geanaleung's Profile

一坐底點完餐，就上咗兩杯welcome drink「棉花糖」, 店員話係柑橘梳打水。但其實棉花糖味較香, 甜甜的, 仲要無酒精, 見後面枱小朋友飲得好開心。💓燒汁牛肉金菇卷鍾意食牛肉的人值得一試, 金菇吸哂肉汁, 十分多汁, 唔會好油💓牛肉三色椒(武士辣醬)三色椒唔會煮得過腍, 好爽口, 加埋牛肉口感豐富, 食到後面仲有微微辣辣地, 好開胃💓牛油芝士鐵板帶子這個芝士愛好者必食。因為佢係鐵板上, 黎到仲係好熱冒哂煙, 芝士可拉絲, 加埋菇同洋蔥一齊食好夾, 而且帶子好大粒, 十分抵食。💓喜之次魚王木桶飯 配鯛魚湯黎到黑木亭就要試吓木桶飯。以前從來冇食過喜之次魚, 上網睇係日本三大名魚, 即刻覺得勁抵食~依條魚應該普通煎過, 肉質唔鬆散, 感覺新鮮, 冇腥味。店員話食完上面條魚就可以加鯛魚湯, 顧名思義即係茶漬飯, 份量極多, 食到飽哂。雖然店內有綠茶供應 , 而且送了WELCOME DRINK, 但個人認為依度飲品整得好出色💓蜜桃系烏龍熊茶💓北海道士多啤梨牛乳乳酸💓蜜桃系烏龍熊茶有隻熊啤啤冰超Q, 而且係茶冰, 唔係水冰, 咁樣即使放耐咗個味道都唔會變淡, 仲好似愈來愈濃tim~ 烏龍茶加上濃濃嘅桃味, 唔會太甜, 即刻覺得清爽消濟!!首先外觀方面已經贏哂, 用黎打卡一流, 而且味道真心唔錯, 比得上出面手搖店。💓北海道士多啤梨牛乳乳酸又係勁靚嘅一杯飲品, 粉紅色漸變淺藍色, 少女心爆棚, 士多啤梨同乳酸味好夾，酸酸地好好味, 係大部分女仔都鍾意嘅味道~整體黎講，店員服務態度十分好，環境靚氣氛好，食物味道都好好，值得一來～～…Read More

今日黎食依間標榜正宗嘅巴基斯坦菜，環境好大，服務員都係巴基斯坦人，主要嘅溝通語言係英文，好彩都可以溝通到餐牌全部都係英文同店員溝通左之後，佢推介我哋食Tandoori chicken同Namkeen chicken，雖然都係雞，但兩款味道各有特色。 首先Namkeen chicken係有好濃既香料味之餘，仲有薑同小小蔬菜既味道，食落一啲都唔乾，辣辣地好惹味。另外Tandoori chicken一上枱就聞到好香嘅燒雞味，食落係超級香口，但又唔乾，表面係突然燒到燶燶地，同啲香料味好夾，重口味人士之選。整體來講，餐廳環境唔錯，乾淨寬敞，坐得好舒服。食物好食，岩重口味人士。另外同店員用英文基本都溝通到，值得一試。…Read More

前2日同朋友去食印度菜因為第一次食印度菜覺得好興奮！首先要讚一讚員工服務態度，感覺好nice。一飲完水，員工都會即刻留意到，幫我地加水。另外，每一次上菜，店員都會逐一介紹菜式，感覺好有禮貌。食物味道方面，所有食物都好有印度風味, 香料味重, 未食過可能會食唔慣。不過旁邊有位客人話上次食過好好食要再去食多次。另外, 因為係健康餐廳, 食物都好健康, 例如用藜麥等等既超級食物, 好食得黎又完全冇罪惡感。特別推薦檸檬雪糕, 係印度雪糕黎, 口感好特別, 未食過一定要試下!…Read More

今日係端午節，聽朋友講依度開左間燒味幾好食, 今日買啲燒味返去同屋企人食。買左都幾多下，夾埋200零蚊，唔算太貴。我去到果陣咁岩食飯時間，仲要排隊，好多人買盒飯食！總共買左4款 : 燒肉、燒鵝、鹽焗雞、叉燒都係啖啖肉既部位, 雞都係比雞脾位最鍾意食鹽焗雞, 味道單食都唔會過鹹, 又唔會好似普通切雞咁冇乜味而爸爸就最鍾意燒鵝, 話夠滑唔會榎歰歰, 叉燒半肥瘦, 斬得偏厚, 蜜汁味重燒肉皮脆肉厚, 肥肉偏多, 整體味道唔錯, 值得一試…Read More

今日放Lunch見到公司附近開左間手搖店。門面比較隱蔽，之前都發現唔到。實在太好啦，因為附近都冇手搖店，特別係夏天，成日想飲手搖飲品！我地3個人每人一杯💖鮮桃芝味 x 2 ★★★★☆ 💖鮮莓芝味 ★★★★☆ 整體味道唔錯，飲完即刻覺得清透涼。因為大熱天時(今日33度)，又即叫即做，我地係門口都等左5-10分鐘，出哂汗。依杯野真係救我一命🤣但都因為天氣太熱，我地又拎返office先飲，搞到啲芝士奶蓋溶哂，不過有得飲已經好滿足！味道方面，正常甜度都好似少甜咁，聽店員講佢地甜落得唔多，主要係以新鮮生果帶出甜味，所以比較健康(?)芝士味偏濃，鮮莓芝味係食到粒粒莓籽。仲有一點一定要提，就係店員服務態度極好，有禮貌。知道大熱天時，唔好意思要我地等太耐！係咁同我地講唔好意思。…Read More

本人媽媽係四川辣妹子，成日都會食到佢煮四川風味既送，之前仲有跟佢返鄉下食川菜而家因為疫情返唔到鄉下，估唔到香港都食得返鄉下嘅味道呀！首先成個裝修都係中國風，用左國寶熊貓好得意xd 因疫情仲有熊貓提你要洗手xd呢到嗌野食都係用qr code嗌；店員都好helpful，會主動問你d野食好唔好味，服務態度十分好野食都有驚喜，估唔到碟碟都咁大盤呀！嗌左人見人愛酸菜魚（小辣），佢個酸同辣嘅平衡做得岩岩好！一望落去成盤野香料都好夠，唔會得個酸字為左就個朋友要嗌小辣，下次帶埋食得辣既朋友黎try埋個大辣就岩晒！ D魚肉大大片，極少骨／仲有好多配菜，食果陣唔會好齋，有好多口感！抵讚！四川野少不了肥腸啦！呢個肥腸肥瘦都有，瘦嘅好香口炸到脆卜卜，肥膏嘅食落好滿足，咬落去有油出但係唔會好“漏“ 一盤都有三十舊到，鍾意香口野嘅我地輕鬆清晒xd最後嗌左個蔥油麵，簡單野先最test到間餐廳既質素一擺上枱就聞到好香油味，麵夾埋上面嘅炸蔥一齊食好正xd下次必定要搵個食得辣嘅朋友黎陪我再食呀！…Read More

今日俾我搵到間90後高質黃店，味道先唔講，齋睇外表已經贏晒～係足料到令人驚艷嘅程度。所有食物即叫即整，拎出黎仲冒緊煙♡ ♡ ♡🥪豚肉泡菜芝士滑蛋吐司 5/5個人認為加泡菜真係天才，增加左脆脆口感，而且辣辣地好開胃，中和咗成個toast油膩嘅感覺。另外因為麵包會索哂泡菜汁嘅味道，連食包皮都覺得好味救命🤣整體味道係甜辣甜辣，再到咸，層次唔錯，我比滿分。/🥪香脆魚柳芝士滑蛋吐司 4.5/5依個toast name真係冇改錯，真係又香又脆。因為我外賣返到屋企先食，相隔都超過半個鐘，一咬仲係炸炸聲，外脆內軟！如果齋計賣相一定滿分，甚至爆分。但因為相對豚肉泡菜，依個會滯啲，有機會食唔哂，所以比4.5😂♡ ♡ ♡兩個toast整體都唔錯，特別係滑蛋我真係要讚一讚，真心有流心感覺，加埋芝士⋯omg…Read More

第一次幫襯古早味蛋糕，經過見到有幾款口味，又有人幫襯緊，就買黎試吓。價錢同平時見開既古早味蛋糕差唔多，仲有幾款特別口味:抹茶，朱古力，芝士......1.芝士味 就係原味底，中間加咗層芝士，岩岩出爐熱辣辣時可以有小小拉絲！ 味道咸咸地既芝士味唔錯，又唔似原味咁dry，食落味道口感都豐富好多！2.抹茶味抹茶味比我想像中濃，偏向茶味重過奶味，比較不會膩。而且口感鬆軟，就算放咗雪櫃都唔會變硬，又唔會抽乾口中水分，所以依隻味可以食好多。…Read More

今日嚟到屯門雅都商場食lunch。「雙辣」係一間有四川風味特色嘅餐廳，主打干鍋、四川特色小菜。自選干鍋干鍋的種類、辣度和材料都可以自己選擇，我們就選擇葱爆(走辣)，材料可選4-8種，我地揀左羊肉、雞件、蝦球、雲南花菜、秀珍菇、豬皮。味道就係普通炒小菜的味道，鹹鹹地，加咗蔥蒜同芫荽，增添左香味。雖然有四川特色, 但完全唔會過油~不過重點係好大好大份, 如果一個人食一定食唔哂, 夠一個人食3,4餐, 所以真係幾抵食~~上海湯麵唔好睇佢好似好齋咁, 但依個湯麵好有驚喜。首先豉油湯清清地, 又唔會覺得過淡, 如果唔係咁飽, 成碗湯飲哂都得~ 而且干鍋較濃味, 所以覺得湯麵清清地幾好。麵條係上海幼麵, 食落煙煙韌韌, 但又條條分明, 唔會章住, 煮得岩岩好。唔想食飯叫依個湯麵都唔錯!!西柚梳打雖然知道梳打係勁易整, 但真係好好味! 西柚味幾重, 糖漿都比得幾多, 甜甜地的有汽凍飲, 如何配辣野食會好過隱!!!…Read More

但今日嚟到荃灣食西餐，餐廳環境望落幾高級，暗暗地，而且價錢唔貴。香煎三文魚配芒果莎莎 $128因為有芒果莎莎，令到成碟嘅感覺好清爽開胃，唔會太過油膩。三文魚質感唔鬆散，但食落唔乾。魚皮好脆好好味。風乾火腿蘆筍卷 $98用金華火腿包住蘆筍，中間有牛油果，再放上薄餅上。而蘆筍口感清爽，中和左油膩嘅感覺，薄餅煙煙韌韌，識落整體感覺唔單一，亦中和左中華火腿嘅鹹味。而唔識欣賞金華火腿嘅我，都覺得幾好味。黑松露雜菌薄餅 $118呢個薄餅係薄批，薄餅外邊位脆，入面整體偏焾，拎起薄餅時唔易拎起，一定要用叉/刀幫手，拎起嗰陣仲有少少拉絲。食落黑松露味真係幾濃，不過除咗黑松露同蘑菇之外就冇其他配料，而且有少少偏油。香草海鮮意大利飯 $108由於食到最後已經好飽，對依啲飯冇太大感覺。只係覺得好足料！原本以為剩係得上面粒帶子同青口，原來入面仲夾雜左幾隻蝦，而海鮮都唔係Hea，幾新鮮。飯粒粒分明，似食緊珍珠米，便煙韌嘅感覺。唔知係咪啱啱食咗pizza，呢個飯都好似有少少黑松露味😂整體來講，餐廳氣氛幾好，食物價錢唔算貴，可以一試！有機會經過都可以再翻兜~…Read More

第一次試依啲方便湯包，原來只係放入沸水6分鐘或微波爐4分鐘就可以完成，真係方便快靚正！而且係openrice優惠$280/5,包順豐冷凍服務都幾方便!! 而一包有成500ml大大包，大約3,4個飯碗，份量都多,一包同3,4個屋企人飲都夠,所以依個價錢都唔貴~睇包裝見到湯包成分單純，無添加防腐劑/味精。而味道方面，雖然入面沒有湯渣，但味道完全不會淡，有濃濃材料味, 而且表面沒有油, 好似好健康。 如果想飲湯, 屋企又無煲湯習慣, 買依D湯包係一個好選擇~…Read More

今日黎到元朗睇下有咩好食, 見到有間西餐廳開喺大排檔隔離。餐廳入面坐滿人, 而且價錢超抵食, 最貴一個餐都只係$98, 包餐湯、多士, 免加一, 就決定入去食。**原來餐廳仲未開張, 而且未請員工, 所以上菜需要時間, 最遲都要半個鐘, 不過食物一定有驚喜, 請自己衡量~我地兩人各叫一個餐, 首先黎左餐湯同多士, 一見到個賣相已經加分, 碗同埋杯都係油畫風, 餐湯就好似d顏料咁, 成個藝術品咁! 味道好creamy, 甜甜地幾好味。而多士估唁到都咁好味, 真係外脆內軟, 一啲都唔乾, 點湯食一流！飲品我叫咗杯熱薑蜜, 好甜, 而且見到入面好多一條條嘅薑, 會愈飲愈濃味。而朋友叫咗杯凍Latte, 漸變色都幾靚, 佢話咖啡味幾濃喎~終於都到咗主菜, 我地叫咗香煎帶子蒜香炒意粉同紐西蘭西冷配意粉。意粉幾煙韌又唔會過硬, 煮得岩岩好。蒜味又唔會話太濃, 但帶子真係幾正, 又多又大粒。而塊紐西蘭西冷牛都幾厚, 完全唔似係$60幾嘅貨色。味道方面, 大約五成熟, D肉汁keep到好好, 又唔會切完個碟成灘血水, 整體好高質！另外叫咗碟小食---香煎雞翼，就係土匪雞翼，正正常常的好食～最後黎返個甜品。叫咗個雲石cheese cake, 依d一口cake真係岩岩好, 兩人叫一個都夠, 食完都唔會太膩~ 總結, 依間餐廳鴒無論價錢, 食物質素都好值得黎, 不過趕時間或者嫌等得耐, 就未必適合你, 要食好野就要等~…Read More

幾年無去過屯門碼頭, 今日去搵朋友, 當然都要幫襯黃店。依間餐廳地址位於啟豐商場地下, 都幾易搵到~店裡佈滿黃店的裝飾, 有memo紙, 文宣, 口號揮春都有!!1.牛魔王 $62依個漢堡超級豐富足料~首先麵包係用牛角包已經大大加分! 酥皮食落鬆化, 增添左成個包既口感。而入面餡料的主角就係牛, 塊牛扒都幾厚, 我諗有1.5-2cm咁厚, 肉質唔’’鞋’’, 其他仲有番茄、蛋、芝士、生菜, 食落口感好豐富, 1d都唔乾~好食!2.雞翼 $28雞翼食落味道就似串燒味, 幾入味, 單骨好方便食, 而且好脆口!3.飲品我地叫左3杯飲品, 最最最推薦 白桃貴妃烏龍(L $24), 超fresh超清甜, 茶味帶果香, 桃味濃, 味道唔假, 而且仲有粒粒果肉食, 超讚, 勁岩配d油膩野食~ 另外果2杯都係奶蓋茶, 茶味濃, 奶蓋香, 如果再多小小奶蓋就更好味!…Read More

因為係D2 PLACE有市集, 所以荔枝角有好多好多人 !!夜晚一收工就去左, 順便食晚餐, 行下街~一出站就見到一間餐廳---「台站」大排長龍,見到係黃店當然要支持支持!!雖然店裡面只得一張長檯, 但因為餐廳主要做外賣, 食物好輕巧 , 而且大家都會互相禮讓, 感覺好好~ 我地叫既食物都算多: 1.古早味鹵肉飯/ 蔥油拌麵($29/$25)味道唔會濃味, 就算鹵肉飯有好多肥豬肉, 拌麵落左油, 食多幾啖都唔覺heavy~ 鹵肉都幾焾, 夠多肥肉哈哈!! 而蔥油拌麵唔會太油, 麵質幾彈, 填飽肚之選~2.台式肉鬆蛋捲餅($25) 個人認為捲餅係所有野食裡面最好食既。本身就咁薄餅都已經好食, 加埋肉鬆同蛋, 拎捲餅更香, 増添左口感。薄餅煎得岩岩好, 小小脆又保留左煙韌口感, 不錯!3.花雕雞卷($18)酒味不濃, 只有淡淡酒香, 食落酒味會慢慢散發出黎, 平時唔飲酒既我都接受得到! 雞卷幾焾, 有小小似食豬手, 重點係完全無骨啖啖肉!!…Read More

新一年同男朋友搵咗個地方去慶祝，佢好難得地帶我去左element其中一間好有格調嘅愛爾蘭菜到食飯，真係成個環境氣氛野食質素都好正，過左好滿足嘅一晚！！1. 煙燻雞肉牛油果沙律見到個沙律都驚左，佢啲雞胸肉份量仲多過啲菜，每一啖都好豐富滿足。啲雞胸肉煙燻味好香，偏咸少少，加埋creamy牛油果嘅青味配搭岩岩好，加埋d醋同油香真係好開胃！2. 牛油果煙肉龍蝦三文治身位牛油果愛好者，主菜都嗌左個牛油果漢堡，不得不讚佢d牛油果嘅熟度岩岩好，唔會太生，啖啖咬落去都好creamy!! 煙肉煎到卜卜脆😍而其他配料係放係側邊任你喜好加入去的3. 招牌海鮮扁意粉呢個意粉超有誠意！除左見到嘅青口同蝦，裏面係仲有龍蝦肉！青口煮到熟度岩岩好，好creamy！蝦又爽又大隻！而佢個汁唔係平時海鮮意粉嘅蕃茄汁，係偏向柔和嘅奶油汁，唔會搶過海鮮嘅鮮味！4. 蘋果撻成個外皮焗到超級脆！表面有焦糖嘅甜味而裏面蘋果肉嘅酸度都好夠，蘋果批最緊要係個餡夠酸！話就話係撻，但個佢勁大個好抵食！5. 心太軟蛋糕你個心太軟真係極品！送上黎時仲係熱辣速出晒煙，一野舀起裏面啲朱古力漿，擺埋口外脆內軟，超級好味！心太軟愛好者一定要去試下！而朱古力個甜度岩岩好，唔會甜到膩，成個清晒真係好飽！…Read More