一舊金魚型的雲's Profile

全部都係野菜料理，冇齋口唔齋心嘅植物肉一開始嘅蕃茄，外貌已經好靚，食落去即刻心心眼，好甜好好食，朵花係用蕃茄皮包嘅，一個蕃茄一刀到底，完全係廚師嘅刀工壽司拼盤上面嘅吞拿魚，係用生薑扮嘅，食落好嫩滑，真係似魚幾款冷麵同樣精彩，已經飽飽地，酸酸地嘅冷麵，好開胃，即刻有返食慾之後仲有鍋物嘅蕃茄湯，落足料好好味要highlight一下天婦羅嘅粟米，好甜仲有士多啤梨大福，入邊有紅豆餡，士多啤梨又好甜好好食幫手嘅店員係嚟咗香港好耐嘅日本人，好好傾…Read More

今日食芝心咖哩豬扒烏冬，驚喜地好食首先：定食的面豉湯小小咸，但係好多豆腐，一小碗，超碼7粒，食極都仲有，不過得兩小塊海帶沙律：擺盤好靚，沙律醬又唔係平日食開嗰種醋味，酸得來又有小小辣辣的感覺，好清新烏冬：有讚歧烏冬的感覺，煙煙韌韌。店主有誠意之作。芝士在上面燒過一層，應該係用mozzarella ，拉絲之餘又唔會好鹹，同咖喱分開上，撈咖喱可以分開撈，好似沾麵咁點又得。咖喱都好有誠意，又有薯仔又有蘿蔔。偏辣但係幾醒神。芝心吉列豬扒：Size偏細但係幾厚，夠食。芝士多到湧出嚟，炸得幾嫩滑，但係芝士有少少蓋過咗豬扒味，吉列食到尾都仲係脆嘅。一樣係做日本食物，比起同場另一間好太多。仲有串燒，可以下次嚟試。好食係一定要有下次幫襯。…Read More

呢間，早年鍾意嚟食。因為日本人主理，仲要夠平幾年冇黎，同以前簡直就冇得比只係夜晚想食少少嘢，同朋友叫兩份野，食到朋友都唔開心，真係好抱歉先講比較好食啲嗰樣：咖喱烏冬我食到我有一忽嘅牛肉係唔熟見紅嘅，但係牛肉唔熟都唔係問題。$50 ，少過譚仔啲啦，佢話佢用讚岐烏冬，我食落去只係比$10三包嘅當當烏冬麵好少少，好林，唔彈牙。佢嗰碗咖喱，同我喺759買嘅即食包加啲水差唔多另一碟豬肉生薑燒，感覺到只係平日嘅椰菜芽菜炒豬肉，可能落左小小味醂，感覺唔到薑汁。盛惠$60一碟，但係份量係隔離棟記嘅三份一至一半左右，擺盤靚唔靚都係後話，個樣有啲似餸尾。朋友頂唔住自己去同佢理論，佢加多咗少少，其實我都唔係好覺得佢加多左幾多條菜今日當值嘅係一位白頭髮嘅阿姐，呢個場都幾多人食嘢，但係呢間舖冇人食，真係有啲原因回憶，在心裏就好食嘢好簡單，鍾意嘅一定再有幫襯，唔鍾意，就唔會再有下次浪費少少時間，喺度做一個記錄而已唔再見。…Read More

對奶類敏感嘅人，唔鍾意牛奶嘅人，對奶蓋都避之則吉，但係呢度嘅堅果奶，打出嚟好creamy, 又冇牛奶味，又一定唔會敏感，仲有淡淡的堅果味，奶蓋要用匙羹「不」來食。飲完仲好飽，溝落甘甘地嘅茶到，好夾。…Read More

呢間一直都有幫襯開， 今次係最難食嘅一次啲飯林嘅，有兩舊雞細過女仔手掌，最好笑係佢比把刀我，係鋸扒用嘅刀，搵义拮都嫌有餘，仲要唔夠汁，有一舊有燶邊，脆脆地，但係就比較乾身肉燥飯啲肉燥奇少，唔夠撈飯。玉子豆腐，夠炸粉好大舊，煙靭過糯米糍， 我未食過咁難食嘅玉子豆腐，係癡牙嘅到台灣腸，切到薄到火腿咁薄，一兜仲要係油浸咁樣，食到落底，係一層油。份量係OK嘅。到珍珠奶茶，真係屋企樓下間珍珠奶茶都好飲過佢，啲珍珠硬嘅，個心實嘅，係咬到脆脆地嗰種神，冇乜茶味，但係又唔知點解飲完之後我會瞓唔着，又冇乜奶味成餐食完之後都唔知食咗啲咩，油到夠飽，但係就頂到瞓唔到…Read More

星期日下晝去食，唔知冇因為防疫，定係因為無錢洗碗，堂食外賣全部都係外賣碗味道只屬一般，金邊粉好細份，唔夠女士飽但係環保絕對唔係合理我食堂食，都係想慳返啲外賣兜，而家慳唔到之餘，仲要用咗n個⋯⋯又唔係醫藥用途，唔使全部用晒即棄吧…Read More

慕名已久終於可以來試一次雞扒。叫咗雞扒撈烏冬做午餐。先來奶茶，好大杯，茶都濃，奶味淡啲，下次叫多奶或者茶走比較好。烏冬好煙銀彈牙，雞扒好香好juicy，雞皮脆脆地，小小胡椒又好香，配埋麻醬味道好夾好好食。睇食評好多人都有兩塊雞扒，而雞扒遮唔晒啲烏冬，以我只有一塊雞扒唔知係咪帶到遮住曬啲烏冬呢，我只係睇到幾條烏冬，五啖就食晒啦。食就真係好食嘅，不過我食唔飽，要出去補多碗粥先夠飽。食完之後嗰種失落感令我下次唔想再來。…Read More

機緣巧合，來到這間久仰大名的自助餐，海逸的期望本身就不大，但是過了今晚，應該不會再來。食物已經不太行，安排真的不行。先來壽司吧要排隊，生蠔及海鮮係要分兩次排隊壽司吧有海膽本來是好事，但是瞬間沽清，不再refill ，要等成個鐘食到甜品咁滯先再有至於生蠔，每人可取三隻本就平常，但是兩位員工都處理不了一條人龍。看着員工放慢手腳來開生蠔，就火都嚟埋。仲要俾我睇到佢哋睇到人龍先開始快手啲！我承認我中佢地計，我排左三次就再無排啦。咁嘅安排叫人點樣有心機食。雖然蠔唔夠凍（揸着咁耐點會夠凍），但味道係幾好嘅其實海鮮都唔好得好多，一樣咁長嘅人龍，為嘅只係半隻龍蝦同埋長腳蟹，仲要唔多鮮味，長腳蟹又勁咸。只係青口嘅味道比較好。至於熱食都不太吸引，獻汁一樣嘅湯，淋嘅天婦羅，都唔知點樣韓式嘅炸雞，比較好食嘅係鵝肝甜品嘅選擇亦都唔多，我一隻大碟就每件一個。雪糕嘅味道就比較多但是窩夫不是即叫即做。…Read More

同朋友的gathering來到呢間拉面店，店內的裝飾都很光亮。我們都叫左拉面，轉左set, 以為只可以加一款小食完來係兩個呢，哈！ 凍豆腐好好味，但係茶碗蒸就不太好，塊魚片去左最低，唔夠味，拉面都幾好，湯底幾好飲。但係我的天婦羅就唸左，唔知點解。食完好耐都冇人叫我地埋單，由七點坐到十點，過左好開心的一晚。…Read More

買了冬瓜愛玉，等左成十分鐘，先同我講可唔可以轉第二樣野，因為冬瓜煲緊未得，怕我等得太耐喎！有咩唔使等，係珍珠奶茶囉，趕住返學，算！但係珍珠奶茶好似平啲，但係冇比返錢我囉！勁嬲！都要講講杯珍珠奶茶，都幾淡口，走冰都咁淡，唔走都唔知點。但係好多珍珠，成杯飲完都仲有。…Read More

今日來呢間食左番茄湯米線，番茄湯濃，不太咸，飲晒都不口渴，餸就有好多選擇，除左車仔面的料，豬扖同白切雞都有，今次試的牛肉片就夠彈牙，只係羅白唔多夠甜... 米線又滑...最重要係價錢唔貴, 飲品的選擇特別... 一般的有... 凍飲係就係加兩蚊, 但係可以轉埋特飲... 今次試涼粉豆漿... 豆漿淡左D... 但係... 以呢個價錢可以食到呢個質素真係相當滿意~ 見坐得舒服又大雨...坐左好耐都冇趕人走... 下次要試其他野先得~~…Read More

今日胃口不太好, 叫左冷的口水雞同雞絲伴麵... 口水雞都ok 冇投訴...... 唔係好辣.... d 雞都ok 滑雞絲伴麵就好差... d 面夾唔開, 好似一pat 咁... 唔彈牙都算叫的係bb 辣... 但係就辣到頂唔順... 勁想要水... 但係又話冇水, 飲完餐茶就要叫$10的汽水.... waiter 說: "或者你叫樽水la, 平d, 6蚊"咁的態度, 唔會叫lor!! 寧願成碗唔食男友食左一啖, 就話我的bb 辣仲辣過佢的中辣.... 即刻叫個waiter來問... 仲要顧住叫其他客入坐唔理我... 之後叫個manager 來.... 話換過個比我, 我即刻話要走辣...之後, 個經理仲行返來話個師傅冇做錯, 只係落左幾滴辣油.... 咩態度呀!!男友的酸辣粉都唔好食, 太稔... 唔彈牙, 得個辣字, 冇味個老水拼盤都ok 的... 只係d老水太淡....得d 色...食完覺得好"漏"... d 野好細碟... 但係... 好"滯"... 睇來落左好多油...仲有, 個厠所真係好臭.... 冇必要一定唔好去....呢間野一定唔會再去!…Read More

第一次來呢間食...兩個人, 兩個set dinner加左26蚊有多個前菜... 朋友的串燒冇complaint...但係我的焗田螺就不好... 菇味太重, 冇螺味... 中間的mashed potatoe 就好乾... 好難食...之後的湯就ok... 係就係稀d... 但係夠味的 (即係味精??)main dish: 我的係春雞焗蠔意粉...朋友的係咸豬手...隻蠔個殼夠大... 但係好少肉... 好勁泥味豬手的皮好厚...又好多肥膏... 意粉又好粉... 唔爽...飲品.. 好淡...見到旁邊好多枱都係咁complaint d 野好耐都唔出...…Read More

在心痛銀包快要乾塘的情況下跟朋友們到這兒...但這一個5 course (?) dinner 真的很舒服...坐得舒服, 好似在梳化食的dinner, 仲有cushion 的~~4人的桌, 可能可以坐到7個人... 大家都把手袋都放身邊~~ 都仲係好鬆動食物都幾好~~頭盤: 焗蝸牛好好味~ 唔油, 但係有香味旳~湯: 肉丸蕃茄湯好小食西餐的清湯, 有成個蕃茄, 仲有一粒丸, 有d似屋企的蕃茄湯, 但係都係冇油在面.. 飲落都係清的~~主菜: 煙燻三文魚可能有點太熟... 因為我expect 係有dd 生的...但係三文魚入口即溶確係正~~~只係旁邊的菜... 一般...甜品: tiramisu好有蛋糕feel..... 唔係好似出面果d 咁成pat cream...底仲有林林地的蛋糕... 唔溜的~~~朋友的鄧蛋都好好味... 只係略淡一點...飲品: hot chocolate係有d似粉沖出來的... 唔加糖都夠甜了可以坐足一晚, 傾計... 久唔久一次, 貴d都ok~~…Read More

上課之前食小小野...我食的係特餐...朋友的係湯面...特餐係以特快的速度送上的...奄列的分量同味道都可以的...只係太多油了...... 而通粉就好一般... 好淡... 而d通粉冇咬口... 唔"林" 又唔係彈牙... 有d似未煮熟的粉的感覺....唔知係唔係因為煙肉.... 好多油....餐包就幾好... 面好脆~~只係朋友的湯面一問再問先來...當時我差不多食完了... 而分量都唔係好多...食完之後... 我決定要搵其他野食...…Read More