心雪's Profile

本來book了枱Biergarten晚餐, 見到兩個門口 , 一個地面(較似酒吧), 一個地牢, 所以自自然然走咗落去, 到問個侍應既時候知道應該係BOOK咗地面嗰間, 但大家都覺得較嘈, 亦俾那些酒桶卡座吸引, 所以就決定响呢度食.., 可惜決定後待應話已經俾人BOOK哂, 所以下次先可以試我哋ORDER 咗 : Caesar Sald - $ 88 (新鮮) Spagetti Carbonara $ 128 (冇特別)Mix Sausages small $128 (OK)Orange Juice $35 (唔係鮮榨, 較甜)Pineapple Juice $35總括而言 : 味道一般, 待應亦不多理你, 但勝在較清靜, 而且人流不多, 可以坐上兩三個小時慢慢食, 傾吓計 (但地下較滑, 如果著高跟鞋要小心)…Read More

九點零鐘兩個人行荃新天地,唔知食咩好, 又唔係太肚餓諗住去茶餐廳食算, 經過呢間咪入去囉, 見到D快餐, 晚餐大約三十零四十蚊, 一個叫咗個快餐"鴨腿湯飯" $32 包嘢飲, 凍飲加2蚊, 見到餐牌常餐 (餐蛋飯 $30) 都OK吖, 因為唔太肚餓, 唔想嘥嘢, 點知落咗單隔咗陣個阿姐走埋嚟講, 餐蛋飯冇嘢飲架吓.想轉都落咗單, 算..睇吓佢個餐蛋飯係咪值, 點知蛋又咸, 午餐肉又乾,一路食一路望住個餐牌, 覺得佢D定價都好怪, "牛奶麥皮+多士"又係$30, 餐蛋, 腿蛋又係$30, 但時菜班腩飯, 豉汁雞球飯...等等都係$35但包嘢飲喎..梗係覺得個阿姐攪錯, 到俾錢嗰陣問個老闆娘, 點知佢仲答得妙, 老闆娘: 吓, 6點後冇餐架喎....我: 咁我個FRIEND叫嗰個又有? 老闆娘: 唔知呀, $74蚊啦...(鴨腿湯飯+凍飲$34 & 餐蛋飯+熱飲 $43) 既然食咗, 唔再問落去, 但以後都唔會再去囉! …Read More

可選室內室外坐, 可能早得一個阿姐响收銀處忙, 响外面座低後要自行到隔離枱面攞餐牌, 差唔多十分鐘阿姐都無理我, 點餐要大叫阿姐才應你, 點咗個"竹炭棉花冰 $45" 清淡得啱啱好, 芝麻湯圓好香芝麻味, 兩個人SHARE會較好, 一個人未必食得晒. 之前試過芒果糯米卷 $33, 好食…Read More

時間未夠七點,所以唔駛等位, 之後未夠30分鐘已經坐滿晒人兩個人叫咗三個餸 :燒鵝 - 例牌$85, 皮脆唔肥 裕記小炒皇- 例牌$70, 內有帶子,西芹, 蝦干, 腰果, 蝦仁, 鮮魷 (腰果脆, 蝦仁爽, 帶子魷魚好焾, 但蝦干偏焾 ) 鹵水鵝掌翼 - 例牌$45 (好焾)辣醬好咸唔辣, 其他醬料都好香, 侍應頻頻幫你換碟, 加茶, 仲唔收加一, 但廁所尚算乾淨, 經過先上樓食飯無異味…Read More

朋友生日, 去咗富記, 叫咗孖寶-法式片皮雞 - 炸雞下有一塊類似雞肝, 再下面係一件細既炸銀絲卷, 感覺特別 金沙焗海蝦 - 炸得好脆, 可以連殼食 蜜汁燒鱔- 我唔食魚既都食咗幾舊 …Read More

同朋友諗住食自助餐, 睇到生日同信用咭都有優惠, 仲要係全單 (因為有d酒店係加一冇折的):價錢 星期一至四，成人HK$388優惠: 匯豐信用咭8折 日航咖啡室於十月份推出雙重優惠：包括「生日之星」超級飲食優惠及自助餐7折優惠券。凡於10月或11月出生的壽星仔女由10月1日至10月31日，惠顧日航咖啡室自助餐，可享相等於年歲的折扣優惠（敬請出示身份證明文件或護照作實），如40歲生辰，即可享六折優惠；同行人士則可享有一般的信用咭折扣優惠。另於此段期間，凡享用自助午餐或晚餐，即可獲贈自助餐7折優惠券乙張，供下次蒞臨惠顧時使用，優惠券適用於星期一至六之自助午餐及星期日之自助晚餐。 供應時間 星期一至日 晚上6時半至9時半 自助餐主題 「德意」風情自助晚餐 特色菜 蕃茄水牛芝士碟、巴馬火腿伴香瓜及莎樂美撻、德國雜肉腸伴酸椰菜及德國燒乳豬但今晚又與乳豬無緣, 只有豬柳,牛扒同羊扒, 款式還算ok, 尤其甜品, 較多選擇雪糕,豆腐花,士多啤利西米露...., 到九點待應還告知門口有愛爾蘭咖啡, 即席制作. 可惜我唔飲咖啡, 所以由我d朋友出去攞, 我就响位看住大家既物品. 最重要係座得舒服, 本來到九點半的, 但我哋問待應係咪要離開, 因為仲傾緊計, 佢話可以座, 只係佢哋要執嘢, 傾計傾到十點半,其間仲幫我哋加茶添.... …Read More

第二次食, 第一次都ok, 今次六點零鐘唔太多人, 二個人叫咗 "東坡肉" - 上次食過汁濃, 唔太肥, 但今次較為肥同太甜 $48"餃子" - 皮太硬 $28(特價)"流沙包" - 一d都冇流出嚟, 但好香咸蛋味同奶黃甜味, 並不是坊間一般咬落去全都係砂塘既甜可以一試$24"蒜泥白肉"- 淡而無(肉)味, 全靠另上既汁料,$40荼錢$7/位, 小食$10四樣嘢埋單都要$197(返到屋企計唔返條數出嚟) 唔太化算但環境算舒適…Read More

記得剛剛開業既時候, 每次買早餐(外賣)都錯漏百出, 返到屋企打開個袋, 要奶茶俾錯咖啡, 要魚柳俾錯豬扒, 最搞笑有次十點零鐘買早餐, 三十零蚊, 俾張五十蚊那位收銀妹妹, 佢居然找回六十幾蚊, 問佢係咪找錯錢, 佢再攞多4張HK$100找俾我, 我同佢講我俾50蚊咋喎, 你找咁多既?佢先同我講唔好意思, 找番正確, 我想如果其他人立心不良, 你就賠死啦.之後每次買完必定檢查咗先, 費時又要行多轉, 但近排好像改善好多了, 起碼近十次都正確, 亦冇收錯錢.…Read More