牛精叻's Profile

四人點了$168餐120分鐘放題，連加一醬料費$195呢個價錢唔好有期望， 麻辣鷄煲的雞是預先煮定，只是上枱加熱，沒有麻辣味，四人送價值$488既海鮮拼盤真係得啖笑雪藏蟶子、扇貝、小龍蝦⋯⋯炸物和串燒似乎是比較正常，但炸蝦菜單上寫虎蝦🤣牛胸爽一份烤雞皮未烤足，還未脆就上枱，羊肉是最好吃。黑松露薯條一人份的份量最後還是試埋酸菜魚，雪藏鯰魚完全沒魚味，但配料是足料的。如果沒有特別要求，其實點$90餐已經足夠。最後服務是好的，泰象、喜力啤任飲。飲品雪櫃只有一個。現場學生顧客比較多。…Read More

去完大酒店搜尋吓附近有乜小菜食，萬國殯儀館行過嚟大約13分鐘。一行九人浩浩蕩蕩行過嚟，因為驚冇位，所以事前打電話留枱。八點半左右到達，果然店內只有兩張大枱兩張小枱。侍應推薦鹽水浸鵝，芝麻雞，我哋每樣叫咗半隻。芝麻雞$200.半隻，但略嫌雞肉比較乾。鹽水鵝出街少有就得食。菠蘿咕嚕肉有驚喜，熱辣辣外脆內軟，配合新鮮菠蘿冇得彈。炸大腸炸得比較乾，冇乜脂肪，不推介。通菜炒鮮魷是全枱人都說讚的一個餸，通菜放了一段時間都沒有變黑，鮮魷唔似交貨，有誠意。胡椒酸菜豬肚蜆，酸菜不算是鹹菜，蜆無沙，整體一般。另外點了豉油王炒麵，唔油好吃。藍妹啤酒只售$25支算是抵飲。服務熱情，但店內冷氣不足，廁所空間很少。…Read More

宜家應該少有既打邊爐酒家，開到凌晨十二點，食客九成九是麻甩佬客，侍應服務殷勤，對於某類人呢度更加係佢地既最愛聚腳點，公開的秘密。手切牛脊肉，紋理平均，牛味濃。最欣賞一定是中山脆骨腩，咬落超級爽脆，充滿魚油、田鷄即劏，非常生猛、手打蝦墨魚丸食落足料。唯一不足係較少海鮮類選擇，最普通的活蝦活蟹都沒有供應。可能大家都是志在找個地方吹吹水吹吹煙，啤酒又便宜，經常有買二送一，或者九點後買一送一。沙爹湯底、麻辣湯底味濃，但會愈煲愈咸。如果帶朋友黎記得要做足功課啊～免得被現場環境嚇親啊～…Read More

五一勞動節入來體育園逛逛，超多遊人，黃昏五點幾入去，大部分食物都售馨，但幸好稍後時間pizza恢復供應，點了12道峰味，餡料是章魚小丸子內容（魷魚、酸畺、豬肉、木魚絲、脆脆粒、燒汁、沙律醬加隻半熟溫泉蛋，完全顛覆傳統pizza既味道，手拉餅底夠薄、鬆脆。室內有部份座位可自成一角，適合二至四人，另外有大量露天座位。侍應殷勤，加水快。洗手間寬敞。公眾假期沒有Happy Hours時間，Asahi 生啤$88。P.S.現在寫食評好多詞語都要修改，究竟準則係點？明明是付款幫襯但用詞卻多多規限。…Read More

高質原來就在附近，呢個舖位都轉左幾手，今次心血來潮試下，其實之後都睇過下食評話唔錯，但總係忘記過來試。星期三閒日，上午十一點半左右，店內空無一人，店員亦不太熱情，無所謂吧反正諗住隨便吃個午餐，餐單簡約，我選西冷配太陽蛋意粉紅燒肉，另一半要龍脷柳配煙肉意粉洋蔥汁，點餐後隨即送上西湯，西湯是南瓜湯，清清的南瓜味、不會太杰。廚房只有一位廚師一腳踢，不久我的餐送上有驚喜，擺盤精緻，用上很多配料，整個擺盤都有心思，相信廚師應該做過酒店吧？粉意有少量調味，上面有少量微型菜苗，食落清新可口。西冷旁邊放了蕃茄、生菜上有青瓜大蔥絲撈了沙律醬，作為前菜非常開胃。薄西冷不會太韌、亦吃不到筋位。燒汁味濃。龍脷柳炸得香脆，不會太油，煙肉炸到很脆。但這個意粉無調味。擺盤配料是一樣的。洋蔥汁美味。廚師既藝術品、平民既價錢牌。有心做既小店一定要大力支持！如果廚師再諗下整啲signature既招牌菜，應該會吸引更多人來幫襯。…Read More

平時根本唔會入嚟屯門，今日同屋企人去完曾咀拜山，順路過嚟朝聖。中午一點唔使排隊直入，限時90分鐘，自助落單，點了雞心、雞爽肉、雞皮、釜飯、醃青椒、炸鷄，季節限定：雞髀菇、豚肉荔枝、最緊要係啤酒，$29.9 Mega Beer，好抵飲！炸物做得非常好，粉薄夠脆，釜飯比較清淡，但有飯焦，但香港食會少咗陣炭香味，明顯係用電爐燒。麻油椰菜$78之後同日本一樣可以免費續加，可能當日坐近門口位置，氣氛不夠。希望將來會响九龍或沙田開分店啦，始終香港地都少有呢類型嘅餐廳。…Read More

轉手後第一次幫襯，隔局一樣，侍應換了。中午來吃午餐，可自助落單。點了紅湯，西冷牛扒伴薯菜：餐湯偏甜，喝了兩口頂唔順放棄，蒜蓉包同轉手前做法一樣，冇烘過似的，失色。牛扒好韌，好多筋位，墊底是薯條炸得非常脆。老公點了最穩陣嘅肉醬意粉：落單不夠十分鐘就上碟，應該不是即焗，唔夠汁，意粉硬度適中。中途見到隔籬枱飯轉意粉，意粉是炒底有點驚喜，焗飯看上去都吸引，可能真係隔籬飯香，下次有機會會再來試。全場得三個，侍應有禮貌。…Read More

十幾年前MooKaTa未流行，只係响泰式東王食過，果陣仲要預訂先做，回味無窮。某日經過見到呢間有MookaTa食，價錢$398，過下口癮，於是約埋朋友一齊去試。四人點了一個MooKaTa，香港用gas爐，泰國就用炭爐，風味不同。一盤有豬肉片、豬腩片、鷄肉、牛柏葉、魷魚、蝦仁、豬肉丸和大量空心菜墊底，另外有兜生菜、金菇、粉絲、生蛋（打落肉上面撈勻再燒），跟一碟醬料（似士拉差溝雞醬）但就無牛。點餐前明明問過我地食唔食牛，但上到枱就唔見有牛既踪影。首先先燒熱爐上面粒豬油才正式開始，先燒鷄肉，嗅覺靈敏嘅我，一擺上去燒嘅時候已經聞到唔對路，有餿味，變左。後尾店員都將我哋嘅雞肉換成豬肉。其實其後燒嘅豬肉都有陣怪味，應該係唔新鮮，想變與未變壞之間。其他配料都正常。但醬料口味不夠地道。好快就上泰式拼盤，如果款式數量是雙數就更好。今晚四個人食，分唔勻。🥲各款味道是標準要求。最尾點了菠蘿炒飯，真的很一般，炒飯裡有雜菜，魷魚、雞肉、菠蘿肉、豬肉鬆，但沒有菠蘿🍍盛載炒飯，賣相扣分。服務有善有禮，但應該心急想番枱，會不停收你的碟。總括然而，應該唔會再覆桌，可以試試別的泰菜。…Read More

一行十一人選擇黎呢度聚會，預約6:30六人先到，門口已經排了一條長龍，到先的朋友不能幫未到的朋友預繳入場費，後到既朋友都要照樣排隊。收費後隨即派發燒烤用品，烤架，紙巾、蜜糖、夾兩個、大紙碟兩個（載食物用），人頭紙碗加紙杯。然後進場後要自己搵位，搵位後又要搵人嚟開爐，如果你搵嘅位係未執的話又要等人嚟執枱，抹枱同開爐唔同人做。場內有汽水機自由斟，但又係大排長龍，有提供紙包飲品，攞晒既話冇人refill，或自費購買啤酒，藍妹支裝$18、1664$22、罐裝朝日$16，買夠六罐/支會提供冰桶。食物方面都係大路嘢，但係冇內臟雞腎鴨腎之類，有大約六個雪櫃擺食物但都係重複既。唯一特別嘅係爐中間可以擺個鍋，類似打邊爐。服務方面，真係人太多，職員不夠，但態度尚可。…Read More

疫情前都無再黎過，最近見到佢做緊$188位18:30-21:30無限唱飲（藍妹、1664、Stella、Sapporo任選），食品8折。Openrice 預早訂枱可以18:00開始，仲有75折㖭。或20:30都有7折。今晚星期四，好清靜，得一個侍應走全場，但我地早到咗，還未可以開始暢飲，侍應哥哥提議我地先點嘢食，有兩個餐牌可選，越泰式\西餐，隨你個歡喜，由於前排已經食過河夢，所以今次揀西餐，點了：西西里辣肉腸薄餅8吋、經典安格斯漢堡配薯條。食物上枱時剛好18:30，侍應哥哥已經隨即送上啤酒。食物正正常常，不用評價。整個氣氛都非常好，不會太嘈吵，侍應有禮有服務，比疫情前改善不少。差不多晚上9:30會有live Band ，可以點唱。但奈何我們每人已經喝了四杯，支持不住⋯埋單$720。下次可以再來。P.S.男女厠洗手間得兩格，（男厠一樣）有一格仲要維修，如果人多的話就很不方便。…Read More

開業差不多三個月，問唔時經過都見到坐無虛席，今晚星期六就試試，晚上唔夠六點，店內已經九成滿坐，响門口望下望下睇下有無位之際侍應哥哥就問有有冇攞飛，之後好快就可以入坐。店內環境，除非坐側car位，否則都有點迫。店內有七八個侍應，但眼見周邊有人催單、漏單、落錯單、收錯錢、侍應同收銀嘈⋯明顯完全無默契。餐牌選擇不多，最後點了：椒鹽雞軟骨、啫啫通菜煲、黑椒牛仔骨。過了十五分鐘左右先來椒鹽鮮魷，對，是落錯單，過五分鐘才來椒鹽雞軟骨，是厚炸粉⋯但有底味的（自行評價）個人麻麻。啫啫通菜煲，正常發揮，上枱時還滋滋聲的。黑椒牛仔骨，賣相一流，青紅椒好香，牛仔骨好厚，但食落完全無牛味，鬆肉粉乸過龍，還有阿摩尼亞味，結果幾乎原煲無食過，浪費金銀。叫了兩支青島$56埋單$350。未至於劣評，但應該不會再來。…Read More

朋友生日，介紹佢地食新蒲崗名物（花姐話）之前已經食過一次，外賣番屋企都好食，皮仲脆既，鷄殼入面有串rosemary提味，仲有晒鉸剪、手套。見評論話就算提早一粒鐘都仲要等，當日响Openrice 落定單指定時間取，幸好去到都係等幾分鐘就有。叫了兩雞兩排骨埋單$712，預約左六點半取，見到佢張枱已經有好多單，有十幾人响度等緊，花姐效應果然犀利。臨走專登問佢入面係咪已經有鉸剪、手套，個鄉音女人好肯定話有，點知番到去打開得隻鷄同排骨。真心嬲，鉸剪都慳。朋友們試過後都覺得唔駛想食，無鷄味。二百蚊買隻冰鮮鷄有啲唔抵。…Read More

平時間唔中都會黎食小菜，今日兩條友試下火鍋，$228位，湯底$38，醬料區得沙爹醬、生熟蒜、辣椒粒，基本既芫荽、蔥要加$10。點了沙爹湯底，味淡，然後自己去醬料區度攞咗一碗沙爹醬加落去🤣。第一轉點咗肥牛、滑牛、豬頸肉、鯇魚骨腩、蕃茄。黎到真係嚇一跳，起碼四人份量，想點第二轉都有啲果困難，又要人唔好浪費食物，但兩個人又比咁大份🙃第二轉點皇帝菜、水餃、蕃茄、芋絲、生筋，今次响張點菜紙度寫明水餃要四隻、其他唔駛比咁多😆幸好執料果位廚房員工係識字既。最後其實肉類係食唔晒，鯇魚骨腩係伏，最好食係皇帝菜，起碼無渣。兩個半鐘係足夠時間，當晚8:30埋單，已經見到啲員工已經開始清場。今晚埋單每人$250，相信呢個價錢响第二度可以食得更好，衛生亦都麻麻，員工木口木面。…Read More

旺角街市搬過來，環境好咗，有冷氣，多了很多斯文客、座位少了，侍應臉孔依舊。唯一缺點是缺少了以前的另一種風味。椒鹽魷魚鬚是本人覺得比任餐廳都做得好吃，唔會用厚厚嘅炸醬炸成。另外第一次點泰式醃生蝦，可能期望太高，原來是用基圍蝦，立刻減分，但酸汁是好吃的。醃豬肉生菜包賣相是比以前好看，蒔蘿浸大蜆，應該只能說是蜆，泰象啤五送一，一樣有凍桶附上。地點方便，是聚會的好地方，不會限時。服務有禮，但記得電話留座。…Read More

店舖就在商場門口，店內有提供兩個座位供堂食用。平時番工貪方便就會外賣回公司吃，早餐選擇不多，沙爹牛肉麵，沙爹汁足料，醬入面有花生粒，甜味夠，麵通常叫稔麵，汁才可掛到面上。喜歡佢既檸茶，除左有檸檬片外還有半粒青桔。有時會叫流心蛋鰹魚腐皮烏冬，鰹魚湯底略嫌咸了一點。今次試了熱香餅滑蛋漢寶套餐，輕食之選，品質正常。下次有機會再試試午後餐套。後感：現在飲食業除了食物質素外，有時覺得還欠缺了一些人情味，好似已經幫襯過好幾次，但店員都唔會認得你，就連早上到店買早餐，基本的一句早晨都欠奉🤷🏻‍♀️…Read More