rockypoon's Profile

本身就唔會去 大家咩或咩心的快餐店，我來可以叫由一個信念開始。入到嚟座位唔多，也不是特別闊落。叫了all day breakfast 和豚肉漢堡兩人食。豚肉漢堡醬汁足夠到滴出來，味道都恰如其分。All day 以為都係間間差唔多咁，反而一上檯就被蒜蓉多士的色香味吸引，唔係其他鋪淋淋的，也不是其他鋪搽多多蒜蓉醬交功課，反而佢焗到多士金黃，蒜蓉味道正反兩面都有味道，呢種感覺才令人回味，份量唔係太大碟但85蚊算係咁。午餐包咗的餐飲唔多，不過可以加12蚊嗌其他飲品。…Read More

因為朋友要早上找個地方傾下野，去到新城市廣場好多鋪頭都未開門營業，焗住要去呢間啦野坐啦。但真係把鬼火，食物已經不是便宜，仲要入到去無人招呼的，大家都是美心集團，不如直接去快餐自己招呼自己，杯啡都唔好飲，真係明白香港飲食就是給呢d垃圾集團搞到變晒低檔東西。…Read More

自從換了腦細後，成間餐廳裝修佈置都唔同晒，熱飲凍飲叫待應走膠匙羹都照攞上來。食物都係平時茶記水準啦。不過最驚喜是呢度長期播住鳳凰衛視，可以係呢度掌握祖國資訊，我覺得呢度的變化真是180度變化，太神奇了。…Read More

好似今年第一次來power burger, 因為地點太子同深水埗站中間，唔係成日路過所以沒常幫襯。呢度的漢堡好juicy, 今次都仲keep到，不過今次食覺得汁比之前濃味咗，稍稍蓋過肉汁的感覺。最最重要，呢度的包攞上手是熱的。…Read More

遲了幾天寫食評，但印象仍如昨天一樣。來了點一客all day breakfast, 這裡地方雖小，卻感覺甚麼都好似大一點，上菜時就看到大大的磨菇，真的很好吃啊，還有杯latte 拉花不俗，已經想return一次又一次了。…Read More

在open rice search 元朗國，在fb search 也找不到，以為自己記錯這家特色的西餐廳。入到去同店員搭訕“我搵元朗國找不到此店“，今後要記住叫Next station了。這裡店裝潢很有元朗味，菜式名也很有心思，如果朗屏西鐵站附近的餐廳，這是一個很好的選擇。…Read More

就算我不是鏡錯粉，也要推介此店。首先看到佈局就知是香港人的鋪頭。裡面十分清潔，也不擠迫感覺。話明叫餃子店，我入去當然會點餃子，另外再加一個撈麵和手工樽裝奶茶，合共112元。其實是我叫得多，而非這裡價錢貴。講回食物，麻辣雞卷不是處處有得吃，我本嘗試心態去試，不錯的。至於黑椒芝士牛肉煎餃，上菜時間耐，應該是即點點煎，上檯十分香，好食！這裡用qr code 點菜的，我今次第一次來大鄉里添。唯一不足它即使堂食使用即棄餐具，我扣少少印象分。…Read More

去ssp都係諗住食基隆呀茶記果d啦，走到黃竹街見到有間試業鋪頭有9折，咪鍾入去睇下食咩囉，店名無改錯，同香港一樣咁清一色的賣漢堡包（都有賣薯條的小食）。咁我本身都喜歡食漢堡包的，由其好似葵涌果間如果我路過必定會罰一罰佢，今次入去間野都掂，128蚊一個幾層漢堡有咪芝士加埋可樂，價錢如果以ssp計可能稍貴，但個麵包皮真係贏架wor, 好fresh有熱度唔淋果隻。間鋪座位太少，眼見十多個位左右，有樣幾得意的idea發現到，佢地店員同客人之間的傾談變得都幾多，但佢地見我入來係咁講電話就識做唔太so我。唔...呢一種人情味絕對唔係去d 大型漢堡包店可以攞到的感覺！…Read More

雖然在殯儀工作，每日都出入紅磡，但第一次來源都竟然是波友球聚後，由沙田曾大屋駕車而至這裡為求吃一個早餐。這裡在高山劇場斜對面，泊街都算容易搵位。地方唔大，好old school的感覺，特別是舊式的時鐘高高掛上。入返題先，沙嗲牛肉麵是誠意推介，因為非常足料，試想想平時茶記咪見沙嗲醬二匙羹左右就算，而這裡食食碗都是好濃的沙嗲味，值得一試！如果想食飽d, 可以加多隻蛋囉，蛋就無咩可以講，平時食的水準，唔會有太大分別吧～…Read More

本身居於元朗，發現有七成的餐廳都不是我想入去消費的，因此積極找其他的三成。走到大渠近馬田路圖書館，當時晚飯時間外面有幾人排隊，在餐廳內傳內的歌聲吸引我停步取票。坐下後，點了豬手、小食拼盤、12安士西冷、意粉餐湯等。豬手是一個講究的菜式，別家多數不能掌握肉軟皮脆，但這家做到了，可是芥辣汁太水太欺了。然而其他的菜式都有不俗水準，值得推薦。座位只有廿個左右的小店，但從店內店外看到他們多麽熱愛香港，那才是難能可貴。…Read More

一個人來大角咀搵食，來到角祥街一個唔起眼的門面，但有些驚喜。喜歡食辣的我，理論會叫它的麻辣東西，但我沒有，反而試特色山葵醬雞絲冷麵，無他，想試一些未吃過的東西吧。好快放到我抬，我馬上撈撈撈，味道真的不錯，麵條也彈牙，恰到好處。…Read More

踩單車買飯俾老婆食就成日都做，今晚唔打唔撞搵到呢間元朗雞扒飯堅正，雞扒同蓮藕餅都好有水準，有灣仔榮x一樣的水準，仲打算mark但重點外賣的鋪頭啦，點知7月30就玩完。第一次亦可能係最後一次。特別寫低留念…Read More

首先要教大家元朗站去唔好係H出口行去，正路經yoho mall2 鳳琴街一落就係。之後再提醒大家呢度無堂食，一定外賣自取架。我11月4日新居入伙班朋友嚟搵我，入元朗唔好問我有無養牛，但一定要問有咩盤菜ok。我住朗屏果邊，近近地有間萬字頭的盤菜，果間細盤菜都一樣760，眼睇好似大盤d，又有芋頭同好多肥腩肉,不過我都建議食呢間。無他贏咗係盤汁到，尤魚同魚蛋入味d。話就話細dd,但4男2女一齊食都食唔晒，多2個嚟就清得晒咁。…Read More

yoho mall2樓有好幾間餐廳，行到最入先到呢間，一睇門口知佢地新開努力搶客。但唔好以為新鋪d野唔得，我敢講平時食開譚仔8級辣的我，出面食其他香港川菜都無咩feel,呢間卻食到辣味，當然唔係辣到噴火，但起碼覺得佢尊重川菜個名先丫。辣味羊肉或牛都好香咁上檯，仲有隔離檯的水煮魚水煮牛，隻碗有咁大得咁大，下次來我一定要叫啦！位位有杯八寶茶，可以自己熱水沖，呢樣已經唔係間間川菜鋪做到。講明，我唔識呢度的人，絕非廣告。…Read More

以下內容及相片全部出於我手機，唔好屈我抄襲:人地來我新屋參觀，有4男2女食一個盤菜係食唔晒盤細size，多兩個人應該清到，所以整體嚟講預100蚊1食一餐啦。話說回頭，元朗美食一定要講盤菜啦，由於我住朗屏，本身近近地有間萬里x。果間同樣價錢大盤d有芋頭多d肥腩肉,但呢間d汁就濃d，而且有尤魚魚蛋等。如果我再選我都會選輝記。提下大家間野沒有堂食，同埋唔好理呢度寫h 出口行去，最好yoho mall 2 去鳳琴街橋落，否則行多好多路。…Read More