CalvinKwok0213's Profile

今日中午過左去食個大版燒，間小店人流其實唔多，我入去食時，老闆老闆娘會同我傾計，寒暄一下。我食咗個大阪燒加炒麵，麵身炒得比較乾而大版燒個質感做得好好，夜晚諗住番去再食多個點知佢已經冇晒菜。老闆娘就介紹我食個豚蛋燒，話好似pancake 咁，有啲豚肉片，豚蛋燒好煙靭加埋芝士仲好食。…Read More

話說晏就時間去左屯門比野朋友，比完野之後一個人就睇下有咩小店可以食，行去巴士站途中就見到呢一間牛蓋，佢鋪仔細細大約有20個座位，佢菜式係好多日式既飯揀，仲有啲泰國野，相信老闆係泰國人因為係收銀嗰度有唔少既泰國元素。我就叫左個牛肩胛蓋飯（$76），店家係menu上寫係慢煮既牛扒黎，但其實我係完全食唔出有d肉有慢煮出黎既感覺，但塊牛扒肉既質素係有既，只係烹調上既問題。係飯上面有少許既飯素都增添左一d日式元素同層次，係拎餐埋黎既時候店員極力推薦左一款醬料係佢哋自家製既蝦米辣椒醬，呢個醬真係極大程度比呢個飯拉回分數，呢個醬係好似飯素同醬之間既感覺，脆口得黎有小小油，我自己就唔食得辣既，但佢好香口撈飯好好食，我加左小小食完好過癮咁，食完又加，成餐飯就辣到一路R住頭一路食。整體我覺得食得辣既人真係要試下呢個醬，因為真係做得好出式，至於野食就一般水準冇乜出色位。…Read More

呢間新餐廳係西灣河都開左一段時間，因為正正係我屋企附近，我索性黎個長期測試，好老實講佢呢個價錢係西灣河一個飯賣成70幾80蚊絕對偏貴，不過見佢新鋪又就腳。南島既肉骨茶我前前後後食左十次左右，每一次d水準都唔係好平均，初頭食個湯好濃，油炸鬼都好脆，之後第三四次開始，由個湯既色已經好明顯淡左，油炸鬼都冇一開頭食咁脆，其中有一次個油飯有一忽勁鹹，不過我雖然講左咁多唔好既野，但我覺得香港黎講呢兜肉骨茶都算係中上。…Read More

個日大約下午七點鐘，去到慧食貓門口姐姐同我講仲有3分鐘截止落單，咁我同朋友就極速落咗單，原來落單係勁兒戲，就咁嗌應左你就係，姐姐同我講18分鐘後嚟攞餅，咁我行完之後，18分鐘之後返到去，其實佢根本唔記得我叫左咩餅甚至唔知道我有冇落過單，因為佢係最後攞餅嘅時候先俾錢，咁去到之後就繼續等，跟住個姐姐就會問你叫左咩餅，之後就即刻整俾你，我覺得都無可厚非，因為舖頭細只能夠容納兩個人，加上要買餅嘅客實在太多，根本就消化唔到。我見到兩個姐姐已經冇停手咁係咁做，所以大家都冇崔姐姐快啲整佢個餅，我覺得只係我第一次黎唔識落單規矩。火腿肉鬆雞蛋手抓餅 $26火腿雞蛋煙肉手抓餅 $27我同朋友叫咗呢兩個手抓餅，食落去個餅皮煎得好脆，加上佢餡料都多又有沙律醬，如果廿零蚊，食到咁多料又咁好食既手抓餅，真係完全冇投訴。我覺得暫時喺香港食過最好食嘅手抓餅就係呢一間。…Read More

個日同女朋友行過見到間新開拉麵，咁就行埋去門口睇吓啦，咁門口有個店員淨係問我地鐘唔鐘意食魚，我地就一個鐘意一個唔鐘意，店員就淨係話食魚呢個，唔食魚就嗰個啦，我係預期佢會同我介紹一下幾碗麵有咩分別，等我知道自己食緊咩，到佢上個麵個陣，我都唔知我地有冇掉轉到，食錯左大家個個。咁佢鋪頭入面有十零個位到，坐得都幾舒服既，裝修都幾靚，入去門口個刻，店員都有歡迎我哋既，咁佢有啲bar 檯位啦，就可以坐係師傅面前睇師傅整，咁呢個都算係席前料理，我留意左煮麵師傅係同bar 檯客人完全0交流，咁你做席前料理完全冇意思。之後煮完個麵，樓面拎過黎，放低時又冇講佢個個咩黎，直接放低就算，不過呢餐飯我最唔開心就係個樓面成日拎張紙巾抹地，抹完之後張紙放入圍裙個袋到，之後因為佢戴住手套，抹完之後又唔換手套，又唔消毒雙手，繼續拎餐比客。我覺得係呢個時勢衛生要加陪做好。個麵冇特別，唔覺好食，唔值咁貴。…Read More

呢一間私房菜已經唔係第一次食，我幾鍾意呢間野係會幫你諗埋食咩，只要訂台時同佢講幾多錢一個人、有咩唔食，出街食嘢最難諗就係諗食咩。餐廳面積唔大，問過店員最多只可以容納12位客人。所以如果想食就要訂檯啦，我今次同朋友就預早同餐廳講左預算600蚊一位。🥛🐥鮮奶花膠燉竹絲雞冇諗過鮮奶都可以做湯雞燉到D肉咬落去好軟，花膠又有咬口。🍽冰鎮南非活鮑魚鮑魚佢配左一個淡豉油，好小食凍鮑魚，個肉質好軟嫩同爽，出到黎個鮑魚一D都唔韌。我記得我上一次黎係有D煙係底，今次就冇左D煙，視覺效果冇咁好，不過一樣好食。🐟鮮魚湯浸野生海油班球呢個魚湯好鮮味，魚湯呈奶白色，班球好大舊啖啖肉。🐚牛油清酒新鮮扇貝佢呢個係燒扇貝，有輕微既酒香，扇貝燒既程度岩岩好，肉身見到好飽滿。🦐老香港茄汁蝦兩隻大蝦下面個底用炸米粉襯托，店員同我哋講呢個茄汁蝦唔係真係普通茄汁煮，而係師傅用好多種醬煮到似茄汁，係一個古老做法，我仲後生就未食過幾前既方法。當係體驗下🦞上湯焗原隻海花龍煎米底龍蝦夠大隻加上佢個料係用番佢個龍蝦膏去煮，所以個味道好濃，米粉底煎到好脆。…Read More

呢間車仔麵我可以話由細食到大，由佢廿年前係太安樓機鋪對面，做到入鋪再擴大間鋪，一直以黎都覺得幾好食，但而家個份量同埋食物既質素都有所下降，因為我每次叫都係食淨4餸，生菜底、鮮竹卷、蝦卷、咖哩齋，我其實覺得最好食都係呢幾樣，但其實呢到最開心係叫五香肉丁或者回鍋肉，雖然呢兩個餸個價錢係貴其他一賠，但佢地做法係成罐咁車落去，所以我覺得都貴得有道理，講番我碗麵，鮮竹卷呢個餸已經要加一蚊，但由以前兩條變到而家得番一條，食完個感覺好唔滿足，咖哩齋索汁既時間唔夠長入面都仲係白色，但個咖哩汁都一樣咁好味既，呢間車仔麵我個人覺得最好就係佢個清湯，起碼呢樣野仲keep到，因為出面食車仔麵個清湯根本都唔係清湯。…Read More