Fishychann's Profile

除咗態度差左之外，仲想講吓食物質素。啲粥而家質素真係差咗，稀到好似食粥水咁。碗粥除咗啲魚腩之外，其餘嘅我都可以就咁飲，因為係粥水。腸粉口質屬於比較硬，所以攤凍咗食落比較厚。…Read More

喺中環工作已經4年，附近嘅粥品店並不多，所以通常食粥都只好揀忠記，因為佢比較多選擇因為疫情關係，都有一段時間無嚟今日叫咗個兩樣嘢，腸粉同粥，主要我想講嘅係個生菜鯇魚腩粥講真我對粥都無乜要求，但係都唔好俾碗粥水我吖🥲唔係煲到好棉嗰啲粥!而係真係粥水!呢4年嚟一直幫襯都無食到過咁差我明白疫情下好多餐廳承受好大壓力，我真係唔介意你加價我願意俾多啲錢去食返一碗正常嘅粥，而唔係我食完都感覺好似無食過野落肚咁…Read More

This is my second time to visit. I had experienced the worst services ever and definitely won’t come back again.Waffle was nice but the coffee was not. And the crowded environment really made me felt very disappointed. Besides, staffs weren’t helpful there.…Read More

為咗探朋友班,又再一次嚟到荔枝角食lunch,今次程玊長係朋友介紹的,聽講係好正宗嘅台灣菜麵質係比較厚身，不過食落幾有咬口，唔會覺得好粉，牛肉牛筋炆得好'林'，我就覺得幾好味，不過湯底略咸呢個牛肉捲餅係一定要推介餅皮有少脆而且煙韌口感，另外最緊要係夠熱！呢啲捲餅係要熱辣辣先正綜合盆有6樣菜式可以選擇，豬耳同豆腐都無咩特別，而甜不辣係我哋諗住試新嘢所以揀嘅味道甜甜地，有少少似魚蛋咁，加上好似魚膠嘅口感，都可以試下嘅呢個大腸包小腸攤涼少少食會好啲，因為太熱嘅時候啲糯米顯得有啲濕同淋,可能係因為夾住本身有啲油嘅台式香腸，味道食落都可以，係地道台灣掃街美食今次因為得兩個人唔係可以試得好多款菜，而程班長係值得可以返頭再試嘅…Read More

同識咗十幾年嘅朋友慶祝生日,要諗食啲咩真係有點難度..今次選擇Joomak係因為見佢環境靚,望曬海咁,又以健康韓食為賣點,好似幾特別,就試一試佢!因為未人齊嘅關係,我哋首先叫咗個芝士紫薯粟米止吓肚餓先!雖然紫薯味不是太突出,但係濃濃芝士再加上香甜嘅粟米已經可以好好味!我哋仲encore咗一次😆頭盤我哋仲有韓式素肉飯卷,本人真係好鐘意飯卷上配襯嘅杏仁片,口感大增,加上像真度100嘅素雞,值得一試!餐牌嘅菜式多到我哋都唔知點揀,相嘅賣相樣樣都咁吸引!芝香雞上嘅豆苗令到整個菜式添上一點嘅清新,味道恰到好處食韓國菜當然唔少得我最愛嘅芝士同炸雞啦😆味道一流,如果啲芝士可以熱啲更好而飲品方面,原本好想試土耳其蘋果茶,好可惜當晚售罄😭不過之後叫嘅洋金菊黑杞子茶都ok,菊花味甚濃,加上蜜糖係另外配上,可以自己調校甜味而另外幾位朋友都點咗一杯名為「巔峰狀態」嘅飲品,其實係一杯近期好流行嘅羽衣甘藍飲品,仲有濃度可供選擇最後除咗食物好味之外,值得一讚嘅係侍應生嘅服務>>>一開始安排我哋嘅枱太細所以我哋要求轉枱,雖然有小小爆場,但係佢哋都好樂意,係而家啲餐廳好少會做到…Read More

荔枝角俾我嘅印象就係工廠區同香工,估唔到可以搵到水準不俗嘅egg benedict食因為星期六嘅關係,店內人客不多,環境顯得格外舒適！兩個女生可以試到嘅菜式唔多,我哋一齊share咗smoke salmon egg benedict 同埋portobello mushroom salad Egg benedict真心不錯,細心之處係喺個底同埋個煙三文魚之間夾雜住一啲好像紫菜嘅東東@@食落更添香口但又唔會太咸,而切落去嗰一下啲蛋漿湧出,真係忍唔想要映底如果嗰個伴碟嘅薯餅唔好咁乾身呢味菜就perfect喇~~另外,大啡菇食落鮮味多汁,啱曬我呢啲好菇之徙只係略嫌旁邊嘅沙律菜好似不是太新鮮...至於飲品,我點咗個rose latte,賣相幾好,飲落玫瑰味又唔會太搶,可以一試!…Read More

見到個裝修都正正常常就諗住試吓啦，叫咗個鹽酥雞球肉糙飯,個飯一嚟到就心知不妙,同張完全唔同,望上去啲肉糙係白雪雪無汁嘅,咁當然都無味㗎啦,另外,啲鹽酥雞係炸到硬嘅實嘅都係無乜味,而啲伴碟嘅菜呢都食得出係白灼嘅啫....總之一句講曬一定無下次!!…Read More