Mail_Panda's Profile

東京チカラめし晨早流流差唔多11點鐘，發覺有啲肚餓想搵下嘢食，見到呢間日本老店剛剛開門，加上本身又好掛住日本美食，所以即刻衝咗入去食吓。今次享受了以下食物：鹽燒牛肉檔配溫泉蛋$58另加配三件餃子$18味噌湯$10可樂$12鹽燒牛肉檔配溫泉蛋$58牛肉煮熟程度適中，肉質幾好，不太淋也不太硬，牛肉燒烤後牛味更重，味道更濃，又有咀嚼感，加上有落鹽，味道進一步昇華。米飯全是日本大米，粒粒晶瑩剔透，軟硬度適中，有飯香味，美味可口。溫泉蛋，蛋是來自日本，信心保證，蛋的煮熟程度剛剛好，跟日本餐廳煮法冇分別，全是流心蛋，蛋汁可鋪滿碗，跟米飯一齊食非常美味。推介指數：8/10三件餃子$18餃子是日本其中一樣最出名嘅食物，要做好餃子確是不容易，師父需要多番嘗試，掌握之中的技術及時間，才能恰到好處。在這店就能做到！推介指數：7/10味噌湯$10味噌湯，靚味噌醬味道，多海帶，鮮味十足。推介指數：7/10總括來說，此店食物質素不錯，加上依家疫情關係，暫時未有得去日本，大家可以過來試一試日本的味道，又可以感受下日本嘅裝修及餐廳嘅格局。…Read More

薄餅怪獸怪獸多寳(迷你批)$65有時候，好想食薄餅，但又唔知叫邊款薄餅，種種配料都想試下！咁，呢個怪獸薄餅就幫到你啦！佢有洋蔥，青椒，辣肉腸，火腿，蘑菇，菠蘿，牛肉，豬肉～～包羅萬有，平民價錢就可以食到6寸嘅薄餅啦！真係好好！薄餅係厚批，麵包鬆化，食到卜卜聲，非常鬆脆，細細件又容易入口，美味啊！台式辣味炸雞$18而家冇得去旅行，但又想親身試下台式炸雞嘅味道，呢間餐廳就可以幫到下手啦！件炸雞熱辣辣，又香噴噴，一入口啲雞油出曬嚟，肉質鮮嫩，可口多汁！海鮮闊條麵(白汁)$62裏面有蜆肉，蟹柳，蘑菇，魷魚，芝士，長通粉等等！蜆肉勁多，帶來海水鮮甜味道，蜆肉肉質鮮甜，美味無窮。蘑菇在麵底，量數不少，菇味香濃，可算一絕，我個人特別喜愛！加上自家白汁，令到通粉更加鮮味可口。通粉軟硬度適中，小小彈口，容易入口。凍檸茶跟通粉只需要加$5，茶葉味香濃，沒有掩蓋檸檬鮮味，比一般茶記檸茶更好！百事可樂$16…Read More

疫情期間，人小小出街食飯容易搵位啲！點知，假期期間原來都幾多人～～哈哈！ 行下行下，見到呢間冇乜人，又係台灣菜，就入去試吓！一入到去，探完熱坐低，睇吓有乜野食！然後除口罩，透下氣，點知個員工即時狗衝過嚟，佢就講：唔⋯食物未到枱，唔該你帶返口罩！我⋯⋯下？嘩，呢間嘢好明顯好相信政府，好遵從政府説法喎⋯⋯心諗，深藍店嚟架？？？Anyway, 算啦～唯有去一去廁所洗下手，碟餸都送到啦！唉⋯⋯古早味麻油爆雞$55呢碟菜幾好味，雞件鋪滿汁，雞皮仲脆口，有豉油味！幾得意！不過，份量係小咗啲咁！幾開胃，餸飯一流。古早味滷白菜$41淡淡地嘅白菜，加上一粒粒的滷肉，清淡健康，清甜鮮菜！唔錯。珍珠奶茶$18一般水準，冇乜特別！…Read More

飯堂疫情肆弱，人心惶惶！飯堂對呢件事處理得唔錯，如紙袋包叉匙羹，消毒藥水任用，抹手紙給你放口罩等等～～好貼心下！海南雞飯，雞髀加$3蚊！呢個飯幾好食，海南雞質素唔錯，味道不咸，有雞味，肉質嫩滑，雞件有咬口，肉質彈呀，算唔錯！姜飯香甜，鬆軟美味！飯質軟熟，仲可以免費加飯！正！咖喱豬扒飯！咖喱味道帶甜，不辣但有咖喱香，胃口大增，味道非常之好，還帶有椰汁甜味！好開胃下！豬扒，肉質不硬，帶煎香味！加上咖喱香，非常美味！…Read More

亞洲附近返工，朝朝食早餐！價錢公道，我多數係度食早餐！牛奶麥皮加火腿奄列，熱飲，都係$27蚊算唔錯啦！牛奶麥皮，健康之選，味道帶甜！糊狀形式，味道唔錯！飲品唔加糖，就剛剛好！否則成份早餐會可能太甜了！火腿奄列，蛋煎起後還有蛋汁的！非常美味！但不是次次能食到，要睇果日邊個煮，又要睇煮個個當天手神！不過，食十次都有6-7次中的！哈哈⋯⋯我比較喜歡張奄列放上去方包度一齊食，好似食三文治咁！原因係奄列帶了點咸味，淨食有點咸！但連方包一起食，味道就剛剛好！美味非常！…Read More

金利來睇餐牌，晚飯好似大排擋咁的，不過我冇食過！放工就當然急急腳走啦！仲留係果頭咩！但早餐就時時都食！可惜，新年後一兩星期到就暫停早餐了！唔知關唔關疫情事？佢門口寫咗全店消毒呢下怕怕嘛！到現在都成兩個幾月了，依然冇開早餐，真係唔知乜事了。早餐兩餸麵！可選擇餐肉，腸仔，雞蛋或沙嗲牛肉！呢幾樣野我時常食的，其實仲有其他揀但我未食過呢！餐肉，厚切，味道帶咸，跟梅林味差不多！重點係厚切！腸仔，唔似廚師腸味，冇咁咸！雞蛋，大陸蛋！不過，太陽蛋煎得不錯，蛋汁不太生也不太熟！幾好！…Read More

新南苑以前位於觀塘市中心，已經有食過，當時還未有任飲任食價錢中等！但觀塘要重建，搬了出來後，就有搞雞煲，海鮮，加任飲任食火鍋！$268加一，非常之抵！而家疫情期間，$268免加一！就真係抵上加抵啦⋯⋯雞煲，雞應該係平價雞，味道有點似用疏打粉醃製過似的！不過，佢啲醃料味濃，有部份雞件已被蓋過了這味道，因此不是件件有的。雞件尺寸適中，咬口不錯！海鮮，如果唔要呢款，每人件可減$70添！嘩⋯好平！不過，呢$70蚊，物超所值的！有巨大帶子，生蠔，海蝦，鮑魚，鮮魚件及靚肥牛一碟！雖然海鮮不是任食，亦每樣海鮮只得一件！但啲海鮮是好新鲜的，非常美味！肉質彈呀！啲鮮甜味出曬嚟！正！…Read More

沾仔記有好多分店！但我覺得最好食係土瓜灣分店，它的鮮牛肉比其他分店美味得多！水準平均，冇失手！鮮牛肉米/麵鮮牛肉，極之美味，只要有叫鮮牛肉，湯味即刻變成香濃美味，加上獨家辣椒油，豉油及紅醋！成碗麵湯非常好飲，不能停口！當然，湯本身帶有味精的！飲後非常口渴！不過，真的值得一試，其他分店沒有此功力！鮮蝦雲吞，出名大粒，又彈口！以前雲吞內的鮮蝦，沒有去蝦腸，不好香也不衞生！但近年已經改進！蝦腸沒有了，使雲吞更好味，食得更放心！…Read More

陳記燒鵝已位於深井多年，質素有保證！近10年，已增設不同分店在港九，要食燒鵝已經唔使再去深井了。燒鵝飯加例湯$53燒鵝香甜美味，鵝皮香脆可口，鵝油滿滿，入口香濃，鵝肉嫩滑，即燒即賣，碟碟燒鵝都熱辣辣的。例湯，天天不同，多數是蓮藕煲豬骨，有時是青紅蘿蔔煲豬骨。例湯水準合格，不太咸，味精不太多，飲後不需要大量灌水，有豬骨味，也會帶幾舊蔬菜！好味又健康點。熱咖啡，不是即冲咖啡粉，也不是蒸餾咖啡！似一般茶餐廳式咖啡，需煲煮但有更香咖啡味。…Read More

午餐任飲任食90分鐘，$108/位，假日加多$30！包一碟頭盤，再叫需要另加金錢！A4和牛：有兩件，和牛肉質美味，脂肪多，牛油味豐富，肉質嫩滑！虎蝦：唔得，尺寸細少，死蝦幾隻！蝦肉冇味！任食項目，但沒有牛了：蜆肉味噌湯，蜆肉美味，湯不咸，味道適中！枝豆，剛剛蒸好的枝豆，美味新鮮，豆肉香甜！粟米，原條粟米，燒烤后極香！粟米粒香甜！鮮菠蘿，充滿菠蘿汁，燒烤更香甜美味！炸蠔，新鮮炸口，蠔汁味道不錯！豚大腸，肥羔多，味道不錯！豚件，豬油香濃，野火美味！手羽先，雞翼軟身，香油雞味！沙律，新鮮蔬菜，美味可口！…Read More

新開小食店糯米飯＄26好明顯，糯米飯蒸得過曬時間，使飯質非常之堅硬，如石頭一般，不能進食！花生還脆口，可以嘅！魚蛋$10肉質不彈口，魚肉一舊，只能作飽肚用。辣汁夠辣但太美味。牛肉球$8肉球不彈口，肉質不爽口！經過以上經驗，本人決定不再幫襯了。…Read More

沙姜雞 (例牌）$60雞肉熟度剛剛好，雞汁不斷，充滿雞油香，入口嫩滑，肉質美味！加上咸味沙姜，使雞件味道提升，更上另一層樓。豆豉菱魚炒菜$68罐頭菱魚，份量足夠！不太咸！菜炒後還是翠綠，菜質還是香脆爽口，熟度剛剛合適，幾好味！西多士$27鮮油香炸，多士脆口，花生漿汁份量足夠，麵包厚度也適中。鮮炸雞脾拼沙律$34雞脾新鮮炸起，雞肉柔軟，帶有香甜雞肉香汁，雞件炸成鬆脆香口，雞皮不硬口，帶雞油香味！美味可口！…Read More

PHD 薄餅博士主打手造薄餅，疫情期間，外賣單買才有8折！如果要嘅係餐，就冇任何折扣！超值一人選 $45-夏威夷風情迷你批因為係迷你批，尺寸真係好細，材料也很少！如果胃口大，真係唔夠喉！夏威夷薄餅嘅特色係有菠蘿，一粉粉的小菠蘿非常美味，充滿果甜菠蘿汁，真的不錯！加上，薄餅係手造，非常脆口，又加上一絲絲的芝士，充滿薄餅香味！-忌廉雞蓉粟米湯（1客）一般罐頭湯，可以接受嘅！味道不特別，也帶點咸味！1人脆香雞套餐$55- 脆香雞（上髀）質素似KFC但不是太燶，溫和一點！雞肉美味又帶肉汁！- 意式肉醬牛肉意粉淡而無味，不食也吧！只是能夠填飽肚子！超值2人餐$170-普通批1個尺寸比正常小，份量足夠兩人食用！但如果比較肚餓，我覺得叫大批會比較好一點！大批料夠多！脆香雞兩件輕盈沙律1客甜品1客…Read More

睇完late show，係平板螢光幕都感受到餐廳的熱誠，媽媽的豐富煮食經驗，囝囝的食物執著，囡囡的飲食要求。因此，決定搵日幫親下！我住九龍的，唯有早點去買外賣回家食！5點鐘到達，點知職員已説：冇豬扒冇豬手冇雞冇老火湯！煲緊要6:30先有！仲要話，老火湯是送的，不會補任何嘢給你！心諗，唔係呀嘛！已經唔係太想食，但我又山長水遠坐車專登嚟，就買個飯食下！再細心諗諗，杜先生的威力好驚人，可以令此店起死回生！勁！咖哩牛腩飯可自選辣度，我要咗中辣，真心味道唔錯，咖哩係港式咖哩味，味道帶濃，以港式手法來説，真是高手！當然唔可以同巴基斯坦咖哩來比拼啦！豬軟骨飯豬軟骨好淋，肉質好軟，好有肥膏嘅口感！味道非常不錯，肉好入味。今次唯一的失望是不能品嘗其冇味精老火湯，希望下次能買到啦。…Read More

雲峰早餐＄34蚊麵，包，兩餸加熱飲！價錢比鄰近茶餐廳貴$3蚊！質素：麵可以揀沙嗲牛肉，鮑片火腿或叉燒。麵嘅軟硬度適中，小小彈口，算正常！沙嗲牛肉嘅沙嗲味充足，牛肉沒有用太多粉醃製，肉質尚可接受。叉燒，比較硬，雪味帶重，唔係太好味！麵包係厚多士，即叫即焗，多士幾脆口，厚度適中，算唔錯。雞蛋煮得不錯，仲有小小蛋汁，不太生也不是全熟，好功夫。腸仔，唔係廚師腸，有點失望！腸味一般，味道淡口，不太爽口，欠彈性。…Read More