米雪 S's Profile

每個月有幾餐一定系來陶源開飯，皆因陶源每個月都會有新菜式推出，來呢度食，就唔使擔心來得多，食來食去都得果幾味的問題，次次來都可以試新野！每次食左好味的新菜式，都想上來同大家分享，可惜次次都懶，再加上每日三餐都有值得分享的美味，要不就想全部記錄下來，否則就不如唔寫算了，每次就系呢個原因，所以已經有好耐無上來寫食評。今餐試左陶源的新菜式“堂煎xxxx牛肉”，唔好意思，唔記得左個名，但去到打開新菜牌就知是哪一道菜，好似88元例牌，好好味，D牛肉煎得火候剛剛好，我本來不太愛吃牛肉的都覺得好好味，牛肉咬落唔會覺得韌，但亦絕對食不到有用任何松肉粉“拿”過的那種口感，（最怕有些食肆，無論什么牛肉，都喜歡用松肉粉將牛肉“拿”到無曬牛肉的質感，認為那樣就是嫩滑），牛肉煎得不會太干身，整塊放入口，你會食到濃濃的牛肉汁，很香的牛肉味，再吃一塊爽脆的蓮藕配菜..........整道菜絕對讓人回味無窮！！還有一道值得一試的涼菜：“口水雞”很早前吃過一回，印象深刻，因為未曾食過甘好味的口水雞，可惜后來幾次去到都說已經沽清，很失望！:今日坐低便叫部長第一時間先下單一份口水雞，很好彩，這一次終于可以吃到，依然是那種鮮香麻辣的味道，只是聞一聞，就足以令人垂延三尺！今日選擇的甜品原來也是新品，名字記不清楚了，大概叫涼瓜汁芝麻湯圓，是用涼瓜汁拌進湯圓的面粉里，所以湯圓是綠色的，外皮炸得脆口，里面是芝麻容餡，不會太甜，感覺搭配很健康，廚師實在夠心思，值得再吃的甜品！今次還吃了脆皮雞，雞沒什么特別，值得一提的反而是搭配的醬油，看上去顏色很深以為會很重味，但原來好鮮甜，不是一般那種醬油的鮮甜，色澤像老抽，口感很特別。尤幸這仍有一間保持水準的食肆！！…Read More

香港甘多間陶源，我最鐘意去食黃浦果間，味道好之余出品穩定，早前聽聞黃浦陶源既廚房師傅來左深圳呢間分店坐鎮，即刻去食晚飯，不過無時間寫食評，甚至連影左的相片都揾唔到系邊今個禮拜六一早來陶源飲茶，估唔到驚喜連連，首先上來系有成半張臺甘長的叉燒腸，首次見到用呢種器皿來裝腸粉，十分有新意，應該頒個創意獎給廚師:)叉燒的蜜汁香味配腸粉的米香味，呢種搭配我最喜愛，食左一份，結果忍唔住加單叫多份。鮑魚滑雞粥，味道很好，只是加左生菜絲我唔系甘鐘意，喜歡甘樣食法的朋友不妨一試。陶源鮑汁叉燒包：好耐無食叉燒包，香噴噴熱辣辣，甘凍的天，溫暖曬接落來的上湯芥蘭一定要試，每一條芥蘭都係精心挑選過的，鮮嫩爽脆，保持芥蘭獨特的菜香味之余唔會好似其他酒樓既芥蘭甘有苦味鮑汁鳳爪：又系一定要食既，花生同鳳爪都燜到入曬味，鮑汁濃到起膠，不過一定要趁熱食，凍左會結舊迷你瑤柱珍珠雞：又一驚喜，從未食過甘細只但甘足料的糯米雞，薄薄一層糯米飯包住豐富既餡料，食第一口已經有濃濃的瑤柱香味，里面的雞肉全部都係用最靚的部位切粒的，成只珍珠雞一D骨都無，可以好放心甘一啖食曬，其他食肆的糯米雞好多都系用埋D雞頭雞尾或者雞亦，無肉食兼勁多骨！日式窩貼餃：豬肉餡香多汁，但係因為煎過的，我略嫌拒多油左D濃湯翡翠浸魚滑：魚滑新鮮，芥菜好甜，面頭加左塊腐皮，令到成個菜式的味道更豐富，絕對值得一試家鄉甜薄餐：因為咳緊唔敢食多，驚熱氣，但見大家都話好正都係忍唔住咬左少少，果然好香仲點左風車野菌餃、碧綠牛肉球、蒸排骨、養生豆漿油條、時間關系，唔寫甘多了食飽飽剛好有豆腐花推介，聽個侍應生話係第一次賣豆腐花，但唔明拒意思系指拒自己系第一次定陶源第一次賣呢？都唔重要，叫返幾碗一試無防，正好作飯后甜品話說第二日即係星期日啦，去左唐宮飲茶，發覺差左好多（其實更早之前去食飯時已經發覺差左），以后轉移陣地，以陶源為未來主要開飯之選了呢度市中心地段，但停車唔算好貴，食飯有免費停車兩小時，但我地由十點鐘食到兩點，超時的要自己給，不過都只係十元，停車方便，出品好，相信來陶源食飯好快要排長龍…Read More

Milano可以算得上深圳目前最正宗的意大利餐廳之一，無論是老板抑或廚師都系意大利人，連食客都系以外國人為主。餐廳的面積雖然不算很大，但裡面的裝潢及擺設簡單得來幾有特色，來幫襯的食客多數是熟客，可能是因為呢度的收費標准系深圳來講算是比較高的原因吧，所以這裡的食客相對來講也比較有素質，交談聲調都比較小，坐在裡面感覺寧靜舒適，老板很喜歡和每一台的客人social，只要你懂英文。 聖誕節這裡生意也不會很火爆，但也算座無虛席，我地一早定好位，比較可惜的係我地每次來都唔記得帶相機，今晚聖誕節也只能用手機來拍下菜式供日後回味，出來效果比較朦朧，遺憾！下一次記得帶相機！廚師沙律：（三文魚、小蝦、芝麻菜、生菜），忘記左幾錢，呢間意大利菜真系好正宗，試過的沙律都好好味。D沙律菜好鮮甜，橄欖油也是用質量較好的，配上沙律醋，開胃美味之極！­自制香腸意式扁豆湯：65元，好正，因為我實在太鐘意食豆類的食品啦，所以覺得呢個湯好好味，比較遺憾的係拒用的豆豆系雪藏的，如果改用新鮮的會有更濃的蔬菜鮮味。肉醬烤千層茄子配馬蘇裡啦芝士，火腿，肉丸：95元，超級好味，完全估唔到甘好味，肉醬裡的番茄醬酸甜度剛剛好，茄子每一層都夾左一塊腐皮，呢兩種味一齊食，出乎意料的夾，Yummy！­自制意大利傳統提拉米蘇：48元，幾香，仲話減肥，結果甜品食完一件又一件。自制凍糕：48元，即系雪糕加蛋糕­，呢度真係等於五星級酒店的收費標准，但呢度的裝修同服務有排都未有資格收到甘貴，唯一只有食物的味道達到水准，所以如果從客觀的角度來講，係深圳拒的收費算高左D，但如果鐘意食好味的野食既，又唔介意環境唔夠豪華既，呢度絕對系開飯之選！:)…Read More

還記得舊年的平安夜，我地去左金鐘果間cova食圣誕大餐，好好味的龍蝦同埋牛排，還有正到暈的甜品，至今難忘，有時間會找找cova的相片同大家分享下。今年選擇深圳的綠茵閣，臨時訂位，我地時間訂8點，但節假日周圍都塞車，仲被一部唔知趕乜甘趕的奧德賽擦左下我地的倒后鏡:(結果我地8點幾先到達，訂位時咨客表示近窗口的位置已經被客人預定了，可以幫我地預訂卡位嗯，到左現場發覺卡位更好，兩個人可以靠得更近，浪漫得來又溫馨其實卡位亦很適合一班好友聚聚舊，摸下酒杯底，傾下計仔架平安夜，有兩款二人圣誕大餐選擇，我地選擇左288文既套餐，加左一直細細支的紅酒套餐包括有南瓜帶子湯，忌廉蘑菇湯，煙三文魚沙律，北極貝沙律，銀鱈魚牛排，­龍蝦配雞肉，草莓果凍，藍莓果凍先講講兩個湯先，南瓜帶子湯：帶子好味，但個湯略嫌過甜左D 忌廉蘑菇湯：我覺得好正，好香的忌廉味煙三文魚沙律：三文魚系煙過的，會降低左三文魚原有的鮮味，但呢晚我想食清淡口味，呢 味沙律都好合我要求北極貝沙律：Honey的沙律，我不嬲都唔鐘意食北極貝的，所以唔知呢個沙律好唔好食， Honey話北極貝幾新鮮銀鱈魚配牛排：件銀鱈魚好好味，用牛油煎唔系甘健康但特別香，西餐的調料中少不了牛 油的，就等于西餐不能沒有美極和辣椒仔提供一樣，牛排，應該有七成熟， 食落基本無咩牛肉味，全部都係靠調味料的鮮香味，好明顯系需要腌制的普 通牛扒，不過呢個價錢，一早預左系食呢D普通的貨，按價錢來計，絕對可 以接受。龍蝦配雞肉：件龍蝦好正，蝦肉幾爽脆，雞肉的雞味亦好香，整體都滿意草莓果凍： 好好味，一人一啖，更好味 藍莓果凍：honey話一陣藥水味，哈哈，拒不嬲都唔鐘意食藍莓之類的水果同飲品既，呢份 甜品有一半系落左我肚既差D漏左支紅酒未介紹添，好似係68文一支375ml，全晚最正係呢支紅酒，果香未好純之余甜味亦剛剛好，酒味香醇，我比較鐘意呢種口味的紅酒，下次要再去飲返呢只酒！­總體來講，呢餐有甘好氣氛的環境，食物的性價比都幾好，100分滿分的話我給75分啦呢度既卡位真係幾正架…Read More

冬天想補下，呢度可以系幾好的選擇，不過每次去到都好多人，要等好耐先有位，去之前可以試下打去提前定位，我未試過定位，唔知有無呢項服務話說幾年前，本來從來都唔食羊肉的我，竟然就系因為呢間野而食左個全羊宴，從今以后愛上左食羊肉添，據說呢度的羊肉和大部分的原材料都系由內蒙古新鮮運到深圳的，配合蒙古師傅手法，令你食到的羊肉唔會覺得一浸騷味，而且能保持羊肉鮮香味。今日唔打算逐個菜介紹，而且我唔系好記得個菜名，實在不好意思，但以下有相片的菜色你都可以試下，或者你去到見到每圍臺都系有果幾款菜的，你就點果幾款甘就一定唔會錯啦。來到必食的有：羊奶湯、大蔥炒羊肉、烤羊腿，羊腿的肉很結實，味道腌得剛剛好，上碟之 前灑上孜然粉和芝麻，香噴噴，好好味。烤羊肉串，如果去到等位太耐，可以先叫收銀員幫你開單，幫你燒幾串頂住肚先。拌大白菜或拌雜菜：食太多羊肉，覺得有D膩既話，食返碟涼拌大白菜，或者加多份涼拌木 耳，甘就既健康又唔怕滯啦呢間店系住宅區里面，一般經過都見唔到，如果系第一次去會比較難揾的，除非遇到識去呢度既的士司機而又唔會兜你路的，又或者坐公交車去到附近的車站下車后再問人啦。重係揾唔到點算？問我囖，哈…Read More

呢段時間相對來講幫襯少左唐宮，上個月只係幫襯左幾次，每次都係食龍蝦和牛仔骨為主，所以懶得寫出來，但上星期去食晚飯，感覺真係差左好多，我心諗，好的野可能真係唔可以讚出來既，一讚就差左甘多。果晚我先去到，坐低叫左茶，本來果晚已經好累，諗住坐低飲啖茶抖順條氣先，點知等左好耐都未有人沖茶上來:(，跟住叫人來點菜都要叫幾次先有人來，菜點完都未見茶到結果又係要催幾次、、、、、差嘅野陸續有來，honey到左，因為兩個位擺得相距太遠，趁honey去洗手間，我叫個女侍應將另一個位擺到我旁邊的時候，個女侍應D動作簡直令我目瞪口呆啊，本來兩個位中間大約有差唔多一米的的距離，女侍應只要站在距離嘅中間，就可以好輕松甘將碗碟轉移到靠近我的位置，但佢竟然一面好唔愿意甘嘅表情一邊將碗碟“傾鈴哐啷”甘飛過來，睇到我簡直係O哂嘴、、、、坦白講，之前真係未喺唐宮出現過呢D甘既情況我地兩個人呢晚點左一條東星，一位竹笙瘦肉湯，燒鵝例牌，紅腰豆蹄筋。先上竹笙湯28元，飲落口開始感覺還可以，湯料亦都夠新鮮，但飲多兩啖湯，會覺得有D“確喉”同“削脷”，就好似好重味精的感覺，以前飲開其他湯都唔會覺得甘重味精味，值得一讚的係其實竹笙和肉料都好新鮮，可惜調味料累事燒鵝例牌48元，皮唔脆肉唔香，連D汁都唔夠味，招牌菜都差左甘多:(，唐宮真係要重新執返正D出品同服務先得啦東星仔88元，幸好海鮮醬油依然保持水準，鮮味香甜，本人不太愛吃東星，呢條魚專門為左唔鐘意食其他魚的honey而點的，魚肉火候剛剛好，（以前試過有幾次都係蒸得唔夠火候，魚背近魚骨的位置未熟透），今次魚肉尚算嫩滑，淋上鮮甜的海鮮醬油，可算係呢一餐唯一無令我失望的一味餸。紅腰豆蹄筋48元，呢味餸我地已經食過好多次，覺得原材料的搭配夠健康，但呢次又令人大失所望，蹄筋燜得未夠火候，裏面仲係白色的，好明顯未煮透至完全透明，口感仲係有D硬的，唔似以前食開果種好似食緊花膠的口感，最離譜的係竟然有好重腥味難食到無法形容，同一味餸點解會差左甘多既呢，呢味一直係我同屋企人都好鐘意食嘅餸菜，真係希望師傅下次可以做返好D，回復水準啦！因為D餸菜實在無法滿足到我地，所以想叫返個甜品補償下，叫左個咩咩糖水，點知上到來同張相差左十萬九千七倍 ，可以用面目全非來形容，我完全睇唔出係同一樣野來，好可惜我無影返張相。我問個部長係咪上錯左啊，佢話無啊，睇落都係差唔多者，我又再一次O哂嘴，我叫佢拎個餐牌來對比下，你搵到邊度似的，圖片係有一片楊桃片在碗面，但佢拎上來果碗係有一粒粒的蜜瓜粒，但佢竟然話圖片的楊桃片係生嘅，而煮過之后就變成一粒粒囉，我頂.....你唔係黐到甘掛，楊桃片煮熟后會變成一粒粒蜜瓜？？你甘黐的解釋唔係諗住我會接受係嘛...?好明顯喺呢個問題上，係存在左服務人員的素質問題，所以懶得同佢多講，直接叫佢拎走，連口水都費事浪費喺呢D人身上；呢個部長又叫左個可能係經理的人來講野，幫襯左呢度甘多年，但未見過呢個女經理，一係就新來的一係就其他分店調過來的，佢行到埋來已經係一副我必須要梗左呢碗野甘的態度，一開聲就話呢碗野同餐牌上的係一模一樣嘅，無咩唔同喔，我問佢咩叫一模一樣啊，唔講其他，凈係講片水果的種類都唔一樣啦（我心諗：你會唔會見到你阿爸當係你老公嘅呢），跟住個女經理又話，甘我地無可能完全一模一樣0架，你去到邊都無0架啦，已經上左來唔可以退0架啦（我頂..真係有問候佢祖宗18代嘅沖動啊），一開始就話一模一樣，意家又話無可能有一模一樣？？？？好明顯啦，服務差左甘多，原來係因為上樑不正下樑歪，經理都成舊垃圾0甘，你話會帶出咩來，咪垃圾中嘅垃圾囉！！算，同呢D人講多句嫌嘥氣，等佢鐘意自打嘴巴到夠囉，我一句：唔要，拎走，講完！好啦，給個0甘0既人搞到無曬心情，捻住埋單走人啦，拿單來的又系呢個女經理，一看賬單，計多左錢，都唔知係有心定係無意啦，竹笙湯大大只字係特價單上寫住28元一位，但張單打左38元，問個經理點解個價錢唔同左0既，聲都唔聲就拎住張單走左，再拎返張單埋來，連一句“sorry”都無，若無其事甘“隊”張單埋來，好似給人毒啞左甘，經理的質素？？無語.........！！真係唔明唐宮點解會請個0甘差的人返來任經理的職職位，真係搞到唐宮的服務大打折扣，老實講，唐宮真係一直以來都幾好服務的，而且一直睇住有不斷進步，聽講仲用上左五常管理法，但要知道，無論幾好的管理法都需要好的人去執行嘅，管理人員素質都差成甘:(，點會教得出質素好的人來啊，無質素的人員，服務又點會跟得上呢，相信來唐宮消費的客人，唔會有人愿意花錢買如此劣質的服務囖！…Read More

萬事達系好多年前幫襯過一次，之后覺得味道唔得，再無幫襯拒！！最近行開行埋，感覺好似有所改善，于是打算揾日來幫襯下。呢日系假期，訓醒已經好晏，正常情況會去唐宮或者丹桂軒飲茶，今日決定試下萬事達，看下系咪真系有所改善！點一D每次飲茶必食既幾款點心，咁樣先可以對比出品質既高低，我最鐘意食既燒賣一定少不得架啦，叉燒腸、白灼菜心、奶黃包、皮蛋瘦肉粥、涼拌木耳、豆漿但無叫油炸鬼、首先上來皮蛋瘦肉粥同埋豆漿，豆漿香甜滑漏，黃豆的香味好濃，粥屬合格出品，咸鮮味調得剛剛好，整體不過不失，但比丹桂軒的味道要好，沒太大期望下食到呢兩樣味道都唔錯的食物，算是呢餐下午茶的好開始！白灼菜心：菜心好甜，淋在菜心上的醬油也是師傅特別調配過的，很鮮甜但不會油淋淋。叉燒腸終于上來了，淋上少許的海鮮醬油，咬上一口，腸粉好煙韌，淡淡的米香夾雜著叉燒的蜜香，記憶中，似乎很少食肆的茶市能做出咁好的腸粉，一般的食肆不是腸粉太削就是毫無米香味，再就是醬油調校得不咸不淡，更別說鮮味了。奶黃包，本人不好甜包，再加上奶黃不夠多也不香，唔系好得燒賣，賣相唔錯，但可能系用的肉太瘦的原因，咬落太实兼黏牙，師傅可以试下選取梅头肉或五花肉来做餡料，或者會更好（可能會稍微增加成本），到目前為止，要食好味的燒賣王，首选依然系丹桂軒點心上齊，但好似未夠喉，叫多份涼拌木耳，四個字形容，爽、脆、香、辣呢度的既茶市水準總體來講算得系中上，以后又多一開飯之選…Read More

原本過來呢頭食日本面既，點知日光日白，竟然話準備要打烊喔，結果過左對面呢間食海南雞囖，系香港基本上好難食到正既雞，所以都無咩期望的情況下試一試啦。里面地方好窄，得幾張臺，大概兩點的時間，幾乎仲坐滿客人，我地坐左系洗手間門口果張臺叫左半只海南雞，一碗雞油飯，一碗船仔金邊粉，跟餐飲叫左香茅姜蜜估唔到D雞咁好味啊，雞肉一放入口就已經感受到我最愛的雞味，雞肉好咸香，肉質嫩滑，食完半只，實在太好食啦，有沖動想叫多半只，旁邊有把聲提醒我要減肥，好啦，留返聽日再來食過、、、、之于碗雞油飯，就正系要彈下啦，味道就夠曬香啊，香茅同椰汁味剛剛好，但衰在落水太少，煮到半生熟，成碗硬米飯，太肚餓照食左，有胃病的人千其唔好啊香茅姜蜜，好好飲，鐘意香茅獨有0既味道，凍飲夠曬清新香甜，我每次來都會叫返杯0架講到服務，呢次都算OK啦，但后來我有幾次叫外賣，有個女仔系度9唔搭8咁，講咩拒都聽唔明，真系嘔血！仲有幾次去到幫襯，個女侍應都系有時會講嘢語氣好粗好屈，我覺得系拒本身的素質問題，呢度好似無王管又無人教，遇到顧客有問題唔知應該點樣答，完全未明白待客之道！！見呢度的雞咁好味，就包容下拒地服務不足的缺點啦。…Read More

呢度有一味非常好食的鴨，但太耐，唔記得叫咩菜名添，呢味鴨的醬汁超級好味，食過幾次，每次都想連汁都打包走，連我呢個長期唔食白飯的都要叫返碗來撈汁另外，上湯枸幾浸肥牛都值得一贊，天氣熱無胃口食嘢的話，食返D清清淡淡的餸菜就最正。叉燒餐包，里面的叉燒好香，唔想食飯的就試下叫呢個做主食啦其它無影相，金同樂的大廳只有幾張臺，因為拒主要做包房生意，出品的水準算是中上。…Read More

估唔到，因為我太懶，唐宮的第一次就給左其它朋友了！唐宮系唯一一間咁多年來出品能夠一直保持水準的食肆，看住拒裝修都有3、4次，直至距地系三樓開左間忍者居，我就開始較多幫襯食拒地呢間日本嘢啦，（意架已經搬左上四樓，前身系書店，都系屬于唐宮的生意之一），但晚飯和飲茶我依然鐘意上返六樓食。長期幫襯拒，主要系因為唐宮能夠一直保持較高水準之余，不斷創新，經常有新嘢食，五常法的管理，令唐宮無論是服務、環境、食物都保持得很好！！呢排因為每次食完飯都會送食100送30的優惠券，搞到幫襯得更頻密，呢晚，又去食我同薛生最愛的龍蝦龍蝦賣236一斤，龍蝦的肉好爽脆鮮甜，淋上芝士汁，伊面底，兩個人其實加多個青菜就足夠，但我地當晚眼闊口窄，叫多左個蘿卜牛腩，結果食唔曬，當然亦唔會浪費，打包走。西蘭花，面頭淋上一層芝士汁，還配搭了幾個豆沙餅，只系普通的西蘭花，都可以捻到咁多新穎的食法，的確很有心思！咁有誠意的食肆，未來二十年，依然系我的開飯之選！…Read More

呢日本來約左朋友去元朗食大榮華的，但因為唔想走咁遠，改來黃浦呢邊食，朋友提議食王家沙，上到來，飯市時間都唔系咁多人，唔使等位。呢度的環境無咩特別，時間關系，直接講下我地食左D咩算啦脆皮素鵝：外層的腐皮炸得香脆，里面壤左冬菇絲，咬上一口，腐皮的豆香味夾雜住濃濃的香菇味，比起傳統的素鵝食法，果然別有一番味道，更值得一贊的系拒選用的香菇香味非常濃郁天然，唔似系香精的香味。上海粗炒：十分美味的粗炒，面條不會過熟，非常有咬口，粗炒伴有大白菜同小白菜，小白菜很有鄉村人自家種植的那種菜味，估唔到系城市可以品嘗到呢種味道，驚喜！醉雞：酒味比其它的上海菜館稍微濃一點，但我比較喜歡這樣濃的酒香味，混合著雞肉香味，算得上我吃過最好味的醉雞！其它還有：小籠包、咸豬肉炒大白菜、甜品是紅豆包（隔左太耐，唔記得叫咩名添，sorry），呢幾樣都麻麻地，特別是咸豬肉炒大白菜，豬肉做得很差，有腥耗味，難以入口！:(，小籠包和紅豆包，不差但也不見得特別好味，屬一般貨色總體來講，可算是開飯之選，素鵝、上海粗炒和醉雞的確值得回味。…Read More

話說有晚準備去鳳城食飯，但無預定所以去到無位，唯有看下周圍有D咩其它嘢食啦，行返轉頭，經過權記行入去看下，見到成盤鯪魚球，粒粒都好似BB拳頭咁大，新鮮熱辣，十分吸引，即刻叫碗凈鯪魚球同埋凈雲吞，honey叫多碗雲吞河，再加多碟蠔油芥蘭。鯪魚球係佢地自己手打的，唔似其他地方咁溝左好多粉同溝好多其他魚，粒粒都大大粒，無魚腥味不特止，重好彈牙爽口鮮甜，記憶中無喺街食過咁高水準嘅鯪魚球，幫我哋落單個阿姐靜靜雞同我地講，佢成日收工都會買返兩三碗食；雲吞又係粒粒都好似BB拳頭咁大，裏面的鮮蝦十分爽口，餡料味道適中，係個湯底味精多左D0者，不過我一般都唔飲D湯0既。十文竟然有咁正嘅嘢食，服務亦唔錯，係有一個阿姐長期黑面，執到金都唔笑0既，原因不明；另外，尐阿姐成日用口計數，七咀八舌，但個個都計錯，真係好過癮。…Read More

之前Honey睇左好多“古帆西餐廳”食評，一直都話好想去試下，但上個月我打過電話去了解，通過餐廳人員的表現，以我專業的分析，呢間餐廳尐嘢應該唔係好得，於是，當時就打消左去幫襯的念頭..............今日無端端多咗一日假期，起身已是1點，既為醫肚，亦為消遣，就決定去試一試古帆。去到已經好晏，飯市時間差唔多完，食客只有三四檯，本來我地揀中間的位置坐，但一坐低就發現餐椅太高，餐檯只及肚腩附近，坐得十分唔舒服，唯有坐卡位，感覺才好一點。因為太晏未食飯，實在太餓，趕緊點菜，菜牌很簡單，沒太多的選擇，頭盤、主菜、及甜品各有十款左右供選擇，原本有自選水果蔬菜沙律贈送，但因為我地去得太晏，已經收起左沙律bar，有位女侍應很體貼的表示，可以幫我地裝好再送出來；嗯，咁樣嘅服務，的確唔錯，夠靈活不死板，我地點咗南瓜湯、香煎鴨胸鵝肝卷、西班牙烤乳豬、蜜餞德國咸豬手、法式梳乎厘，后加香煎鵝肝。等上菜的期間，環顧餐廳的裝潢，無論從裝飾的用料到顏色的搭配，都只算是一般般，餐廳內很昏暗，並唔係有氣氛果種暗，而係既無氣氛又光線不足的果種，整體感覺唔係太好，再加上冷氣又係嚴重不足，坐耐咗人會有點煩躁........幸好有honey係度，見到佢笑起來棚金牙，我就開心返哂啦..............　首先上來兩份蔬果沙律，可能係因為太肚餓，感覺除咗尐生菜唔夠甜之外，整體來講蔬果尚算新鮮。再來嘅係南瓜湯配蒜茸包，南瓜湯味道一般，蒜茸包唔夠香唔夠脆兼太硬。好快就跟住上香煎鴨胸鵝肝卷，我咬左一啖，發覺香煎鴨胸鵝肝卷裏面竟然無鵝肝？？於是我問honey有無食到有鵝肝，honey都話無，我地重以為中間黑色的嘢係鵝肝，點知看真D，係菠菜來，咩吖？鵝肝變菠菜？？有無搞錯？？？即時叫咗個可能係主管嘅人過來，點解鵝肝卷無鵝肝？佢答我地，佢地最近改左菜牌，可能係個服務員喺我地點菜時無講清楚；我一聽到呢個答案，反問佢，咁關我咩事呢？咁即係點？喺我正準備發火嘅時候，佢好有禮貌咁話，呢個係佢地餐廳嘅新菜，如果我地唔介意可以試下味，呢道菜唔收錢，聽見佢咁講又咁有禮貌，條氣順返尐，不過我地今日好想食鵝肝，叫佢換返鵝肝卷，但佢又話無做鵝肝卷了，咁我點香煎鵝肝有無呢？佢又話有，結果決定再另加多份香煎鵝肝。香煎鵝肝終於上來，不過味道好一般，食完都唔係好覺，有少少腥腥地，honey話有渣添，唔及我地喺唐宮食嘅鵝肝咁好味。食完鵝肝等咗一陣，先見西班牙烤乳豬上來，賣相好靚，第一時間影返幾張相先，跟住好期待咁刀叉侍候，皮夠香脆，但尐肉真係唔得，唔入味，重有好重的臊味，蘸上配乳豬的醬，完全唔夾味，叫侍應拎美極醬油同埋辣椒仔，竟然無美極，辣椒仔味道好怪，同食開嘅味道唔同，都唔知會唔會係假貨；唔好食嘅嘢，硬係覺得食來食去都食唔哂咁，結果求求其其咁食咗幾啖算，反而係薯仔配菜嘅味道比主料味道更好。蜜餞德國咸豬手送上來，份量頗嚇人；之前我地點菜時，已經問個侍應，我地只點一個乳豬，份量是否已經夠我地兩人用，佢只係答，你地只有一份主菜，聽她的意思，即係話唔夠，而我本來就想食咸豬手，聽佢咁講就再點埋啦，點知上到來，兩份主菜都好大份，再加埋其他其實已經太多，食唔曬就會浪費，呢一點，個侍應真係做得唔夠好，我地去開的食肆，一般都會提醒客人，點菜份量是否已經足夠。其實呢個時候，因為之前食的乳豬唔好食，再加上餐廳越來越暗，冷氣又嚴重不足，越食感覺越差，我同honey都食到無哂心機，凈係寄望個甜品能夠帶來少少驚喜啦，所以個咸豬手只係求其試下味，味道口感似煲完湯的湯渣瘦肉，食完第一啖就唔想再食第二啖．．．．．．最後唔想浪費，都係打包拎走.............呢個時候，有個經理走埋來，細細聲講送兩杯飲品，我地就點咗兩杯凍檸茶，呢兩杯凍檸茶反而味道唔錯，紅茶夠香，檸檬夠新鮮，唔使落糖都已經好清新好好味。嘆緊檸茶時，甜品法式梳乎厘終於送上來，結果又係無咩特別，唔會特別難食，亦唔見得特別好味，又係求求其其咁食埋，埋單走人，RMB305元呢餐的味道真係麻麻地，但總體服務算得上幾好，才未至于喊住食完餐飯。…Read More

今日約咗家姐一家一齊食飯，之前一直想來試下黃埔呢間陶源，上Openrice睇到九龍城陶源嘅食評咁差，都有少少驚今餐會食到好勞氣！黄浦陶源系隻船上，感覺又幾過癮喎，門口重有個大平臺可以出去吹吹風添，上到陶源，見到好多人系道等位，好彩我地預先訂咗位，等咗兩分鐘就有位。雖然生意好旺，但我地一坐底就有好多人來招呼，有個應該係經理來嘅女士來問我地想食尐咩嘢，我問佢有咩好介紹，佢開玩笑話，如果佢介紹就係燕翅鮑架啦，跟住呢位經理介紹咗個套餐畀我地，話好抵食，叫我地加尐點心就好夠食架啦。睇食評好多人話陶源成日侷人食貴嘢，親身來睇過，其實並唔係咁樣，反而我覺得陶源嘅服務人員好nice，果位經理重好幽默添:)生意咁旺，重以為有排等先有嘢食，估唔到話咁快就上第一個菜式上來，睇來呢道廚房嘅效率好高喎:)，我最怕去到果尐無論生意旺唔旺，都要等成個鐘先有嘢拎畀客人食嘅食店，真係等都等到成肚氣，重邊食得落吖！首先上來嘅，鮑汁玉子豆腐：玉子豆腐稍微過咗一下油，食起來口感更香滑，最值得一讚的，就係個鮑魚汁，好香，真係好香！係我咁耐以來食過最好味的鮑魚汁，再加上菇粒和瑤柱肉一齊勾芡，簡單的玉子豆腐做主料，配上矜貴的鮑魚汁和配料，大廚輕易就豐富咗整道菜嘅味道之餘，亦提升了價值，高級食肆的大師傅，果然好掂！接住上來的有，鮑汁炒麵：精髓又係個鮑汁，令到個炒面味道好特別，而且師傅炒得個麵唔會太熱氣，濕濕地，有D似潮州式的濕炒牛河，但裏面的芽菜唔會過熟，依然保持爽口鮮甜；更值得一讚的，係裏面搭配的鮮菇，我唔知係叫咩菇，非常鮮味可口，又一道材料簡單但味道不簡單的菜式。:)餸菜一個接著一個的上來，廚房連上菜時間都掌握得咁好，唔會一次過上哂尐菜凍哂，亦唔會等來等去無嘢食:)素鵝：我通常去食上海菜的時候先會點素鵝，陶源的素鵝做法有點創新，裏面釀咗木耳等齋菜，外皮沾上少許粉漿炸至金黃，入口香脆，腐皮的豆香，木耳的爽脆，味道幾特別。素鵝食到差唔多，呢個時候見到侍應托住幾籠點心上來，係蝦餃同燒賣，每樣都打孖上，先講吓蝦餃，皮薄餡靚，至于燒賣，咬落去有好多肉汁，隻蝦都算幾新鮮，不過，呢兩款點心都偏鹹咗尐，淡返少少就perfect啦。鮑魚腸粉：我覺得一般般，但我屋企人認為還可以。甜品，我地叫咗宮廷燕窩糕：凍食，味道淡淡地唔會太甜。第二款甜品，絕對值得一試，生磨蛋白杏仁茶：我地叫左每人一碗，熱辣辣，杏仁味好香，夾埋蛋白的香味，香滑美味，好明顯唔會好似一般酒樓或茶餐廳咁，單純用杏仁霜沖出來。食咗兩味咁正的甜品，呢一餐好完美！雖然都係普通料，但勝在廚師搭配好，夠創意，素多肉少，好健康，食完都唔使驚唔知會肥左幾多，今次重食咗好多唔同的蔬菜類，特別係炒麵裏面果尐菇，（我唔記得問係咩菇添）。呢道的服務都幾好，唯一美中不足的就係臨走前去咗一趟洗手間， 嘩、、、嚇我一跳，滿地都係污糟的紙巾，如果唔係咁急，真係唔想入去！！希望下次去可以見到有所改善啦。今日看到陶源推廣緊一個燕翅鮑套餐，節假日288元一位，但平日原來只需198咋，有鮑魚、魚翅、海參、龍躉扒、、、、咁豐富，睇落好似好抵食，我地又約好咗過兩日就來試試，抵唔抵食，遲尐再同大家分享啦。…Read More

睇下睇下羅富記D食評，搞到我覺得好肚餓添，好想即刻去食返碗我至愛0既魚片粥。但遠水救唔到近火，0甘就不如我都寫返篇來頂下癮都好吖！擺花街羅富記我honey拒幫襯左幾十年架啦，自從拒帶我來食過之后，我經常嘈住要來食，因為魚片粥實在太好味啦 呢度既粥底簡直就同我童年時最愛的粥底一樣甘正，好有米香味，熬的火候很夠，唔會仲見到一粒粒的未化開的米飯，粥底十分綿身，絕唔會太“杰”亦唔會太稀，我最怕食水汪汪的粥。每次我都系食魚片粥(22文)，有時食一碗唔夠喉仲要食多碗（系我大食同太好味，唔關份量的事），呢度的份量算得上大份架啦，只碗夠大而且每次都系裝到滿瀉，魚片份量好多，薄薄的鱼片完全体现出厨师刀工， 魚片的鮮甜味道完全溶入口感十分綿身的粥里面， 而米香十足的粥包住一片片薄薄的魚片， 粥里面仲加入了适量的薑蔥， 將魚的鮮甜味無限放大, 吃上一口，魚鮮味混和著米香，充滿在口腔的每一角落........ 實在是太美味了！好滿“粥”！我honey因為叫了一個牛肉粥，但我唔鐘意食，而且碗端上來時仲見到牛肉有血水，我接受唔到。另外，呢度的炸鯪魚球(26文)都唔錯，honey特別鐘意食，我更欣賞的系拒的蜆疥醬，用腐乳做醬底，加入蜆肉，呢兩樣正是我兒時下飯的至愛還有值得介紹的是炸雲吞，幫襯甘耐都無叫過呢個來食，系最近突然想試下，點知一試就愛上左，云吞皮炸至十分香脆，而云吞餡料依然保持鮮香味美帶有少量肉汁，唔會干睜睜，不過，食完會好熱氣，記得返去飲返杯涼茶中和返啊！順便提下呢度有位阿叔，唔知系咪老細來，好有禮貌，每次我地影相時拒都會問使唔使幫我地影下合照，真系好熱情，嘻嘻，唔該曬呢位阿叔！！重有，honey佢只會幫襯擺花街羅富記，佢話雖然同是羅富記，擺花街羅富記出品是最好最穩定的；有次 honey帶我去德輔道中間羅富記，魚片粥一放上檯已看到水汪汪，不用放入口我已知面前這碗魚片粥跟擺花街羅富記的差天共地了。…Read More