kwaic's Profile

一如以往, 都未行到入棟大廈就比重重包圍生意難做, 無黎一排, 比以前多左咁多人0係下面拉客既?! 成十個人圍住我地, 一人隊兩隻手出黎又遞卡又遞MENU, "新德里呀" "7E 呀" "3C"...... 正當我地處於非常混亂之際, 突然我右手邊有個印巴籍男子正義地幫我推開曬佢地, 並說: "等佢自己揀... 等佢自己揀"佢一邊叫我"自己揀", 一邊將佢手上既MENU 徐徐地放在我手上"呀?" 好野喎兄弟, 就去你呢間啦!平時我地食印度咖哩一般都會單點, 因為套餐通常D 咖哩都係普通咖哩無咁好食但係今次唔同, 今次呢喥既套餐係可以揀自己想要既咖哩於是我地兩個人就點左一個$198 二人餐餐湯 x 2PapadamVegetable SamosaChicken Tikka MasalaChicken Shahi KormaTandoori ChickenPlain NaanWhite RiceMango Lassi x 2淨係睇個List 都知非常之夠食Papadam: 呢喥d Papadam 面頭舖左少少青蔥同洋蔥, 賣相靚d 囉, 食落就係papadam 咁既味, 香香脆脆咁Vegetable Samosa咖哩角外皮幾厚, 不過幾鬆化, 包住既薯仔, 青豆等餡料食落好香佢雖然炸的, 但唔算好油膩, 楂上手食唔會成隻手指都係油味道比出面食開既辣, 但佢都唔算係辣Tandoori Chicken一隻雞脾, 一塊雞胸將本身烤熟左的香料雞, 放在鐵板上再燒熱, 伴以椰菜同洋蔥, 食既時候淋上檸檬汁雞肉唔鞋身, 食落有好細陣烤肉既焦味, 夾雜埋外層紅椒粉香料, 香就係好香, 不過本身雞肉既鮮味比香料蓋左, 但都係好味Chicken Tikka Masala呢味菜一向都係我地的至愛, 味道0岩0岩好, 蕃茄味香濃, 雞亦醃得好入味, 佢整得比出面食開既辣Chicken Shahi Korma白腰果咖哩雞不過不失, 甜甜地, 腰果味好香, 食落亦都係比出面食開既辣總括黎講, 呢喥既食物都唔錯, 味道0岩0岩好, 咖哩夠香, 烤既又夠惹味係比出面辣少少, 但佢都唔可以算係辣, 因為其實本身印度咖哩都唔係辣的呢個二人餐, 樣樣都有d 咁, 算幾抵食下…Read More

好耐無黎呢喥食野, 雖然呢喥服務唔係好好, 但係價錢大眾化, 而且食物水準OK, 年中久唔久都會黎呢喥食下飯今次一行六人黎食晚飯, 帶左條油斑同大隻瀨尿蝦黎加工, 總共5 個餸梅菜扣肉呢喥既梅菜扣肉一向都有水準, 今次亦唔例外扣肉忟得好入味, 夠曬稔, 吸收曬梅菜既咸味同甜味, 0岩0岩好唔會太咸用既五花腩肥瘦適中, 我食瘦肉, 親戚們就食D 肥肉個汁咸咸甜甜, 送飯好開胃油鹽水浸菜心落左薑絲同冬菜, 清清地唔錯菜心爽口翠綠, 可惜少左D, 數埋都唔知有無十條豉汁炒苦瓜苦瓜炒得太稔, 咬落無趙口而且結得曬無咩汁清蒸大油斑 (自來加工)條魚係自己帶黎, 呢喥既師傅真係識蒸魚!蒸到真係0岩0岩好熟, 咁大條魚, 蒸少分鐘都會生, 蒸多分鐘又會老會鞋呢條魚蒸得好滑, 出面好多酒店酒樓都無佢咁叻蒸得咁滑, 抵讚椒鹽瀨尿蝦 (自來加工)瀨尿蝦又係自己帶黎, 今次呢D 特登揀大隻長腳無膏的, 淨係食D 肉師傅整得唔錯, 好香蒜味, 蝦食落香口得黎唔會成口油咸味同蒜味調較得0岩0岩好, 食完亦唔會口渴搵水飲呢喥既廚師係唔錯既, 雖然唔係酒店級大師傅, 但以咁既街坊價黎講, 佢算係整得好食過好多酒樓餐廳嫁喇…Read More

三個人食晚飯, 點左一個二人餐, 另外再加多六串串燒雞肉骨茶雖說是"茶", 但肉骨茶是用中藥, 香料, 同埋雞肉熬出來的濃湯呢喥既雞肉骨茶係用盅上的, 一打開盅蓋, 濃郁既雞湯味撲鼻而來,足料炮製, 飲落好鮮甜, 輕輕吊住一陣中藥味令個湯更香醇, 但卻一D 都唔苦雞肉切件連皮連骨一齊煲, 雖然熬左咁耐但肉質卻仍然鬆軟, 肉骨相連有咬口印尼春卷春卷皮薄而脆, 饀料包到脹卜卜, 包住紅蘿蔔絲同粉絲, 點上酸酸辣辣的春卷醬汁食落有陣胡椒香, 香口開胃卻唔覺得好油膩加多加多Gado-Gado 是雜菜的意思, 用煮熟的椰菜, 豆卜, 豆角, 芽菜, 青瓜, 雞蛋, 加上印尼蝦片, 淋上花生醬汁, 拌勻就食得花生醬汁是整個菜的重點, 而呢喥的花生醬汁既花生味好濃好香朋友說很好食, 但我這個對花生沒有興趣的人來說應該都係牛趙牡丹巴東牛肉用的係牛腩肉, 忟得好稔好入味, 咬落好香好有嚼勁特別的醬料除左帶少許微辣之外仲有陣陣紅椒同類似豆豉咁的味道, 送飯一流可惜咁大隻碟成碟都係汁, 肉就得幾舊, 唔夠喉串燒牛肉雞肉牛肉硬左少少, 雞肉尚可醬汁同加多加多個汁一樣, 味道OK 無咩特別甜品西米露就係椰汁西米露咁既味呢喥既食物雖然整得好味, 但印尼菜本身並唔係我好鍾意的菜式食物都落好重油, 碟碟都泛曬油光而且只帶少許辣味, 有辣引卻不辣有點到喉唔到肺的感覺不過今餐朋友卻食得津津有味無可否認佢比其他印尼餐廳整得出色…Read More

太興真係愈做愈好燒味雙拼飯餐叉燒乳豬飯, 跟油菜一碟飲品一杯叉燒肥瘦適中, 雖然切到厚一厚, 但係咬落唔鞋唔韌表皮微黑但係唔窿, 好香好入味成舊食曬乳豬幾瘦, 層皮好香, 皮脆肉嫩, 自設工場燒乳豬果然係唔同D濃香咖哩牛腩飯餐, 跟飲品一杯呢個真係驚喜, 牛腩有筋有腩, 忟得夠曬入味夠曬稔, 大大舊入口都輕易咬得開完全唔韌咖哩汁有好香既椰汁味而且食落有好細陣微辣, 好開胃薯仔係用連皮煎香既薯塊, 因為煎香左外層薯仔皮, 所以食落香口亦有趙口好食過普通茶餐廳果D 就咁忟稔左既薯仔多多聲仲有一樣野就係佢食落唔會好油膩出面茶餐廳既咖哩牛腩飯好多時D 咖哩汁面頭會浮起有層油今次呢碗咖哩牛腩就無喇雖然都知道咖哩牛腩飯係肥嫁喇, 不過真係好好食, 成碗咖哩清曬…Read More

今日同男朋友慕名而來食牛陣午餐兩個人叫左$80 一位的任食牛肉豚肉火鍋(清湯底), 限時90 分鐘全部野任食, 配菜有:粉絲, 烏冬, 牛丸, 腸仔, 南瓜, 蘿蔔, 金菇, 鮮冬菇, 秀珍菇, 豆卜, 冬瓜, 生菜, 小棠菜, 菠菜, 白飯, 炒飯, 雪糕有士多啤梨同呍呢拿兩隻味牛肉: 第一碟佢比既和牛係幾靚, 肉質鬆軟牛味濃郁, 而且真係大大碟絕不欺場不過食完第一碟之後再叫既第二碟就爭得遠喇,第二碟既牛肉雖然都係大大碟, 不過全無肥肉, 咬落好鞋好韌明既~ $80 任食唔要求得幾多啦, 其實佢第一碟比咁大碟靚牛算係咁喇豚肉: 豬腩肉同豬背脊, 半肥半肉, 肉質嫩, 不過有陣我唔鍾意既騷味配菜:配菜唔太多, 其實黎到都唔係為食D 配菜嫁啦... 總之足夠亦都新鮮咁囉食物既味道黎講係非常好, 服務亦唔錯, 時時黎加湯加水佢既任食PLAN 有三隻揀, $80 位清湯底, 另外$100 位同$130 位既係唔同既湯底基本上揀$80 清湯已經得嫁喇, 幾好味咁多肉, 加埋D 配菜, 唔使乜野湯底煮煮下都實好味啦唯一美中不足就係限時限刻因為限時, 所以好似唔係真係"任食" 咁想傾下計咁食都唔得…Read More

除夕夜黎食飯, 早D 食完出去倒數唔知係早定係除夕夜既關係, 冷冷清清咁, D 人可能出曬去五個人, 叫左五個餸:皇牌雞煲翅白色的湯底望落去又清又稀, 撈上黎既翅唔多, 但係飲落卻好鮮甜, 雞味好濃好香瑤柱熱食雞隻雞係好肥, 但係肉質好鞋, 鞋得黎韌, 又無雞味, 唔知食緊乜咁清蒸大青斑要左條兩斤重既青斑, 條魚就蒸得幾好, 0岩0岩好熟又唔老, 食落都幾滑翡翠炒蝦球即是西蘭花炒蝦球, 蝦球爽口大隻, 不過落好多油炒, 成口都係油好膩海鮮什菜煲無咩特別, 普通海鮮什菜煲咁, 有d 蟹柳魷魚有d 菜咁, 無話好食唔好食五個餸有兩個好, 一個唔好, 兩個ok, 服務就係普通酒樓既服務上菜速度就係普通酒樓既上菜速度普通食飯, 無咩特別, 所以總括黎講佢都係ok…Read More

新開張左幾日, 預左去到會多人又亂嫁喇同阿媽阿爸夜晚黎食, 雖然多人, 不過佢地方夠大唔使等麻辣牛展薯仔QQ 粉$26牛展有陣騷味, D 粉白雪雪無咩特別,湯底得個辣, 配上日本魚旦同粟米, 成碗睇落似日式拉面重慶酸辣粉$20 + 豆卜$4 = $24透明既粉咬落又滑又煙韌, 配上花生成碗粉好香湯底阿媽同阿爸都話好, 夠濃而且辣度適中我個人就認為只係OK, 明明叫做酸辣粉, 卻只有辣味無酸味小鍋米線$20 + 腩肉$4 = $24成碗粉好清, 無乜肥油, 好處係唔肥膩食得安心雖然湯底咁清但唔代表唔夠味, 酸度同鹹度0岩岩好, 今晚唔怕口渴起身搵水飲我叫左小辣, 酸酸辣辣好開胃, 米線不過不失, 如果可以多D 肉更好最驚喜的原來係飲品柑桔水另加$8柚子茶另加$8一杯柑桔水入面有4 大粒柑桔, 柚子茶既柚子分量三分一杯有多估佢唔到原來特式飲品會足料到咁相信水吧係新黎呢間分店0係大埔開左幾日, 環境光猛而且當然乾淨落單慢, 黎錯野既情況當然有, 做做下熟左就無咁多錯漏嫁啦員工因為新既關係態度幾好埋單3 個人$98 味道OK, 會再食既…Read More

$25 單球, $40 雙球, 食得過Gelato 同雪糕既唔同之處,係Gelato 比雪糕少d 脂肪,但係卻比雪糕多d 糖份Gelato 之所以咁軟滑, 係因為佢用既糖份係要調較到水與糖0岩0岩好令佢唔起粒有D 味道更會用蛋黃做材料呢間Cool Gelato 既gelato 唔錯味道夠rich, 美中不足既係佢唔係隻隻味都咁軟滑所以真係要試試先落order試左士多啤梨質感唔夠滑, 起粒既食落似雪糕最後揀左Yogurt 同芒果Yogurt 味係一個驚喜, 我初頭以為係純frozen yogurt 咁既味原來唔只, 益力多咁既味又rich 又滑我一生人食過最好味既Gelato 係0係拉斯維加斯Bellagio 酒店入面雖然Cool Gelato 比佢唔上, 但卻一定好食過Gino's Gelato…Read More

次次行APM 上電梯都比呢間Mochi Sweets 既mochi 吸引住視線今日終於決定要試下Sales 話朱古力好味最多人買, 於是就買左一個朱古力一個檸檬蜜糖, 同男朋友一人一個試試呢隻mochi 入面唔係雪糕係用糯米冰皮包住唔同味道既饀料, 饀料中間再夾住奶油有多種口味選擇,例如朱古力, 藍莓, 士多啤梨, 抹茶, 黑朱古力等等買左番黎要等約15 至20 分鐘喥等佢外層變軟左先食得賣相真係好靚,可惜充滿期待既第一啖咬落去, 味道只係一般煙煙韌韌, 口感OK, 但只此而已, 沒有驚喜同Mikawaya mochi 無得比維記既雪糕糯米滋亦好食過佢…Read More

兩個人, 點左3 樣野冬蔭功湯(小): $40湯係幾濃味, 不過唔夠辣, 蝦亦唔生鮮, 好似落左好多冬蔭功醬黎用調味料既濃味遮蓋食物本身既無味生菜包豬肉: $30完全唔辣, 用既生菜亦唔爽脆, 不過大碟菠蘿炒飯連汽水: $28用雜豆, 菠蘿, 臘腸, 雞肉黎炒, 面頭鋪上豬肉鬆菠蘿唔多, 炒出黎似港式炒飯, 不過佢又炒得幾好味總括黎講呢喥既食物唔係唔好味, 但又唔係好好味雖然員工係泰國人, 但係味道就港式左, 無其他泰國餐廳整得咁正宗同惹味但係呢喥每個菜式既價錢都比出面平起碼廿幾三十蚊可以滿足到想食泰國菜既慾望兩個人食到飽一飽埋單先$98呢個價錢仲可以要求D 咩呢…Read More

叫左個雙喜臨門即係咖哩雜菜 + 咖哩雞 + 千層餅 + 汽水一杯千層餅拉得幾薄, 不過好油膩, 無計, 要香要薄就要多油咖哩汁唔得, 稀寥寡水咁, 又唔夠濃味, 好似無味咁食咖哩如果個汁唔得就成碟都唔得實在影衰左印度咖哩…Read More