eating_vivian's Profile

聽朋友講最近有間新開的居酒屋，以「100款清酒」為名，鍾意食日本嘢同飲酒的我，梗係即刻去試下啦。可能新開，入面所有嘢都超新，無一般居酒屋亂糟糟的感覺，女仔都適合去。食物就主打鍋物、炸物、燒物。清酒Menu果然好多嘢飲，仲要做緊買一送一早去的鳥兒有着數，連食物都有8折，我地成張單抵哂。食物新鮮，但選擇少咗啲，將來出多D款就keep哂，大杯酒大塊肉就啱我啦D魚生好新鮮而且都切都厚切由於真係太多款清酒，就叫侍應幫我地揀番支性價比高少少，佢介紹左幾支，最後我就揀咗新潟的純米大吟釀，因為香港比較少見，supermarket都買唔到。個杯仔都幾得意總括而言非常之適合清酒愛好者，舒舒服服，飲杯酒食啲嘢，傾計一流。…Read More

咁啱同朋友經開，發現呢間新開既居酒屋。入面裝修都好日式，氣氛都幾熱鬧。我哋叫咗個「梅」set, 價錢$600幾，前菜、海鮮火鍋、燒牛肉，乜都包，已經係Menu入邊最貴嗰個套餐，另外仲有$300幾同$500幾既set, 要試就試最貴，反正價錢差唔多。前菜嘅生牛肉絕對有驚喜，上面加埋黑松露醬口感一流。最流口水既係燒牛肉，喺石板上燒，跟住啲油慢慢流出嚟，絕對係味覺加視覺嘅享受🤩。最最最最最驚喜莫過於海鮮，非常鮮味，明顯係真日本貨，個蠔無令我失望，啖啖鮮蠔味，正。另外，值得一提嘅係佢嘅自家梅酒，唔會好甜，仲要買一送一，抵爆。…Read More

朋友說這間不錯，就一齊去幫襯。午市都幾乎爆場，附近辦公室的人都嚟幫襯，仲以為只做屋苑生意。好彩有3個位。點了蔬菜牛肉火鍋和10件壽司的套餐，壽司等的時間比較長，質素尚算新鮮，價錢只是140左右（未計加一），數量算大件夾抵食，每位都會送蒸蛋，抵食。牛肉火鍋沒有跟火鍋，是煮好送上，牛肉有點過熟，肉質並不特別，但味道不差，可惜係蔬菜的數量及款式都較出面少，有點孤寒的感覺。如果下次再嚟幫襯應該淨係會點壽司。…Read More

成日要係朗豪搵食，今次就試左呢間新新地既餐廳，叫丸十壽司，內部裝修唔錯，行簡約日本風。我叫咗一個$88嘅烏冬鍋set, 估唔到都幾大份。首先嚟左盤前菜，係「盤」，因為佢真係用個木盤去裝住，份量都幾多，唔係hea比，但係漬物味道略嫌一般。主菜烏冬都非常大鍋，而且裏面D蔬菜好新鮮，食得出應該係來自日本，個炸蝦都炸得唔錯，雖然浸係D湯度但係無淋到一餅野嘅感覺，仍然係脆口，呢度值得一讚。仲有跟咗個湯，不過有D鹹。整體食物合格，但係服務質素可以再提升，例如我未走，佢地清食物時手快快收咗杯茶，但食完飯，飲啖茶對日本料理係好重要，侍應可細心D。…Read More

一行六人連埋小朋友，去咗呢間食火鍋放題嘅日本餐廳，因為係朋友book枱，所以之前我基本上未聽過個名，但係估唔到咁有驚喜。佢地嘅選擇同用材，唔會差得過出邊一D連鎖嘅食牛肉放題嘅火鍋，而最驚喜果點係有個炸天婦羅既area🍤最欣賞係佢refill番嚟嘅肉質都係同一類，記得之前去其他”牛”字頭嘅火鍋，refill左2盆就變左另一檔次嘅肉質，呢間童叟無欺又ok啵刺身都新鮮另外絕對值得一提係佢嘢飲嘅corner，好多懷舊嘅嘢飲，呢個無糖嘅碧螺春，我連續飲咗3罐。成晚坐得好舒服，一D都唔迫，最重要係冇限時，而且基本上唔需要等位，唔使食餐飯都趕到死。所以呢間餐廳我絕對會再去食，推介…Read More

星期日去食飯唔想迫，就諗起9號水產呢個地方，地方新新地，而且上次去都冇乜人流，go!嗰度有幾間餐廳，我就揀咗呢間頤之味，似乎係走平民少少嘅日本餐廳。可以散嗌或者Set menu, 就算set都唔貴而且包好多野，咁我就叫咗$488二人set食。估唔到份量咁豐富，就連普通嘅沙律都咁大盆，用材唔hea啵，上面一堆三文魚子。佢個刺身都幾鮮味，三文魚都係厚切，而且係生磨Wasabi，誠意之作。而海膽係額外叫，$250合理價錢。正正常常起碼會跟埋紫菜，好過一D連鎖日本餐廳。大大份玉子燒美國牛肉壽喜燒鍋，肉質一般啦，但係$488包咁多嘢食絕對抵。仲跟埋兩碗毛蟹湯，可惜略嫌蟹味不足。食得太舒服，個場又靜，枱與枱都隔得開，唔洗迫，所以開心地叫咗兩杯啤酒飲。以為食完呀？仲有加州卷呀，三文魚燒蠔加州卷，絕對食會票價最後食埋甜品，好滿足！…Read More

而家開咗好多唔同類型嘅甜品鋪，賣D又中又西嘅甜品或者糖水，不過好多間都做得唔正宗，想食一D傳統嘅中式甜品真係越嚟越難搵。果次食完飯，咁啱經過西營盤呢間糖水舖，已經比佢個店名吸引，中式甜品專家？即刻引我就入咗去試。一行四人，分別叫咗四碗甜品，包括好難搵嘅桑寄生茶，紅豆蓮子蛋糖水，綠豆蓮子糖水，仲有芝麻糊。全部味道都好正宗，完全唔係D粉開而成既糖水，或者收$50幾蚊但Hea煮既甜品，我哋全部人都食得好滿足:)…Read More

果次整車經過，先咁啱見到呢間泰國餐廳，因為位置都幾偏僻，但由於門面裝修好企理，顏色又簡約，有啲似泰國出名嘅Blue Elephant，所以今次特登嚟食。以為係走高價路線，原來都係一間食平民泰國菜，價錢相當相宜。星期六兩點時間都唔算太多人，唔使迫真係好。室內主要係有一D大象嘅裝修所造成, 好簡約都幾舒服。價錢好平民化，$40幾蚊就已經有一個餐連野飲，而且味道唔錯，我哋叫咗冬陰公同埋泰式炒牛肉河，冬陰公適合香港人口味，唔算太辣，會想飲晒D湯。炒牛肉河D河粉都好滑, 而且味道野食！性價比高青木瓜沙律偏甜龍眼冰就一般般。…Read More

雜誌上見到介紹呢間店舖，已經比佢個日本門面深深吸引就一就角度，係咪真係好似日本呢！山長水遠嚟到，就係要試佢傳聞中嘅日本蜜瓜雪糕set, $148蚊喺香港物價騰飛嘅地方來講已經算係優惠。我2點半就到左，但原來供應時間只限3-6pm.咁唯有等吓啦～佢室內好多鐵路佈置，都幾特別。終於等到佢三點鐘既下午茶set！見到成個蜜瓜都流晒口水！足足6個伴碟加一個最重要嘅蜜瓜雪糕！未到不負所望，我覺得絕對值回票價，雖然地方係深水埗，但係性價比總好過去中環食啲難食嘅tea set. 推介…Read More

經過嘅時候發現呢間食店，裝修OK，諗住係幾傳統台灣食店，未到差極，點知真心難食到喊，完全伏哂牛肉麵啲牛肉勁”銀”，啲麵餅可以係痴埋一舊到底有冇心煮㗎？然後杯珍珠奶茶係我飲過世界上最難飲嘅珍珠奶茶，一個字「垃圾」，小食又係令人失望，一塊熱嘅薯餅都offer唔到？咁就收左我$65！香港充值得太多呢啲垃圾食店！比D心啦個樣好似好得？食落就知.....個味好怪，牛肉係咬唔開，再睇下個麵餅，點食呀？世上最難飲嘅珍珠奶茶最好嘅，我淨係覺得D服務員態度好好, 無啦…Read More