Beautylionbb's Profile

去咗啟德 AIRSIDE 嘅京都勝牛 , 本身都聽過佢個名好耐, 今次終於有機會試下, 重點係要食個吉列牛!!餐廳裝修幾有日本 feel, 乾淨企理, 坐得舒服又唔會嘈入座後店員都好有禮貌, 會解釋餐牌, 好貼心呢~~草草莓莓（薄荷、士多啤梨、紅桑子）$48呢杯飲品充滿少女心, 有薄荷嘅清新、士多啤梨嘅香甜同紅桑子嘅酸味, 顏色好靚, 啱晒打卡甜蜜乳酸（巨峰、奇異果、乳酸）$45飲品酸酸甜甜, 有乳酸味底, 配上巨峰提子同奇異果果肉, 口感好fresh, 解渴又清爽!!勝牛壽喜燒鍋膳 $188配有雞蛋, 味噌湯 & 飯鐵鍋裏面有好多蔬菜、豆腐、冬菇等等配料, 用日式壽喜燒汁煮得入味~~牛肉質素都唔錯, 肉質軟腍, 蘸溫泉蛋液食, 會更香滑!!湯汁幾濃郁, 撈飯一流四品牛魔御膳 $328包括四款唔同部位嘅牛, 吉列牛即叫即炸, 上枱嘅時候仲熱辣辣, 半生熟送上~~放鐵板輕輕加熱, 自己可以控制熟成菲力牛： 菲力牛係牛柳, 脂肪比較少, 肉質最嫩滑翼板牛： 翼板牛油花分佈均勻, 食落口油香十足醬味薄牛： 薄切牛肉醃咗醬汁, 用鐵板燒一燒就熟, 好惹味穀飼西冷： 西冷就係牛嘅後腰脊肉, 肉質比較有嚼勁配埋溫泉玉子、大根柚子醋、甘柚沙律汁、牛排特製醬汁、山椒、和風醬油加山葵、青唐辛子味噌、京椰菜沙律咁多種醬料同配菜，真係可以試到唔同嘅味道，好過癮草莓小豆雪糕三文治 $58外層係脆炸皮, 中間夾住雲呢拿雪糕, 冷熱交加, 好正呀!!連埋草莓雪糕&紅豆一齊食, 有多重口感特濃抹茶小豆流芯蛋糕 $52抹茶味道好濃, 切開入面有流心效果, 暖暖嘅~紅豆粒喺抹茶味之間提味, 甜苦平衡得唔錯, 口感好rich, 甜而不膩…Read More

前幾日約咗朋友去九龍城一間新開嘅泰式餐廳試下, 主要原因係我哋好掛住泰國風味, 又未有時間飛去旅行, 唯有靠食嚟止吓癮~~一入去已經覺得幾有feel, 裝修走木系同金色元素, 好似有啲泰國宮廷風格, 但又唔會太浮誇~~ 牆上掛住啲泰式圖騰同手工藝品, 充滿泰式風情餐牌選擇好多, 由前菜到甜品樣樣齊, 幾乎覆蓋晒泰國常見嘅菜式有單點又有套餐~~泰式粉絲焗大頭蝦 $198大頭蝦隻隻都好大隻, 原隻開邊, 蝦頭爆膏, 蝦肉爽口彈牙~~粉絲吸晒蝦嘅精華同埋泰式香料嘅味道, 帶鹹香同焦香, 口感煙煙韌韌~用鍋上枱, 保溫效果好, 食到尾都熱辣辣泰式燒豬頸肉 $88豬頸肉肥瘦均勻, 燒到邊位焦脆, 入面仲保持到肉汁, 肉質爽彈~沾埋秘製醬汁食, 酸酸辣辣帶少少甜, 非常開胃呢:) 泰式鹽燒側魚 $168側魚成條鋪晒厚厚嘅鹽去燒, 燒完之後外層鹽殼脆卜卜~入面嘅魚肉就保持到好嫩滑又多汁食嘅時候撕開魚皮, 白雪雪嘅魚肉即刻見光, 冇腥味, 仲帶住淡淡鹽香~~~魚肉夾一啖, 再點少少青檸辣椒魚露汁, 鮮甜同鹹香立即爆晒出嚟魚肚釀滿香茅同檸檬葉, 辟腥又清香芒果糯米飯 $55糯米飯煮到軟糯黏口, 飯身充滿椰漿香配埋新鮮熟透嘅芒果, 果肉金黃色, 甜到好似蜜糖咁~~食嘅時候一啖椰香糯米, 一啖芒果, 甜香同椰香完美結合…Read More

今晚同家人黎左深水埗一間大排檔酒家, 一入去就感受到濃濃嘅港式風情~~餐廳唔算大, 枱凳擺得整齊, 燈光夠光猛, 乾淨企理, 好有地道feel雖然人聲嘈雜, 但反而更有香港大排檔獨有嘅熱鬧氣氛食物種類非常豐富!!!一般既小炒呢道差唔多全部都有餐廳仲做緊優惠~1早鳥優惠7:30pm前埋單88折2.宵夜優惠9:30pm後小炒78折龍躉兩味 $328翡翠炒球斑球炒得恰到好處, 肉質鮮嫩口感~~西芹翠綠爽脆, 芡汁濃稠得嚟唔會漿口清蒸斑頭腩原條斑頭腩蒸到剛熟, 魚肉鮮甜, 肉質嫩滑, 口感滑順！魚油豐富, 鮮味十足~~豉油皇中蝦 $168用秘製豉油皇爆炒, 中蝦炒到金黃~蝦殼脆到可以連殼食, 蝦肉爽彈鮮甜, 非常惹味!!!蘿白清湯腩煲 $198牛腩炆到淋滑入味, 蘿白煮到透明, 索晒湯汁精華~~湯底清澈清甜, 整體味道平衡, 唔會太油膩…Read More

今日朋友帶左我去佢既飯堂"元朗冰室", 佢話平時成日食, 一唔知想食咩就會黎我就第一次食元朗冰室, 茶記黎講質素又真係唔錯, 每道菜式都有港式風味, 價錢合理份量足~~呢道出名厚豬扒, 成幾CM厚喎, 咁真係要試下啦新推既多士系列魔鬼醬厚豬扒包一啖咬落去, 個包脆到"咔嚓"聲!!!豬扒真係好厚喎, 厚得黎肉質好幼嫩, 多汁juicy, 完全唔會乾柴, 堅得!!!個秘製魔鬼醬都好正, 成個包味道好夾, 大個個咁, 好抵食厚豬扒拼沙律豬扒同上面一樣咁正, 又厚又大件!!拼水果沙律食就最正啦, 清爽解膩~~沙嗲牛肉麵必食沙嗲牛肉!!! 沙嗲醬香濃惹味, 牛肉份量超多呀!!!牛肉嫩滑唔韌, 公仔麵煮得啱啱好, 有咬口籠仔荷葉北菇蒸雞飯荷葉香氣撲鼻!! 雞件份量又係超多呀!!! 成個飯面都係雞件呢~~雞件嫩滑多汁, 北菇厚肉鮮香, 飯粒吸晒雞油同荷葉香, 好入味丫!!!禾味燒BB鴿BB鴿皮脆肉嫩~~ 最正係個鴿胸肉, juicy到爆汁, 點埋淮鹽更加惹味奶油脆豬烘到脆卜卜, 塗滿煉奶同牛油, 外脆內軟, 甜到入心最正係邊位烤到微焦, 脆到"咔嚓"聲雙拼治: 雞蛋+咸牛肉雞蛋炒到滑溜, 咸牛肉鹹香十足~麵包夾埋蛋同牛肉, 簡單好味~~炸雞脾即叫即炸熱辣辣!! 雞脾大超大隻, 對得住價錢~外皮炸到金黃脆口, 肉質嫩滑多汁…Read More

之前係旺角食過夏麵館既蟹粉宴後念念不忘, 估唔到餐廳係第一城都有分店, 經過見到就入去食喇!!!餐廳環境舒服, 裝修別致, 座位寬敞闊落係門口見到蟹粉系列做緊推廣優惠好吸引, 撈麵仲係限量添, 好彩點個時仲有姐餐廳仲有好多上海菜式選擇, 好多都好想食丫!!!生煎小籠包 $48一上枱就聞到陣陣芝麻香！包底煎到金黃脆口, 咬開即刻爆出滾燙湯汁~豬肉餡鬆軟可口, 沾少少醋食整個提鮮涼菜五小碟(9選5) $129蒜香四季豆蒜香味濃, 四季豆口感爽脆~~雞絲粉皮夏日必食！粉皮滑溜到筷子都夾唔住, 雞絲撕得幼細, 仲有青瓜絲增加口感~ 麻醬香濃但唔會太稠四喜烤麩正宗上海風味！烤麩吸飽咗香菇、金針、雲耳等嘅精華, 甜中帶鹹, 烤麩質感鬆化得嚟有咬口鎮江水晶肉水晶肉晶瑩剔透, 啖啖都係啫喱狀嘅膠質, 肉香味濃~~虎皮素鵝腐皮炸到虎紋咁靚, 脆得嚟唔油膩, 口感豐富~~韭黃炒鱔絲 $105考師傅功架嘅菜式！鱔絲去骨起得乾淨, 炒到剛熟嫩滑~~韭黃火候啱啱好, 保持翠綠爽脆!最正係個芡汁, 濃稠得嚟唔會漿口鮮蟹粉河蝦仁撈麵 $68蟹粉金黃油潤, 河蝦仁爽脆彈牙~麵條用咗幼身麵, 掛汁力超強~食之前撈勻, 每條麵都沾滿蟹粉, 鮮味爆登…Read More

喺朗豪坊行完街, 順手就去咗樓上呢間 「霸王 · 烤鴨 · 小館」~新店地方非常企理, 環境明亮, 枱與枱之間唔會擠迫, 坐得幾舒服最大亮點係——冇加一！仲冇茶錢！ 仲送蘿蔔鴨骨湯！ 喺旺角呢啲地段已經覺得抵晒店員態度唔錯, 上菜速度快, 烤鴨仲有師傅即場片皮, 整體體驗加分~~ 北京烤鴨 $188招牌烤鴨一出場就吸引晒目光, 師傅現場片鴨, 鴨皮金黃閃亮, 脆卜卜鴨肉切得厚薄平均, 入口仲保持住肉汁~~片鴨皮加埋熱辣辣既薄餅、青瓜、京蔥、山楂, 再搽一層甜麵醬~ 一啖落肚, 鴨皮香脆, 鴨肉嫩滑, 加埋配料醬汁嘅甜鹹, 層次感超豐富, 真係必點!!! 甜奶迷你小饅頭 $55上枱細細粒, 好cute丫!!小饅頭炸到外皮金黃香脆, 入面仲係軟綿綿~~點上煉奶食, 香甜之餘帶少少奶香, 勁好食 檸香酸辣手撕雞 $88雞肉撕得條條分明, 肉質細嫩滑溜~~酸酸嘅檸檬香同微辣嘅醬汁一齊入口, 酸辣平衡得幾好, 好清爽, 夏天食特別解膩, 一開胃就停唔到口 東北風味茄子 $82茄子外皮帶脆口, 茄肉吸晒醬汁, 但唔會覺得油笠笠~口感軟腍, 滲出蒜香同鹹香味[鮑汁煎豆腐 $79豆腐煎到表面金黃色, 口感嫩滑~~鮑汁晒入味, 鹹鮮帶少少甜, 滲晒入豆腐入面啖啖濃香 蘿蔔鴨骨湯 有免費湯飲真心正一碗清湯色澤呈奶白, 入面嘅蘿蔔煲到軟腍透明, 帶出清甜~鴨骨嘅肉味就滲晒落湯底, 飲落暖笠笠, 唔油又唔膩 霸王 · 烤鴨 · 小館最大賣點一定係烤鴨!! 其他小菜都有驚喜, 水準穩陣~最重要係——冇加一, 冇茶錢, 價錢實在, 食得開心又唔怕埋單嚇親~想同朋友、家人喺旺角搵地方聚餐, 呢度真係一個好選擇 …Read More

今日又黎到沙田帝都酒店既國穗軒食飯喇~食過一次之後真係忍唔住再encore, 鍾意呢道環境舒適, 食物價錢亦相宜, 好難唔想keep住黎呢入座時見到好多枱都已留座, 想黎食真係要訂定位啦呢道既中菜菜式選擇好多丫, 有選擇困難既我樣樣都想食, 最後揀左好耐丫西蘭炒花枝珊瑚 $168鑊氣十足嘅小炒!! 花枝同珊瑚蚌炒到剛熟, 花枝口感煙韌, 珊瑚蚌則非常爽脆~~ 仲可以沾上蠔油同蝦醬食, 增添唔同既味道西蘭花翠綠, 保持口感, 芡汁濃淡得宜啫啫滑雞煲 $128一上枱「啫啫」聲熱辣辣~~雞件啖啖肉, 煮到入味, 肉質嫩滑~~配料有薑片、蒜頭同洋蔥, 索晒雞汁精華, 好惹味呀!! 送飯一流呢!!花菇紅燒豆腐 $108素食者至愛!! 厚花菇炆到淋滑入味, 豆腐煎到金黃, 外脆內軟~紅燒汁用冬菇水同素蠔油調製, 鮮味十足~ 再加咗小白菜, 健康又好味是日免費糖水: 紅豆沙紅豆煲熱辣辣, 紅豆煲到起沙, 陳皮香味突出, 甜度適中…Read More

今日又黎到九龍城搵好野食喇~ 去左間蔡瀾先生推薦既港式懷舊中菜館食小炒好彩一早BK左枱, 如果唔係有機會冇位丫~~呢間中菜館菜式選擇好豐富!! 而且富有特色同充滿港式風味~~例如炒豬雜, 炒魚腩, 蒸鱔, 東玻骨等~ 平時真係好少見丫!!老火例湯(細煲) $108蓮藕章魚雞腳豬骨湯係廚窗外見到廚師用瓦煲煲湯~ 上枱時仲熱辣辣滾緊呢老火湯超足料!! 湯頭呈咖啡色, 味道非常濃郁又清甜份量仲要好多喎, 2人每人都有幾碗, 絕對係必點!!豉汁籠仔蒸大鱔 $148原條鱔魚斬件蒸, 非常新鮮呀!!鱔件面鋪滿蒜蓉豆豉, 好惹味呢~~鱔肉肥美到漏油, 皮滑肉嫩XO醬鮮蝦帶子炒西蘭花 $138大蝦爽口彈牙, 帶子大大粒煎到兩面金黃, 鮮甜可口~~西蘭花炒到剛熟, 鑊氣十足蜆蚧炒牛肉 $118懷舊風味重現~~ 牛肉切片嫩滑~用鹹香蜆蚧醬爆炒, 鹹鮮得嚟帶少少酒香豬油撈飯 $20熱辣辣白飯淋上融化豬油, 再加啲豉油撈勻嚟食, 簡單但好香, 豬油香氣充滿成個口~食完罪惡感爆燈但好滿足…Read More

今日黎到大圍呢間既越式小店餐廳真係大驚喜呀!!!唔單止環境舒適, 服務好, 食物質素仲非常高 食完讚口不絕, 好值得再黎食!!!除左餐牌上既餐點之外餐廳仲有offset menu......班蘭撞奶 $38一上枱就聞到超香班蘭味底層係濃郁嘅椰奶, 上層係班蘭汁, 撞埋一齊形成漂亮嘅漸層~~飲落先係班蘭嘅清香, 跟住係椰奶嘅滑溜, 甜度啱啱好越式炒蜆 $78鑊氣十足!! 炒到香噴噴~~~蜆肉飽滿冇沙, 最正係個汁, 鮮甜惹味豬腩蝦肉米紙卷 $48米紙煙韌透薄~~ 豬腩肉肥瘦適中, 蝦肉爽甜, 加埋紅蘿蔔絲, 青瓜絲同檬粉, 口感豐富點埋自家製醬汁, 酸甜開胃!!串燒雞肉$78雞肉燒到外皮微焦, 香口卜卜脆, 肉質嫩滑多汁蝦醬通菜 $98呢道菜非常惹味!!! 蝦醬落得夠多但唔會好咸, 通菜炒到翠綠爽脆順化扎肉牛尾湯米線 $98湯底超正超濃郁!! 啖啖都係蝦既精華牛尾炆到淋滑, 扎肉彈牙有咬口~米線索晒湯汁精華, 超超超好味…Read More

今日同朋友食左間超值既台式火鍋放題!!!「日本JA全農和牛嘉年華」套餐, 買一送一價錢$598, 呢個價錢食到北海道和牛都真係正限時兩個鐘, 但時間絕對夠, 因為上菜速度極快位於九龍灣既分店環境幾大, 好多卡位, 坐得闊落又舒適~抽風系統做得唔錯, 食完身上都唔會成陣火鍋味:)餐廳服務一流, 店員即叫即到, 做野非常快手, 仲會經常主動加湯落單可以用QR code掃, 亦可以去出面自助區拎~~自助區有多款熱葷, 例如麻辣鴨血豆腐, 鮑汁雞腳, 粉絲肥牛煲, 咖哩魚蛋, 燉牛肉等....我自己就最鍾意鮑汁雞腳 & 燉牛肉~兩者都炆得好淋入晒味, 超好味!!!火鍋配料以蔬菜為主, 亦有丸類, 麵食等~最特別係有多款特式蔬菜, 例如花生芽, 紫蘿蔔, 紫羽衣甘藍飲品就有冷泡茶, 果汁汽水, 啤酒等~~食火鍋前點小食食下先~有炸鮮奶, 台灣香腸, 朱古力炸彈, 鹽酥雞, 炸雲吞, 榴槤炸彈等等....有8款湯底選擇, 我地就揀左美白凝膚牛乳鍋~奶白色既牛乳鍋感覺好滋潤, 湯底入面有秋葵同雜菇, 牛奶味香濃得嚟唔會膩北海道和牛(半斤)和牛一上枱, 個賣相已經贏晒粉嫩嘅肉色加上均勻嘅雪花紋, 未食已經流晒口水!!!輕輕一淥, 淥幾秒就夠~入口超級嫩滑, 油脂香爆棚, 仲帶住淡淡甜味, 正到爆!其他肉類有澳洲特選牛肉, 美國牛肩胛肉, 美國牛板腱, 上選安格斯, 牛胸爽, 美國豬梅花, 紐西蘭羊肉卷, 阿嬤燒酒雞等~~海鮮就有海蝦, 海班片, 鯛魚片, 墨魚仔, 魚青滑甜品非常豐富!!除左有韓國雪條, movenpick雪糕, 豆腐花, 仲有芋圓+多款topping另有杞子雪耳糖水, 水果就有西瓜~…Read More

之前成日聽大陸既fufu land好出名都未有機會試, 估唔佢地咁快就係香港開分店 咁岩經過見到就梗係試下啦~~係門口就見到好多好可愛既梳乎厘公仔, 令人忍唔住係咁影相打卡 店舖以日式簡約風裝潢為主, 配以淺木色調搭及暖黃燈光~透明既凍櫃裏裡擺放左多款唔同口味既梳乎厘, 全部好cute好吸睛呢~~當日見到既口味包括北海道牛乳, 開心果, 海鹽oreo, 士多啤梨, 薄荷巧克力碎, 杏仁豆腐, 芒果, 士多啤梨櫻花~梳乎厘完美結合左蛋糕既綿密同傳統梳乎厘既空氣感加埋中間爆漿既mousse, 質感輕盈得黎, 又唔算太甜, 適合唔同口味嘅人~~小開心 $36表層灑滿開心果碎, 開心果mousse味道濃郁, 顆粒感同絲滑mousse形成絕妙對比士多啤梨 $32酸甜度平衡得恰到好處, 北海道牛乳mousse連埋士多啤梨肉食, 口感清新不膩海鹽oreo $29鍾意食oreo既朋友必點~~ 滿滿既oreo碎非常澎湃, 配埋oreo mousse, 口感超豐富!!…Read More

今日黎到沙田牛大人簡直有大驚喜呀!!! 好耐冇食過咁豐既放題喇!!120分鐘日本A4黑毛和牛火鍋放題 $488/位~任食和牛, 鮑魚, 海鮮, haggen Dazs, Moven pick 雪糕雪條, 食到捧住個肚走呀最特別係餐廳而家推廣緊"炎夏椰樂祭", 超多以椰子為主題既特色食品火鍋配料種類繁多~有成2大個凍櫃, 放滿蔬菜, 丸類等食物....其他海鮮, 肉類, 炸物等就可以QR code落單~~食火鍋前梗係食下D小食先啦~有鹽酥雞, 小香腸, 皮蛋豆腐, 脆薯, 甜不辣, 油糟嫩牛舌等....而任食鮑魚真係超正呀!!3款即食鮑魚分別係: 炭燒鹽蔥鮑魚, 柚子燒鮑魚 & 古法醉鮑魚~鮑魚口感爽脆鮮甜, 完全冇腥味, 每種食法各有特色炎夏椰樂祭以椰子為主題既餐點~椰子小食：椰酥跳跳豬、黃金椰絲蝦丸、椰林火山脆薯條 特色醬料：香椰火焰醬、椰汁美奶滋全部小食都充滿椰香, 好特別又滋味, 椰子控必點!!!椰奶蓋芒芒爽追蹤牛大人社群媒體 即可獲贈「椰奶蓋芒芒爽」一杯酒類暢飲 : 日本黑毛和牛A4+晚市套餐可享免費雞尾酒特調飲品及指定啤酒無限暢飲雞尾酒特調飲品：粉桃椰香 (Pinku Paloma)、冰檸伴椰 (Malibu Lemonade)、藍調微風 (Blue Hawaiian) 鴛鴦鍋喇沙椰爺仲夏鍋  新加坡風味!! 湯底用椰奶同喇沙醬熬製, 味道層次豐富木瓜椰皇嫩雞鍋養生之選!! 湯底用椰青水加木瓜熬製, 雞件嫩滑, 仲有杞子同紅棗增加甜味~未打邊爐前飲啖湯先, 清甜潤喉日本A4黑毛和牛超正呀!!! 油脂花紋靚到好似雪花咁!!肉質非常嫩滑, 淥5秒就食得~ 入口即溶嘅牛油香充滿成個口, 最正係可以任叫, 我哋encore咗5轉丫海鮮拼盤帆立貝大大隻, 好鮮甜~~生蠔蠔肉飽滿, 口感creamy!鱔片新鮮, 魚皮爽脆, 魚肉嫩滑~~鮑魚爽脆彈牙, 鮑魚味濃郁澳洲M9和牛牛丸用M9和牛打成, 一咬開肉汁爆出嚟, 爽口彈牙甜品選擇豐富!!最正係有齊haggen Dazs & Movenpick既雪糕雪條丫, 個肚唔小心食到爆晒quota食緊其間職員黎同我地玩遊戲係"知識就是折扣"活動~只要答o岩問題就有唔同既獎品, 可惜我地實在太咋答錯好多知識題, 最後職員好好咁俾左安慰獎貼紙我地醒目既你不防去挑戰下啦…Read More

朗豪坊The Jeju一定要試！由韓國團隊主理, 佔地成2000呎大, 裝修勁有充滿濟島元素~~環境又舒服, 播住K-pop好有氣氛, 同班friend或者屋企人聚會一流佢哋主打韓式燒肉, 個烤盤係特製嘅, 啲肉點燒都唔會老, 燒出嚟既肉又嫩又多汁仲有秘製醬料添~~最正係店員會幫你燒埋, 唔使驚自己燒燶, 坐定定就有得食前菜小食+醬汁調味料小食有沙律, 醃蘿蔔&魷魚~調味料整個哈哈笑樣好可愛呀!!!Set B - 罈子五花肉 + 石盤炸醬拉麵/炒飯 $376罈子五花肉厚切五花肉足足有450g, 油脂分布均勻~~店員會幫手烤到外皮脆卜卜, 再剪成一口size:)五花肉外脆內軟, 甘香可口, 肉味香濃點埋韓式大醬食, 肥而不膩~~最正係跟埋泡菜同蒜頭, 夾埋一齊食, 味道層次豐富店員會連埋泡菜, 雞脾菇 & 菠蘿一齊燒呢五花肉燒到金黃剔透~~壘埋成座燒肉山咁石盤炸醬拉麵係韓劇成日見嘅黑嚕嚕炸醬麵呀~~ 石盤保溫效果好, 食到尾都係熱辣辣麵條粗身有咬口, 每條都掛滿醬汁, 味道剛好石盤炒飯 $58用返烤過肉嘅石盤炒, 飯粒帶微辣且沾滿肉香撈勻後形成微脆效果, 店員仲會砌成心形添丫, 打卡一流！韓式芝士蒸蛋 $68係我暫時食過最好味既韓式蒸蛋呀!!!平時食既韓式蒸蛋好多都得個樣, 味道淡而冇味~但今次簡直有大驚喜!! 蒸蛋蓬鬆到好似雲咁!!蒸蛋入面加咗高湯, 蛋香味濃得黎好入味, 芝士又有拉絲效果, 視覺同味覺都俾滿分呀!!建議趁熱食, 凍咗會冇咁正架喇....漢拿峰百香果沙冰 $48百香果酸甜平衡得啱啱好, 沙冰打得幼細, 口感非常清爽~~芒果奇異果沙冰 $48芒果既甜香加上奇異果微酸, 味道好有層次~~面頭仲有奇異果裝飾, 飲完成個口都係果香…Read More

鍾意食咖哩湯底既朋友一定要黎"Suage北海道湯咖哩"試下, 佢個湯底真係濃到不得了, 試過必愛上餐廳有2間分店, 而我今日就黎到旺角既朗豪坊分店喇~~餐廳位置開揚, 座位寬敞舒適, 服務不俗韓風系列好似幾吸引, 今次過可以食到日本菜&韓國菜有多款不同配菜既湯咖哩, 可配飯, 拉麵, 烏冬等~仲可以選舉辣度添另外仲有多款小食&飲品&雪糕, 仲可以外賣添韓式燉煮牛肋條 $58牛肋條炆到好淋, 用筷子輕輕一夾就散開, 肉質非常軟嫩~~仲有薯仔同紅蘿蔔做配菜.....醬汁味道濃郁, 令整體味道更加豐富風味香辣泡菜煎餅 $28煎餅邊到金黃脆口, 外脆內軟, 口感非常好~煎餅入面有啲香辣嘅泡菜, 味道酸酸辣辣, 好開胃呢....再沾上香辣醬汁,  味道更出色北海道薯蓉芝士年糕 $28外層炸到金黃酥脆, 入面就係軟滑嘅薯蓉同埋濃郁嘅芝士~~芝士嘅香味同薯蓉嘅滑順感完美結合, 年糕煙煙韌韌, 咬落去超滿足!!海苔魷魚天婦羅 $28即叫即炸熱辣辣!! 魷魚新鮮彈牙, 外層既天婦羅算輕盈, 唔會好油膩, 仲有海苔嘅香味, 香脆到不得了~炙燒豚角煮湯咖哩拉麵 $96轉櫻花蝦濃湯 +$10, 加茄子 +$8, 加大啡菇+$12成碗麵豐富到滿瀉, 超多配菜喔!!!豚角煮到軟淋入味, 炙燒過嘅表面帶焦香~~櫻花蝦咖哩濃湯底味道香濃又鮮甜麵條彈牙, 掛湯力強, 索晒湯汁精華日本3.5生乳Oreo朱古力芭菲 $58上枱好靚好吸引丫!!! 整杯層次分明~~頂層: Oreo餅, 3.5特濃牛乳雪糕, 棉花糖, 香蕉, 藍莓中層: Cereal, 威化餅頂層: 啫喱一啖挖到底都有唔同嘅口感, 甜而不膩, 口感豐富…Read More

今日食既呢間日式居酒居放題真係超難忘!!! 係香港食到咁靚既和牛真係不得了餐廳位於尖沙咀, 主打日本沖繩料理, 而家仲做和牛放題優惠添~~內裏裝潢充滿日式風情, 設有日式榻榻米包廂, 特別適合一班朋友聚會!!另外店員精通中文日文英文, 服務仲非常之好丫~~「松」火鍋放題120分鐘套餐75折 $621/位, 雖然價錢唔平，但質素絕對對得住, 物有所值呀!!!以下食材都係套餐無限任點, 最重要係不論encore幾多次, 食材都一樣係咁靚~~京都姬和牛宮崎和牛松葉蟹日本豚肉日本雞肉野菜拼盤青蘋果梳打 菠蘿梳打 三點刺身拼盤每人限一碟有三文魚、甜蝦同油甘魚刺身非常新鮮, 味道鮮甜湯底：豬骨湯  & 醬油湯豬骨濃湯滑溜, 帶膠質, 味道層次豐富~~醬油湯鹹香得嚟帶少少甜味, 清爽唔油膩!!宮崎和牛超超超正!! 同係日本食既質素一模一樣脂肪分佈非常均勻, 肉上有好多細緻嘅油花, 咬落去口感非常滑嫩, 入口即溶肉味濃郁得嚟帶甜香, 油脂化開嗰陣成個口都係和牛香氣~~食嘅時候建議沾少少胡麻醬可中和肉嘅油膩感, 令整體味道更加出色日本豚肉肥瘦相間, 肉質非常細膩, 油香十足~薄切嘅豚肉入口非常嫩滑, 吸收咗湯底嘅味道之後, 口感更加juicy日本雞肉肉質非常鮮嫩, 口感爽口彈牙松葉蟹大大隻松葉蟹腳!!!蟹肉新鮮得嚟又甜, 每隻蟹腳都可以完整拆出, 啖啖肉~~ 帶有海水味, 口感彈牙, 特別係蟹鉗嘅肉質, 真係好有嚼勁, 令人一口接一口沾少少醋更可提升蟹肉嘅鮮味, 令味道更加出色Encore都係咁靚, 大大隻, 冇得頂!!!蟹肉鮮甜到不得了, 一絲絲咁拆出嚟每人一客雪糕 & 抹茶柚子雪糕清新嘅柚子香, 酸甜平衡得啱啱好, 完全唔會假甜~~抹茶雪糕茶香濃郁帶回甘, 質地超幼滑再飲埋杯抹茶, 完全解膩, 為呢餐畫上完美句號…Read More