尖沙咀金馬倫道開了一家主打川菜烤魚嘅餐廳，烤魚有多款口味選擇，如老壇酸菜、蒜香、泡椒、花膠蟲草等，配上新鮮烤魚，各位嗜辣愛好者不要錯過！烤魚種類有沙巴龍躉（$388）、比目魚柳（$368）、江團魚（$338）和海鱸魚（$298）。作為平食，就點了海鱸魚黃金蒜香豆花烤魚由於唔係太想食辣，所以就變咗蒜香味。來到嘅時候非常之香；先把香濃湯汁淋上魚身，再分魚，一口魚肉配一粒蒜頭，口感極強烈。不過要注意⚠️魚煮得太久，魚肉會黏底。配料方面因為係兩個人食，所以只係加了寬粉。桌上有宣傳，Like & Share 就可以得到串燒一份😻 好juicy！餐廳嘅服務態度非常之好，最後老闆仲送咗我哋一份燒菠蘿！一粒粒切好晒，而且仲非常之香甜☺️餐廳有好多打卡位！啱晒一班朋友嚟食飯😌食飽飽之餘價錢亦都唔係好貴！大概$180位都好合理 🤣—————————— 食物質素：8/10 環境衛生：7.5/10 舒適度：8/10 服務：8/10 性價比：7.5/10 總評分：7.8/10 ——————————#foodblogger #foodlover #foodie #hkfoodie #相機食先 #尖沙嘴…查看更多

小店有多款台式飲品、鮮果茶，以及手作芋圓，假日期間排隊人數不絕店舖亦表示，指定服飾顧客可享$5折扣小店在店舖設置連儂牆，比大家用Memo紙留言為香港打氣。🥤古早味珍珠鮮奶茶—————————— 食物質素：8/10 環境衛生：8/10 舒適度：N/A/10 服務：8/10 性價比：8/10 總評分：8/10 ——————————…查看更多

喺葵廣3樓「top世界」入面最近開咗一間雞蛋仔，我見佢有我最鍾意嘅茶味雞蛋仔（分別有原味、茉莉花茶味、烏龍茶以及伯爵茶口味），所以諗都唔使諗就決定幫襯！🏵茉莉花茶雞蛋仔即叫即做大概等左10分鐘左右，茉莉花茶味雞蛋仔茶香四溢，且比出邊食嘅雞蛋仔脆身，我甚至乎覺得比「媽咪雞蛋仔」更好食。$23嘅定位唔係最平但係可接受，希望小店可以keep住水準，留到更多客—————————— 食物質素：8/10 環境衛生：8/10 舒適度：N/A/10 服務：8/10 性價比：8/10 總評分：8/10 ——————————…查看更多

重慶大廈咖喱餐廳多，綜合網上同報章資訊，今晚就實測一下鼎鼎大名的「7E咖喱王」。喺𨋢口大堂已經大排長龍，起碼等左五轉𨋢先至上到去7樓，眼見好多手足見到人龍過剩，就選擇放棄。小弟一輪思緒掙扎過後，等左足足大半鐘頭有多，終於入席！廬山真貌一揭，餐廳裏充斥着香噴噴嘅印度薄餅以及咖喱香料味道，職員熱情有禮地招呼點菜。作為餓底，必然想懲罰一下貪婪嘅五臟廟。隨便點了「特色香料雞」、「咖喱牛腩」，以及「牛油薄餅」一客香氣撲鼻嘅餸菜大概15分鐘左右送上面前，當打算隨便撕開薄餅一角點上咖喱，發覺薄餅溫度不足之餘，薄餅手感亦都頗為堅硬；而特色香料雞以及咖喱牛腩的溫度亦不熱，像是放了很久着涼了的感覺。撇除溫度問題，香料雞以及咖喱牛腩嘅味道其實係非常之好味。但是薄餅就欠缺左牛油香味，好似普通薄餅一樣味道總括而言我覺得有點明大於實，價錢來講都會同出邊嘅印度菜差唔多。最後：不完美，可接受，不割！—————————— 食物質素：6/10 環境衛生：6.5/10 舒適度：6/10 服務：8/10 性價比：6.5/10 總評分：6.6/10 ——————————…查看更多

本地人氣漢堡包店，原身位於天后嘅Texas Burger都係數一數二，但最近係OpenRice見到天后店已經結業，仍然仲有一間落戶旺角朗豪坊！睇OpenRice介紹，佢地定時會推出唔同主題嘅漢堡包，而今次嘅主打就有磚塊形狀嘅cheese burger 🍔 最啱打卡📸🧱磚塊芝士漢堡打破一貫傳統，半圓拱形嘅麵包皮改以色彩斑斕嘅磚塊形狀，單純外觀就已經玩味十足！材料配以漢堡扒、車打芝士、肉香薰牛肉以及生菜，而Lego造型嘅麵包皮其實係烘過嘅多士，外脆內軟！🍔德州燒烤牛肉漢堡材料有漢堡扒、芝士、洋蔥圈以及燒烤醬，香烤過的麵包皮上亦塗上一層焦糖，而我哋再另加了$56的combo set，包含薯條、酸瓜和黑牛！🌽 烤焗芝士粟米脆片熱辣辣嘅鐵板，令到芝士能夠完美地熔化喺粟米脆片之上，配合洋蔥粒蕃茄粒同牛油果醬嘅topping，非常之Fresh同醒胃🍌黑朱古力香蕉夾餅由於熱食嘅關係所以香蕉嘅味道來得更加濃烈，夾餅內層亦有榛子醬同埋香蕉粒，再加上少許苦澀嘅黑朱古力，味道非常之難忘🥤牛奶雪糕可樂黑牛一向係香港人嘅童年回憶，面頭嘅雪糕牛奶味非常之香濃！買單平均每個人$200左右，整體來講我覺得份量同埋質素都唔錯，都幾值得大家去試一試—————————— 食物質素：8/10 環境衛生：7.5/10 舒適度：6/10 服務：6.5/10 性價比：7.5/10 總評分：7.1/10 ——————————…查看更多

最近受到網民大熱推介，曾經收咗工諗住去食點知七點左右已經售罄，今日星期六終於可以試一試！麵家門面非常開揚，有啲似日本地道屋台，有一排單人吧台，大概容納到十個人；旁邊亦有兩張四人枱可以坐。麵店雖少，但係排隊嘅人龍絡繹不絕。👬👫👭麵款方面，除了4款沾麵之外，還有4款拉麵。大家可自決要蔥或荀與否！也可以自決麵條的軟硬度！拉麵沾麵每碗價錢由六十多元到七十多，以香港拉麵店來講價錢的確親民🤘🏽沾麵配以日式叉燒兩片和半隻蛋。若細心看，麵條亦帶了一點顆粒魚介豚骨沾麵沾汁份量都算幾多，上方加了一小堆魚介粉。湯頭看起來質地頗濃，但係掛麵嘅程度不太理想，因而每一口麵吃起來感覺上較淡！濃香櫻花蝦沾麵櫻花蝦的份量非常重手，上枱嘅時候亦都有一陣濃烈嘅蝦香。可是湯頭都係感覺上稀，而櫻花蝦的味道都將豚骨味遮蓋了。買單之後，麵家就俾咗一張印仔卡👇🏽—————————— 食物質素：8/10 環境衛生：6.5/10 舒適度：6/10 服務：7/10 性價比：7.5/10 總評分：7/10 ——————————#foodblogger #foodlover #foodie #hkfoodie #相機食先 #牛頭角…查看更多