為食貓_lon's Profile

哩間小店係主打手工意粉，店鋪細細地，好有人情味。店員好nice會主動介紹同推薦菜式。叫咗個吉列流心芝士和牛漢堡扒蕃茄意粉($118)個餐有餐湯同油醋沙律，但太肚餓冇影低到😂😂另外追加咗唐揚炸雞($28/3件)店員係上菜時都特別提醒要趁熱食🥰但對於貓脷嘅我尐講真係太熱了🤣🤣個唐揚雞同漢堡扒意粉入口都差啲辣襯😂😂先講咗個意粉，意粉係比較扁身，口感帶少少煙韌咁，幾掛汁。吉列流心芝士和牛漢堡扒幾拉芝🤤🤤，薄粉同炸得幾香脆🤣配搭住酸甜嘅蕃茄醬感覺冇咁滯同冇咁有罪惡感。至於追加嘅唐揚炸雞，炸粉唔厚，外皮好脆但依舊保留雞件嘅肉汁同嫰滑😋飲品另外加咗阿華田脆脆，面頭嘅脆脆都係有阿華田嘅味，但帶少許焦糖味，整體唔錯。之前都食過幾次，水準都一直keep到。但今日假日晏晝一點去食都冇太多人流🥹希望會有多啲人幫襯哩啲咁有心又有人情味嘅小店 …Read More

由佢開業到依家bookmark咗好耐想去試，終於搵到日平日得閒去買晏晝來試。本身大概12：20度行到附近見佢開半閘又未有人排，就行咗去買好豆成圍兜到夠鐘先行返去。點知轉頭岩岩好12：30行到返來，就已經排左3、4個😂😂下次都係早D來到排住先~叫左一個四重芝士壓餅($26)同埋今個星期先新推出嘅菠蘿炸辣雞刈包（$46）。由於天氣熱所以就買返屋企食，但到屋企路程都唔短，前後夾埋都差唔多20-25分鐘度。本身都預左攞到屋企會凍哂要整返熱佢，但估唔到個刈包經過咁長嘅路程都未凍唒仲熱熱地，而壓餅就變凍需要翻熱。菠蘿炸辣雞刈包成個配搭好平衡，羽衣甘藍上面有蒜醋，加埋熱辣辣滿佈辣粉炸雞仲有甜甜哋嘅燒菠蘿同埋酸醬，成件事好balance!!!咬咗一啖除咗好正好好食，當刻諗唔到有咩形容詞🤣🤣炸雞唔厚粉仲有少少汁，比起辣個人覺得麻多過辣。刈包好軟熟得來又有彈性，個人好怕d包食食吓會扁唒索哂汁淋啤啤咁。但小店自製嘅包完全冇哩個問題，食到尾都唔會索哂汁，老闆喺醬汁嘅量，稠度同埋包嘅質感控制得好好👍🏻👍🏻💛💛。食到臨尾有d肉碎？！再加埋酸酸哋嘅汁瞬間變左叉燒包嘅餡😂至於四重芝士壓餅凍食同熱食差好遠，返到屋企切開後入面嘅芝士已經凝固咗😢試左幾啖凍食後，放返佢入微波爐加熱20-25秒度，拉芝即刻返返來！😆餅皮有少少似手抓餅嘅質感，外脆內軟。而至於餡料作為芝士控就略嫌唔夠芝士味😂😂但整體幾好食小店得老闆同另一位姐姐主理同時落單同製作，變左接左幾張單之後就要暫時暫停接單，focus咗前面嘅單先。咁啱到我個陣就暫時暫接單，等咗大概5-10分鐘度老闆就出來繼續接單。到落完單後都等左15-20分鐘先有，但都體諒佢哋得兩個人鋪面廚房一腳踢兩邊走，而且所有食物都係即叫即整。下次會再搵日得閒喺開鋪前排隊買來食😙💛…Read More

店舖喺正旮旯隔離，經過見到就試吓買來食，終於有一間良心腸粉小店喺大坑渠附近😭（去買個陣應該仲係試業梗，未有招牌住）。第一次食石磨腸粉，見到Menu嘅牛肉腸係鮮牛肉而唔係牛肉滑冇牛咩嘅個種，就決定叫哩一款。今日喺差唔多晏就兩點買，本身想試吓黑米或者紅米腸，但去到已經賣哂，所以就要早原始嘅白米腸。石磨牛肉腸（跟餐有6粒燒賣加當日嘅涼茶或者豆漿）先講左主角石磨腸粉，超滑捋捋唔使咬咁濟。而牛肉幾淋，但絕對唔係落左鬆肉粉嘅果種淋，而係蒸嘅時候蒸得岩岩好嘅淋,係有一兩舊有少少筋。腸粉有好多配料，有芫荽，炸蒜，芝麻，麻油，辣椒粉，唔食邊一樣配料都可以唔要。今次叫嘅牛肉腸所有配料都全要。炸蒜好香脆，芝麻都幾香。到醬料方面，麻辣醬同豉油係分開另外搵盒裝，可以自己斟酌分量或食法。店舖嘅所有醬汁都似係自家調製，豉油個人覺得有少少柚子味咁，甜甜地但唔會好鹹，而麻辣醬似係花生嘅麻醬上面再有層麻辣油咁。本身都幾食得辣，佢嘅麻辣醬辣嘅程度大概係譚仔三哥嘅三至五小辣。食得辣嘅一定要要埋麻辣醬，佢嘅麻辣醬唔係就咁死麻或者死辣，係有有花生香嘅同時帶麻辣香，落埋落去成盒腸粉同配料度，所有配料同個醬混合起來唔會有違和感。而跟餐嘅燒賣就正常水準。到飲品方面，本身對飲品冇特別有期待。但被佢羅漢果茶驚艷到，超濃郁，勁香羅漢果味，入口小甜味回甘。整體來講係可以再encore嘅腸粉店，正式營業後可以多一個早餐選擇。…Read More

做完運動梗係要搵返間黃店食早餐，咁啱今朝經過Here Dessert咁早開，走去睇。原來依家有埋早餐食！款色以三文治為主，最啱想食少少野飽肚得來，又唔會太heavy，於是決定買一個返屋企試吓。本身影底左個餐牌，都好唔好彩冇save到，唯有用我僅餘嘅記憶寫返有咩款式啦😭 有黑松露蘑菇炒蛋多士，田園辣雞三文治，雞蛋沙律三文治以上三款都係$25再配一包紙包飲品。另外仲有兩款$20三文治，我只記得其中一個係芝士火腿。但睇返佢ig每日款式都唔固定，可能有D款會係當日食轉左。講返食物先，我叫左一個黑松露蘑菇炒蛋多士，而紙包飲品，有菊花茶同檸檬茶揀。黑松露好香，一路拿返屋企，隔住口罩都閒聞到佢嘅香味。黑松露蘑菇炒蛋多士係平時果種薄方包烘底 ， 雖然拿嗰時店員都有提醒我因為熱會有濕氣唔好焗住嗰包，但可能因為炒蛋啱啱煮起放落個包到，令到個包中間有少少過濕，但唔太影響口感，拿到返屋企食仲好熱辣辣。而佢嘅炒蛋唔係個種滑到有蛋汁嘅果一款，算係偏向少少似炒碎蛋嘅滑蛋。值得一讚嘅係佢嘅餡料份量真心多，每一嗒都係炒蛋，蘑菇 ，連黑松露店家都冇俾少，嗒嗒都係黑松露，基本上可以話係塊包對比起餡料可以話係1：1.5嘅比例。整體來講，以哩個價錢有咁多黑松露嘅三文治係幾抵食，下次會試吓佢個辣雞，佢有整sample放喺個櫃入面show出來都好多料。依家喺元朗食早餐又多個選擇，佢早餐時段係由7：00-11：00。…Read More

疫情下唯有減少出去食飯，搵下app睇下附近有咩好食，發現Bro3Food有特色Fusion菜，於是買返去食。吉列魚柳南乳意粉（$58）--如果冇記錯價錢嘅話睇嗰名覺得好似會唔夾咁，食落去意粉同南乳醬出奇地夾同好食。鐘意南乳味嘅話，應該會好鐘意食。魚柳炸得香脆，意粉唔會煮得過稔，食落幾彈牙。 醬汁帶南乳嘅咸香不過對一個女仔來講食到一半就開始有少少漏。另外+$8 叫多個鴨胸沙律，醬汁係胡麻醬味道普普通通但份量都幾足，岩哂用來解意粉醬汁嘅膩。整體來講，以小店嘅質素來講唔錯，特色嘅fusion意粉值得一試。店主門外仲貼埋其他區內黃店俾食客參考，推廣經濟圈👍🏻👍🏻…Read More

以前中學同friend每星期都一定要來韓之美食食一次晏就,畢左業後就好少去食。有段時間想再去食不過因為老闆娘湊孫摺左間鋪冇做。😭😭有日行過千色附近發現韓之美食開返 ，不過轉左做外賣店形式，冇再做堂食嚕。咁岩去買果日老闆娘唔喺度，喺老闆坐陣主廚。叫左一個炒年糕同埋雞蛋卷，仲附送（？！）左枝麥，味道同以前中學食嘅一樣！炒年糕係即叫即煮，可能因為我太早來買嘅關係，11：50就走去買晏就😂😂，起初食一兩舊未索得哂D醬，未夠入味。後尾浸多左就入味D。佢個sauce係偏向甜辣。年糕煮得軟硬適中，魚板幾吸醬汁味。雞蛋卷都係即叫即煎，入面有D蘿蔔糕粒同芝麻，算係中規中矩。老闆另外俾左辣椒醬我，辣椒醬似係自己調製過，偏向甜辣有黑椒粒，較係一般超市買到嘅醬，稀身一D，但幾好食。…Read More

住元朗咁耐第一次幫襯哩間野，買左個鹽酥雞麵($43)，鹽酥雞就叫左少辣，加多十蚊就可以有杯特飲。落單唔夠十分鐘度，就已經整好。老闆娘拿個外賣出來時，個鹽酥雞嘅份量驚艷到我，估唔到佢咁大份。佢嘅麵同雞係分開上，而鹽酥雞就另外用個盒裝，比起用紙袋裝更衛生同冇咁易跌走雞粒。但係試食過後，鹽酥雞粉漿真係有D厚，唔太食得出係雞，雞粒切得太細。至於碗麵嘅份量都幾足，碗底有少量生菜，湯底唔會太咸。但整體上以份量來講都幾足。而且食店嘅態度都幾好，老闆娘好友善親自拿外賣出來，又係落單時提醒我可以將凳移去冇咁曬嘅位等侯。…Read More