wwtma's Profile

今日收工自己去咗澳門九記好快咁食咗個海南雞飯。海南雞飯＄44 ,指定雞髀加＄6 ,配嘢飲另加＄3。海南雞非常嫩滑，雞肉好有雞味，雞上面嘅蒜蓉亦都好香，至於佢嘅雞油飯，亦做得唔錯。差唔多每台都叫海南雞飯， 50幾蚊嘅呢個晚餐，的確物超所值。…Read More

今日午餐食咗傳說中嘅麻辣米線，佢哋嘅精粹唔係餸菜度，而係喺湯底，米線，同埋酸菜肉碎度。雞翼小窩米線。坦白講雞翼唔算好食，但係佢嘅湯底配料同埋米線足以彌補一切。佢哋可以選擇嘅餸菜唔算多，相信大部份人黎食都係為咗佢嘅湯底同埋米線。佢嘅湯底味道恰到好處，酸菜好香，酸味適中，肉碎麻麻辣辣，同埋米線一齊食好好味，至於米線非常爽滑彈牙，湯底香濃好飲。所以好多人都話佢係香港no.1嘅米線。…Read More

澳牛一直都係我非常喜愛嘅餐廳之一，快靚正係我對佢嘅評價。每次去到都係食一樣嘅嘢常餐，炒蛋多士配叉燒通粉。澳牛嘅炒蛋確係一流，有蛋味不特止，仲要非常juicy，佢嘅多士，麵包鬆軟加上一層厚厚嘅牛油，味道好香，配埋炒蛋一齊食真係不得了。但係佢哋唔單只炒蛋好食，其實叉燒都係一流，咬落去有一陣好香嘅香味，真係唔知點形容。正…Read More

Lawry嘅燒肉眼扒一直都非常出名，今日自己去咗食午餐，果然非同凡響今次點咗California cut，點咗medium rare,肉質鬆軟，火候啱啱好，肉味非常濃郁，水準每次都保持得非常好，係食燒牛肉眼扒嘅不二之選。…Read More

今日叫咗燒牛肋骨定食做晚餐，唔知點解有八折，埋單都唔使＄80。牛肋骨好大份，有成九件咁多，醃得唔錯，咬落去好軟熟，平時呢個價錢通常只有三四件，非常值得一試。今次我叫外賣，相對冇咁好食，平時如果堂食嘅話，牛肋骨會鐵板上，牛肋骨會更加香。…Read More

今次食咗任食放題，包每人半隻龍蝦，有蜆，仲有5款自選海鮮，肉同菜任食。海鮮味道OK，不過埋單要＄450一位，唔算非常吸引，咁嘅價錢會有好多其他嘅選擇。所以呢間長期都有位。龍蝦非常鮮甜，嚟到嘅時候隻龍蝦仲識郁嘅，配埋蒜蓉蒸爽口彈牙味道一流啲蜆就咁清蒸，都已經非常鮮味，日本嘅鑽石蜆尤其好食除咗海鮮，仲有手切和牛，牛柳粒，牛肉味道一般，另外仲有粟米，粟米好鮮甜。…Read More

今日要食齋，所以簡簡單單去咗雲貴軒買咗碗冬菇米線。冬菇麻辣小鍋米線，麻辣湯底微辣，冬菇味好濃味道不錯，麻辣湯底不錯，米線爽口彈牙，仲有芽菜同埋韭菜附送，其實雲貴軒嘅咋豬扒同豬大腸亦不錯，佢嘅炸豬扒即叫即炸，豬扒軟熟，至於豬大腸，冇乜肥膏煮得入味。只係因為今日要食齋所以先至冇叫。…Read More

今晚叫咗車仔麵做外賣，二間車仔麵我已經食咗20幾年，佢哋嘅水準一直都保持都好好，特別係佢哋嘅滷水確係做得一流。今次叫咗河粉，另外仲有滷水雞翼尖，滷水雞翼，同埋牛腩。呢度啲滷水確係一流佢哋嘅滷水有一份滷水種，係咁多年來重複又重複煮滷水雞翼嘅滷水汁，滷水汁有好香嘅雞香，只係你見幾十年嘅老店先至可以做到嘅味道。點咗麵同埋送之後仲可以自己加滷水汁或者咖喱汁，河粉吸收左滷水汁之後味道不得了，一定要試。…Read More

今日去咗薩莉亞食午餐，食咗卡邦拿意大利粉同埋歐陸風烤焗香腸。午餐意粉＄38件飲飲野飲，另外單點香腸四條＄34味道不過不失，意粉都幾彈啦，味道都OK不過唔夠香。＄38連野飲香腸熱辣辣，肉質彈牙，味道好吃，仲好多汁，不錯。不過薯角就差啲，一啲都唔脆。＄34有4條…Read More

嗰日見到有新款嘅甜品，見到張相好吸引，忍唔住就試下。蜜瓜涼粉雪糕，一個甜品已經要用半隻蜜瓜來製作，都只係幾十蚊，蜜瓜都算甜，雪糕好好食，底下仲有涼粉，松記果然保持到一直平靚正嘅作風。…Read More

果晚去飲食得唔係好飽，飲完自己開車去大埔食牛腩麵，呢間鋪頭好出名，晚飯時段通常要排半個鐘先有位。佢哋晚飯嘅煲仔飯同腸粉都做得非常出色。肥腩撈麵，牛腩好諗，半肥瘦油味好香，牛腩好有牛肉味，面質爽口彈牙，係我食過排名好高嘅牛腩麵，仲要好夜先關門，夜麻麻搵嘢食真係一流。可惜今晚崩沙腩已經賣晒，否則的話一定會更加出色。…Read More

你間壽司店其實都幫襯左好耐，佢哋雖然裝修唔係好靚，但係佢哋嘅嘢食出奇嘅高水平，而且價錢仲好平。今晚喺呢度買咗外賣，重點推介油金魚壽司同白玉豚壽司，唔係好多地方有得食肉質鮮美，另外海膽壽司都唔錯，一啲都唔聲，仲有蔥吞拿魚壽司蔥油金魚壽司，全部壽司都係師傅即點即造。人均消費＄150已經食到＄300水平嘅食物，所以通常都要預早幾日定位先至會有位。蟹子沙律，蟹子鮮甜，材料新鮮花之戀壽司同辣味三文魚壽司，辣味沙律醬整得好好食油金魚壽司同白玉豚壽司非常鮮美海膽壽司一啲都唔醒，蔥吞拿魚壽司同蔥油金魚即叫即做，好鮮味…Read More

尋日表妹生日，去咗東海堂買蛋糕慶祝佢生日，揀咗北海道牛乳蛋糕，一磅＄188 北海道牛乳芝士蛋糕，香濃牛乳味配Oreo 餅底好配合，白朱古力喺面好薄好脆，味道好濃郁。不過略嫌價錢有啲偏貴。…Read More

呢間餐廳係屬於科大入面一間小酒店，環境非常好，有無敵嘅海景，不過只係收大眾化嘅價錢。唯獨是位置比較偏遠，如果冇揸車朋友要我去確係有啲難度卡邦尼意粉，味道濃郁意粉彈牙炸魚薯條，炸粉薄而鬆脆，魚肉嫩滑香腸拼盤，味道不錯…Read More

今日同屋企人去咗鴻星飲茶，主要食點心，不過價錢都幾貴，平均每個人都要百幾蚊一位。棉花雞，都係一般貨色雞肉係雪藏雞唔算太差。流沙蓮蓉包，鴻星首創嘅包，真係一搣開就流出來，味道幾好唔太甜值得一試蜜餞雞翼，雞若鬆脆，蜜糖味好香，雞肉嫩滑整隊食物水準還可以，唯獨是選擇相對比較少，同埋價錢相對幾貴。…Read More