bbchun100's Profile

好耐無來這間吃飯，因為附近的大家樂一直都好食好多，但這晚大家樂太滿座，就來大快活試一試吧。來到大把位，任坐唔嬲，大約晚上八點，食物選擇已不多，叫了粟米魚飯，等了很久才有，以為是即炒小菜所以要多點時間吧，但來到的食物是凍的， 仲有種臭味（嬲到忘記拍照），飯是黃的且超硬，完全不能吃，整個餐都有問題，拿出去投訴，未說完職員已叫我換其他食物，無選擇下換了豬排飯。雖然可免費換另一個餐，但不明可以給人客一些臭且凍的食物，好令我費解。總之絕對不會再幫襯。:(…Read More

平時都有在這間包店買麵包和蛋糕，因為就腳，價錢實惠，街坊價吧，味道還可以。這天買開的合桃蛋糕有優惠，30元2個，所以就買了2個，回家就馬上切一個來吃，嘩，點解流心嘅？研究真一點，原來是蛋糕未熟！再切另一個看看，亦是這樣！咁都得？原來蛋糕做得有問題才平賣？！這樣我很不接受呢:(。本想去店舖投訴，後來因為有事做而擱置。此後，我沒再幫襯了。…Read More

上星期又來吃晚餐, 今次我要了一個套餐, 包括一碗皮蛋碎牛粥和一碟炒面, 都只係$17元咋!比起出名的粥店, 這裡真的平得多, 其他粥店的一碗粥, 閒閒地都唔止17元啦。 味道方面, 這裡都不會比下去, 粥底都很綿, 亦很足料, 唔算差。炒面都可以保持到溫度, 不會冷冰冰的, 都可以接受。套餐就平上加平啦。所以行過這條街, 我都會來幫襯的。 因為夠抵囉!…Read More

每個星期日都睡至中午過後才起床, 所以我們最喜歡吃下午茶自助餐, 以前經常都來百樂的, 但因為試過另一間酒店的下午茶自助餐比這裡的更平、靚、正, 所以已很久沒來了, 但這次家人們都同意再試一次。環境同以前沒有大分別, 連多個侍應也是熟口熟面的, 但食物方面則有所不同了。熱葷方面, 豬排(無試)、炸雞翼(比較淡味)、炸魚柳(比較硬), 小食如春卷(普通)、咖哩角(無試)、薯條(好味,很香脆)、腸仔(有兩款, 一款好味、一款麻麻)、珍珠雞(GOOD)、燒賣(O.K.好)、炒面(O.K.)、炒飯(O.K.)、粟米粥(無試)等等, 款式都唔算少, 數不完, 加上不時的補充和轉款, 真的不錯, 味道大多數都不錯的。冷盤方面, 多款沙律材料可自製自己喜歡的沙律(唔錯)、三文治(可以)、多款蛋糕(幾好)、凍餅(有多款,唔錯)、生果(好新鮮甜美)等等.....甜品除了蛋糕外, 還有即製PANCAKE(一般)和豆腐花(差)。還有一個即煮粉面檔, 師傅會即時幫我們煮面, 有誠意、夠新鮮, 好!這日的食物, 豆腐花可算差得一絕了, 通常豆腐花都是滑滑的, 但這裡的豆腐花『鞋』口得不得了, 有點似平時煮餸的硬豆腐, 我諗用來煎會好一點呢! 哈哈! 所以我弄到散晒才吃, 感覺才好一點!最讚的是三文魚刺身又多又新鮮, 肥美的三文魚非常YUMMY呀! 而且更絕不用『爭』食,因為源源不絕的REFILL, 絕對抵讚, 就算只吃三文魚,都值回票價啦 ! (食到忘記了影相!)因為剪了報張刊登的78折優惠券, 所以每位$104元, 唔錯喎!這餐是為了慶祝我的生日的, 大家都吃得很愉快。今次再來的經驗總算不錯, 我諗我們以後都會不時來呢! …Read More

忙碌了一個星期，星期六晚好想食大餐, 又不想舟車勞動, 於在在官塘搵食! 我知道富年華已開了一段時間了, 但都沒有試過, 外面貼著98元火鍋, 就入去試試。三人約八時入坐, 已差不多滿坐了, 這裡有任取的熟食, 也有任叫的生食物, 汽水和啤酒亦是任飲, 睇落好似幾掂。我試了的熟食包括:炸雞翼--- 很入味, 不太咸, 炸得好脆口。炸多春魚 --- 多春魚炸得很香脆, 不會鯹!咖哩魚蛋 --- 咖哩魚蛋的咖哩味適中, 一路加熱, 唔錯。咸菜豬肚湯 --- 好有潮州FEEL, OK。燒味 --- 師傅似沒有心機斬, 太大件, 賣相很嚇人, 味道普通。炸雲吞 --- 本以為是無料的雲吞皮, 原來是有蝦膠的炸雲吞, 很好味, 蝦膠也很彈牙, 正! 但取了一件沒有再出了。糖水 --- 聽其他食客說，有紅豆沙和西米露，但到我取時，已沒有了！我取了蕃薯糖水，蕃薯都算甜，但很飽肚。我們點了的火鍋料有:肥牛 --- 絶不是『肥』牛,實在瘦得很, 又好硬, 一點也不好吃。魚腩、魚咀 --- 幾好, 魭魚頗新鮮。各種丸子 --- 一般, 龍蝦丸比較差, 無乜味。鱔片 --- 很好, 薄薄的, 很香滑。餃子 --- 雲吞內的豬肉太多, 不像雲吞。魚皮餃較好味。枝竹 --- 尚算可以。菜 --- 一般, no comment!生蠔 --- 送生蠔，幾新鮮亦頗大隻，很滑，ＧＯＯＤ！其實這晚試過的食物真的不能盡錄，至於質素方面，尚算不過不失！但有點不能不提的，就是我看到一位似是部長的店員，用餐枱布來抺碟，我覺得不夠衞生，似乎有點兒那個呢！如可改善這點就更好了！埋單時，原來連加一都免，＄９８元真的是全包，真係唔錯喎！我諗我都會再來的！…Read More

睇報紙廣告見到下午茶點心有特價, 於是去試試。:)這裡的裝修頗新, 感覺幾高級, 入到去都好舒服。我們三人入坐, 無點菜就先來了一碟小食, 是鴻星出名的脆脆銀魚, 銀魚仔好脆好好味, 花生都好香口, 真的唔錯, 但原來要收取每人小食費3元的。我們先後點了幾樣點心, 有:北菇素菜包、錦繡百寶袋、南極企鵝餃、牛肉煲仔飯和皮蛋瘦肉粥。 北菇素菜包: 沒有肉的菜包, 清清地, 普通啦。錦繡百寶袋: 一碟有兩個, 腐皮包著一些素料, 味道一般, 說不上好味道。南極企鵝餃: 外型有趣, 頗像企鵝, 真的有點不捨得吃掉呢! 但上枱的碟似乎用得不太恰當, 因為碟有四格, 但只得三隻餃子, 有一格是空了的, 所以賣相不夠完美。而味道方面, 餃子皮比較厚, 而內裡的蝦和肉似乎不夠新鮮, 蝦有點『霉』, 唔多掂呀!牛肉煲仔飯: 嘩! 好正喎, 牛肉很嫩滑, 熱騰騰的, 煲底不會太燶, 飯底很香口, 又夠大煲, 很是不錯啊, 如果一人食一煲, 一定飽晒。皮蛋瘦肉粥: 粥底頗綿, 但所謂瘦肉是燒肉來的, 有骨又有皮, 我不太喜歡!連小食費、茶芥和加一服務費, 埋費收$100.10元, 只是普通, 不算抵食! 不過, 試試也無妨。…Read More

星期日在旺角太子區行街, 肚子餓了, 找東西吃吧!經過金象苑泰國菜館 , 知道有個下午茶自助餐, 價錢好平, 加埋一都係58.30, 不妨一試啦。入到去, 原來好似酒樓的格局, 食物的確唔係好o岩口胃, 但填下肚都無乜所謂, 食物包括雞翼、豆腐、魚香茄子、魚、粉絲、凍雞腳、龍蝦片、珍多冰、雪條、糖水、冬陰公、馬豆糕...... 要數都仲有得數, 但其實味道一般, 沒有驚喜。老實說, 只為醫肚, 不為享受的話, 可以一試。:)…Read More

今晚返學前又到譚仔食米線, 今次食竹笙酸辣湯底, 一個餸都夠了, 我一向都唔大餸的, 而且每碗米線都會附加一些芽菜、韮菜和腐皮, 都算幾大碗。對我來說, 酸辣湯底都幾辣, 又酸又辣, 的確好醒胃, 但食食下真係眼水鼻水都流出來, 你咪話唔辣呀! 竹笙吸了酸辣味, 好正! 米線都煮得o岩o岩好, 唔會太焾。 我諗下次都係要清湯好d 喇, 費事食到咁樣衰啦。…Read More

同朋友食完飯, 行行下, 朋友提議食甜品, 所以入了港澳義順牛奶公司。我和朋友都選擇了熱的薑汁撞奶, 很快食物到, 滿滿的, 表面看來不算滑, 但入口原來係非常的滑, 薑味o岩o岩好, 真係好好味呀! 好想食多碗, 但又怕太飽, 下次再幫襯啦!$21元一碗, 其實都幾貴, 但真係好好味! 諗起都想食啊!…Read More

星期日行apm, 順路來到南京路食晚飯, 今次我要了一個蕃茄蝦仁炒蛋飯, 這個客飯包括了一碗白飯、一碟餸、一碗清湯和一杯餐飲。蕃茄蝦仁炒蛋頗大碟, 都算yummy! 蝦仁很爽口、美中不足是蕃茄味甜了一點, 但都算唔錯吧! 清湯真的很清, 一點湯料也沒有, 似雞湯吧, 沒有什麼特別。而蜜桃茶的味道o岩o岩好, 不太甜。 這餐算不是錯的一餐!以$43元的價錢算ok啦。:)…Read More

返學前, 在這裡醫肚, 入到鋪頭內, 覺得冷氣唔夠涼, 可能天氣實在太熱吧!叫了一碗水餃河, 等了足足十分鐘都未有, 似乎是漏了單:(細細的碗, 水餃有三大隻, 頗新鮮吧! 河粉很爽, 不會太焾, 味道不錯啊!17元一碗, 我覺得在土瓜灣地區來說似乎貴了一點....…Read More

畢業後已經很久沒有回母校了,前兩日約了朋友到大學取物件, 我們到大學會所食dinner, 這裡的大家樂食物比其他的較便宜, 加上校友和學生都有八折優惠, 所以真係好抵食架!我選擇了車仔麵, 十六元有兩個仔餸和餐飲, 八折後$12.80, 真係好平呀, 冬菇有五隻,還有五件蘿蔔, 味道比較清淡, 但個人認為唔錯。支持公開大學之餘, 我也很支持這間食店呢!…Read More

星期日去了megabox, 行到肚餓, 今次揀了八番拉麵試試! 原來這裡就像快餐店形式的餐廳, 很快有位, 坐座較迫, 但地方清潔, 侍應態度唔錯。我選了一個豬軟骨拉麵, 送一杯日本茶, 淡淡的清茶, 對於喜歡濃茶的我, 就如清水一般。至於豬軟骨拉麵, 大大碗, 拉麵不會太焾, 煮得o岩o岩好, 豬軟骨實在一流, 好焾好滑又入味, 湯底更令我回味, 濃濃的豬骨湯底, 我差不多喝清呢。平時食麵,我通常都不會喝湯的, 但實在太好味啊!下次來megabox, 一定再來幫襯!…Read More

早幾天悶悶地, 晚上想吃大餐減減壓, 又唔想搭車外出同人迫, 所以選擇了屋企附近的景福宮韓國餐廳食自助晚餐。約七時到達, 不需等位, 可能不是假期吧! :)這裡食物很多元化, 除了韓燒之外, 也可以打邊爐, 亦有熟食, 甜品多不勝數, 豆漿、五花茶和酸梅湯等任飲。其實這裡最適合喜歡吃肉的朋友, 因為多款肉包括豬、牛、雞、魚供應源源不絕, 但我一向對肉類沒有渴求, 所以這個龜背燒烤我是用不著的, 在這裡我只會打邊爐和食熟食, 但我覺得都食得夠本。打邊爐的食物也很多款, 餃子、丸子、菜、魚肉、三文魚腩、菇、粉絲、芋頭等等, 難以一一盡錄。 甜品真的值得一讚, 焦糖蛋和檸檬餅都很好味, 還有龜苓膏、布甸、雪條、雪糕、沙律等, 但芝士杯芝士味較淡,較失望。這裡還有三文魚刺身和多款壽司供應, 壽司的味道很合我心意, 因為壽司飯很有醋味, 我覺得好正。兩個人本來限吃一個半小時的, 但可能當晚是星期四, 沒有人等位, 所以可以食足兩小時。平日價係$98元再加一服務費, 以$108元的價錢食到咁多元化的食物算抵食了。 大家不妨試試啊!…Read More

前星期同家姐去過這裡食新出的豚骨拉麵套餐, 每個$36元, 我要了一個豬軟骨豚骨拉麵套餐, 而家姐要了一個义燒豚骨拉麵套餐, 這套餐包括一碗拉麵、一件炸蝦餅、一盒沙津和一件豆腐。拉麵不算太焾, 夠爽口, 唔錯; 豬軟骨d 軟骨都食得到, 唔會太硬, 過得去啦; 而最好食係蝦餅, 好彈牙; 豆腐就無乜特別了; 而沙津都幾o岩我口味, 因為我喜歡多沙津醬的沙津呀!吃了家姐兩件义燒, 都ok好味, 夠焾又入味!總括來說, 這個套餐算抵食, 因為依家在快餐店食個晚餐閒閒地都要40元, 相比下, 算食得過囉!…Read More