Mak Cheuk Ying's Profile

朋友推介金沙城開咗間The Cheesecake Factory，佢啲小朋友食完第二日就要encore；所以見星期日放假，就去試一試佢嘅虛實。可能我哋去得早，下午五點幾去到等咗大約15分鐘就可以入去了。侍應熱情招呼咗我哋喺高腳圓檯坐低後，打開menu一睇，嘩，真係好多選擇啊⋯🙈對於有啲選擇困難嘅我嚟講，真係有啲難度。最後經侍應介紹後，由老公拍板叫咗兩杯嘢飲同兩樣嘢食。蜜桃沙冰同朱古力milk shake沒乜特別，跟住上嚟嘅特色芝士漢堡就非常好食！漢堡包嘅皮焗到外鬆內軟，再加上伴隨炸到香脆嘅煙肉絲撒在淋滿芝士嘅牛肉上，一啖食落去，多層次嘅口感真係一試難忘！黛安牛扒，同平時食嘅有啲唔同，牛肉已經切成一片片，撈埋帶酸味嘅紅酒醬汁，口感都幾特別。最後，嚟到cheesecake factory，梗係要試佢嘅cheese cake啦！我哋叫咗一件經典30年朱古力芝士蛋糕，唔知係咪我哋食得太飽抑或件cheese cake太足料，食到一半我哋已經無能為力了⋯總括嚟講，呢度啲嘢食唔錯，選擇又多，真係老少咸宜的餐廳！下次要再嚟試其他嘢食！…Read More

呢次係第二次嚟cheesecake factory食嘢了。因為佢嘅portion唔細，有咗上次食唔晒嘅經驗，今次注意咗，最後4個人啱啱食晒圖中叫嘅嘢食，沒浪費。今次試咗fish and chips，魚肉厚實得嚟唔會覺得韌，而且炸得又香又脆，非常好食！另外，朋友叫嘅唔知乜嘢雞扒都有驚喜，同平時食開有皮嘅有啲唔同，再混合埋特製嘅醬汁一齊食，口感味道好特別，可以一試。至於招牌cheesecake，個人覺得好食嘅，不過可能因為太足料，如果一個人食一件就覺得有啲漏了⋯…Read More

星期五約咗朋友喺銅鑼灣見面，諗起之前同老公去過希慎樓上一間餐廳食晏都唔錯，所以就派咗老公先去攞位。喺我差唔多到嘅時候收到老公嘅電話，話搵唔到之前嗰間餐廳，所以去咗12樓嘅南小館⋯點知我去到先發現，原來之前我哋食過嗰間就係南小館，祇不過係因為餐廳裝修過後沒晒啲雀籠，搞到老公唔認得，擺咗個小烏龍😅今次試咗1份兩條嘅風沙小黃魚，成條魚除咗條主骨，其他都可以食曬落肚；魚鰭同細魚骨全部都炸到好酥化，但又保持到魚肉嘅鮮甜，非常香口惹味，啱曬鍾意食魚嘅我！另外，南小館四小拼都唔錯，可以一次過自由選擇四款想試嘅前菜。我哋今次叫咗風沙雞、梅子排骨同秋葵黑木耳都唔錯；不過海蜇頭就一般，冇乜味道。今次仲試咗黑松露炒河蝦、櫻花蝦香蔥煎蛋、鍋貼都唔錯，下次會再encore…😅…Read More

親戚一家大細遠道而嚟，唔知食乜，決定試下呢間屋企對面樓嘅帝影樓粵菜。帝影樓位於新濠鋒11樓，坐擁澳門半島三橋一塔嘅璀璨景緻，而且食物嘅平均出品都好有水準，不愧被評選為米芝蓮1星餐廳。因為我哋有7大兩細共9個人，所以點咗8個餸加兩個主食湊夠十全十美。特別推介招牌燒腩仔，肥瘦適中加上酥脆嘅表皮令人一試難忘；黑豚叉燒，又軟又滑，配上新鮮蜂巢蜜一齊食，即刻將味蕾提昇到另一層次！連平時唔鍾意食豬肉嘅我都吃到津津有味另外，炸子雞亦好唔錯，鬆化嘅雞皮包裹住嫩滑嘅雞肉，真係令人食指大動…Read More

最近成日聽朋友講起呢間喺澳門氹仔菩提園嘅心椽素食餐廳，話佢哋嘅出品唔錯。心動不如行動，所以今晚決定從食素開始減肥大計⋯😜呢度環境清優，打開本menu圖文並茂，見到樣樣都好想食😅最後連續食咗兩晚，叫咗以下呢一堆⋯🙈🙈🙈推薦菜式：1）鮮百合炒蘆筍合桃肉，口感清新，三樣食材炒埋一齊又好夾2）咕嚕肉，加咗nuts做餡增加層次感，暫時係我食過最好食嘅素咕嚕肉！3）薑汁炒芥蘭，雖然係好普通嘅一碟菜，不過因為食材夠新鮮，而且揀晒最嫩嗰部份炒，爽脆鮮味👍🏻心椽素食平均水準都好唔錯，價錢亦都合理，絶對可以推薦俾朋友…Read More

有人話⋯香港係美食天堂，有朋至遠方來，當然要盡地主之誼帶佢哋去食好嘢啦！所以今次就帶咗朋友去諾士佛台嘅泰燒遙食泰國菜。呢次係我第三次嚟呢間餐廳食嘢了，一直令我念念不忘嘅就係嗰個肉蟹炒粉絲⋯肥美嘅肉蟹炒完鮮甜美味，不過成個餸亮點在粉絲，因為吸收晒蟹嘅精華，超級好味！所以每一次最快被食晒嘅就係粉絲⋯另外，鹽燒大頭蝦都好唔錯！因為蝦夠新鮮，連殻加粗鹽一齊燒，剝咗蝦殻後，又唔太乾，少少咸帶出蝦嘅鮮味，味道啱啱好👍🏻！其次，炭燒豬頸肉同泰式炒通菜一如既往keep到水準；不過，喺咁高嘅平均水準之下，泰式海南雞因為唔係新鮮雞，而泰式炒貴刁因為沒配新鮮蝦就變得稍微遜色咗了。係啵，忘記一提，佢哋嘅飲品都唔錯㗎⋯整體而言，呢間係我會推薦俾朋友嘅泰式餐廳…Read More

今年嘅母親節帶媽媽去澳門新開嘅金獅美高梅雅吉餐廳食日式秘魯菜，提前慶祝⋯😎呢間係澳門唯一一間以日式秘魯菜主打嘅餐廳。餐廳嘅出品平均水準都唔錯，一邊食一邊都可以感受到秘魯嘅原始風味。今晚食嘅幾個菜式都唔錯，分別有車仔醃海鮮、和牛壽司、煨魚、慢煮牛舌（牛舌燜得好淋好入味）、乳豬、鴨飯等，我發覺亮點在特製嘅秘魯醬汁上。所有菜式配上唔同嘅秘魯特製醬汁帶出唔同嘅味道，好特別！唯一覺得不足嘅係份量都幾細，而且價錢都唔平⋯ 另外，個拉麵甜品都幾得意，可以一試；不過秘魯風味嘅雞尾酒口味就見仁見智了。鍾意試新嘢嘅朋友不妨可以考慮去試下，日式秘魯菜真係幾特別嘅菜式。…Read More

星期六中午喺尖沙咀美麗華兩點左右做完嘢，正諗緊唔知食乜好之際，一抬頭就望到莆田個廣告，睇落好似唔錯，所以決定去試下⋯:)跟住廣告地址，搵咗一陣先去到位於美麗華二期嘅餐廳位置。原來係星加坡餐廳，食福建菜嘅，仲係米芝蓮一星餐廳𠻹，失覺晒😅不過話時話，呢間米芝蓮一星唔係浪得虛名㗎，平均水準都好唔錯！特別推介好考工夫嘅軟煎黃花魚，煎到微脆金黃嘅外皮包住juicy嘅魚肉，再蘸少少souse 食，甘香清甜，非常正！另外，姜蔥炒聖子亦係必食推介，主要係廚師揀選咗季節性嘅薄殻肥美聖子作食材，想食嘅朋友要趕快起動了⋯忘記一題，餐廳嘅午餐同下午茶時段非常抵食㗎⋯…Read More

2018開年飯，帶屋企人到慈雲山三記食潮州打冷。雖然呢度地點有啲隔涉，要喺鑽石山地鐵站搭小巴或者的士上嚟，但晚上七點鐘去到已經全場爆滿。好彩之前一早book定枱，如果唔係⋯🙈之後叫咗招牌菜滷水鵝片、潮州咸雞、馬友等菜色，好快就有得食。因為呢度碟頭普通唔算好大，所以我哋一路食一路叫，7個人不知不覺叫咗成12個餸。一如既往從沒令我失望！最後，個個飽到攬住個肚離開，埋單都唔使1千蚊，大滿足！做街坊生意真係抵食又好味！…Read More

聽講巴黎軒嘅出品唔錯，借有朋自遠方來帶佢哋去巴黎人6樓嘅巴黎軒一盡地主之儀，順便自己都試下⋯在服務生嘅推介下，我哋叫咗下圖嘅幾個菜式。特別推介的有呢個咕嚕肉，驟眼一睇佢同平時啲咕嚕肉冇乜唔同，咬落原來有粒青萍果藏咗喺裏邊，味道酸酸甜甜唔會好膩，口感都好特別，亦都好好味，連平時唔食咕嚕肉幾我都忍唔住食咗好幾粒；另外，秋葵炒鹹肉都好新穎，微辣嘅鹹肉配秋葵，原來都好夾。最後要提一提嘅係，餐廳送嘅餐後甜品綠茶朱古力都非常好味！…Read More

琴晚同屋企人喺永利皇宮扒房食嘢慶祝中秋節。可能因為一早book咗枱嘅緣故，今次可以被安排坐喺對正表演舞台嘅位置，非常滿意。經waiter介紹之後，我哋叫咗1個鮮魚片appetiser，珍寶份量嘅帶骨dry aged肉眼扒，海鱸魚扒同埋西蘭花伴菜，跟住就睇住過場嘅表演等食嘢了⋯😍😍😍一開始例牌上嚟麵包同牛油，麵包焗得好鬆軟，配上自家製牛油非常好食！唔知係咪太肚餓定係太好味嘅原因，我哋情不自禁encore左一個又一個⋯😅之後再上嘅生魚片appetiser，一向唔多食魚嘅媽媽都好鍾意食，不過我都係忘記咗影相⋯😅跟住主菜嚟了⋯海鱸煮到啱啱熟，又滑又嫩，口感非常好😋😋😋！帶骨嘅炭燒肉眼扒，燒到微焦嘅外表包住裏邊粉紅色啱啱熟嘅牛肉，好香好友原始風味！😋😋😋食完正餐，梗係要叫返個dessert令呢餐飯更完美。經介紹，我哋叫咗個漏斗蛋糕share食。先唔講一上檯個賣相已經好吸引，食落，鬆化嘅外表按個人喜好配上預設嘅焦糖、忌廉同埋朱古力sauces，我嘅味蕾又被提升到另一個層次！最後，叫埋單嘅時候被告知原來仲有一個餐後甜點😱，真係飽到攬住個肚離開⋯…Read More

接近兩點喺灣仔區唔知食乜，OpenRice幫到我⋯😅睇到呢間旺記冰室comment唔錯，所以決定食呢間。雖然已經過咗午飯時間，但離遠已經見到門口排住一堆等食嘅客人😓⋯不過因為係快餐，流轉得快，所以等咗大約15分鐘就有得食了。😎😎😎必吃推薦：叉燒滑蛋蝦仁飯：非常美味！豬潤通粉餐：豬潤煮到啱啱熟，配上彈牙姜絲高湯，唔錯！鮮茄餐肉通粉餐：煎到脆脆嘅厚切餐肉配上鮮茄濃湯，啱晒D鍾意番茄嘅朋友😜兩個湯通餐配嘅滑蛋多士，係用麥包，烘到外鬆內軟，加$10仲可以轉豬仔包⋯😋😋😋沒得輸！👍🏻…Read More

今天路經見到呢間澳門人傳說中三日打魚兩日曬網嘅兄弟行有開門，忍唔住入去一試佢嘅虛實。我叫咗一個牛肚牛肉麵外賣，返到公司即刻急不及待試食。😜甘香嘅牛肚牛肉軟硬適中，配上爽口彈牙嘅麵，好有即刻encore嘅衝動！😍😋😋唔怪之得即使唔成日開檔，但仍蓄住一班捧場客贏得咁多口碑啦⋯👍🏻…Read More

今晚行街行到十點幾，嚮OpenRice睇到呢間漁獲浜燒日式燒烤店評價唔錯，所以決定去試一試。😜可能因為已經過咗吃飯時間，所以客人不算很多，反而令我哋坐得好闊落。😅特別推介宵夜時段我最愛嘅喜之次Kinki有特價，呢次我就試咗燒喜之次⋯燒得脆脆嘅魚皮包裹住Juicy嘅魚肉，好好味！😋😋😋另外餐後嘅甜品柚子雪粑同蕃薯雪糕都有驚喜！👍🏻總括嚟講，呢度嘅出品平均水準都好唔錯，值得向吃貨的朋友推薦⋯😍😍😍…Read More

朋友聚會唔知食乜，跟住上OpenRice 睇下，發現呢間泰燒遙泰國菜comment唔錯，所以決定揀呢間。因為我哋book嘅時間比較晏，所以有啲想試嘅人氣菜式都食唔到😔；所以決定下次要再嚟！今次叫咗五個菜，推介的有燒牛仔肉（個菜名忘記咗😅），喜歡食牛嘅朋友必試👍🏻！燒豬頸肉都唔錯，醬汁是亮點，一定要點住食！然後大愛鹽燒笋殻魚，用錫紙包住海鹽包住條魚燒熟，拆開後仲保持魚嘅嬾滑同鮮味，juicy得嚟仲伴有淡淡嘅香茅香同鹽香，非常值得推薦👍🏻😋！不過埋單時有個小插曲，發覺條魚收多咗幾拾蚊；不過後來同店員講嘅時候，佢哋都好快計反啱個價錢。…Read More