Agnestsm的個人專頁

喺葵芳嚟講The Pantry應該係我至愛餐廳💕食物選擇多 又啱我口味🍽️ꕥ Sea Urchin & Scallop Linguine 一嚟就食咗件海膽先 幾鮮甜😆帶子唔算大粒 不過熟度啱啱好 鮮嫩~意粉軟硬適中 醬汁亦都好Creamy 中間仲混咗啲蟹肉 令鮮度提升ꕥ Salmon Risotto Bowl 三文魚煎得好香 外皮脆脆地 肉質緊實🐟配菜有羽衣甘藍/玉子豆腐同本菇 飯嘅調味係美珍梅子 仲有隻溫泉蛋可以拌勻啲飯一齊食 濕潤得嚟又唔會影響飯嘅口感🥄ꕥ Spicy Wings係單骨雞翼嚟嘅 食起上嚟非常方便🐤外層鬆脆 入面依然有肉汁 真心正💕有兩款醬汁可以點 燒烤醬同沙律醬 沙律醬個味道有少少似酸忌廉 配炸物好適合飲品方面 推介大家嚟到可以試下Milkshake Coffee Float🍹我哋揀咗Mint Choc 薄荷朱古力味好香濃 整體唔會太甜 另外點咗杯Hot Cappuccino 都好啱口味啊…查看更多

喺太子嘅一間cafe小店🍽️店面唔算好大但好有空間感木系為主嘅裝修🪵亦令人有種好relax嘅感覺✨點咗$488 Set For 2 前菜/主菜/主食/甜品同飲品有齊ꕥ 海鮮龍蝦湯 +$28替代基本餐湯 值得嘅🥄入面除咗有絲絲龍蝦肉 仲有蜆肉 味道夠鮮🦞ꕥ 慢煮雞胸柚子汁沙律 估唔到咁大碟😆雞胸好嫩 有好多片 沙律菜爽脆🥗加埋柚子汁 味道同口感都有層次ꕥ 西京燒比目魚 比目魚有3大件 而且肉質好嫩滑 絕對滿意🐟配燒汁已經好夠味 再點啲蛋黃醬 又另一個效果 伴菜有薯蓉/燒菇/沙律菜等 夠晒豐富ꕥ 蒜油花椒蜆肉意大利麵 食落好惹味 花椒嘅香帶少少麻 但又唔會好辣🌶️蜆肉有十幾隻 乾淨無沙夠新鮮 意粉質感都好好 軟硬適中ꕥ Apple Crumble 而家好少越來越少地方有蘋果金寶🍎一見到有當然唔可以錯過 外脆內軟暖笠笠 仲加咗果仁令整體味道更香 口感更有層次飲品點咗兩杯coffee☕️另外仲有梳打/果汁等 亦都可以加錢要house wine或者cocktail🍹…查看更多

一直睇住Cookie DPT嘅進化由以前賣cookies嘅網店/pop up store🍪到而家喺中環有間好chill嘅cafe除咗cookies 仲有好多野食揀🍽️ꕥ 𝘉𝘙𝘌𝘈𝘒𝘍𝘈𝘚𝘛 𝘚𝘜𝘗𝘙𝘌𝘔𝘌 簡單而隆重嘅早餐✨煙肉同蛋基本配搭 調味足夠 最正係有薯絲餅 脆脆地又香口 另外仲有一份pancake🥞蛋味香濃 加埋牛油同楓糖漿 perfect!ꕥ 𝘊𝘙𝘌𝘈𝘔𝘠 𝘒𝘐𝘔𝘊𝘏𝘐 𝘗𝘈𝘚𝘛𝘈 有驚喜🍝意粉份量都幾多 估唔到忌廉意粉加kimchi係咁夾 食落微微香辣好惹味 泡菜亦令口感更豐富 另外+$25燒雞扒 肉質都幾嫩 雞皮帶點焦香 唔錯🐤ꕥ 𝘉𝘈𝘚𝘘𝘜𝘌 𝘉𝘜𝘙𝘕𝘛 𝘊𝘏𝘌𝘌𝘚𝘌𝘊𝘈𝘒𝘌ꕥ 𝘌𝘎𝘎 𝘛𝘈𝘙𝘛曲奇好多款都試過 今次試下佢其他甜品🍰其實價錢都幾抵 兩款都係原個4寸 cheesecake芝士味香濃 中間半溶流心做得好好🧀蛋撻酥脆 味道勁香濃但唔會膩飲品就以咖啡為主 Mocha同cappuccino都很對味☕️…查看更多

火鍋放題最鍾意應該就係呢間馬祖🏆推薦一定要點SRF極黑和牛套餐 真心唔會有失望🐂湯底要咗鴛鴦鍋養生姬松茸雞肉鍋夠足料大量唔同種類嘅菇菌 味道清甜藥膳椰子雞鍋同坊間椰子雞有唔同似係加咗忌廉所以有creamy感覺淡淡滲出椰子香🥥🐂極上Prime Grade霜降牛小排同埋安格斯牛頸脊呢兩款牛不斷encore油脂平均 口感鮮嫩仲有Prime Grade 美國安格斯牛肉都唔錯🐖豬肉有兩款都好味伊比利亞黑毛豬肉片同無激素豬肉片兩款都係西班牙嘅伊比利亞黑毛豬厚身得嚟嫩口無激素豬肉片雖然薄但質地不失彈性 爽中帶嫩🐟海鮮方面個人推介深海魚柳同生猛海蝦魚柳大件厚肉蝦新鮮 食落都爽口另外仲點咗雞脾肉/丸/腸/菜/午餐肉等呢度有唔嘅手工丸墨魚丸/三寶丸/牛肉丸都有食手打確係唔同啲🍡細細粒但每粒都好彈牙味道都特別香濃每枱客人都會送shake shake番薯條有四款口味嘅shake shake粉🍟…查看更多

由喺旺角嘅小巷開始幫襯黑布小巷而家越嚟越多分店而且不定期都加啲新款每次去都有唔同驚喜✨ꕥ 慢烤雞腿芝士蛋吐司吐司真心每次必點 雞腿肉好厚好嫩滑 最鍾意隻蛋係流心狀態 吐落去爆汁 亦令整份吐司濕潤啲🥪ꕥ 肉羹麵線ꕥ 湊湊豆腐湯兩款都係新出嘅 都係比較惹味嘅選擇 尤其係店舖自製嘅蒜蓉辣椒醬 勁香🌶️肉羹麵線份量好多 濃稠足料 入面仲有幾粒肉丸 湊湊豆腐湯有兩件件大台式臭豆腐喺中間 感覺好地道呢 係略嫌會有少少油膩🤏🏻ꕥ 芝士吞拿魚粟米蛋餅有無人去台灣旅行都會食蛋餅?!我就係了🙂‍↕️今次呢個芝士吞拿魚粟米仲係我嘅標配添 而且俾我喺台灣食嘅更厚更大份 鍾意帶點濕潤嘅口感 鹹鹹地嘅芝士同吞拿魚配甜甜地嘅粟米🌽超正啊ꕥ 手工鮮奶蕨餅之前多數食芋圓 第一次食鮮奶蕨餅 都幾有驚喜 口感軟糯 面頭有黃豆粉 加上抹茶醬同埋抹茶脆脆 有啲日式嘅感覺🍡另外仲有焙茶味同芝麻味揀飲品都以台式為主 點咗冬瓜茶同凍頂烏龍 口味唔錯 唔會太甜 感覺健康啲🍵…查看更多

香港開咗第一間八合里啦‼️呢間汕頭非遺牛肉火鍋店 喺國內有超過200間門店 而且係唯一一間蟬聯8年大眾點評必食榜嘅牛肉火鍋店🏆香港首店喺沙田新城市廣場 食完再行街或者行完街再去食都啱晒🥢呢度嘅鮮牛肉每日由五豐行即屠即送 喺明廚區見到師傅切牛已經流口水🤤ꕥ 原味牛骨湯底預咗食靚牛肉 所以湯底就揀咗清甜嘅原味牛骨 入面除咗蘿蔔/粟米等🌽仲有牛腩同牛筋 牛腩好重牛味 牛筋入口有溶化感 記得一定要食埋ꕥ 至尊鮮肉四寶拼盤好靚仔嘅拼盤 有四種唔同部位嘅牛肉🐂 ⇝ 花趾肉富有彈性 口感爽脆 筋肉感十足⇝ 吊龍伴肉味香濃 肉身微厚 甜美而不肥膩⇝ 匙肉嘅筋較少 鍾意肉香油香並存 好推薦呢款⇝ 匙柄口感甜嫩無渣 紋理清晰 入口柔軟四款各有特色 個人覺得每款都係淥大概5-8秒 口感係最好👍🏻ꕥ 鮮切肥牛肥牛係火鍋不可或缺嘅🙂‍↕️新鮮得嚟 肥美又肉味濃郁ꕥ 手打牛丸雙拼純牛丸同牛筋丸嘅組合 質地爽彈 牛筋丸更有爆汁效果ꕥ 特色菇菌拼盤五款唔同嘅菇類🍄‍🟫火鍋時我較喜歡菇菌多於蔬菜 無咁索油 而且口感更加豐富ꕥ 潮汕純米粿條澱粉質就揀咗粿條 唔係間間火鍋都有得食🥢形狀就好似幼身嘅河粉 質地好滑溜 充滿米香ꕥ 潮汕四色水晶粿潮汕嘅地道小食 以水晶皮包住四種唔同餡料 分別有蘿蔔木耳絲/菜絲/紅豆蓉同芋蓉 夠晒特色ꕥ 潤肺小吊梨打完邊爐食呢個會唔會太完美🥰味道清甜 入面除咗有兩個梨肉 仲有雪耳同紅棗 即刻潤一潤ꕥ 爆打鴨屎香檸檬茶估唔到呢度都有而家大熱嘅鴨屎香檸檬茶 冰涼又解渴🍹…查看更多

放假就要chill chill食盡啲食完main再食pancake超滿足🍽️ꕥ Hanger Steak Fettuccine煎封門柳要咗5成熟 賣相好靚仔 牛味仲好香濃🐂 闊麵嘅質感都唔錯 軟硬適中 配嘅燒汁仲有不少蘑菇片ꕥ Salmon Risotto Bowl三文魚真心煎得好好 絕對做到外皮脆 中間熟度啱啱好嘅效果🐟玉子豆腐都有輕煎過 意大利飯飽滿 粒粒分明 拌勻溫泉蛋更好味ꕥ Tiramisu Pancake見到已經開心嘅甜品💞兩層嘅疏乎厘pancake超鬆軟 蛋味香濃 面頭tiramisu cream同pancake間仲有啲朱古力脆脆 絕對係錦上添花❣️另外有個忌廉筒 質地都好鬆脆㗎飲品有coffee/tea/milkshake等 分別點咗Milkshake Coffee Float同Hot Cappuccino☕️ Milkshake Coffee Float揀咗薄荷朱古力味 分層做得好靚 味道都好有層次 夏天飲特別爽🌱…查看更多

望住維港景食鐵板燒 唔一定係好貴㗎喺天后嘅[宴•鐵板燒] Tasting Menu promotion只係$280🍴仲可以優惠價追加刺身/鵝肝等ꕥ 前菜開胃嘅冷盤合桃魚仔 醎醎香香幾惹味 加咗合桃口感豐富🥗ꕥ 季節刺身三款(+$98)真鯛肉質細緻 味道清新 帶有甘甜味🐟池魚肥美 油脂夠厚 質感爽脆 油甘魚淡淡甘甜 滿滿魚油香氣💕ꕥ 南非鮑魚配明太子醬嘅鮑魚 呢個配搭好新穎~鮑魚簡單以牛油黑椒調味 夠鮮 點埋明太子醬 帶啲醎香令味道再有所提升⤴️ꕥ 香煎鵝肝拌自家製醬汁(+$70)鵝肝油香十足 一啖入口好有滿足感 配意大利黑醋同柑肉可以輕輕清解油膩🍊ꕥ 美國頂級牛肉厚燒嘅三件牛肉🐂揀咗5成熟 軟嫩程度perfect 點少少鹽令牛味更突出 蒜嘅愛好者一定要加埋蒜片ꕥ 鹿兒島櫻花蝦炒飯師傅落櫻花蝦毫不留手😂拌勻後每一啖都有唔少嘅櫻花蝦 飯炒得粒粒分明 乾身不油膩最後就有麵豉湯/炒雜菜同巨峰提子啫喱做甜品作結🍨…查看更多

上次去台灣攝唔到時間食牛肉麵 返嚟香港補返先🍜旺角Moko段純貞 仲crossover日出茶太 所以除咗食牛肉麵 仲有地道台式飲品🧋ꕥ 蒜醬油麥菜 好經典台灣口味嘅菜 面頭仲有啲肉燥 醎醎甜甜 加油麥菜嘅爽脆🥬好味ꕥ 鹽酥雞 比想像中大件 係炸雞件唔係雞粒 幾脆身 中間仲有肉汁🐤有驚喜ꕥ 蒜粒古早台灣腸 台灣腸本身都帶有蒜香🧄配埋蒜粒絕對昇華 另外仲有啲酸菜添ꕥ 招牌紅燒腱心牛肉麵 牛腱好入味軟稔🐂有3大件 湯底都好濃香唔會死醎 揀配手工麵 比較粗身 煙靭有咬口ꕥ 濃湯燉雞麵呢款配嘅係細麵 好掛湯🍜湯底相對清徹 燉雞係原隻雞脾 肉質好嫩 開心飲品就揀咗招牌珍奶同軟Q經典奶茶🧋軟Q經典奶茶除咗珍珠仲有仙草喺入面 另外仲有沙冰/咖啡/拿鐵/水果特調/奶香特調等等選擇…查看更多

鴻運重開後第一次去即係拍行運一條龍嗰間啊🎬冰廳依然保留有懷舊特色 仲多咗啲打卡位例如霓虹招牌/古典彩繪燈等等食物方面當然都保留港式style啦🇭🇰ꕥ XO醬乾炒牛河 真係無諗過乾炒牛河加咗XO醬會係另一個層次⤴️味道更香更惹味 牛肉份量有好多 而且都幾嫩啊 最鍾意係整體食落去唔會覺得好油膩ꕥ 頹撈拌麵簡單啲講就係公司麵🙂‍↕️配料係火腿餐肉同腸仔 啱晒我呢啲小朋友胃 不過驚喜位係無諗過”頹撈”個賣相都咁靚仔 用餐盤上放得整整齊齊 麵底粗粗地 口感幾煙韌 另外配咗個麻辣味嘅辣椒油🌶️仲有個拍青瓜小碟添飲品方面都係港式為主 我飲紅豆冰 朋友凍奶茶☕️建議大家嚟到都可以細閱一下佢哋嘅Menu 而家先知道滾水蛋叫做和尚跳海😂…查看更多

主打濟州黑毛豬嘅The Jeju🗿整體都幾有特色 餐廳設計係走暗黑洞穴風 有種神秘格調 而且用黑岩石板嚟燒肉 職員仲會幫手燒添🥩ꕥ The Jeju Hangari Pork Belly Set B呢個set有450g 鐔子濟州豬肉 仲有炸醬拉麵🥢先講濟州豬 一直聽講靚豬唔洗預先醃製 果然比我試到啦🐷燒起上嚟呈金黃色 簡單點少少岩鹽已經好好食 食落焦脆 唔會太乾 有肉汁💦岩鹽之外另外我仲推介六宮格內有個韓式大醬 點佢再加蒜頭食都好正㗎🧄食到咁上下就可以同職員講上炸醬拉麵 呢個韓國嘅國民美食 醎中帶有微甜 香濃惹味🍝ꕥ 石盤炒飯 我哋另外單點咗個炒飯😆每次喺韓國無論食完年糕鍋或者炒辣雞等等 都會以炒飯結尾 呢度嘅炒飯同樣都會喺岩石板上炒 味道都非常貼近韓國正宗 酸香甜辣 又有泡菜增添口感飲品有梳打/沙冰/啤酒 仲有米酒添 選擇都幾多㗎🍹收工同朋友嚟燒肉再飲返杯都唔錯…查看更多

喺旺角想食火鍋放題 美滋鍋可以算係性價比夠高嘅一間🍲除咗火鍋 仲有唔少地道小食同甜品 連Pancake同Tiramisu都有 最後食到捧肚走🤰🏻今次食C(豪華)餐湯底揀咗鴛鴦鍋 松茸野菌鍋好多菇菌好足料 維他命C蕃茄粟米鍋就夠晒清甜 入面仲有車厘茄添🍅 火鍋料方面 有幾款牛我哋係encore再encore嘅 M6和牛前腿心同PRIME牛肩胛嘅牛味都好濃郁 另外有兩款肥牛(精選同四方) 超嫩💦又夠香如果鐘意食羊嘅都一定要點羊肉卷 睇你本身鐘唔鐘意有羊羶味 我就鍾意嘅~所以普通嗰隻已經好啱我口味 紐西蘭嗰隻就唔羶 肉質仲再滑啲🐑海鮮類推介蟹籽墨魚滑/竹簽蝦同沙白都唔錯🦐自助區都好企理 比較特式嘅有煎釀三寶/碗仔翅同咖喱魚蛋 味道都好地道港式🍡而甜品有超過20款 有砵仔糕啊😆我最鐘意pancake 係用自動pancake機整 熱辣辣 濃厚蛋香又鬆軟🧇價錢由$198起 下午12:00-4:00同埋晚上9:00後入座都有無限時任食 而且開到凌晨2:00 收工收得夜都唔怕啊🌚…查看更多

Bingo & Cook開咗喺朗豪坊真係好方便🙂‍↕️開喺商場入面 但店面都打造到韓式大排檔咁 打卡一流📸下午有lunch set 都算抵食ꕥ 鮑魚一隻雞湯點咗兩個set同朋友share 先講鮑魚雞湯🐔湯飲落係清甜嘅雞湯 飲得多都冇乜口乾嘅感覺 跟咗一碗白飯 做湯飯完全係韓國嘅感覺🇰🇷雞係全隻 雖然唔係好大隻 但係雞髀/雞翼都有兩件 再加一大片雞胸 兩個人share都絕對唔係問題🥢而且已經熬得好軟稔 起肉好輕鬆 店員預先比定較剪我哋都唔洗點用😗鮑魚亦都軟熟爽彈ꕥ 炸豬扒泡菜烏冬 係好傳統嘅泡菜湯底 濃郁得嚟唔會過鹹 用石鍋裝住keep住都係熱辣辣 烏冬偏幼身 但質地彈牙 食得慢都唔會稔晒🍜炸豬扒融合咗日式 係滑蛋炸豬扒咁 配合起嚟好夾好好味ꕥ 香腸年糕串ꕥ 炸蝦另外仲有呢兩款小食 炸蝦就正常發揮 夠脆嘅🍤反而香腸年糕串有啲驚喜 兩樣都微微炸過 所以面頭都有脆身嘅感覺 尤其年糕食到中間就軟軟糯糯咁 口感豐富🍢飲品選擇都唔少 我就飲grape ade 朋友就飲cass beer🍺啱晒夏天 飲完即刻爽晒…查看更多

搬咗屋後有段時間無嚟啦 難得出開太子 一定要食返碗椰子雞米線🤤無錯! 除咗花膠雞 椰子雞都係必食推介啊ꕥ 椰子雞濃湯米線ꕥ 蕃茄花膠雞濃湯米線食過一次就會念念不忘嘅椰子雞🐔一開始記得飲湯先 味道超濃郁 會不自覺係咁飲 雞件都好嫩 而且我覺得佢哋分雞做得幾好🤣每次都一定有至少兩件係啖啖肉嘅雞 唔洗擔心會唔會分到全部無乜肉嘅位置 而且用小火爐 keep住都係熱辣辣 食得慢都唔怕🔥蕃茄湯就較為清甜 配料仲有白蘿蔔同黑木耳等等 花膠都幾大片㗎 米線可以轉米粉/上海麵/薯粉 或者+$10轉稻庭烏冬ꕥ 蜜糖雞翼一份4件share啱啱好 即叫即炸 所以好脆 就算加咗蜜糖都冇影響脆嘅質感🍯而且一啲都唔乾 入面仲有肉汁㗎呢度嘅米線大部份都係$60-$70左右 又平又好味🤤平價滿足之選…查看更多

奧海城樂天經典 有粵菜又有新加坡菜 今次兩個人去 除咗叫咗個有蟹食嘅二人餐 食到飽飽好滿足😌ꕥ 星洲黑胡椒螃蟹先講蟹 有4款揀 我揀呢隻黑胡椒 當然係因為鍾意夠惹味啦🦀個汁真係食到舔舔脷 坦白講蟹唔算好大隻 不過都多肉 就算有惹味醬汁 都食到蟹嘅鮮甜 正!套餐包埋飲品 除咗汽水🥤仲有檸檬薏米水同豆漿揀ꕥ 星馬金磚豆腐 賣相吸引🤤有10件咁多都喜出望外 仲要咁大件 食落外脆內嫩 而且溫度一直keep得好好 就算食得慢 依然熱辣辣ꕥ 脆脆咕嚕肉果然炸得好脆脆 就算落咗汁都無影響個口感🐷肉嘅肥瘦均勻 甜甜酸酸好味道ꕥ 蝦味魚子蝦球炒飯炒飯乾身 粒粒分明 加咗魚子令口感更好✨有6隻大蝦相當足料 蝦肉都好爽㗎ꕥ 清心丸綠豆爽鐘意熱甜品嘅我揀咗呢款 微甜清清地 夠多料口感豐富🥣鍾意凍甜品嘅朋友可以揀招牌酸柑香茅凍…查看更多