foodie_munchkin 的個人專頁

近呢個月有幾日都要係柯士甸到返工，於是係到搵附近有咩食，俾我見到有個熟食中心。通常入邊都會有啲好嘢食，而呢間有好高評分！加上我都真係幾鍾意食大排檔小炒，所以尋晚收工就約左朋友去食個飯～係柯士甸站F出口行過去幾分鐘就到！_我地差唔多八點去到已經全場爆滿咁制，除咗本地下仲有好多內地客，我諗係因為佢都近高鐵站。手拍小青瓜 $48酸、甜、辣味齊曬，作為開胃小菜一流！藤椒魚皮 $68入口爽脆，辣得黎帶點麻，配啤酒飲最正👍🏻椒鹽九肚魚拼鮮魷 $168椒鹽九肚魚同椒鹽鮮魷我都鍾意食，呢個菜就一次過滿足晒我兩個願望。份量比想像中多，夠香口味道唔錯，鮮魷口感有少少韌。豬潤啫啫鮮雞煲 $128其實我唔食豬潤，但好想食雞煲於是嗌咗呢個。雞肉肥美，如果辣啲就更正。…查看更多

餐廳位於半山，呢個位置人流唔多，要搭好多條扶手電梯先上到嚟，我諗幫襯嘅都係街坊為主。我地當日係去食dinner。佢有個好抵既二人套餐，加埋10%服務費人均$250，有幾款小食，2款主菜，仲有甜品同埋嘢飲～份量方面我覺得2個女仔食有啲多，食到勁飽都係食唔晒！嘢食每款味道都OK，但個海鮮意粉有驚喜，食落味道濃郁，加左檸檬之後酸酸鹹鹹又帶點蒜香。二人套餐 $468前菜：炸新鮮魷魚自製雞肉炸丸子烤麵包配自製蕃茄莎莎醬煙三文魚配酸豆、檸檬和特級橄欖油主菜：Pasta：雜錦海鮮意粉配白酒汁Pizza：巴馬臣火腿、哥根蘇拿芝士、洋葱甜品：朱古力蛋糕飲品：凍檸茶…查看更多

前幾日去德福行街，俾我發現到呢間超抵食泰菜。佢地有個水晶晶價孖寶只需$128就可以食到2個菜，仲要有埋香茅鹽燒烏頭食。如果唔係當日朋友唔想食魚，我都想嗌呢個餐😅水晶晶爆蒜豬手(M 2-3位用) $138鍾意食蒜既人必點呢個！超多秘製蒜蓉、3款配菜，加自家製酸酸辣辣醬汁。豬手十分軟腍，份量極多，呢個真係抵食之選！香辣肉碎煎蛋飯 $71 食泰菜好多人都有食過呢個飯架啦，我自己都好鍾意食。呢到唔同之處係有埋幾嚿脆卜卜蝦片。經典肉碎生菜包 $72又係另一款我好鍾意食泰菜，酸酸地既肉碎包埋生菜一齊食，一啲油膩感都無，會令你唔覺意食多左菜。沙嗲串燒(半打) $72雞牛串燒各3串，燒得有啲乾身，不過個沙嗲幾香幾濃郁。芒果糯米飯 $45糯米煙韌，芒果又甜，好味。…查看更多

中上環西營盤呢個area真係有好多coffee shops☕️雖然唔係成日過黎呢頭，但我耐唔耐都會試下新嘢～ 對比起上環嘅分店，西營盤分店較隱蔽，位於第一街，幾近地鐵站。門面白色，店內係簡約木系裝修，幾cozy既感覺～當日天氣唔係好熱，坐出邊一路食嘢飲啡一路people watch😬 如果加返個咕𠱸仔係張鐵凳上面坐落會舒服好多～BRUNCH PLATE W/ SOURDOUGH TOASTS AND BUTTER : SMOKED SALMON $130牛油果、蕃茄同菠菜仔幾新鮮，煙三文魚加啲檸檬汁即刻將個味道提升咗，同埋中和返個鹹味。個拉布尼乳酪口感好綿密，連平時唔鍾意食乳酪嘅我都好likey😋酸種多士就外脆內煙韌。GRILLED SANDWICH : SMOKED CHICKEN & SPINACH PESTO SOURDOUGH $78朋友試左煙燻雞肉配菠菜青醬酸種三文治。呢個材料就相對簡單啲，都係健康之選，不過略嫌調味鹹咗少少🤏🏻MOCHA (L) $47其實成日都飲Mocha，因為我鍾意佢有朱古力嘅甜同埋咖啡嘅香🍫☕️…查看更多

中環街市成日都經過，不過好少係呢到食野。今次約左朋友去食日本過江龍《竹麓拉麵》🍜有5款拉麵可供選擇🍜海老味噌拉麵 $108鍾意濃味啲嘅可以試吓呢個，濃厚既蝦湯底，加已去腸口感彈牙既大蝦同脆魚皮。和牛肉鹽風拉麵 $128鍾意light啲既可以揀呢款，鹽湯底飲落相對較清新，有6塊長身薄切和牛，入口軟腍。免治雞肉棒 $48加左雞軟骨係入邊，多左個口感，唔錯～唐揚雞件 $48新鮮炸起，雞塊大大件，係略嫌個炸粉厚左啲啲～…查看更多

前幾個星期係禧利街試左一間唔錯既餐廳，當時見到同一條街有fish & chips已經想試架啦，到前幾日終於同朋友試左。英式炸魚配薯條 $155選用本地新鮮鱸魚，新鮮炸起，外皮脆卜卜，魚肉十分嫩滑無腥味。下次要encore試吓另一款魚😋橄欖油炒香蒜片辣椒意粉 $108意粉係餐廳新出嘅，但好好味。鍾意食蒜既一定要試下，有超多蒜片，好香，食落帶少少辣，個意粉仲要係煙韌架😋半隻原味烤雞配薯蓉 $100食雞一定要食埋雞皮，而做個雞皮烤成金黃色好正👍🏻肉質亦都唔會話太乾。12-7pm 優惠時段：SAPPORO 大杯啤酒 $64BROTHER’S CIDER 野果有氣果酒 $55…查看更多

有養狗既人入西貢除左周圍行，去沙灘之外，難免一定會去coffee shop。而市場街都有唔少dog friendly既cafe，Deer Coffee就係其中一間。揀佢係因為我有狗狗，仲要係大狗，一定要坐出邊架啦。而佢户外位置夠大，行露營風，又有遮蔭篷同埋風扇，夏天坐出邊都無咁熱。重點佢有個扣釘實係地下，我可以將條leash扣落去，唔驚隻狗會周圍走，呢樣野對我黎講真係好緊要！可以安心解放雙手👍🏻野食方面幾好食，最估唔到既係Cafe竟然會有香辣肉碎蛋飯！豪不猶豫就揀左佢。甜甜地少少辣，隻煎蛋好靚🍳仲有幾片生菜，整左幾嚿生菜包黎食😋野飲方面個Espresso Tonic好清新，夏天飲岩曬。下次試埋佢地個Orange Espresso先～芝士火腿牛角包 $76+牛油果 $18泰式香辣肉碎金不換煎蛋飯 $96Espresso Tonic $49Iced Cappuccino $49 …查看更多

我對於灣仔星、月、日街既印象係呢到係一個幾hip既area，有唔錯既餐廳同咖啡店。今次同朋友係PP到行完街，過左黎呢頭搵食。當日落毛毛雨，有種好想飲湯既感覺。見到呢間越南菜，所以決定入去食個pho。燒豬腩肉沙律 $88有青木瓜，柚子，羽衣甘藍同雜菜沙律，加上焦香既豬腩肉。個沙律汁用試管裝住幾盞鬼，食落酸酸甜甜好開胃。特級生牛肉湯粉 $138特登揀咗個貴少少嘅美國安格斯牛小排，牛肉大大片，肉質軟腍。飲完啖湯即刻個胃暖立立。小食拼盤 $138越南炸春卷、鳳尾蝦春卷、蒜蓉牛油雞翼、吉列炸蝦餅。新鮮炸起，2款春卷好酥脆。雞翼個蒜香牛油味濃郁，正。鹹青檸梳打 $38青檸梳打 $38…查看更多

幾年前舊公司搞聚會，我負責揀餐廳，當時我私心地揀左斗滾😂因為朋友推介話好正搞到我都好想試下。雞煲+海鮮+打邊爐先二百幾蚊位真係好抵，時至今日佢都係$268/位。今次嚟西環分店，呢個地方都幾大，仲有兩個入口。開頭落咗樓下見到佢哋啲neon sign好盞鬼。我5:30到咗，朋友未到，侍應叫我坐低飲住嘢等或者可以整少少雞俾我食住先，又幾貼心wor。不過我都係飲住嘢，係出邊拎啲水果食住等。一開頭食咗雞煲先，我哋兩個都係食得辣嘅，佢哋啲辣度唔係好辣，所以我哋揀咗中辣。上咗枱之後要炒四次，每次炒完計時2分鐘再炒，8分鐘後就食得啦。我仲加埋啲皇帝菜落去一齊炒😂芫荽都比我加咗兩兜！一路炒嗰陣時已經聞到好香，果日勁肚餓流晒口水咁喺度等🤤雞肉整體都係嫩滑嘅，入邊仲有豆卜，索曬雞煲啲汁😋食到咁上下侍應會問你使唔使加雞，唔使就可以蒸住海鮮先。食完雞煲啱啱好上盤海鮮。有成六款海鮮，鮑魚、扇貝、蟶子、海蝦、龍躉同花蜆，全部都係蒜蓉蒸。海鮮味道唔錯，蟶子、鮑魚、海蝦都彈牙。其實食完個海鮮都已經好飽㗎啦，但佢仲有得打邊爐咁冇理由唔試埋㗎😂喺佢哋社交平台留言仲可以任食手切牛頸脊。本身諗住食少少算啦，所以雪櫃啲火鍋配料都冇乜點攞。點知佢一嚟即刻一人上一碟牛！食落牛味又幾濃wor，所以2碟食晒😁…查看更多

難得星期日放假，約左朋友去一間位於上環既coffee shop。諗住過左lunch hours 3:30pm先去會無咁多人，但係老遠已經見到餐廳外有人排緊隊，心諗仆乖了…但我食完可以話俾你知呢間野食真係高質，要排隊都好合理。絕對會再去食❤️仲要每日2:30pm開始有free flow 90mins $168 任飲紅白酒同啤酒。抵！Shakshuka 北非香辣番茄焗蛋 (SMALL) $108水煮蛋、番茄、甜椒、洋蔥、蒜、Feta Cheese、辣椒、粉紅胡椒、酸種麵包睇呢間餐廳嘅相嗰陣已經好想食呢個，仲記得對上果次食係喺曼谷。基本上只要見到Menu上有佢，我都一定會食！呢道菜來自突尼西亞，通常啲人係早餐會食佢，但其實早午晚食都好適合。可以話係comfort food，食落去有一種好warm嘅感覺，味道香得黎帶少少辣。超推介👍🏻Nduja Orecchiette 意大利辣肉醬貓耳朵 $128辣味Nduja奶油醬、火箭菜、帕瑪臣芝士呢個食落就真係辣啦，但係入口好舒服嘅嗰種呀。貓耳朵al dente，個醬辣得黎好香好creamy。又係好鍾意既一道菜👍🏻Grilled Halloumi $40烤哈羅米芝士，係羊奶芝士。烤完食落個口感好得意，係乾身既芝士，完全無臊味。$40有呢個份量真係抵到爛！一定要試下！Houjicha Chocolate 焙茶朱古力 $45雖然個焙茶味冇想像中咁突出，但係個朱古力既甜度啱啱好。_Grape Jelly Soda 葡萄啫喱梳打 $50幾清爽嘅一杯嘢飲，飲落亦都唔太甜。…查看更多

太古城中心真係好鬼大，每次想搵餐廳/舖頭都搵一大輪。Banchan & Cook舖位好開揚，有別於一般韓式餐廳傳統裝修，呢到似係一間cafe多啲。有落地大玻璃同埋打卡一流花花枱。嗌野食模式就同food court差唔多，係counter落完order拎部震震機，嘢食拎得嗰陣時會響～水、紙巾餐具都係自助，餐具係即棄式。當日試咗幾樣嘢，白切肉同炸雞都唔錯。醬油黑毛豬白切肉配大醬生菜，厚切半肥瘦🐖，配青辣椒、蒜片、泡菜同大醬，包住生菜一齊食，每一啖都幾滿足。炸雞一定要食有骨既先夠好味，炸粉唔厚，皮幾脆，每一嚿都沾滿甜辣醬，仲配埋韓式年糕同薯條。醬油黑毛豬白切肉配大醬生菜 $182韓式甜辣炸雞（有骨半份) $118橡果黑毛豬卡邦尼意粉 $102軟絲綿紅豆·豆花沙冰 $58白桃甜蜜梳打 $46Banchan & Cook 提拉米蘇 $68…查看更多

一星期出城一次食飯，呢個星期去左Pirata group旗下The Pizza Project，中環同灣仔都有分店。我建議大家去中環分店，因為果到有位女侍應叫Shova，笑容滿滿超級友善，服務殷勤又細心。我哋嗰日食完飯佢請我哋飲檸檬酒，朋友唔飲酒，佢專登轉蘋果汁俾佢👍🏻臨走嗰陣時仲每人俾咗張現金券俾我地！講返正題，本身諗住去食佢個Carbonara Pizza，但見到佢出咗個K-Drama Series，有2款期間限定pizza，好鍾意食韓國嘢嘅我即刻改變主意，有新嘢梗係要試吓！餐廳每月都會有唔同限定薄餅，期待下個月唔知係咩新口味呢～食Set Dinner一定平過單嗌，我哋揀咗二人餐，有一款前菜，二款pizza，一款甜品。咁就想可以試晒兩款新口味👍🏻_Set Dinner $230/pp_Antipasti Platter 意式前菜拼盤巴瑪火腿、意式香腸、辣肉腸、朝鮮薊、釀辣椒、橄欖同意式香草麵包Bulgogi Pizza 韓式烤牛肉薄餅 (+$20)材料有韓式烤牛肉，洋菇，布拉塔，面頭撒咗黑白芝麻同埋蔥。賣相一流，材料十足。韓式烤牛肉甜甜地配上綿密既布拉塔，一試便愛上，每一啖都好滿足。Kimchi Pizza 泡菜薄餅 (+$20)材料有泡菜，意式煙肉，紫洋蔥，面頭撒咗黑白芝麻同埋蔥。相比之下呢個鹹香味比較突出，佢個泡菜係冇乜辣味既。鍾意食辣嘅可以加佢哋自家製嘅辣椒油或者辣椒粉去增添風味。Banana Split 香蕉船 (+$20)呢個係童年回憶啊！梗係有香蕉啦，三色雪糕係雲呢拿、士多啤梨同朱古力味，加埋朱古力醬，榛子果仁同埋櫻桃。好鍾意士多啤梨味，呢個係雪葩黎，食落口感清新好多。Aperol Spritz $85Barry $85呢杯無酒精飲品超清新，酸酸甜甜夏天飲超正！…查看更多

最近試左一間裝修好有古典風格，好似私人圖書館館，又有埋維港景既高級餐廳。我哋嗰日係去食lunch，一行入去就有好fancy既感覺。如果夜晚黎呢到應該仲好feel，date night一流👍🏻Lunch menu有3 course 到5 course，價錢由$398-$548。我地就揀左4 course 。有前菜，湯，主菜同埋甜品。野食擺盤靚，岩曬打卡之餘質素都高，可以話係睇得又食得。4 Course Meal $468/pp一嚟上咗餐包先，外脆內軟，配海鹽牛油同埋basil牛油。食完要encore！Japanese Scallop Ceviche賣相同我一般食開既Ceviche好唔同，日式昆布高湯整成啫喱狀好特別。帶子新鮮，加左青檸汁食落好清新。French Beef Tartare手切牛肉食落更有口感，個japaleno同spicy harissa醬辣辣地好好味。Hummus & Artichoke Bisque第一次試呢款湯，飲落係濃稠綿密嘅感覺。_Lobster Bisque (+$58)酥皮龍蝦湯，味道濃郁而且有蝦肉。Homemade French Duck Leg Confit好大隻鴨脾，鴨肉嫩口。但我最鍾意嘅係佢個飯，用左porcini煮出黎食落仲帶有陣陣油香。 Red Wood Charcoal Grilled Australian M5 Wagyu Beef Striploin (+$158)三成熟牛扒，有微微炭烤香，肉質軟腍，份量十足。上枱嗰陣時會有四款唔同嘅芥末俾你揀，我揀左Dijon mustard，但我覺得配黑鹽係最好食嘅。White Chocolate Mousse Red SangriaYogurt Kiwi Mousse兩款甜品賣相都好靚，亦都好好味。唔鍾意食白朱古力嘅我都覺得好出色，甜度掌握得啱啱好。…查看更多

前幾日喺airside行街見到呢間《京都勝牛》，記得好耐之前喺銅鑼灣好似有食過，加上見到佢個menu有個好吸引嘅吉列牛，個經理又好熱情介紹，所以就入咗去試啦。四品牛魔御膳 $328就係呢個御膳吸引左我地！當日超肚餓見到佢有四款牛可以試曬所以諗都唔使諗就揀咗佢。上枱嗰陣見到粉嫩嘅肉肉即刻流晒口水🤤侍應仲提我地白飯、京椰菜沙律及味噌湯可無限續加！四款牛分別係：醬味薄牛、穀飼西冷、翼板牛、菲力牛。外層已經炸到好酥脆但又唔覺得油。有埋個爐仔可以俾你將啲肉肉燒返自己鍾意嘅熟度。我個人鍾意輕輕燒一燒個面之後就食，咁樣可以keep住肉質軟腍。同埋佢有好多款醬汁俾你試：芥未、和風醬油、山椒鹽、特製牛排醬、京咖哩蘸醬和青唐辛子味噌。每一啖配唔同既醬汁都各有特色。京椰菜沙律一定要落甘柚沙律汁，食落十分解膩。特濃抹茶小豆流心蛋糕 $52草莓小豆雪糕三文治 $58時計柑橘（熱情果、青橘） $45草草莓莓（薄荷、士多啤梨、紅桑子） $48…查看更多

Chicken Egg Boy我去過3次，第一次摸門釘因為估唔到佢星期日唔開。第二次係因為條隊實在太長所以冇食到。直至前幾日咁啱lunch時間過後行過，見到排隊少過10個人，所以決定人少少等一等。本身係為咗打卡佢個菠蘿包雞蛋仔而嚟嘅，但睇個餐牌先知原來佢係一間慈善咖啡店，所有盈餘100%會用黎做慈善用途。食嘢可以做善事，真係要多啲幫襯吓👍🏻Q版菠蘿包雞蛋仔 $59呢個唔使多講，好多人專登嚟都係為咗試佢。個樣超得意，第一時間影相📸。每日限量發售，每一個都係新鮮整起，啲邊邊位食落係脆既。自選咸味雞蛋仔 : 5寶 (火腿、鹹牛肉、腸仔、蛋、餐肉) $54佢可以自選嘅材料我都揀晒😂入邊真係材料十足，口感鬆軟。呢個幾有驚喜，鹹鹹地甜甜地幾好食啵。呢個整嘅時間比菠蘿包雞蛋仔快，趕時間嘅可以嗌呢個試下～凍奶茶 $27凍檸賓 $27…查看更多