emily1116's Profile

跟朋友閒談中，得知南昌V Walk商場有間商舗啲三文治好正，有機會去開記得試下。中午因在附近工作，所以到V Walk商場內嘅Tom N Toms Coffee 一試，我買咗件多重烤芝士三文治同蘋果肉桂流心鬆餅，坐低飲杯野慢慢食。最挑起我食慾的是多重烤芝士三文治，睇倒都流曬口水，三文治嘅面層蓋滿厚厚的芝士，一次過品嘗到三款芝士嘅不同口味，芝士味又濃又香，好有口感，芝士愛好者不能不試。另一樣係蘋果肉桂流心鬆餅，餅外層淋上濕潤嘅肉桂汁，餅中心用蘋果肉桂醬做內餡，食落餅質鬆而柔香，咬開醬汁流心，有香甜果味，喜愛甜品嘅我就啱曬啦！😋😋😋…Read More

家住南昌附近，好多時都係南昌一帶逛街，今日行行下行咗入V Walk商場，入面都幾多嘢食，上次試咗飯餐，今次想買啲小食回家給家人一同分享，見到泰昌有好多款蛋撻，五顏六色…非常吸引，我買咗紅色、綠色、奶黃色同蛋黃色，各買一個回家。家人開盒一睇，都異口同聲話賣相好靚喇！試下先…紅色士多啤梨味，入口濕潤都有士多啤梨香，綠色班蘭味，入口好滑有班蘭香味都OK，奶黃色牛乳撻，入口香甜，水份飽滿好有奶香味，真係唔錯，最後一款蛋黃色芝士撻，未入口都聞到芝士撲鼻，令我垂涎三尺，芝士味濃入口香滑，好味，係我至愛，下次一定會試埋其餘幾款。…Read More

今次想食日本野，又走咗入V Walk 搵食～ 一個人食野易搵位好多！近扶手梯位有間日本野，地方裝修得幾骨緻，都真係幾有日本風，所以入去試吓！一個人試唔到太多野，所以都係叫咗碗醬油濃雞白湯拉麵加串雞軟骨粒串就算。醬油濃雞白湯拉麵有兩大塊叉燒！一塊紫菜同少量木耳絲！湯底都幾濃郁，兩塊叉燒幾厚切，個面有燒一燒過！食落唔油利！麵質又唔錯！如果有得加隻糖心蛋就仲好！雞軟骨粒都好好食！大大粒，燒得好香！下次可以再去試下其他野！…Read More

鐘意食嘢嘅我，趁今日假期，又心思思去揾食喇！不經不覺行到南昌，入咗V Walk商場逛逛，感覺有點肚餓，就入咗敏華餐廳醫肚！買咗個超級雜扒飯，賣相的確唔錯，有豬扒、雞扒、香腸同餐肉四款。豬扒大大件好厚，心諗咁厚一定好鞋啦！真估唔到竟然肉質鬆軟，好有豬扒味又有口感，確實唔錯！還有雞扒，雞扒又嫩又滑，好有鮮味，係我嘅至愛，仲有香腸同餐肉，兩樣都唔會過鹹，唔錯！總括嚟講，單點只需50元，就食到我超飽，我就食唔晒啦，真係份量十足，又好味又抵食，一定會再試！正……👍👍👍…Read More

呢間麵飽店係葵芳算是最便宜嘅一間，亦是最新一間，我都幾喜愛食飽架，當然要試下佢喇。買咗個芝麻豬仔飽，外觀都唔差，脹Book Book幾可愛，食落鬆軟，麵粉唔重，外皮有點脆香，以咁嘅價錢有如此水準，算唔錯喇。佢重有好多款麵包西餅，甚至甜品，有機會一定會試。…Read More

記得有天早上返工太趕，結果係唐記買咗個飽食，覺得唔錯，又平又好味，今日突然好想試下佢啲點心，好耐無食過鵪鶉蛋燒賣了，又試下先，睇下有無驚起。賣相都唔錯，有層好薄嘅皮包住啲肉，皮好滑，豬肉唔嚡算OK, 味道不過不失，鵪鶉蛋好香，好有蛋味，總括嚟講唔錯喇。…Read More

上次食完覺得唔多好，不過可以係廚房問題，所以諗著再去多次試下，不過老實講最真嘅嘅原因係唔洗等。不過間間都咁多人等，得佢唔洗，其實大家都心裡有數！精點三色餃，其中一隻係蝦餃，肥肉唔算多，個皮厚薄適中，都算幾好。另一隻係鮮蝦菜苗餃，蝦肉完全唔同，個質感好爛，豆苗又唔夠滑，味道好淡。仲有一隻係潮州粉果，不過竟然連花生都無粒，既無香味又無口感，失敗失敗。花膠灌湯餃，都算渡錯嘅，起碼比其他野好，唔會太油。不過料就唔多架喇，但總算有件花膠食下，好過無啦。甜品...係最差嘅一樣...清香紅棗糕，之前喺其他酒樓食過,覺得好好食,不過地方唔同果然同一樣野都可以完全唔同...成件糕軟棉棉咁...係軟到挾唔起呀...毫無質感，又無紅棗香味，實在難食，睇怕都又有一段時間唔會再去喇!…Read More

平時早餐不外乎腸仔、火煺蛋，今早稍趕時間，路經唐記，就隨意買咗個奶皇飽做早餐，價錢唔貴，比起一份早餐就便宜得多，是趕時間之選。飽嘅外皮唔厚，粉質幼滑，都算鬆軟，唔會好似食麵粉頭咁，奶皇香滑，唔太甜，即蒸即賣，熱辣辣，夠新鮮，幾好味，唔錯喎。…Read More

隔咗斷時間無嚟飲下午茶了，之前食過覺得唔好味，今日比較趕時間，就揀呢間喇，因位於邨內較為隔涉，所以無需等位，勝在夠快，即時有位。今次叫左幾樣點心，最快嚟的是鮮蝦腐皮卷，蝦較碎唔夠彈牙無口感，外皮唔脆，有點失敗。家鄉煎薄罉，睇到都知唔會好，外觀唔夠金黃，食落粉重又唔夠香，都唔要求佢脆，愷料口感似軟燒餅多過煎餅，算喇食少樣罷了！再黎多個客家仔炒飯，算是最好的一味了，飯都炒得乾身，粒粒分明，料就少咗點，以蝦乾為主，蛋碎太少，缺乏蛋香，如稍多加點蛋碎會好些，味道都係一般。就係咁樣吃了一頓午飯，好彩只係和家人食啫，如果請朋友食餐咁嘅野就唔好啦…Read More