lam.meisuet's Profile

假期17:40嚟到前面已經有幾位排緊隊，18:00開始交單，聲稱要等1個鐘，最後19:20食得————————————————————————1.千島自家製雞肉棒面頭燒到焦香，係有口感嘅嫩滑雞肉，仲有少少沙律醬2.原隻新鮮黃油雞翼⭐️必食之選👍🏻 雞皮燒到好脆，雞肉啱啱好熟，咬落係有雞油雞汁流岀嚟！6.雞橫膈膜串口感比較軟，油脂感極重，油香十足，個人認為太肥膩10.雞氣管串非常爽口，口感都幾特別11.汁燒雞頸肉串鮮嫩彈牙，調味適中15.鹽燒雞心串份量都算多，彈牙輕微嘅雞味17.和風燒雞下巴第一次食，口感好特別，需要慢慢噒骨品嘗——————————————————————————📌好彩早少少到，聽到之後落單嗰啲要等三個鐘😅不過好似可以WhatsApp落定單✨整體來講，第一次幫襯，雖然等待時間比較耐，但係每串都係生燒，簡單調味，食材新鮮，係有水準嘅串燒，性價比高，質素媲美好多居酒屋，希望保持水準，絕對有下次👍🏻👍🏻👍🏻…Read More

嚟到k11諗住食牛油果🥑因為鋪頭個位置都有啲偏以為執咗笠，行入少少先見到，好彩仲喺度平日2點左右嚟到冇乜人，Lunch set: 飲品/湯+主食+甜品————————————————————————⭐️牛油果蝦”漢堡”🥑🦐$128 由一個牛油果做漢堡，入邊係一塊蝦餅，調味啱啱好，熱辣辣仲有少少juicy，都算彈牙，仲有少少酸酸甜甜嘅紅色醬汁同酸酸哋嘅紅蘿蔔絲🥕夾埋牛油果🥑一齊食都好夾👍🏻配咗粗嘅番薯條🍠甜甜哋幾好味•慢煮雞胸肉三文治🥑🐥$128 都係用咗牛油果夾住雞胸肉，慢煮雞胸肉唔會”鞋”不過有少少乾，味道正正常常冇太特別，配沙律🥗⭐️香蕉抹茶Pancake 🍌🥞 pancake好軟熟甜度啱啱好熱熱哋搭配埋香蕉蓉👍🏻👍🏻有驚喜😋•雜莓抹茶Pancake🍓🫐🥞 雜莓醬酸得嚟餘韻又甜甜哋雜菜湯🥣-好重蔬菜同香草味食到好多洋蔥粒🧅，飲完感覺食咗好多菜🥕新鮮橙汁+$15🍊酸酸甜甜好多橙肉粒粒————————————————————————整體來講，lunch 好抵食，食到最後都好飽，成餐飯都感覺好健康😆店內座位都算闊落 (👆🏻唯一想講下二人圓枱中間喺張櫈伸咗條枱柱岀嚟，點坐都唔方便😅) 咁啱店內唔算太多人，店員都可以安排到坐卡位…Read More

行完街4點幾經過唔使等位，見環境都唔錯就試吓揀咗:特選牛小排+海鮮放題 $318+10%，原來午市仲有每位減$40優惠————————————————————————一坐低就即刻上咗湯底同跟餐任食嘅食物(另外再加可以scan QR code落單)鴛鴦湯+$10: 牛肉清湯&豚骨濃湯，牛肉清湯冇乜特別，反而豚骨濃湯有驚喜，入邊有一大舊豬骨，未煮嘢前飲落係有啲奶奶🥛哋嘅忌廉味，之後用咗嚟煮蝦成個湯即刻變得好鮮甜，好重蝦味😋⭐️SRF美國極黑牛🐮 望落好靚，油脂分布比較少，嗌咗兩次都係靚嘅👍🏻•極上美國牛小排🐮都係屬於比較瘦•牛肩肉🐮就冇乜特別•豚肉🐷第一份比較瘦，第二次嗌咗兩碟就有一肥一瘦，雖然同一款豚肉，但係油脂分布程度亦都會影響口感•大海蝦🦐好大隻爽口彈牙，不過食唔到太多，好哽胃😂攞嚟熬豬骨濃湯，再飲番個湯會好鮮甜👍🏻•墨魚滑🦑好彈牙，入邊仲有好多墨魚肉，好有口感•帶子冇乜特別，感覺唔係真嘅帶子，又或者係雪得太耐，食唔岀係帶子嘅味出邊自助區都有好多食物可以揀，仲有啲熟食，飲品都有好多款式，最緊要係有雪糕🍵🍦最特別嘅係有部棉花糖機可以自己整棉花糖🍭—————————————————————————整體來講，食物質素唔錯，牛肉有誠意，環境好闊落，坐得好舒服，自助區都好乾淨企理，不時會有店員fill返嘢食，服務都算唔錯，店員間中會過嚟問使唔使加湯，咁嘅價錢值得一試👍🏻…Read More

訂咗枱一點鐘，嚟到唔算太多人，安排咗一張靠窗邊嘅卡位，成間鋪都充滿粉紅，好有少女心，打卡一流🤩 平日一至五提供lunch set，價錢好抵👍🏻——————————————————————————跟餐:有個細嘅Caesar salad 🥗 ⭐️明太子意大利麵🍝$120 全部意粉都被醬汁包滿，上面仲有好多紫菜絲，撈勻緊嘅時候已經聞到好香嘅味，每食一啖都有好多明太子醬，蟹子，大大粒好有口感，食到最後都唔會乾同”漏” 👍🏻必食之選👍🏻😋⭐️黑松露意大利麵🍝 $120 一上枱已經聞到好濃郁嘅黑松露味，意粉上面有一大羹黑松露醬同好多唔同嘅菇，每一啖都充滿好多醬汁，黑松露愛好者必食👍🏻😋飲品跟餐+$8 可以升級芝士奶蓋-成杯嘢飲都好有驚喜🤩 芝士奶蓋好濃郁，唔會太甜，亦都唔會太”漏”，加上淡淡的茶香，唔會輸俾出邊嘅專門店👍🏻👍🏻•鹽酥雞拼盤🐤$98 每樣嘅份量都唔少: -花枝丸有7️⃣大粒,每一粒裏面都仲食到少少花枝粒-鹽酥雞外皮炸到好脆，略嫌中間有啲乾-甜不辣口感煙韌，但係外皮比較硬————————————————————————整體來講，每樣嘅份量好足，飲品好有誠意，完全唔馬虎，環境好靚打卡一流👍🏻🤩…Read More

嚟到門口，喺上去前有個位可以買cake，但選擇唔多，晏晝四點左右嚟到，上到一樓唔算太多人————————————————————————•黑白配🍞🍨$78 西多士入邊有啲朱古力醬，上面有一球雲呢拿雪糕🍦同馬卡龍，配咗蜜糖醬，西多士熱辣辣加上雪糕，冰火二重奏😂👍🏻•炸魚薯條配自家製他他汁🐟🍟$78 兩塊炸魚份量都唔細+幼身薯條🍟冇特別調味，加上他他汁，味道好夾👍🏻•黑松露雜菌忌廉長通粉🍝$98 份量都唔少，芝士味重，冇乜黑松露味，整體醬汁好濃郁👍🏻•邪惡冰火布朗尼配自家製雪糕🍦$78 用咗熱嘅鐵板燒上，成個甜品係超甜！跟咗朱古力醬都冇用到，螞蟻人必食😅訂枱時remark生日仲送咗生日牌同一張即影即有👍🏻•Dirty-髒髒咖啡☕️ 跟餐唔使加錢，但係見唔到髒髒，只係一杯好敷衍嘅冇味咖啡😅•花茶用咗個茶包，都有5️⃣種味道選擇————————————————————————整體來講，抵食brunch，生日待遇都算唔錯，下午茶來講算幾好，有機會可以試吓招牌牛肉…Read More

成日揸車都會經過，唔知食乜就試吓，平日一點左右嚟到，唔使等位，正常Cafe食物————————————————————————•Penny Pasta🍝 $188 少少茄汁味，面有好多芝士，入邊嘅煙肉同香腸偏鹹，仲有black pudding 就係”血腸糕”冇乜味淋淋哋，長通粉分量唔少配料唔算太夾😅•Steak sandwich 🐮🥪 $168 牛嘅份量都算多，牛味好重，肉質都算嫩滑，醬汁好味👍🏻麵包有烤過好脆口，跟咗薯條🍟同少少沙律菜🥗•Iced chocolate 🍫🥤$38好淡，完全冇朱古力味，好似洗杯水咁，跟咗支竹飲管好特別•Lime soda🍋🥤$38 正正常常，解渴————————————————————————整體嚟講，經過可以試吓，冇咗個景就什麼都不是，唔使特登入嚟食😅…Read More

Book咗6點半，嚟到都坐咗6成人，一入到嚟就好懷舊嘅感覺，有冷氣，坐得舒服嘅大排檔🤩落完單唔使等好耐就上菜————————————————————————•黑松露厚蝦多士🦐🍞$28/件 最少嗌3️⃣件，上枱即食，多士用咗丹麥酥，唔係普通方包，好脆口，唔算太熱，蝦肉彈牙，黑松露醬好岀色，食乜都可以點，百搭醬汁😋⭐鳳梨懷舊咕嚕肉🍍🐷$118 必食之選，菠蘿好甜，咕嚕肉外脆內軟，每舊都有好多醬汁，夠晒味👍🏻酸酸甜甜好開胃😋見到幾乎每枱都有食•瑤柱招牌走地雞🐔$148 半隻 好大碟，面頭有啲瑤柱絲同炸蒜頭🧄跟咗:秘製泰式辣醬，薑蔥豉油，其實唔使點都夠味，雞好嫩滑，雖然嗌咗半隻但係隻雞好大隻，食極都仲有😂**隱藏食法:雞點黑松露醬👍🏻•金沙脆鮮魷🦑$108 份量都算多，每塊都好大舊好厚肉，炸粉唔會太厚，好重鹹蛋黃醬，雖然食落有啲”流” 但係配上彈牙嘅鮮魷都好好味😋•梅菜扣肉煲🐷🍲$98 醬汁唔會太鹹，都有6-7舊肉，肥瘦相間，調味啱啱好👍🏻梅菜就鹹少少不過送飯一流😋————————————————————————整體來講，分量十足，價錢正常，環境加分，上菜速度算快，值得再試…Read More

買完嘢飲見到有間即叫即炒麵，唔知揀咩就嗌咗個雜錦特色炒麵轉腸粉，乜都有啲，揀咗XO醬，即叫即炒，落完單之後就企喺度等師傅炒，睇佢即場表演😂😂原來呢間鋪都開咗好耐,只係改咗名,之前係”特色雜錦炒麵”————————————————————————特色雜錦炒腸粉$35 即叫即炒，好有穫氣👍🏻調味啱啱好唔會太鹹😋有好多唔同嘅材料，仲有少少洋蔥🧅芽菜同椰菜絲，增加口感，份量都算多，兩個人食啱啱好👍🏻————————————————————————整體來講，$35食個即炒嘅麵，仲有咁多材料，好抵食，晚餐食一個已經夠晒皮👍🏻…Read More

嚟親都大排長龍，不過好快就排到，講真其實食物冇乜特別，重點係個沙嗲醬————————————————————————⭐️齋 $7 “索”晒啲醬汁，調味啱啱好👍🏻•魚蛋🍢$6 5️⃣粒 冇煮過龍，仲有少少彈牙，只係表面有少少醬汁，食落唔係特別入味•腸仔$3 煮咗好耐，煮到腸仔已經冇晒味，好淋，都係食到表面少少醬汁嘅味道😅————————————————————————整體來講，冇乜太特別，經過太安樓就過嚟朝聖下😂齋係必食之選👍🏻…Read More

次次嚟親必食牛雜，蘿蔔先係主角😋————————————————————————淨食全部都係$10份，湯麵就$22份，鍾意食乜就揀乜👍🏻自由配搭，淨食揀3份已經有一大碗⭐️必食蘿蔔，完全冇喳仲有少少蘿蔔嘅甜味，每舊蘿蔔都入晒味，調味唔會太鹹，啱啱好👍🏻•豆卜，好大粒又係入晒味，有5️⃣大粒，”索”晒啲湯汁，食果陣一定要小心熱😄•牛筋，煮到好淋，牛筋上冇多餘嘅脂肪，處理得好好👍🏻————————————————————————整體來講，$10份每樣嘅份量都算多，好抵食，嚟太安樓必食牛雜-蘿蔔😋👍🏻…Read More

夜晚9點嚟到太安樓，第一站就食手卷，嚟到唔算太多人等，有好多選擇，仲啲刺身可以買👍🏻————————————————————————⭐️A11-炸軟殼蟹手卷🦀$23 軟殼蟹即叫即炸，食落口仲好熱，入邊仲有少少沙律醬，壽司飯粒粒分明😋唯一缺點就係紫菜有少少淋，不過都唔影響口感👍🏻⭐️A41-海膽拼三文魚籽手卷🟠$48 海膽好大塊面仲有好多三文魚籽😋食到底都仲食到海膽同三文魚籽👍🏻————————————————————————整體來講，食材新鮮，真材實料，好抵食👍🏻👍🏻👍🏻…Read More

晏晝12點左右嚟到，好多間都未開，見呢間開咗就試吓，入到嚟坐低之後自己用紙寫低餸嘅Number之後比員工—————————————————————落完單之後就上咗三款前菜，泡菜偏鹹，麻麻地😅⭐️鐵板泡菜炒豬肉飯🐷🌶$89 份量都唔少，好多泡菜，豬肉係用咗五花腩，炒嘅醬汁甜甜地唔會太辣，用鐵板上熱辣辣，好送飯👍🏻•海鮮豆腐湯🦐🌶$85 湯裏面有:豆腐，蛋，蜆，一隻蝦，翠玉瓜同洋蔥🧅份量都算多，不過湯底就偏鹹•煎餃子🥟$75 有5️⃣隻🥟 即係即煎，食落去個皮好脆，餡料入邊有啲粉絲，同平時出邊買嘅餃子差唔多，跟咗個餃子汁，唔好點太多如果唔係又係好鹹😅——————————————————————————整體嚟講快食lunch價錢都算正常，不過嘢食就有少少偏重口味，食唔到重口味嘅人可以試吓其他…Read More

諗住嗌加拿大海膽，點知佢話冇晒貨，得返馬糞海膽，咁就諗住試吓。豉油Wasabi，同埋有幾款醬料擺喺出邊俾人自己加，雖然可以自由選擇口味，但係見到有個客人，再返去加醬料落自己食剩嘅半個手卷度😰醬料樽口仲要掂住個手卷，有啲唔衛生😓雖然客人冇衛生常識，但都覺得店舖可以做好啲轉做提供獨立包裝豉油同Wasabi，始終呢啲時勢，衛生真係好緊要——————————————————————————聲稱半板馬糞海膽$50，成個手卷最出色就係紫菜仲係脆嘅👍🏻 證明係即嗌即包，海膽有少少苦，飯有啲軟爛，手卷面有薄薄一層海膽(未鋪滿)，手卷中間有啲青瓜絲，個手卷食咗兩啖之後就剩返飯同紫菜，但啲飯太軟爛，根本就擺唔到落口所以就揼咗😥(叫做理解點解啱啱嗰個客人食咗半個都會再返去加醬料)——————————————————————————整體來講，試咗個伏唔值得嘥$50食一個手卷，相信其他嘢食應該唔錯嘅，不過壽司飯方面真係做得有啲差😅…Read More

嚟親葵廣必食鹽水雞，晏晝兩點左右嚟到都唔算太多人，有兩個姐姐喺後面負責去雞骨，前面一個姐姐負責落單收錢同執材料，一個叔叔負責調味，分工十分明確，所以落完單都好快就有得食👍🏻————————————————————————⭐️A餐雞腿+3️⃣款配菜🐔$48 冇骨雞腿皮好爽口，好夠味，揀咗凍豆腐，蓮藕，雞腎，豆腐吸晒啲味，蓮藕好爽脆，雞腎都爽口👍🏻——————————————————————————整體來講，味道偏重口味，可以揀辣度，蒜蓉同蔥，食過幾間ET鹽水雞都係呢間最好味👍🏻…Read More

想食羊腿訂枱一定要訂埋，今次食唔到不過其他嘢食都唔錯—————————————————————•手抓肉🐑$238 啖啖肉👍🏻有啲羊脂肥膏，冇乜羊騷味😋配少少洋蔥🧅都可以解到膩⭐️大盤雞🐔🥔$280 嗌咗微辣，雞有醃過好夠味，薯仔🥔煮到好淋入晒味😋•杏仁羊奶🐑🥛必吃甜品，好滑！ 淡淡嘅杏仁味， 解油膩感一流👍🏻——————————————————————————整體來講，味道唔錯，份量好多兩個人嗌兩樣食唔晒，下次一定要試吓羊腿😁…Read More