加菲喵's Profile

今日lunch同校長去試下東大街呢間潮丸，我本身勁鐘意食牛，所以2樣都叫左牛黎食。湯果個牛魔王，D米粉係用勁幼身果隻，我鐘意，湯底比較咸，鐘意重口味既人岩哂。個咖哩味辣辣地，都唔錯。牛肚，我覺得唔夠入味，差少少牛筋，唔夠冧牛丸，係最有牛味既，可惜有點兒鞋霎霎牛腩，半肥瘦唔錯，夠冧值得一讚反而係個辣椒油，記得要試~飲品，正常水平，偏甜。特登影埋meun，實物同相片都一樣。下午茶時間去食都抵，一般凍飲仲唔洗加錢，值得一讚。我叫特飲所以要加12蚊。…Read More

原來$168任食，限左3款湯底，咁只好選擇佢其中兩款，冬瓜卜卜蜆，同埋雞煲( 因為有朋友唔食辣，所以雞煲叫左唔辣，本身冇唔辣，但廚房都就我地整)我地落單時講左選擇$168任食，但老闆唔知係撞聾定係有心，幫我地落左$388套餐。如果我地選$388，就唔洗特登三個湯底選兩個啦…但由於之後食物黎左，算數，照食。雞煲只係正常貨色，冇特別，而另一個卜卜蜆煲都係普通味道，冇特別。海鮮係值得一讚既，新鮮，鮮甜，可惜係人頭上。呢款牛肉都係人頭上，呢款牛肉幾好味，但之後再加果D只係平價貨，完全唔好食。呢個都要讚，新鮮炸起，好香口，唔錯佢既餃類都唔錯，唔hea既，讚手打丸正常。蟹棒唔係Cheap貨，唔會散開，其他丸都係正常。合格。菜類都新鮮，洗得干淨。呢個就……菜類選擇多，欣賞。烏冬，都係選用稻庭烏冬 讚仲有其他收費類。我地冇叫。期間，問老闆有冇唔凍既飲品，佢話得烏龍茶係唔凍(張飲品紙冇烏龍茶)，老闆話係lunch先有，但照拎比我地，我地9個人，要9罐烏龍茶，佢一路比一路表現極不情願，仲串我地話：咁夜飲咁多茶，小心訓唔著呀！講真，飲品紙冇既，你唔比我都吹你唔脹，但比到咁唔情願，點解又要拎出黎比我地？？我地被屈，選用3百幾套餐都冇出聲。仲要比人串。成晚比個老闆串左幾轉囉。總結，宵夜時段，有8折，$360一位，不過不失。只係覺得老闆唔老實(可能佢聽唔到掛)。其他侍應好好禮貌，仲主動問需唔需要加湯，主動收走垃圾。環境都唔錯。…Read More

食幾晚餐多次都咁好味，記得要Book位呀！佢閒日夜晚都爆場架，walk in等既話要等好耐。因為佢就算座3個幾鐘都唔會好似其他放題咁趕你走，去傾計一流。刺身會因應人頭分量比你，只係得一次，但都好新鮮，同埋厚切，一D都唔hea。食完刺身就會黎炸蝦餅，呢個又係必食，可以再叫，我次次去都起碼食兩三轉。( 請留意依間比較特別，你叫左下一樣野之後就唔可以再返轉頭叫炸蝦餅食)所以食到夠，先叫佢上雞煲喎！雞煲又係一流，仲要有埋蟹係入面， 索曬雞煲D汁，超級入味，冇得頂雞煲本身會跟豬皮同埋豆腐卜，比你食完哂D雞之後浸一浸，滾一滾，入哂味超級正！唔夠喉可以叫佢加雞！其實食到呢到已經飽左6，7成，所以我好少叫佢加雞。因為要留肚打邊邊呀！佢款款湯底都好好味，打邊邊前，可以飲少少，正爆。唔洗預先order，佢會所有野先黎一round，唔夠可以再叫。魚皮就時好時壞啦～睇彩數。響鈴正常。丸類就冇驚喜。正常。呢個手打丸就好味D，都陣牙，大粒。又係會先黎一個蔬菜拼盤，新鮮既牛肉，正常，冇雪味，合格海鮮拼盤有好多野， 肉蟹不同種類既蜆，蝦，青口， 唔同種類嘅魚， 生蠔，花姿片等等……全部都好新鮮，D海鮮部分仲係未死。呢個冇得再加，佢會因應人頭比你。作為熟客仔既我，時不時老闆都會有D小食送既，今晚就送左炸三文魚骨，好香口，唔會太咸，Good仲有，佢有好多自家製既飲品，例如有柑桔檸檬蜜，咸檸七 ，竹蔗茅根，氣水等等(由於只可以upload 12張相，所以冇擺飲品既相上黎啦)總結，早D去食冇咁嘈，因為佢爆場就勁多人，就會有D嘈，座位都算舒服既。同埋服務勁好，D姨姨成日好主動汁野，問洗唔洗加湯等等，而家好少餐廳做到呢一點。餐廳冷氣足夠，爆場都唔會好焗。唯一唔好就係地點比較遠啦！4個人食，每人328蚊。抵比， 物超所值。…Read More

沙茶牛肉煲，正常，唔係特別出色卜卜蜆煲(得8粒蜆）灰左……好在冇沙，入得口。 跟餐可選米粉公仔麵或者拉麵，我選米粉，出奇地好味喎，同個湯底極夾。全晚最好食就係個米粉啦。另外比錢，追加左肥牛，沙茶牛肉，雞肉，羅白等等……個肥牛真係肥到嚇死我……但食落去又足夠牛味喎，真係估佢唔到XDD沙茶牛肉都好好味，滑牛咁樣，有醃過，都幾 有誠意。雞肉就普普通通，可食可唔食。炸魚腐，佢加咗D七味粉，合格，香口，熱辣辣。呢杯飲品呃like唔錯，自己就覺得太甜，但聽到隔離檯個女仔話覺得超好飲，可能人人口味不同XDDD總括而言，唔算好貴，2個人食，都飽飽。263蚊。但可能新開既關係，要等位等好耐，我同老公星期六晚去食，等位都等左1個鐘多D。店舖唔大 得大約30個位，所以要等……遲下冇咁多人都會再去食。…Read More

星期六晚上9：30，3個人去食，等位等左大約20分鐘就可以入座，尖沙咀區算好快。仲有，9：30pm後去食，可以用$100優惠券(記得print出黎先可以用喎），$350以上就可以減$100，都幾抵。3個人，可以座卡位，都幾舒服，尖沙咀區呢個價位，又座得舒服，幾抵。可惜得90分鐘，如果有120分鐘會更加好。由於用左優惠券，有$100平左，所以我地加左$18轉鴛鴦湯底，再加$68叫左一份蝦。牛肉我地選擇左$198個set(星期六，日另加$10）牛肉算係中間貨色，有少少牛味，對得住個價錢。3個女仔，都食左9份牛肉。至於加$68 5隻蝦，我就覺得一段啦，唔算好新鮮，只係叫擺得落口。唔太建議比$68。出面個自助區選擇類別都算正常，基本既菜，瓜，菇，丸都齊。值得一讚既係，菜類好靚，好新鮮，洗得夠干淨。係丸類比其他同類型既放題火鍋店選擇少，得幾款。總結，用完$100優惠券，加左D野，加埋一，賣單每人$206，以假期，尖沙咀區，抵。座位舒服，服務正常，有禮貌。會再同朋友去 encore。…Read More

呢間燒肉，已經係我經常去既店之一。每次去都一定要記得Facebook like and share佢第一個post先會有海鮮送架。最好味係個甲羅燒，2個人送一個，其他海鮮都好新鮮，蝦燒完都好大隻，唔錯。蠔，我本身唔食，所以唔知如果，但見朋友次次都會 encore，應該唔錯。好多燒肉店，只著重肉類，但尚鮮就唔同，點解我會去完再去，係因為佢D壽司真心正，有80分。特別係火炙三文魚，同火灸牛壽司，次次都係好多。刺身就只算合格，一時新鮮，一時普通，真係要睇彩數XDDD炸物反而水準下降左，以前都熱辣辣上檯，而家只係暖暖地，所以細食既女士，可以唔食，留返個肚食肉啦～其實肉類都有好多唔同選擇，但因為我已經食左十幾次，所以只會集中食好味既。推介有，1）牛仔骨2）牛脷3）豬頸肉4）牛柳粒呢4款係必食既。其實都有一樣野要彈既，就係服務， 一般待應有部分極無禮貌，好在個經理就好好人。加返唔小分數。另外一題，記得早D Book位，因為佢都算多人食。今次我地15人去，所以留左房比我地，有好有唔好啦～入去房要除鞋，但拎飲品又要著鞋出去拎。而點食物就用pad去點，環保D。唔錯。今次人多，所以加左錢，座3個鐘，大約位位500蚊。記住食得曬先至好嗌呀～…Read More

閒日晚上9點去食，嘈到爆，完全傾唔到計，檯同檯之間太迫，不斷比人撞。食物性價比低，旺角區300蚊大把選擇，牛肉唔合格，衰過同區138蚊果D。入座前冇講有每位12蚊醬油收費，幾蚊唔係多，但有責任同客人講聲。任飲只提供氣水，扣分(冇氣飲品，另外收費)，湯底冇特別好食，雞煲又普通……椅子唔好座……衛生真心一般，D野都黐立立……廁所反而算好衛生。唯一加分，服務可以。訂座送既，花膠雞煲，普普通通，冇特別，雞唔入味。6人份量，一次性，呢個合格，都新鮮，全晚最好食……湯底好一般，2個味加$28，太咸，太重味，冇咩特別。6個人送一碗甜品XDD份量只夠3個人食……冇特別不過送既唔會高要求。總結，同區$138至$198既質量更好，呢間野影相呃Like可以，但冇下次。…Read More

上次去，見好多人排隊，所以今次見唔洗等喎，即刻一行三人入去。擺設扮一個課室，特別既，但好迫好嘈，D椅子，明架啦，木板。完全唔好座。餐牌，有心思既，幾得意。甜品，精彩囉！重未食過咁難食……上面果碗，難食到嘔，真心反胃，水到爆，一啖飲得出返煲又返煲，唔見哂D腐竹，D白果爆哂，苦到嘔，下面果碗，好少少，但D榴槤肉少得可憐，餐牌同實物完全不同，個腸粉……叫入得下口……唔洗錢我都唔會再去。有人排隊唔代表好食，零分。…Read More

食物質素整體合格。但係訂座冇左85折就好唔抵..../.\壽司。 真心普通。只算合格。但影相呃like唔錯。味淋魚干 。 我覺得可以一試但冇下次芝士翠玉瓜。 ok既,起碼唔會燒到干哂。牛柳。 真心超級普通。但影相呃like必叫。因為佢上檯後會再淋汁，仲要有火tim.帶子鵝肝。呢個係全晚最好味。必食之選。其他......正常啦…因為8號風既關係，所以得我地一檯。所以座位闊傾計唔錯但以呢個價錢…2個女仔616蚊。…Read More

好似一次比一次差....?個雪山叫做比較正常....雪糕就唔好食啦～杯楊支金露我似左幾啖就放棄左...淡得黎仲要怪怪地...我朋友杯奶茶仲要零茶味,不過佢地都好好,沖過第2杯換左,但都係ma ma地.....個窩夫比較硬.....整體...好失望仲要個場有蚊，咬到我成腳都係…Read More

門口有個外籍既女士約有禮貌介紹晚餐有乜食,所以我地兩公婆就入去啦～因為入去果陣時間仲係好早,所以比我地自選位置,因為我地都想食煙,就選擇門口位座。6:35pm可能D人未放工啦～當時冇冷氣有少少熱,但座左一陣7:10左右開左冷氣就好好多啦～我叫左個魚食,燒得好好味，同埋中間既骨已經起左,Good!少少黑椒味道,唔錯。老公就叫左個意大利飯,我試左2啖，比較重味,喜歡重味道既就岩哂！我杯hello sunshine夠酸,好開胃而甜品new york cheesecake就正正常常。個外籍姐姐仲好有禮貌問我條魚好唔好味，同埋整體收碟都好快!我會再有下次黎食…Read More

昨天係某雜誌睇到,好似幾吸引,就打去訂位啦~一行5人,晚上10:30去到,個場得幾檯客....一座低冇幾耐就自動送上刺身,甜蝦90分,其他正正常常,冇乜特別串燒真係唔錯,我自己就鐘意一口牛,一共叫左4轉個糖心旦,普普通通天婦羅都係普通,起碼唔係凍冰冰壽司......冇乜難食=.=" 又係普通水準個雞翼出奇地好味,一D都唔干~我自己一人都食左6隻個火鍋可食可唔食,冇乜特別~呢間野食物同環境都幾好,可惜服務完全唔得~唔合格,大部份都好冇禮貌問佢野又扮聽唔到漏單情況只有刺身會嚴重漏單囉.....食左2個小時..除左一座低就比第1轉......竟然到最尾要我地吹佢,先黎幾件...整體上環境有8分食物都有7-8分服務就唔合格啦.....比2分你啦漏單情況.....只有刺身會嚴重漏單囉最後總結:以差不多价錢.....我唔會再食呢間....同區大把選擇比呢間好甜蝦必食(可惜嚴重漏單,只係食到3隻)一口牛都必食…Read More

睇完某收費電視既介紹就約埋幾個朋友一齊去~我地一行6人就由旺角坐的士入去啦~(睇地圖好似行好遠,但係都係好近咋,20蚊的士到了)門口全藍色,好容易就搵到~我地9:30PM先到,所以唔多客,一入去就叫野食啦~我地6個人,叫左一個1)雞扒巨型漢堡------希望愈大愈失望,個雞扒過份咸,但個包就唔錯.不過試一次就夠了~2)中型三文魚PIZZA-----好味,係個餅底硬左少少.3)紅酒牛尾飯----好味,牛尾好(林)好入味.4)煙肉意粉-----我冇食到,不過朋友形容,過份JAM口,唔好食~整體黎講OK既,值得一贊係個老闆好NICE,我諗唔到飲COCKTAIL,我叫佢幫我諗,佢整左杯好易入口既COCKTAIL比我~同埋我朋友叫左杯COCKTAIL,太勁,佢飲唔到,老闆都即時幫我朋友換,唔收錢~到食完飯仲埋黎問我地有咩意見比佢~…Read More

我冇book位,我去到都9:41pm~要等位,員工好細心,叫我留電話,有位打比我所以我就同男朋友落返去行街街~20分鐘之後就收到板石員工電話啦~^^~(好採唔洗等好耐,可能係閒日關係)唔錯~我最鐘意佢可以少少咁叫肉~~每款食幾件~~岩岩好~~天婦羅~~50分~~ (留肚食牛好過)雞翼,~40分普通到冇得再普通~元貝~90分青魚~90分~…Read More

同朋友去行街~~想快少少食完去行~~所以入左呢間~~2個人食到飽飽都係82蚊~~又平又快~GOOD~味道都唔錯~~~呢個价錢有呢個質素~抵~~…Read More