kennis_b's Profile

去美孚同親戚飲茶第一次嚟依間酒樓，整體感覺幾好，空間感好大，而且員工都好友善好有效率☺️☺️最重要係枱夠多，假期早市嚟到，好快就有位佢哋嘅茶都幾好飲喎，叫咗壽眉星期六早市時間，都有好多優惠，好多孖寶選擇，性價比好高！叉燒腸，外皮QQ閃閃令，好吸引，叉燒嘅份量都幾多，可以話係啖啖肉香煎蘿蔔糕，絕對係我心目中想要嘅味道！好食！真係食到蘿蔔絲同埋臘味鮮蝦菜苗餃，大大粒！蝦嘅比例都多，勁大隻蝦，口感好爽海蝦生菜絲魚滑粥本身用生菜滾粥，啲粥已經好香，再加埋新鮮嘅蝦同埋魚滑，成碗粥好鮮甜，相比一般皮蛋瘦肉粥，咁依碗豐盛好多😄😄鮮竹牛肉球叫個點心姐姐幫我加咗超多喼汁，有少少彈牙感覺，幾好食時菜鯪魚球因為親戚食得比較清淡，依款就啱晒佢，鯪魚球嘅鯪魚成份好多，真材實料👍🏻👍🏻兩個人食到要打包！都只係200頭超值！…Read More

同朋友相約食晚餐，大家都心思思想食潮州菜，第一時間就諗起依間餐廳因為每次嚟食飯，佢哋嘅出品品質都好穩定，環境又乾淨企理坐得舒服潮州滷水、砂鍋粥呢啲潮州菜經典菜式，選擇都好多凍烏頭，必食萬一賣晒，都仲可以選擇凍大眼雞，或者凍馬友😎😎烏頭啖啖肉，味道唔會太鹹想重口味少少，點埋黃豆醬就啱啱好鹹得黎又唔會蓋過烏頭本身嘅甜味滷水拼盤咩都有啲就夠晒開心😄😄滷水豬腩肉比想像中好食！好滑溜嘅感覺，又帶少少好實在嘅肉，口感好有趣！我自己就最鍾意滷水鵝同埋豆腐，好香好入味！佢哋嘅砂鍋蠔仔粥非常出色我哋只係叫咗例牌，兩個人都食到好飽😆😆蠔仔份量非常多！仲清潔得好好，完全冇沙👍🏻👍🏻個粥好好飲，鹹香味同蠔嘅鮮味配合得天衣無縫，飲完暖笠笠😎😎…Read More

同朋友睇show之前，快食一個晚餐原來希慎B2都有一個小小嘅food court，感覺幾chill幾舒服我哋就揀咗依間漢堡店，除咗漢堡之外，仲有pasta可以揀特濃花生醬漢堡包 跟餐薯條加$20 ，厚身薯條熱辣辣超正！加咗花生醬嘅漢堡包，食落去多咗花生醬鹹香嘅味道，好特別，好有趣！除咗落得好重手嘅花生醬之外，仲有勁厚身安格斯漢堡同埋煙肉，好惹味朋友就揀咗白酒蜆肉意粉同樣可以加錢加配沙律同埋餐湯個蜆肉意粉係勁多蜆肉，而且意粉份量好多，好大堆頭，都好吸引☺️☺️田園沙律為晚餐帶嚟一點點小清新黑松露雞菌湯個餐湯好出色，勁多菇，所以入口非常香濃嘅菇味👍🏻👍🏻就係咁食咗個快靚正，簡單得來又好味嘅晚餐，下次再嚟呢個food court尋寶先！…Read More

同閨蜜喺中環食生日飯，好開心揀咗個好好嘅地方！依間鐵板燒環境好舒服，夠闊落，空間感好大成餐飯可以望住師傅準備食材、烹調、擺盤、介紹菜式，有多少少互動，成餐飯嘅體驗都chill 🤓🤓日本漬物打頭陣嘅漬物，帶來小清新嘅感覺！其中牛油果三文魚他他同埋三文魚頭軟骨超有驚喜，兩種完全唔同嘅口感，又唔同嘅清新！煙三文魚卷有粒酸酸甜甜既龍珠果，配意大利黑醋汁、有機蔬菜，口感清爽又豐富海鮮方面，佢哋都有好多選擇，非常具彈性，可以揀：鮑魚、虎蝦、帶子、白鱔等等擺盤真係好靚，壽星女表示非常開心，因為可以瘋狂打卡！❤️❤️佢哋嘅海鮮都配咗秘製龍蝦汁，令到味道層次更加豐富！至於鮑魚，就配白松露醬，呢個配搭都幾清新，可以食到鮑魚嘅甜味除咗海鮮，當然唔少得和牛啦！即席烹調，就係好食！牛肉味道非常香濃我就揀咗：宮城厚切黑豚扒估唔到份量咁多，而且係超級超級好食！肉味同埋肉汁超強勁，仲要份量好多，真係好滿足❤️❤️食埋炒飯同埋甜品，都咪還唔正！個炒飯根本係超犯規，勁多三文魚子！我自己就幾鍾意雪葩上面嘅紅豆爆珠，爆開之後，真係食到綿綿嘅紅豆，好得意🤓🤓請閨蜜食左個咁開心嘅生日飯，我決定下次都要book返同一間，逼佢同我慶祝生日😛😛…Read More

同閨蜜發現咗一間寶藏餐廳！價錢唔貴，但可以享受到超靚超開揚嘅夜景！黑松露大啡菇自家手打和牛芝士漢堡配脆香薯條漢堡包超級巨型！薯條堆上，真係好香脆，開心❤️❤️大啡菇咬落去超多汁，已經好滿足，佢個手打漢堡仲要超厚！個口細啲都唔得掂啊😆😆北海道帶子明太子意大利粉好鍾意佢哋嘅醬汁，濃稠得黎味道好濃郁！配上三大粒帶子，外皮有少少焦香，中間仲係保留住軟熟鮮嫩口感，好鮮甜，好清新👍🏻👍🏻成個意粉嘅口感亦非常豐富，因為每一啖都可以食到蟹籽、紫菜、蟹柳等等，好食😁😁選擇咗主菜，可以加錢揀想要嘅套餐佢哋嘅飲品賣相都好靚，打卡一流！甜品亦相當精緻我好鍾意佢哋嘅乳酪杯！食到清甜嘅乳酪，同時又有好多脆脆，即刻令到成杯乳酪更有趣，更好食！依間餐廳食物選擇雖然唔算非常多，但係用心製作，品質同賣相亦非常有水準，加埋個超級靚景，性價比好高！一定會再嚟！…Read More

香港人一年四季都要食火鍋！今次食重慶火鍋，個紅湯湯底超香濃，一試難忘！去到蘭桂坊，都容易搵到餐廳嘅入口，幾有氣派😄😄轉個彎就係鬧哄哄嘅酒吧區域，熱鬧！入到餐廳，環境乾淨整潔，可以用iPad自助下單。卡位空間十足，有好多私人空間👍🏻👍🏻我見佢仲有好多位置做咗箱房，咁適合唔同嘅聚會👍🏻👍🏻等候食物期間，可以食住餐前小食先，香脆惹味幾鍾意佢哋所有嘢都好精緻，好齊全。基本上隨意拎起手機，都可以打卡！調味料方面，仲有一細罐香油，我諗應該係我哋平時用開嘅麻油，加咗落去其他調味料度，即刻香噴噴紅湯微辣湯底，辣味好香，而且味道好濃郁，但唔會死鹹，煮菜同肉都好好食！鴛鴦鍋嘅另外一面，我哋就揀咗豬肚雞。豬肚非常入味，推薦！新西蘭羊肉卷賣相好吸引，脂肪唔會好多，放落紅湯，同滿滿嘅香辣湯底一齊食，厚薄剛剛好，正！就連午餐肉，平凡嘅食材，經過依個超美味湯底洗禮之後，又係變咗超級美食！不得不提我最鍾意嘅冰粉，涼浸浸，食完香辣刺激嘅晚餐，可以好好整理返味蕾。…Read More

特別鳴謝閨蜜帶我嚟呢度慶祝生日🥳🥳景色非常靚樓層夠高可以飽攬住成個維港令人有心曠神怡嘅感覺！星期五有sushi Friday menu可以享用無限量供應嘅前菜小食、刺身、壽司！蕃茄水牛芝士沙律本身以為係細細粒嘅水牛芝士，點知上菜嘅時候，見到係一大個水牛芝士！實在令我心心眼😍😍creamy濕潤感覺，配上清新嘅蕃茄，係非常開胃同清新嘅前菜日式豬肉煎餃脹卜卜嘅餃子，餃子皮非常薄，配上酸辣醬汁，又有暖暖哋嘅感覺，好食Encore左兩次既刺身，每一次賣相都一樣咁靚，每一片都非常厚，口感滑溜肥美，帆立貝同三文魚非常非常鮮甜！當日供應四款卷物，同樣深得我心碎蔥吞拿魚腩配蒜辣醬，係驚喜之選！巧妙地將刺身同醬汁混合，口感同味道嘅層次非常豐富火炙油甘魚三文魚丼飯朋友大力推薦佢哋刺身同埋日本料理，所以喺六個主菜入面，我就選擇咗依一個丼飯賣相靚之外，完全感受到廚師用心製作，所有嘢都處理得好細緻，係一個又靚又好食嘅丼飯望住出面嘅海景，享受住無限量供應嘅美味刺身、美食，呢餐生日飯我比滿分！…Read More

放工相約朋友喺灣仔食中菜，Book咗依間餐廳晚飯時間都幾熱鬧，有唔少家庭聚餐氣氛好好前菜漬物帶有微微鹹味同辣味嘅白蘿蔔，爽脆開胃我哋都好鍾意飲湯，所以就叫咗呢一個紫砂功夫燉湯。落單嘅時候，向店員查詢，係五指毛桃燉湯。店員仲好細心提供咗兩個杯，一倒出嚟，香氣撲鼻。五指毛桃味道突出，湯水清澈，但味道濃郁，好飲！菠蘿咕嚕肉佢哋係用咗黑毛豬，感覺肉質都比較彈牙外皮做到非常香脆嘅效果高質嘅咕嚕肉！燒鵝-例牌外皮閃令令，好吸引鵝髀位置嫩滑多汁，唔會有太多皮下脂肪，啖啖肉！蒜蓉蒸龍躉頭腩蒸龍躉頭腩火候十足，蒜蓉豉油醬超香濃！直接食咗一碗飯飯！唔好睇小每一舊，肉非常滑溜，有骨頭嘅部位亦連接住好多骨膠原，每一件都非常滋味！…Read More

每日食飯時間都要排隊嘅車仔麵，超人氣！如果約朋友喺銅鑼灣見面，而佢冇食過麵尊，我都一定會帶佢嚟。乾淨衛生，選擇又多嘅車仔麵首選。炸魚皮係用膠袋獨立包裝放好，唔使驚會浸到腍晒。脆卜卜，大大塊，唔會碎吟吟非常有驚喜嘅豬頸肉！因為朋友係食肉獸，所以特登嗌咗一碟豬頸肉，份量比想像中多。味道更加係出色，好香豉油滷水味，又爽口，非常推薦！車仔麵有多款配料可以選擇，豐儉由人。可以揀蔥/多蔥 選擇湯底嘅時候，又可以揀佢哋秘製嘅咖喱醬/麻辣/腩汁。個咖喱醬好出色，每一次都一定要加！好香，而且辣味突出，好過癮！五香牛肉，亦係非常推薦嘅配菜。份量多，有時仲會食到一啲牛筋，滿滿骨膠原嘅位置，入味，又唔會好多肥肉，必食！另一個骨膠原滿滿嘅選擇，就係豬皮！又係非常入味，仲要好軟滑，口感滑捋捋超正食車仔麵，當然唔少得豬紅！佢哋嘅豬紅質素唔錯，從來冇令我失望！至於湯底，就係偏清甜。配上滑溜嘅河粉，唔覺唔覺，飲咗好多湯。簡單又好味嘅車仔麵，咁又係一餐美味嘅晚餐喇！…Read More

週末係港島拍拖周圍行吓早上第一站就係食個靚靚早餐灣仔依間波士冰室，早餐時間幾乎坐無虛，堂食外賣同樣忙個不停，非常受本地街坊，同遊客歡迎店內整體乾淨整潔有唔少特色香港懷舊打卡點，就好似鐵閘屏風、杯、牆壁上面嘅鐵信箱等等西式早餐，份量豐富，淨係睇佢嘅賣相，已經食指大動！一大塊牛扒，都幾厚身，配上黑椒汁，夠晒惹味。搽咗蒜蓉醬嘅丹麥多士，非常出色！多士牛油味好香，一層層既口感好香脆，蒜蓉醬味道香濃，非常突出，超好食！火腿奄列亦都做得好飽滿，仲有少少蛋液，令到口感更加滑溜另一份早餐，就叫咗有粉麵嘅。蕃茄排骨螺絲粉，淨係聽個名都夠晒健康，好適合鍾意蔬菜嘅我排骨一啲都唔肥，有少少位置係有軟骨，補充埋骨膠原，滿分！蕃茄部份亦做得非常出色，有好多新鮮蕃茄，同埋西芹、甘筍、洋蔥，令到個湯好好飲，真係健康美味嘅選擇！螺絲粉早餐，跟多士同埋炒蛋炒蛋同樣做到滑溜嘅效果，而白方包做嘅蒜蓉多士，亦同樣出色。佢哋個蒜蓉醬真係好香，無論係丹麥多士，定係白麵包嘅多士，一樣都係好香脆，非常推薦熱鴛鴦兩個字，香濃對於今日呢一個早餐，我比一百分…Read More

呢度地方超大，有得燒嘢食，又有勁多嘢俾小朋友玩。個仔玩到完全唔捨得走！玩足一日！吹氣迷宮（免費）小朋友係入面跑黎跑去，勁開心仲有一個足球場，可以book場打友誼波加幾十蚊，就可以任玩波波池同埋跳彈床、吹氣彈床，放電一流！食吓嘢，又入嚟彈吓😂😂除咗玩嘅嘢之外，仲有羊咩咩同埋好大隻龜！去到門口已經聽到羊嘅叫聲，小朋友已經好興奮！有得釣蝦，釣魚咁啱見到人哋嘅小朋友，好叻仔，釣咗一條好大嘅魚！即刻影返張相😁😁我都係第一次釣蝦，釣到幾多，就要食幾多，另外收費。佢哋有提供鉸剪，粗鹽，可以即時自行處理。有兩隻隻蝦仲要爆膏，超正不過建議大家粗鹽唔洗太多，如果唔係最後食嘅時候，就比較鹹燒嘢食嘅食物選擇都OK多，雞中翼、雞全翼、雞腎、多春魚、咖喱魷魚、雞扒、豬扒……應有盡有，雪櫃仲有麵包、蔬菜、蒜蓉，可以用錫紙兜煮一個蔬菜🥬做完嘢啦…Read More

平日返工匆匆忙忙，得閒真係要約朋友一齊食吓好嘢緩和吓。喺觀塘搵到呢一間潮州菜，環境舒適，食物選擇亦多，晚飯時間有唔少客一家大細、放工聚餐除咗中國茶之外，當然唔少得酸菜甜甜地酸酸地，醒一醒胃凍烏頭食潮州菜當然唔少得凍烏頭啦！烏頭魚處理得乾淨企理，肉質結實程度剛剛好，唔會太腍或者鬆散，味道亦控制得恰到好處，食到魚嘅鮮味。非常欣賞佢哋嘅豆醬，唔會太鹹就可以點多啲，將魚肉同豆醬夾埋一齊食，就真係正宗嘅潮州味道啦！懷舊金腿雞蓬對於依個懷舊菜式，大家都好感興趣，因為未試過。原來都好啱香港人口味，雞肉外脆內軟，而且非常滑溜，味道係淡淡嘅鹹香，又有少少香菜嘅清新香氣，係精心製作嘅手工菜。滷水鵝片賣相靚仔，份量亦比想像中多。已經去骨，去骨處理得好好，啖啖肉，肉質幼嫩，鵝味濃郁，仲有滷水豆腐係下面潮式芋頭炒飯臨近中秋，都會令人更加想食芋頭。一個芋頭炒飯，有陣陣芋頭嘅香氣撲鼻，炒飯好夠鑊氣，配搭鹹香嘅肉粒，食香味俱全！馬蹄綠豆爽晚飯亦可以食到充滿潮州特色嘅甜品。馬蹄綠豆爽就夠晒清新。每一啖都好多綠豆，但有清新清甜嘅馬蹄味道，係一個冇負擔，又好食嘅甜品！總括而言，想食一餐穩陣，但選擇多多嘅潮州菜，係觀塘都可以搵到。…Read More

見網上有人介紹依間餐廳，星期六日晏晝時間，係有放題！餐廳俾人嘅感覺都係比較高質，竟然做放題，當然要試一試啦！銅鑼灣嚟講，仲要係有刺身嘅放題，價錢算係非常抵！中午12點開門，已經有好幾組食客排緊隊🤓🤓坐定定之後，就可以用手機落單，夠晒方便接待好門口嘅客人之後，店員就會開始送上美食。打頭陣嘅就係一份沙律，同埋只此一份嘅刺身前菜，一大隻磯燒鮑魚，甜甜地又軟熟👍🏻👍🏻食物選擇唔算非常多，不過都對得住個價錢，最緊要係有鍾意食嘅嘢！就好似虎蝦咁，巨型，香噴噴，性價比之選！ ！仲有燒雞翼，我見到有一枱點咗一個雞翼山😆😆相信應該係超級雞翼迷👍🏻👍🏻我見佢哋嘅格局，有唔少清酒，原來佢哋係有做清酒放題！男士唔洗$200 ，女士就更加只需要$98 就可以3小時無限飲清酒，不得了不得了！講究嘅話，仲可以配埋唔同嘅食物🤓🤓講返我依個星期日食嘅放題，啲刺身好靚仔，高質，夠鮮甜，仲要有超鮮甜帶子都可以無限添加，超開心❤️❤️❤️❤️極推薦呢一個迷你嘅刺身丼飯飯係有經過調味，配上厚身粒粒刺身，同埋海膽！食兩三碗都唔過分！另外仲有天婦羅炸蝦迷你丼飯、日式牛肉或者豚肉飯等等，因為放題係冇壽司選擇，想有飯落肚嘅話，就可以揀呢啲迷你嘅飯🤓🤓如果想食靚牛肉，仲可以叫一個蔬菜嘅壽喜燒鍋，然後瘋狂點靚靚牛肉同埋豚肉🔥🔥🔥牛肉同豚肉色澤都好靚，而且唔會太肥食飽飽，可以出去拎迷你窩夫，或者自製刨冰，真係非常滿足。咁樣嘅價錢，咁樣嘅質素同埋地段，又真係好吸引嘅👍🏻👍🏻…Read More

一虎推出咗檸檬拉麵！有好幾次都有衝動想試吓，今次終於鼓起勇氣，有驚喜喎，好食！佢嘅樣就係一碗豬骨湯拉麵，上面有幾塊新鮮檸檬。即刻飲啖湯先！微微檸檬酸味，配上香濃豬骨湯味，唔會太酸，幾好飲，感覺非常開胃👍🏻👍🏻拉麵彈牙，份量適中如果想再酸啲，可以用筷子拮幾下新鮮嘅檸檬，又有多種食法😁😁檸檬拉麵本身已經有叉燒，但係就冇蛋，所以如果想要糖心蛋嘅話，落單嘅時候就要畫埋。叉燒肥瘦適中，估唔到叉燒、雞蛋，同檸檬拉麵湯底都幾夾，冇乜違和感😁😁有濃郁嘅豬骨湯、酸酸地嘅檸檬，都仲唔夠喉嘅話，可以食埋有少少辣嘅芽菜，免費自行無限添加，口感同味道都更加豐富啦🤓🤓而家仲做緊秋季推廣，星期一至四，食夠$110仲可以用一蚊優惠價錢換取一款配菜，抵！…Read More

鍾意食潮州菜嘅朋友，成日周圍試新嘢，今日就帶我一齊食呢一間位於新蒲崗嘅「潮盛館」晚飯時間大約七點嚟到，已經有好多食客，睇嚟好受歡迎。一入門口，見到侍應上菜都非常吸睛，擺盤好靚，煙霧彌漫，仙氣🤓🤓餐牌食物選擇都幾多，穩陣打冷菜式都有凍烏頭魚見到魚尾嘅牌仔，就只係正嘢！之前喺其他地方食過幾次，有元朗烏頭認證嘅牌仔，啲魚真係好食啲！魚肉唔會散修修👍🏻👍🏻👍🏻👍🏻👍🏻真係要比夠五個like再加埋仙氣效果，好睇又好食🤓🤓潮盛特色醉乳鴿坐低冇耐就聽到話乳鴿剩返一隻，咁梗係要把握機會，快啲叫埋最後嗰隻啦😄😄好彩有叫到，精彩喎！擺盤非常靚，一半以上嘅位置已經做咗起骨，細心👍🏻酒味香得黎易入口，絕對唔會太嗆，最好食嘅竟然係啲皮，脆卜卜，又入味，推薦！椒鹽九肚魚非常香脆，而且味道好惹味，細細件，易入口，配啤酒一流！暖暖個胃，黎一大鍋蠔仔粥就最適合不過。蠔仔份量好多，新鮮，成件事好舒服🥰🥰果然冇介紹錯，下次想食潮州嘢，又多一個選擇🤓🤓…Read More