Fruit Punch 雜果賓誌's Profile

行完元朗千色匯有少少肚餓，見到媽咪雞蛋仔就想買雞蛋仔頂肚，平時無乜留意原來而家媽咪雞蛋仔已經有20款唔同口味雞蛋仔，不過真係太多口味，花多眼亂完全唔知究竟揀咩口味好，最終都係揀左原味雞蛋仔！幫襯開媽咪雞蛋仔都應該知道，媽咪雞蛋仔既雞蛋仔係即叫即整，所以預左一定要等，只係睇下等得耐唔耐，有時遇著人多真係要等得比較長時間！但係等下都值得，因為即叫即整既雞蛋仔新鮮熱辣，每粒雞蛋仔都係表面非常之脆卜卜，內裡非常鬆化既口感，係幾有層次！…

宵夜本身已經好邪惡，元朗為食街既宵夜仲要係特別邪惡，馳名蠔餅真係不得不食，無乜定力既絕對會食唔停口！最重要可以揀走蔥，無左蔥就唔會有蔥味，蠔味非常之濃烈，啖啖都係食到蠔而唔係食到蔥，即叫即煎，新鮮熱辣，如果元朗為食街既蠔餅係第二，應該係無第一！宵夜只係得蠔餅唔夠既，配埋煎釀三寶就係一餐完美既宵夜喇！邪惡程度真係爆燈，買左 10 件，茄子、紅腸、豆腐、魚旦、炸雲吞每款 2 件，件件出色，大件夾抵食！比定心理準備大家，去得元朗為食街多數要排隊，深夜時份排隊既人一樣唔少，不過排隊都唔算排得耐，為左餐邪惡既宵夜絕對值得用少少時間排隊！…

已經唔知幾耐無係 PIZZA HUT 堂食，因為通常都係叫外賣，好少特登去 PIZZA HUT 堂食。估唔到 PIZZA HUT 而家既優惠咁吸引，增肌買主菜仲要送意粉／焗飯，$89 起買一送一！PIZZA HUT 既「海鮮寬條麵」一直以來非常之出色，幾乎係 PIZZA HUT 必吃，估唔到原價要 $94 海鮮寬條麵而家有優惠，叫個 $99 刁草忌廉海鮮煲配蒜蓉包（5片）就送，真係好抵！本來對呢個刁草忌廉海鮮煲無乜太大期望，純粹就係因為有得送海鮮寬條麵先叫，點知好有驚喜，刁草忌廉海鮮煲同蒜蓉包好夾，同埋一開始以為無乜海鮮，但係有唔少蝦仲有帶子。海鮮寬條麵一樣好好味，無失望，PIZZA HUT 做優惠仲要水準保持到之外再有驚喜，實在好滿意！…

烤魚工房係元朗人最喜愛的燒烤店，唔少人去烤魚工房都係為左食烤魚，即使烤魚工房係烤魚界天花板，不過去烤魚工房都唔係一定要食烤魚，仲有好多其他選擇可以食！誠意推介「川式串燒」，必吃「串燒豬頸肉」同埋「烤雞軟骨」都係兩串 $29，肥肥地既豬頸肉串燒出來既油香味難以用文字去形容，雞軟骨既口感就有少少咬口，兩串串燒享受不同既口感，建議一啖豬頸肉一啖雞軟骨咁樣食，加埋 $14「加多寶」，真係絕配！再誠意推介錫紙類野食，「錫紙花甲」「牛油錫紙娃娃菜」分別 $49 同 $35，「錫紙花甲」有粉絲墊底，絕對係精華所在！錫紙娃娃菜溝埋牛油，娃娃菜既味道因為牛油而昇華！最後仲叫左碟 「傳統炸酥肉」$52 大大碟，炸得好香脆，夾埋灑係上面既調味粉，味道一流！…

其實每日要諗究竟一日三餐食咩好，有時真係幾煩惱，不過自從兩餸飯出現之後幫左唔少人煩少好多，所以好多人為左唔需要煩而唔介意大排長龍去買兩餸飯，排隊排到差唔多到果陣自自然然就會諗到食咩，因為諗得太慢驚阻著下家，未到已經睇定諗定！或者呢個就係兩餸飯既魔力...... 唔知幾時開始賣兩餸飯既餐廳好似總有一間在左近咁，不過選擇睇落好似好多，事實上來來回回都係果D餸開始無乜新意！途經九龍城見到泰風情呢間泰國餐廳，居然有泰式兩餸飯，$37 兩餸飯，每加一餸 $9，堂食須加 $5 奉送冷熱飲品，淨餸可雙拼 $48，咖哩類衹只單拼。花多眼亂唔知揀邊兩餸，三餸都係 $46 就揀三餸，香葉肉碎炒豆角🔥、泰式鹵水豬手同埋炸鷄髀，香葉肉碎炒豆角🔥辣辣地送飯一流！泰式鹵水豬手唔只有豬手，仲有一隻鹵水蛋，鹵水蛋好入味，豬手口感好滑好腍，唔錯！炸鷄髀大大隻炸到脆卜卜，$46 泰式三餸飯可以話係無得彈！…

本來係高峰樂園海洋天地係想食麥當勞既，但係無食一排好似貴左好多，反而麥當勞對面果間金香雞價錢比較優惠，之前又未食過即管試下。海洋公園全年會籍 85 折優惠，買兩個指定餐有套餐仲有熊貓雪糕批，揀左一個炸雞件、薯條配汽水（22 安士）餐，一個炸雞翼、薯條配汽水（22 安士）餐，再散叫左 2 串脆炸旋風薯棒。香脆的炸雞令人食指大動，炸雞件、炸雞翼、薯條全部都新鮮熱辣，特別係脆炸旋風薯棒，之前係其他地方未食過，非常惹味！最吸引一定係熊貓雪糕批，萌爆登場！呍呢拿味及朱古力雪糕配朱古力外層，好睇又好食！…

元朗人一定聽過許祥昌，元朗人想吃地道車仔麵第一時間一定會想起許祥昌，除左許祥昌無第間！許祥昌地道車仔麵有幾地道？地道在於配料，一碗車仔麵究竟可以有幾款配料？答案是14款！有豬皮、蘿蔔、魚蛋、腸仔、紅腸、魚蛋、支竹、冬菇、鳳爪、云吞、魚肉、魚片、亦尖和豬腸。 這14款配料也可根據自己口味去選擇，有人會只係揀幾款配料，又有人只會揀唔要幾款配料。無選擇既話就會有齊14款配料，許祥昌車仔麵除左配料地道，車仔麵既湯底也是重點，非常惹味！還有許祥昌值得一讚提供左細碗、大碗以及加大碗三項選擇，的確係幾貼心，適合唔同人需要。 …

識食一定係食「佳記餐廳」出爐麵包，全香港有五間「佳記餐廳」，屯門已經有兩間。 時代廣場和良景廣場兩間「佳記餐廳」出爐麵包一樣新鮮熱辣，買左一定要趁熱食。 首選推介一定係菠蘿包，唔怕肥的話首選推介就一定係菠蘿油，在其他地方真係食唔到。 無論幾時去「佳記餐廳」買菠蘿包，「佳記餐廳」菠蘿包都一定係熱辣辣，皮仲非常之脆。 不過記得要有定心理準備，食呢個菠蘿包係會一路食一路跌，一唔小心就成身碎。 除左菠蘿包，仲有其他種類出爐麵包，見唔少人買雞尾包同酥皮蛋撻，有機會要試下。 …

馬鞍山新地標 We Go Mall 樓高六層，餐廳選擇也不算少，不過 G/F 餐廳絕對會佔盡地理優勢。「富園冰室」鄰近巴士站，一下車就會看見，而且冰室對香港人來說或多或少也會有情意結。冰室給人感覺一定不是一般茶餐廳，新潮帶一點傳統，傳統又帶一點新潮，傳統和新潮兩者結合。選了「富園冰室」下午茶「生炒福建飯」，一開始以為是福建炒飯，原來同想像中不一樣。不過意外地覺得「生炒福建飯」其實很不錯，「富園冰室」廚房所炒既飯非常之有鑊氣。最喜出望外「生炒福建飯」材料有翠玉瓜切粒，感覺上整個「生炒福建飯」好味同時又健康。…

路過龍門居一定會被周邊小食所吸引，基本上說得出既香港街頭小吃幾乎在龍門居也可以吃得到！ 不過在龍門居最一試難忘莫過於「齊齊串泰式小食」既泰式串燒，串燒種類選擇大約有數十款。 個人覺得必吃豬肉串燒，其實牛肉也不錯，只是豬肉肉質會比較腍，相對地牛肉肉質較為有𡁻口。 重點並不在於吃豬肉還是牛肉，重點在於「齊齊串泰式小食」既醬料，在其他地方真的吃不到。 如果想吃「齊齊串泰式小食」既泰式串燒，在門口耐心等候一定在所難免，因為即叫即燒。 另外分醬要$2，惠顧任何串燒均可加 $22 配淨粉麵，有機會真想試試「齊齊串泰式小食」粉麵。…

百利來美食已進駐元朗一段時間，但一直未有機會嘗試，搬了去大棠道之後終於有機會試。 非試不可一定非「足料花膠雞湯翅」莫屬，翅如其名非常足料，一碗$25確實物超所值。 最值得一提店員服務態度，店員一邊潷花膠雞湯，一邊解釋花膠已經在湯溶得七七八八。 潷完花膠雞湯之後店員再潷一殻魚翅，急不及待吃了一碗，隨即已經馬上想再吃一碗。 緊記「足料花膠雞湯翅」一定一定一定要店員加上適量麻油、浙醋和胡椒粉，超級惹味！ 其實 *特色推介* 不只「足料花膠雞湯翅」，泰式炸雲吞、百利炸三寶和懷舊粉仔也是 *特色推介*。 還有 *特色炸物*、*滋味冷麵* 以及 *麻辣精選*，*特色炸物*最吸引，不少種類任君選擇，有辣有不辣。…

在洪水橋下午茶首選一定是皇都餐廳，本身對洪水橋不太熟悉，不太清楚有什麼好吃。不過皇都餐廳位於大街，在洪水橋輕鐵站已經看得到它的存在。而且招牌也有一定的歷史，似乎皇都餐廳已經開了一段長時間，有了一定的信心保證。皇都餐廳室內外也有座位，是一間不太細的餐廳。坐在室外開揚的座位，碰巧天氣不太熱所以很舒適，感覺很休閒放鬆。坐在旁邊的人都在吃肉醬意粉，平時不太愛吃肉醬意粉也要試一下，的確與別不同。有驚喜的是肉醬意粉上的肉醬非常有咬口，不只是有醬而已，算是吃過最好吃的肉醬意粉。…

每日lunch time繁忙時間，灣仔蘭杜街成條街都大把人排隊吃飯，但最多人排隊一定非榮式燒雞扒莫屬。一直不知道點解這麼多人排隊，原來雞扒即叫即燒，怪不知得這麼多人不介意在門口大排長龍。最好笑的是餐牌上「雞同鴨講飯」以及「雞藕天成飯」，雞固名思義榮式燒雞扒，至於鴨就是鴨胸，藕就是蓮藕餅。 熱騰騰的榮式燒雞扒多汁脆口，需要耐心等候都覺得十分值得的。榮式燒雞扒，既非黑椒，又非照燒，既然由榮哥發明，索性取名榮式。最後扒上榮哥秘製的肉汁醬油，榮式燒雞扒帶點甜味，令人一試難忘。…

之前從未聽過萬芳冰室，不過有一日有人問路問萬芳冰室在哪裡，但身為元朗人竟不知道。事後上網一查，原來萬芳冰室始於1959年蔡意橋，並且已衝出香港，台北也有分店。冰室以懷舊主題打造，用了舊式親切實際設計元素，加上牆身上的手繪電影海報、舊式鐵閘等，可以令不少人回味70、80年代的冰室風情。還有吊在天花板的小飛俠（阿童木），感覺真的有置身於博物館去用餐一樣。萬芳冰室餐牌選擇也很多，率先叫了生炸無敵大雞髀（需時15分鐘）以及焗黑椒蜜汁特大豬扒飯。生炸無敵大雞髀比想像中還要大，除了大之外與平時吃到的雞髀分別不太大。而焗黑椒蜜汁特大豬扒飯的汁非常有驚喜，在其他地方從未吃過，黑椒惹味得來蜜汁又帶有一些甜味。吃完還未飽再叫了星洲炒米，萬芳冰室選用的米粉與平時吃到的星洲炒米不同，食過返尋味！…

鴻利住家菜位置在媽廟路，由於媽廟路一整條街也是餐廳，鴻利住家菜顯得不太起眼，感覺平平無奇。不過「住家菜」這三個字的確吸引，莫名其妙對它有一種情意結。可能是因為經常出街吃飯，誰不想吃住家菜？誰不想有住家菜吃？鴻利住家菜正合心意。鴻利住家菜裝修簡單，服務員態度親切，好像真的有一種住家的感覺。菜式方面選擇也不少，一般想得出的住家菜這裡也有，價錢也很平民，幫襯的人基本上全都是街坊。$148二人餐非常值得推介，有一碟霸王雞一碟菜再有一碟自選不超過$60的菜式，而且還奉送例湯以及白飯兩大碗，$148三餸一湯去哪裡找得到？…