tsanghinchuen2's Profile

2024年8月18日女朋友喺網上見到新推出開心果系列，好想試下……🫠即刻出左去試下，6點幾去到，唔喺甜品時間，有四人位坐，舒服好多😎本身減緊肥，要戒糖，想叫走甜或者少甜，不過係set 死左，一場黎到，點都要試下，點知兩個甜度都岩岩好（我淡口味，重甜症者能會覺得太淡）🫢雪燕：每一啖都有幾濃下開心果味，每一啖都食到開心果碎同西米雪燕，底果度有大約七八粒芋圓地瓜圓，煙韌厚實，的確出色😬開心果奶：超濃開心果味，仲濃過雪燕果一種，諗唔到開心果mix 牛乳咁夾，每一啖都有果香味同奶香奶甜味，正🤤…Read More

2023年6月11日 晚餐漁釧推薦：星期日兩個人食，都安排到卡座，服務員喺入座前講左90分鐘就要交枱，如果要傾長計，就要揀第二間啦。腸胃唔舒服，叫一個熱食就算 - 雞白湯拉麵一上到枱呆一呆，同菜單圖片差好遠，四嚿叉燒 刀工堪比蘭州拉麵 薄到好似紙咁，好彩個糖心蛋，同麵底都唔錯。$110（未加一），寧願加多少少，食其他拉麵店。反而女朋友叫嘅 天婦羅稻庭烏冬，就幾好食睇到個師傅係即炸天婦羅，有蝦 冬菇 南瓜 青椒，天婦羅汁調得幾好…Read More

2023年6月9日 晚餐八幡平石燒牛扒專門店推薦：兩個人坐卡座空間夠大，又舒服，一坐低服務員做教你點樣落單，同埋比圍裙，服務幾好叫咩套餐包埋放題，飯+沙律+湯任飲任食，個湯幾好飲足料，沙律/飯都正常咁又叫咗個推薦套餐 $85 180g牛扒套餐幾多成熟，呢啲係自己控制，牛扒肉質比較有咬口，肉味重，所以唔好燒到咁耐果石板比起出面嗰啲石燒牛扒店 熱好多，我控制錯火候，搞到8-9成熟，反而朋友燒到6-7成 就非常好食…Read More

2023年4月22日 午餐香茅豬扒湯河推薦：個湯底超級多九層塔，香氣撲鼻，夠濃郁。豬扒似岩岩炸起，表面脆，入面軟嫩，啖啖都係鮮味十足。湯河粉一夾就散，可以唔好煮咁過，少少硬身就完美啦。峴港蕃茄牛腩湯河推薦：個湯底就淡淡，蕃茄嘅酸味同牛腩都幾搭，幾開胃。湯河粉同樣問題，一夾就散，硬身返少少就好。+多8蚊就有特色飲品，仲諗即加椰汁珍多冰推薦：椰汁味濃郁，甜度適中，底部好似七色啫喱條，不過結晒冰，要等佢溶。椰汁綠豆冰推薦：椰汁味濃郁，加左綠豆關係，比較甜。兩杯嘢都正，去泰國飲D椰汁冰會肚痛，呢度冇，應該D冰靚D。…Read More

2023年 4月20日 下午茶（晚餐）約左女朋友出街，點解佢瞓到晏就先醒，打亂晒行程，唯有食嘢hea足一日。諗起成日喺社交平台睇到佢既下午茶放題廣告 ~ 佐賀山田佐賀山田 90分鐘下午茶放題推薦：收費：每位$118+10%太古地鐵站A2一出，直上商場3樓，環境企理，服務態度良好，客人唔算多，平日坐左一半都冇，兩人都坐4人位，舒服晒揀左個免費壽喜燒湯底，甜甜地唔錯，一人一個鍋，唔洗爭得三款免費肉任食，同埋有出面自助區美國牛肉：大大片，雪花尚算可以，唔喺千年殭屍肉，冇雪藏味，肉味重，涮幾秒啱啱熟好食，間唔中一盤有一片肥D。壽喜燒有粒雞蛋比，問左店員，可以生食，牛肉點蛋液一流豚肉：都唔錯，但對大片豚肉冇感，叫左一轉就算雞肉：好大盤，件件都有雞皮，唔算肥，肉質嫰滑，食一轉就算自助區有好多日本丸類，都唔差，主要都喺攞蔬菜，唔知喺唔喺日本產，全部都好鮮甜，粟米、南瓜都好正。仲有羽衣甘藍，食一盤回血再殺一堆牛先。食飽再食甜品，凍餅泡芙 放題款，好五六款。雪糕有自家製雪條 同 COCO berry杯裝雪糕，自家製牛乳雪糕唔差，達到甜品最高境界，唔甜 怕肥都趙殺P.S. 一分價錢一分貨，唔好期望太高就不會失望。咁既價錢冇得講啦，1630入場食完當晩餐，慳返唔少。如果要多選擇，加多少少，去旺角創興食牛牛、馬辣都得嘅。…Read More

2023年 4月17日 晚餐尋日政府派左3000消費卷，見到人地飲茶都叫多一件，我點可以輸蝕，就請一家人近近地去食放題啦 ~ 觀塘 極尚大瀛喜極尚大瀛喜時間：0830 -1030價錢：$278 + 10% 一位免費Join 會員，減多$20 + 第一次用 openrice pay 減多$20，平左一杯珍珠奶茶推薦：出面有自助區、有前菜、熟食、甜品、飲品前菜：日式小食：芝麻八爪魚、味噌螺肉 etc中式小食 ：涼拌豬耳、雞腎、雲耳青瓜 etc熟食：豉汁蒸門鱔、麻辣小龍蝦 甜品：一般放題甜品 日式和菓子、大福、沙翁 etc飲品：一般放題嘢飲，最特別有日本啤酒：Asahi (同老豆隊番幾罐）其他就用手機掃QR code 落單，可惜腸胃冇咁好，就唔食刺身重點：刺身冇拖羅，得普通吞拿魚一見到有鮑魚，緊係叫多啲啦，一人一舊，起碼叫左4-5轉，滿口花雕酒香，肉質煙韌蒸廣島蠔，太多佐料，太濃味，食咗一次就冇叫。炆花膠，好大舊，鮑汁入晒去，一舊落肚，飽左一半。羊架：羊味唔重、又嫰 唔韌、配埋孜然粉我一個人食左4支鹽燒大頭蝦：超級多鹽，一定要搣殼，如果唔係，鹹到要洗腎，食左幾轉，屋企人成日食到膏，我先食到一隻有膏乳鴿：好過好多街市，又味去到酒樓級，脆皮、五香味重、Cover到我唔中意嘅野味環境企理、個個都係卡座，兩個人坐一邊，好C伏。服務員態度良好、上菜 收碟超級快，可以不斷進食，被客人努力食到回本近近地又多分店，家人聚餐之選，不斷食、不斷食，食到冇停口，唔洗比屋企人問到口啞啞P.S. 如果大家budget多啲，可以去食 尖沙咀大喜屋，雖然貴D，但有拖羅食、又有大片和牛、有H字頭/M字頭（唔記得咗）雪糕任食…Read More

2023年4月18日 午餐約左人附近交收完，見有D肚餓，喺旁邊搵嘢食。放飯時間，成個觀塘都係人，去唔到工廈食，味去 日昇 果頭搵野食。有一排冇食Burger，見一間唔錯就去左 ~ MY BURGER經典牛堡 $52 / 套餐 +$20推薦：牛堡：水準之下，開頭見到個包咁款，以為有咩特別，點知就係一個包咁簡單，仲要冇烘過底，包皮軟綿。經典配料:洋蔥、蕃茄etc。個汁冇咩特別，正常味道。牛肉：可能係特色，煎得好乾身，冇咩肉汁，但肉味重，都啱口味。但係有2-3舊牛筋，咬唔爛，只好吞左去。薯條：帶皮薯條，炸得唔錯，脆得黎又唔乾，配偏甜茄汁，唔知唔覺就食晒。凍檸茶：一般水準，但係轉凍飲，+$5 好鬼貴。。。。。…Read More

陪婆婆係附近見完社工後，時間又唔上唔落，就諗下去邊填下肚行行下，諗起一間周不時會食既西餐廳，大件夾抵食 ~ M.Y Majesty香蒜蜆肉意粉 $38推薦：極大份，3-4人份量，足料 多蜆。意粉硬度適中，乾身 冇咩掛到啲汁，蒜味略淡，味道中矩中規。鴨胸墨西哥卷 $29 / 套餐 $51推薦：墨西哥卷：頭尾餅皮偏硬，入面有鴨胸+極幼沙律菜，整體口感 入口脆 咬落軟綿綿，配合埋燒烤醬汁，都算 配搭得不錯 及 有層次感。蜜糖薯角：蜜糖唔均勻，有啲炸得好乾身，作為炸物愛好者，覺得非常好食。…Read More

2023年4月13日 晚餐係長沙灣MCL睇完Mario，睇戲果陣又食左好Q多爆谷，食唔到多，只好去食米線啦見到網上有人推薦雲南風味 或 裕一品，個人比較懶，未食一間近D，點知咁好食過橋米線 $58 推薦：目前食過最好的清湯底，奶白色湯底，香味撲鼻，入口鮮甜。我叫左過橋 好多料，搞到湯底混濁左D，但係都非常鮮甜，建議唔好叫多肉配料米線一人份量，配料超多：肥牛、雞、豬腩肉、豬軟骨、牛丸 etc ，同譚仔好似，但多料好多，但配料好食D。試埋女朋友果一碗米線，配料：芋頭牛柏葉，發現湯底有超濃的芋頭味。推薦配料：芋頭、炸醬、豬軟骨記得唔好叫咁多肉，混濁左個湯…Read More

2023年4月13日 下午茶去到長沙灣，已經2點半，只好食下午茶價錢比午市平20左右，份量睇落同午餐一樣招牌海南雞飯推薦：雞及油飯水準之上：油飯香唔油，但色澤一般；雞略有少少鹹香，油脂去得都乾淨，但有幾件連大骨都味去海南雞醬料推薦：平時好中意點黑豉油，但今次幾乎全部點薑蓉，配合雞的微鹹，完全變成客家鹹雞（嫰）版雞雜湯推薦：隨餐附送，雞腎略有雪藏味，整體都ok香辣蝦豬骨老鼠粉推薦：推薦呢個，配料多：三隻蝦、兩件豬骨；湯底偏辣，香辣鮮甜…Read More