pigsfamily's Profile

平時一家人都好注重健康，多數訂半磅蛋糕都係分兩日食完，但今次爸爸生日係呢度訂嘅呢個芒果千層蛋糕係佢哋ig shop見到2014年嘅相好好在仲有得訂 一人一件真係唔夠喉個個都自動續cake忌廉好滑，芒果好香 ，同餅皮比例啱啱好！最重要係樣樣都係甜野但夾埋又唔會覺得過甜，仲提我哋唔好太早攞，預差唔多時間先整，因為唔係一早整定，好細心師傅手字仲要係難得一見嘅靚，係中英文都好靚呀！好有驚喜，下一次要買蛋糕都會繼續幫襯！真係好好好味呀～…Read More

已經幫襯左呢間野3次，第一次買唔記得咩底，雜果俾左芒果，第二次想試芋圓，點知成碗現成野，一陣罐頭死甜味，撈爆珠陣酸味，再撈芋圓，有啲難接受，但都食晒。 今日想食芋圓，提自己唔好買爆珠，揀左買個睇落啲味幾夾嘅撈河芋圓返去打開竟然變左雜果撈河，完全無左我最想食嘅芋圓，唔知我得罪左佢哋定點，真係無語。奉勸各位要幫襯的話，拎嘅時候check下有無俾錯先。 味道都算係不過不失正常啦，希望附近可以開多間多個選擇。…Read More

望住menu見咁有趣 都想尊重佢哋設計嘅menu鼓起勇氣輕聲吐出：唔該一個求其吖收銀員好高音咁問：咩話？!雖然難為情 但我都再講多次 收銀員稍不耐煩地答我 你講全名啦不如~！ 原來係咁咁你改左個menu佢啦不如 食物方面 雞肉唔錯 只係調味唔太啱我口味肉碎死鹹 而且同泰式兩字完全無關 個油飯份量少 但夠晒油 請見附圖 其實一心純粹支持下 但態度 食物質素 全部唔係幾好同類大把選擇 唔係想踩 只係讚唔落 要幫襯我會幫襯其他好食又有心小店…Read More

幫襯咗十幾年，近年每次去都覺得食緊新餐廳，因為次次食都唔同。舊時個湯有綠豆衣、芽菜、炸蒜，依家無晒呢啲野，就連味都無埋，無醬汁豬扒個醬汁做湯底個湯都唔使旨意有味；奶油吐司又係唔夠甜；魷魚酥好少少，keep到一時過鹹一時無味一時啱啱好；米線米通時硬時適中；肉燥飯食到差唔多底有油浸飯。 除咗戴眼鏡長頭髮經常註場嗰位阿妹，其他員工老細唔在場就態度惡劣，落單佢唔會行埋黎，要你大嗌畀佢聽，因為佢哋要企埋一齊吹水；吹水吹到大聲過啲客，粗口橫飛。由以前嘅溫馨家庭感變成一份大排檔感受。 我已經忍咗好多次都唔忍心畀差評，我忍唔到呀！雖然以前老闆娘會惡啲，但啲野係真心好食，我寧願換走晒啲熱褲mk妹，都想老闆娘返黎黑面落單呀！ 但啲餐真係幾抵，5星。…Read More