Ericakum's Profile

今年生日決定搵間靚嘅中菜食吓…之前一直都好想食呢間餐廳，適逢生日就嚟打卡影相！餐廳環境好靚，侍應亦都好細心介紹飲品及食物！最令我想嚟嘅原因係因為佢哋個爵士湯同花圖炒飯好吸引…點知爵士湯真係令我好有驚喜好甜好好飲❤️而因為我亦都嗌咗套餐，所以雖然冇得食到花圖炒飯，但其他嘢食都令我好滿足😌完全物有所值🫶🏻不過今日聽到餐廳嘅員工話佢哋會做到今個月嘅15號🥲所以想去試嘅朋友真係要快啲去喇🥹…Read More

自問係一個好鍾意食米線嘅人,當然有埋辣湯就最開心啦!!所以早兩日咁岩lunch前睇youtube,睇到有人食呢間嘅特辣就梗係睇到流哂口水啦...於是响觀塘工作嘅我就打去外賣碗大辣湯底試試佢!!返到公司當然滿心歡喜開始享用我嘅午餐先啦,一打開見到賣相唔錯,之後就飲佢啖湯喇...就係睇youtube嗰個食到跳舞就梗係第一時間試佢個湯先啦,我估大辣個湯唔會差得過特辣個湯啩...誰不知飲第一啖,點解咁淡架心諗係咪未撈暈呢...之後特登再响碗底舀出嚟再試吓啦,結果都係一樣,不過算啦都要食架...最終食完後都係得人哋連鎖店10小辣嘅辣度!!我諗我都只會幫襯唯一呢次!!真心想講句就算湯底唔辣都食唔到佢惹味,希望店家留意到問題嘅所在啦!!…Read More