mary04066's Profile

如意Sushi Nyoi 六週年誌慶😳佢哋有個6周年優惠，omakase 66折，性價比勁高！特別係師傅喺海膽、拖羅方面絕對唔會手軟。前菜三品胡麻菠菜：嫩葉浸潤胡麻醬，溫潤回甘 南蠻漬魚：京都傳承醃漬技法，甜甜地非常之香鹽燒銀杏：琥珀色果仁佐以薄鹽，香濃烤過嘅味道！刺身四重奏 ｜北海道鰈魚薄切｜ 第一件夾住三文魚籽，第二件火炙鰈魚邊泛起的焦糖香😁第三件海膽築起鮮甜巔峰｜梭子魚｜ 火炙輕撫，魚脂受熱之後，帶香焦香，佐以三星漬與炸蔥絲共舞。｜兵庫縣生蠔｜ 生蠔鮮甜美味配上伴蘿蔔泥與醋凍｜活赤貝｜ 貝肉與青檸汁共振，輕輕一拍，突顯其新鮮吞拿魚拖羅三文治❗️大癲❗️紫蘇葉裹住霜降級拖羅😱指尖輕握間魚脂浸潤，勁肥勁香勁好食！和食蟹羹煨北海道帆立貝，一打開超大粒帆立貝在蟹黃高湯中，蟹肉香更能帶出帆立貝鮮味。壽司四貫 金目鯛：胡椒柚子皮點醒櫻粉魚身牡丹蝦：蝦膏與櫻花蝦堆疊出赤霞雲海 喜知次：炭火在魚皮烙下金黃印記 ，簡單調味已經係最好食海膽三文魚子：師傅超大房啲海膽多到滿瀉！◈ 手卷 「鱈魚乾碎蔥吞拿魚腩」 脆響聲中滲出魚腩油🤩本場手打烏冬，口感軟糯，食嘅時候熱辣辣即使好飽都要食晒！◈ 甘味 「隱藏版水信玄餅」 菜單未載的彩蛋🤩黑配上糖蜜與黃豆粉。 …Read More

一入到去見到有勁多鬼太郎裝飾，好明顯老闆係鬼太郎fans😝好鍾意佢哋嘅豉油碟，都係鬼太郎嘅超可愛！推介吧枱位置，可以睇到師傅整嘢食嘅過程，感覺更加有氣氛！鵝肝多士表面煎得香脆，內層柔軟且非常厚身😀切開就有啲油流出嚟😜好肥美日本和牛鵝肝卷大大塊靚和牛包住厚切鵝肝😌然係卷在飯卷入面，和牛鮮嫩，鵝肝有獨特蛋白質香氣。香牛嘅油脂同鵝肝嘅蛋白質混合，勁香口。免治雞肉棒（自家製）月見汁係免治雞肉棒嘅精髓，醬汁甜甜地，生雞蛋混合之後，雞肉變得更滑。由於係免治雞肉，所以咬落去質感鬆軟容易咬。安格斯牛肉薄燒超高性價比!!!份量十足，每一片安格斯牛包裹最大量香蔥、蒜，牛肉香氣同香蔥味道混合，食到停唔到口。炒雜菜食到咁上下，食返少少菜，平衡一下，雜菜熟度剛剛好，上面加上炸蒜片，令雜菜味道提升！黑松露蟹肉冷蕎麥麺一上枱面已經見到大量蟹肉、三文魚子同黑松露，感覺好奢華。蕎麥拉麵配上秘製醋汁，有助提鮮。鯛魚燒伴雪糕熱辣辣鯛魚燒配上冰凍雪糕，紅豆鯛魚燒輕輕蘸上雲呢拿雪糕🍦好好味呀，鯛魚燒有香濃蛋香yummy…Read More

天水圍銀座「甘之季節」糖水舖，甜鹹交織嘅滋味驚喜！今日同朋友嚟到天水圍銀座搵食，行到攰攰地就入咗呢間「甘之季節」糖水舖，真係冇揀錯！一推開門，溫馨嘅木系裝修即刻帶畀我一種好舒服、好放鬆嘅感覺，暖黃色嘅燈光打落嚟，好似返到屋企咁自在。講到重頭戲——甜品，芋圓雪糕楊枝甘露真係令我一試難忘！圓碌碌嘅芋圓煙韌有嚼勁，咬落去軟糯香甜；雪糕奶香濃郁，入口即化；再配上酸酸甜甜、芒果味濃郁嘅楊枝甘露，成個口感層次豐富到好似開Party咁，食落清清爽爽，完全唔會覺得膩，夏天食真係透心涼！杏仁糊加西米都好出色！杏仁糊嘅香氣好醇厚，一聞就知係用足料嘅，綿密細滑嘅質感，每啖都充滿住濃濃嘅杏仁香。加埋粒粒分明、咬落QQ嘅西米，唔單止口感更加豐富，味道上亦都中和咗杏仁糊嘅濃厚，令人忍不住一口接一口，唔夠喉啊！最令我驚喜嘅係，呢間糖水舖居然有燒賣同牛肉球！諗住試一試，點知完全冇令我失望！燒賣皮薄餡靚，蝦肉鮮甜彈牙；牛肉球鬆軟多汁，仲帶住淡淡嘅胡椒香，鹹香可口。甜品配埋點心，甜鹹交替，真係好過癮，呢個搭配真係諗得太妙喇！服務方面，店員態度好親切，有問必答，而且上菜速度都好快。無論你係行到攰想食個糖水充充電，定係約埋朋友嚟傾計聚會，呢間「甘之季節」都好適合！以後一定會再嚟，試埋其他甜品同點心！強烈推薦畀各位鍾意食糖水同點心嘅朋友！…Read More

「胡同」係香港超出名!!!香港頂級中菜餐廳，佢地係尖沙咀 H Zenter 頂樓，維港全海景飽覽無遺，最勁係8點鐘睇埋奶彩詠香江，好屈! 餐廳裝修極具北京格調，一出lift就係一大片紅燈籠、圓拱門，好靚好多打卡位。餐廳有種強烈fusion感覺，叫返杯野飲打卡先🍸🍹Jasmine 入面有 Gin、茉莉花茶、荔枝等等，杯酒澄清過，所以顏色係好清架!令佢口感圓潤減少澀味。Umami Colada 入面有椰子、桂花、菠蘿等等調味，最特別原來仲有芥末、咖啡等等嘅元素，做咗澄清，所以即使有咖啡芥末呢啲有顏色嘅飲品，出到嚟效果都係透明，好靚呀！擂椒帶子皮蛋勁fusion嘅食法，皮蛋整碎之後整到好似他他咁職員會即場將滕椒汁倒落去，辛香中帶有清新感覺，帶子嫩滑鮮甜，提升整個前菜質感。魚香海鮮蓮藕餅呢個魚餅好香呀，爽脆蓮藕加入鮮甜彈牙的蝦膠，外層微脆，簡單沾上魚香蒜味汁已好好食，面頭仲有魚子醬同金箔，勁奢華有心思。三蔥爆炒龍蝦🦞龍蝦都幾大隻多肉，師傅預先將佢起肉，加入京蔥青蔥等等落去炒，超級惹味，龍蝦鉗好多肉啖啖肉。火焰胡椒片皮鴨是日焦點🫶🏻簡直係視覺享受，喺靚靚維港景色之下，支付職場點火燒熱片皮鴨，超級吸睛！鴨皮燒至香脆！鴨皮充滿油香，分量充足，超鍾意食嗰啲皮，脆トト得來唔會太燶，小魚菜苗新鮮嫩綠白菜仔苗，配上鮮甜魚肉，青青地同時有鮮味魚香。北海道帶子蔥油拌麵帶子鮮嫩彈牙而且好大粒，麵條咬勁十足，蔥油惹味香氣撲鼻。牡丹花超靚牡丹花甜品，紫芋慕絲、椰絲、煙靭波波，清新又優雅，一啲都唔甜可以放心食！…Read More

荃灣又一新打卡居酒屋🏮入到去座位寬敞裝修好靚用上木系主調，門口天花有好多和風嘅燈，用嚟打卡就啱啦！佢哋嘅師傅有20幾年日式料理經驗，價錢唔貴性價比高。午市嘅套餐有前菜茶碗蒸、熱茶，份量大。佢哋啲職員好有禮貌，上菜嘅時候會講解食材，有少少廚師發辦嘅感覺😸牛肉豆腐定食好驚喜係成個鍋上枱，牛肉用湯汁燉煮而成😛醬汁甜甜地味道香濃，用嚟送飯就啱。除咗牛肉好食之外。豆腐都係主角，豆腐兩邊煎香，吸收左牛肉嘅香氣 起鍋前加入生雞蛋🍳令味道升級，佢哋嘅蛋係日本蛋，所以可以放心食！藍鰭吞拿魚三重奏定食師傅話條魚勁靚，新鮮空運，來自長崎縣🤩的確係唔食唔得，入邊有赤身、中拖同吞拿魚蓉。我要推薦赤身，勁香軟香濃吞拿魚肉香氣，魚肉長時間喺口腔停留。至於中拖羅肥瘦適中，甘香而有濃郁油脂香😝每個定食都會配有前菜、味噌湯、白飯、茶碗蒸 ，值得一提係茶碗蒸，勁香蛋味，而且好幼滑，入邊仲有啲雞肉好好jap。味噌湯用咗鰹魚去做，所以飲落去魚嘅鮮味比較出。小食方面，推薦三文魚刺身，幾十蚊有五片超級肥美，除咗山葵之外仲有四季紅，幾十蚊都有呢種唔常見嘅調味食材，好抵呀，因為我之前食廚師發辦見過🙂‍↔️…Read More

好耐冇食過鐵板燒啊，呢間鐵板燒出咗極尚和牛套餐$1198/2人，真係好抵食呀，有龍蝦鮑魚和牛，性價比高份量唔細！活龍蝦澳洲青龍蝦，用上龍蝦本身的膏整成醬汁終於去精彩嘅時刻師傅將大大隻龍蝦放上鐵板，龍蝦嘅火候剛剛好夠爽口，龍蝦蝦膏打成汁，配上爽口彈牙龍蝦肉，味道一流！南非孔雀鮑魚南非鮑魚原隻切開，刀工呢每一件嘅大細一致，厚身口感十足，十分彈牙。隔籬個鮑魚肝，煎到香脆，鹹鹹香香超好食。配海草忌廉汁，忌廉汁嘅味都唔會太濃，清清有種草香，仲可以落少少花瓣調味🥰香煎牛舌心牛舌厚得好誇張，牛舌燒到外層燒透中間粉紅色，好爽口，簡簡單單用岩鹽調味已經好好食！鹿兒島A4和牛牛肉好厚剛剛好啱啱熟，入邊超多蔥所以味道方面好濃郁，食到牛肉嘅原汁原味！A4和牛油脂豐富食落去超香牛肉味。和風炒椰菜佢哋嘅炒菜做得好好，唔會過分調味，軟硬都適中。日高昆布蜆湯入邊有好多粒蜆，粒粒飽滿有肉😀三文魚子海鮮炒飯估唔到最後嘅海鮮炒飯都咁正，師傅超大方將大量三文魚子放上炒飯😍…Read More

中環高質食物裝修靚靚用心韓式餐廳😻佢哋嘅豆腐湯100分。一入到去佢哋嘅裝修勁靚，係西餐裝修風格，認真啲睇餐牌枱上擺設先察覺係韓國餐廳！午餐combo幾抵食，先選一種肉類，我就揀咗烤牛肉同韓式海鮮嫩豆腐湯。牛肉份量勁多有六件，係牛仔骨嘅位置，醬汁香香甜甜邊邊位置有少少焦。好欣賞佢哋嘅豆腐湯，有少少香辣味，又唔會搶走海鮮嘅鮮甜度，即叫即整熱辣辣有豆腐、蝦、八爪魚、蜆、蛋等等，非常足料豐富。湯少少辣，撈飯好食好香口。佢哋連個白飯都好用心係一個鍋上，麻煩有少少飯焦脆卜卜好正！仲食咗佢哋嘅烤豬肉配烏冬，勁大碟性價比勁高！韓式辣醬炒豬肉，份量好多，豬肉配埋我最愛嘅烏冬一齊炒好好食，調味岩岩好，一啖接一啖好快清左🥰烏冬勁有咬口滿分！Mocktail好靚，我哋分別揀咗芒果同熱情果，熱情果嗰個好正㗎，佢哋用咗真嘅熱情果做裝飾，上面有熱情果打成嘅鮮果汁🍹推…Read More

山林道精緻韓式自助咖啡店😳入邊嘅職員真係韓國人唔識講廣東話㗎😀上到去好靚，前方就係麵包櫃，麵包種類好多整得好精美。除咗咖啡之外仲有韓式飯餐、甜品、麵包等等。烤牛肉飯牛肉嘅份量好多食極都有，仲配咗一隻流心蛋，佢哋嘅牛肉整得夠薄，可以吸收好多醬汁味道夠，甜甜地食落去剛剛好，仲配有紫菜同泡菜做前菜。綜合飯卷有牛肉、吞拿魚、芝士、同火腿四個口味😳你想像還要好吃，入邊嘅醃蘿蔔非常之香口，整個飯卷豐富紫菜香氣，飯卷包得緊實可以放心啊，唔會食到周圍都係。魚糕魚糕超大片，有幾個口味選擇我揀咗辣味，熱辣辣魚糕配上滋味醬汁，唔錯。巴斯克芝士蛋糕帶香濃芝士香氣又唔會過甜，中間有少少軟心感覺好正，魷魚份量係好大，絕對夠兩個人食。另外推薦佢哋嘅曲奇，大大件都係$15咋，入邊超多朱古力粒!!!!…Read More

【灣仔隱世鮨店！彩羽壽司家：鮮到顛覆味蕾的日料盛宴】灣仔謝斐道藏住間用心做鮨嘅「彩羽壽司家」，從門口嘅木製招牌到師傅專注握壽司嘅樣子，滿滿日式匠心！每款食材都係師傅每日精挑，新鮮度直接拉滿～前菜就驚喜滿滿！真鯛刺身晶瑩通透，入口係純淨嘅清甜夾住淡淡油脂香，鮮到舌尖發顫；大分縣真蠔細細隻但肉身緊實，咬開瞬間海味鮮甜爆滿口腔。必試鮟鱇魚肝泡芙，冰涼柔膩嘅魚肝釀入熱辣酥脆嘅泡芙，冷熱碰撞嘅口感簡直逆天！壽司環節先至係重頭戲～ 師傅即場握製嘅六貫壽司各有乾坤：金線鯛彈牙鮮甜，大拖羅雪花紋脂肪入口即溶，油香直衝天灵蓋；市面少見嘅昆布海膽，浸過昆布後更凸顯本味鮮甜。招牌彩羽太卷簡直瘋狂，海膽、拖羅、吞拿魚堆到滿瀉，一啖落肚滿口鮮香超過癮！仲有串燒與紙火鍋加持：海蝦蝦膏滿溢，豬腩肉油香四溢；壽喜燒牛肉嫩到出水，配埋赤味噌魚湯暖身又暖心。壓軸季節限定蜜柑雪花刨冰，師傅現場刨製，冰爽裹住蜜柑酸甜，收尾超清新～…Read More

除咗好食之外，冇咩好講建議食椰子雞湯底，好正！辣湯底會搶咗湯嘅鮮甜。醉花甲屈機，好快賣晒元朗我最喜愛店舖！小店連個碗都好有心，個碗好內熱，所以成碗麵都會保持到好熱。OpenRice要200字先評分超好食，但我打唔到咁詳細。。。…Read More

比日本更好吃的居酒屋•牡蠣小屋😝❤️一入門口就見到來自日本各地嘅新鮮生蠔🦪魚、象拔蚌！座位闊落，部份位置仲可以睇到師傅即場準備食物☺️6種食法生蠔青檸魚子醬真係好吸睛，睇見就覺得好奢華，入口食到黑魚子嘅鮮香😍青檸醋海草、檸檬風乾火腿，甜辣醬三文魚子、土佐醋果凍。啲生蠔唔算好大隻主要食佢嘅鮮甜香味，落後之後生蠔味道喺口腔擴散會停留好耐！火炙和牛沙律黑松露沙律醬啲牛超好食，咬落去油脂感十足，果然係和牛，火炙和牛沙律肉質鮮嫩🤤黑松露沙律醬香氣十足，酸酸哋可以平衡和牛油膩。油揚豆腐伴仔魚入邊夾住勁多魚仔，雖然係油揚但係外層一啲都冇油膩感覺，可以放心食，輕輕加上豉油調味外脆內軟。生蠔三文魚籽釜飯是日最愛☺️生蠔三文魚籽釜飯鮮香撲鼻，一打開蓋勁爆多三文魚籽，魚籽爆汁添鹹香，生蠔帶出鮮味。佢哋用咗日本米所以入口軟糯，超好食！布丁🍮底部係新鮮牛奶製造嘅布丁，上面加咗日本黑糖，牛奶味道香濃，而且超級滑溜，黑糖同牛奶嘅配搭原味😊😊😊…Read More

THE MOCHIFFON CAKE 蛋糕靚😋 件件蛋糕都好似藝術品❤️ 要食一定係食最流行嘅開心果，覆盆子開心果芝士，蛋糕上面鋪滿金箔，真係好靚！蛋糕主打低糖低油，靚之餘最緊要食得健康。入面有香滑開心果芝士流心、煙靭麻糬、覆盆子醬、有陣陣清香，底層仲有開心果脆脆，成個口感層次提升。中間嘅麻糬非常之有咬口好好食，酸甜覆盆子平衡咗開心果嘅濃香芝士，唔會覺得太膩。蛋糕非常之用心製作總共有六層，每一層都有佢嘅特色。整體感覺蛋糕靚靚，好豐富滿足！另外見到黑芝麻豆乳蛋糕好靚，下次會試埋!!…Read More

間中就會好想食上海嘢😀樂天皇朝環境舒服，坐得闊落裝修企理，長輩會好鍾意蟹粉生煎包（三件）一如既往超好食，每一隻生煎包底部煎至金黃焦脆，餡料夠飽滿😁食落去有蟹肉香，湯汁豐富👍🏻京醬肉絲超級有鑊氣，用北方醬爆技法烹製而成，食嘅時候配上薄餅、蔥絲，口味鹹甜適中，醬香濃郁，勁鍾意啲肉絲有鑊氣嘅感覺！生炒油麥菜佢哋嘅油麥菜，可以自選軟硬，少鹽油，油麥菜都係10分有鑊氣食落去調味適中，勁香口！開陽蔥油拌麵看似簡單，實際都好考功夫㗎，麵條上面鋪滿咗炸蔥絲，將蔥油同麵條混合，每一啖都有炒熱嘅蔥油香氣，仲配香蔥清湯。幾個人share啱啱好。…Read More

越南嘢一向大件又抵食😝入到去餐廳空間唔係好大，幾好企理，一入去就俾佢個招牌手切牛肉湯河吸引咗！一定係叫招牌湯粉，入邊有生牛肉、牛丸等等。推介話呢個湯底係佢哋嘅招牌生牛肉湯河🫶🏻湯底真心幾好味，清清地。生牛成個組合都好香好好食，牛肉上嚟嘅勁粉紅，慢慢將佢浸落湯就會熟。食咗豬扒檬粉湯同樣清清地，豬扒全塊炸得透，唔錯唔錯。檬粉份量係好多嘅可以慢慢食，好鍾意佢哋勁多蔥😳如果唔鍾意咁多蔥嘅話可以電話落單嗰陣走青。炸蝦餅超大塊好正要趁熱食😝炸蝦餅外脆內軟加上泰式辣醬更好食✨✨✨…Read More

同媽咪出街，好想食成大嚿牛油!!!🙈🙈🙈🙈🙈呢間餐廳幾好抵食，今日我最鍾意嘅胡椒肉骨茶。無骨海南雞飯拼喇沙呢個海南雞夠曬正，雞皮又唔會太多，不會過分油膩，加少少中間嘅辣椒醬超好食🤓❤️好抵食，仲有喇沙參參，喇沙味道香濃，好香好好食！白胡椒肉骨茶肉骨茶超香胡椒味好好飲，啲肉爽口亦都炆得好淋好入味，加少少蒜蓉更加香口☺️肉骨茶大大碗，真係好養生😝媽咪話個湯幾好飲，但有dd咸，送飯岩曬，大大件肉好抵食🤓我哋再叫左兩個終極邪惡小食，分別係斑斕咖吔多士，大大片牛油，多士烘得脆。到咗今日嘅焦點燒豬頸肉，邊位焦脆☺️超好食…Read More