mary04066's Profile

天水圍銀座「甘之季節」糖水舖，甜鹹交織嘅滋味驚喜！今日同朋友嚟到天水圍銀座搵食，行到攰攰地就入咗呢間「甘之季節」糖水舖，真係冇揀錯！一推開門，溫馨嘅木系裝修即刻帶畀我一種好舒服、好放鬆嘅感覺，暖黃色嘅燈光打落嚟，好似返到屋企咁自在。講到重頭戲——甜品，芋圓雪糕楊枝甘露真係令我一試難忘！圓碌碌嘅芋圓煙韌有嚼勁，咬落去軟糯香甜；雪糕奶香濃郁，入口即化；再配上酸酸甜甜、芒果味濃郁嘅楊枝甘露，成個口感層次豐富到好似開Party咁，食落清清爽爽，完全唔會覺得膩，夏天食真係透心涼！杏仁糊加西米都好出色！杏仁糊嘅香氣好醇厚，一聞就知係用足料嘅，綿密細滑嘅質感，每啖都充滿住濃濃嘅杏仁香。加埋粒粒分明、咬落QQ嘅西米，唔單止口感更加豐富，味道上亦都中和咗杏仁糊嘅濃厚，令人忍不住一口接一口，唔夠喉啊！最令我驚喜嘅係，呢間糖水舖居然有燒賣同牛肉球！諗住試一試，點知完全冇令我失望！燒賣皮薄餡靚，蝦肉鮮甜彈牙；牛肉球鬆軟多汁，仲帶住淡淡嘅胡椒香，鹹香可口。甜品配埋點心，甜鹹交替，真係好過癮，呢個搭配真係諗得太妙喇！服務方面，店員態度好親切，有問必答，而且上菜速度都好快。無論你係行到攰想食個糖水充充電，定係約埋朋友嚟傾計聚會，呢間「甘之季節」都好適合！以後一定會再嚟，試埋其他甜品同點心！強烈推薦畀各位鍾意食糖水同點心嘅朋友！…

出街想食得夠健康poking 就岩曬🥗天氣有少少熱就想食沙律😛健康做主打poke bowl，非常新奇，有餐廳幫大家諗好嘅配搭，仲有自選，揀鍾意嘅配料、醬汁。可以選壽司飯底/沙律/蕎麥麵/糙米飯等等☝🏻一半麵一半沙律菜又得 Salmon The Classic超級推薦，三文魚，牛油果，青瓜，蔥花，檸檬，芝麻，由於想食得豐富啲，仲加咗雞扒。天氣熱想試吓蕎麥麵同沙律嘅配搭，又真係唔錯。三文魚粒粒好肥美，香濃蛋白質味道，配料既份量份多到滿，真係好大碗，牛油果切得好靚係用咗靚靚嘅澳洲牛油果先至會切到呢個效果，雞扒超大件，超級嫩滑，而且有少少雞油香。朋友仔揀咗自選，首先蛋白質揀左三文魚，然後可以再自選三款配料，揀咗蟹柳沙律、蟹柳同雞蛋絲，見到隔籬枱牛油果好靚，所以佢都加配牛油果🥑三文魚份量好多，食到尾仲有好多粒。會再黎食😊要讚吓佢哋嘅秘製醬汁，真係同牛油果三文魚配搭一流！有少少口痕，再試埋青甜椰子蜆湯，係真材實料好多一片片嘅椰子絲，然後有五六隻蜆，加咗椰子個湯變咗好甜，同時間啲蜆夠新鮮，整體感覺都好好😛…

「胡同」係香港超出名!!!香港頂級中菜餐廳，佢地係尖沙咀 H Zenter 頂樓，維港全海景飽覽無遺，最勁係8點鐘睇埋奶彩詠香江，好屈! 餐廳裝修極具北京格調，一出lift就係一大片紅燈籠、圓拱門，好靚好多打卡位。餐廳有種強烈fusion感覺，叫返杯野飲打卡先🍸🍹Jasmine 入面有 Gin、茉莉花茶、荔枝等等，杯酒澄清過，所以顏色係好清架!令佢口感圓潤減少澀味。Umami Colada 入面有椰子、桂花、菠蘿等等調味，最特別原來仲有芥末、咖啡等等嘅元素，做咗澄清，所以即使有咖啡芥末呢啲有顏色嘅飲品，出到嚟效果都係透明，好靚呀！擂椒帶子皮蛋勁fusion嘅食法，皮蛋整碎之後整到好似他他咁職員會即場將滕椒汁倒落去，辛香中帶有清新感覺，帶子嫩滑鮮甜，提升整個前菜質感。魚香海鮮蓮藕餅呢個魚餅好香呀，爽脆蓮藕加入鮮甜彈牙的蝦膠，外層微脆，簡單沾上魚香蒜味汁已好好食，面頭仲有魚子醬同金箔，勁奢華有心思。三蔥爆炒龍蝦🦞龍蝦都幾大隻多肉，師傅預先將佢起肉，加入京蔥青蔥等等落去炒，超級惹味，龍蝦鉗好多肉啖啖肉。火焰胡椒片皮鴨是日焦點🫶🏻簡直係視覺享受，喺靚靚維港景色之下，支付職場點火燒熱片皮鴨，超級吸睛！鴨皮燒至香脆！鴨皮充滿油香，分量充足，超鍾意食嗰啲皮，脆トト得來唔會太燶，小魚菜苗新鮮嫩綠白菜仔苗，配上鮮甜魚肉，青青地同時有鮮味魚香。北海道帶子蔥油拌麵帶子鮮嫩彈牙而且好大粒，麵條咬勁十足，蔥油惹味香氣撲鼻。牡丹花超靚牡丹花甜品，紫芋慕絲、椰絲、煙靭波波，清新又優雅，一啲都唔甜可以放心食！…

好耐冇食過鐵板燒啊，呢間鐵板燒出咗極尚和牛套餐$1198/2人，真係好抵食呀，有龍蝦鮑魚和牛，性價比高份量唔細！活龍蝦澳洲青龍蝦，用上龍蝦本身的膏整成醬汁終於去精彩嘅時刻師傅將大大隻龍蝦放上鐵板，龍蝦嘅火候剛剛好夠爽口，龍蝦蝦膏打成汁，配上爽口彈牙龍蝦肉，味道一流！南非孔雀鮑魚南非鮑魚原隻切開，刀工呢每一件嘅大細一致，厚身口感十足，十分彈牙。隔籬個鮑魚肝，煎到香脆，鹹鹹香香超好食。配海草忌廉汁，忌廉汁嘅味都唔會太濃，清清有種草香，仲可以落少少花瓣調味🥰香煎牛舌心牛舌厚得好誇張，牛舌燒到外層燒透中間粉紅色，好爽口，簡簡單單用岩鹽調味已經好好食！鹿兒島A4和牛牛肉好厚剛剛好啱啱熟，入邊超多蔥所以味道方面好濃郁，食到牛肉嘅原汁原味！A4和牛油脂豐富食落去超香牛肉味。和風炒椰菜佢哋嘅炒菜做得好好，唔會過分調味，軟硬都適中。日高昆布蜆湯入邊有好多粒蜆，粒粒飽滿有肉😀三文魚子海鮮炒飯估唔到最後嘅海鮮炒飯都咁正，師傅超大方將大量三文魚子放上炒飯😍…

佐敦最美麗西餐廳，佢地係西班牙fusion菜，精緻又創新，店內環境寬敞舒適，餐廳室外位置勁靚秋天可以過嚟坐，打卡就最啱啦！裝潢以原木色為主調，側邊仲有唔少植物配襯。屠夫牛扒每次食牛扒一定係五成熟😀一片片封門柳外焦內粉嫩，火候超級合適，這個熟度鎖著多肉汁，咬落去牛肉味超香。輕輕切開，牛肉肉質結實有嚼勁👍🏻有芥末醬、大蒜 、沙律菜等等，燒菜勁好好食烤至少許焦香，焗薯增添飽腹感。香煎鴨乾伴金橘汁好耐冇食鴨肝外脆內軟，底部仲有梨蓉香香甜甜，鴨肝獨特蛋白質香氣同香脆麵包混合yummy!!!北海道帶子沙律帶子好靚每一件都鮮甜，帶子旁邊有少少檸檬油加落帶檸檬嘅酸香，絕對唔係好似平時嘅醋咁酸。帶子上面仲有三文魚子同埋青瓜粒做點綴。香辣烤八爪魚佢哋嘅八爪魚整得好腍，食落去好有咬口，側邊嗰啲蒜片好香好正，食落去除咗有蒜片同八爪魚之外，仲有豬肉粒粒，豬肉粒粒炆到超腍勁入味！蘋果金寶外層酥脆內裏香軟，咬開蘋果蓉慢慢滲出來☺️入面嘅蘋果綠綠酸酸甜甜，旁邊嘅奶油帶雲呢拿香氣，同蘋果金寶夾。…

元朗的Oyster season帶來豐富松露❤️海鮮盛宴，小店為位於元朗馬田一帶，餐廳有大大幅壁畫，每張枱都有枱燈，感覺舒適晚餐有幾個set，全部好豐富，生蠔刺身配不同前菜、餐湯、海鮮、主菜，仲有甜品，housewine 白酒好好飲，清甜石榴香✨生蠔刺身拼盤來自法國嘅生蠔，法國蠔場直接拎貨，所以比好多餐廳嘅生蠔都新鮮得多，店家好貼心由味道鹹淡順序排好，生蠔主要食佢鮮爽。龍蝦好正㗎，活龍蝦蒸熟☺️配上松露橄欖油!!!真係超級香而且夾味。松露橄欖油脂感細膩，配上鮮甜龍蝦係另外一番享受。佢哋係用另外有海膽、龍蝦 、帶子、黃金螺，最愛嘅真係海膽，超大片原片，輕輕鋪喺紫菜上面，直接食佢嘅鮮甜香味 。帶子肉厚而結實好甜又新鮮。活赤貝刺身帶有一種淡淡既海水鮮味，肉質爽脆。前菜有三文魚沙律🥗黑醋份量剛好。蘑菇湯加左黑松露油，所以好濃😋成個湯嘅味道層次提升。清酒蒜蓉煮蜆，啲蜆漲卜卜大大粒無沙好方便食，清酒濃郁滲出陣陣酒香，一碗都有十幾粒。蜆肉鮮嫩多汁，湯汁加入了粒粒洋蔥令味道更鮮美。松露白汁帶子意粉一上枱就俾佢個巨型帶子吸引住，夠香軟夠爽口，個意粉原來加上了白松露油點綴，成個意粉變得更香，餐廳用咗扁意粉，可以掛到更多汁，賣相吸引😋安格斯肉眼扒配洋蔥燒汁，牛扒炭燒得外焦內嫩，選擇了5成熟，肉汁豐富，肉同脂肪分明，發出陣陣濃郁嘅燒烤香氣。搭配沙律菜、蕃茄仔和自家製洋蔥汁，味道更加豐富。最後有cheese cake做甜品，好滿足。…

🔥旺角人氣火鍋放題實測！$348狂食高質牛小排＋M5和牛，排長龍都值回票價！今日經過旺角創興廣場，見到「牛站(駅)麻辣火鍋放題」排晒長龍，身為牛魔王嘅我當然要會一會佢！結果發現——$348/位嘅「特上牛小套餐」真係抵食到震，尤其牛肉控絕對可以輕鬆回本！ 🍅 蕃茄湯底一上枱就聞到天然蕃茄嘅酸甜香氣，湯頭濃稠到掛勺，飲一啖先係驚艷——新鮮蕃茄熬出嚟嘅果香超突出，微酸感超開胃！涮牛肉時更神奇，湯底越煮越甜，仲能帶出肉片嘅鮮味！▪️ 特上牛小排$348放題任食呢個級數嘅牛小排真係冇得輸！油花分布似藝術品，肉味濃厚得嚟帶微微嚼勁，涮3秒就食到爆汁嫩滑，我同朋友最少encore咗5轉！ ▪️ 澳洲M5和牛雪花紋靚到發光！一放入口真係「化開」，牛脂香濃但唔膩，建議直接食原味，感受和牛嘅奢華感～ ▪️ 美國安格斯牛板腱鍾意濃郁牛味必點！肉質細嫩中帶咬口，蘸少少沙茶醬已經無敵，配蕃茄湯底仲會多一重鮮甜！ ▪️ 爆漿芝士腸一咬真係拉絲拉到鏡頭外！芝士鹹香＋脆皮口感，我當小食咁空口食咗半碟⋯⋯ ▪️ 手打牛肉丸彈牙到似乒乓波咁！咬開仲有肉汁噴出，冇雪藏味，必點！ ▪️ 芝麻雞翼外皮芝麻多到睇唔到雞皮，炸得酥脆又鎖住肉汁，醃料帶蜜糖香，食完想單點外賣！ 🍚 主食甜品：飽住走都要食▪️ 滷肉飯滷肉肥瘦比例完美，醬汁甜鹹交織，撈飯食到黏嘴唇，朋友食咗兩碗仲話要外賣！ ▪️ 紅糖糍粑（必叫甜品）外脆內糯唔黏牙，黃豆粉＋紅糖嘅暖甜感，食完麻辣嘢中和返一流～ ▪️ 韓式炸雞脆皮裹滿甜辣醬＋蒜香，雞肉嫩到離譜，放題竟然有呢種質素！…

大坑Omakase整得好好食師傅好用心，用上新鮮日本食材，環境方面木系裝修感覺舒適新淨。晚上去到嘅時候已經坐滿一半人，book位會穩陣啲。晚餐有幾款不同級別omakase ，豐儉由人。入面有時令刺身、和食、壽司、湯等等，好豐富！用了上乘食物調味控制得好好👍🏻 前菜有三文魚沙律，佢哋嘅醬汁酸酸甜甜，幾清新幾好食😛🔸刺身石垣貝、象拔蚌石垣貝超大粒，佢哋係季節性貝類，夏天食就啱，咬落去爽口有鮮甜海水味。前面嘅象拔蚌更加吸引，有咬口，輕輕加上青檸同紫蘇葉，已經好能夠帶出鮮味沙甸魚卷 好耐冇食好掛住！師傅即場將勁多條沙魚用紫菜卷好，師傅呃呢個卷嘅時候力度均勻，切開嘅時候好似花花，沙甸魚本身油脂充足，勁香味道濃郁，用了簡單的薑蓉、蔥和醋調味。鰆魚呢種魚係季節性嘅魚，肉身肥美，師傅將佢哋嘅魚皮燒到香，再慢慢切開，咬落去嗰陣食到魚皮焦香yummy!!!鱧魚鱧魚做湯，魚皮緊實有咬口，魚香加上清新嘅配料做調味，青檸、蒓菜，蒓菜好得意好似jelly，包住口感順滑，魚緊實細緻，魚味香。鯛魚首先食啲淡口嘅肉，鯛魚肉質細緻有彈性，滋味清香，肉質爽口唔油膩，加上昆布漬調味，食出魚肉鮮香。深海池魚 池魚魚肉油脂豐富，師傅火炙將魚肉嘅油分帶出，超級香口，油脂味十足。間白入口爽口，呢種魚唔會好肥主要係魚肉香，無咁肥膩，落少少柚子胡椒更添美味。醋漬鯖魚 結實肉質入口即化，師傅處理完之後完全冇腥味，用咗少少醋令魚肉更香。牡丹蝦呢隻牡丹蝦真係超肥，咬落去彈牙有口感，食得出嘅新鮮！師傅加上小小青檸汁，牡丹蝦嘅鮮甜提升。🔸和食汁煮拖羅根本身以為根位置唔好食，咁就錯曬了，根部位置原來非常有咬口油脂爆登，醬汁香香甜甜，食到停唔到。蟹春卷本身已經切開左，見到入面爆多蟹肉絲，先食原味，再試下一啖蘸上魚肝醬，咬落去勁爆多蟹肉絲😝好鮮好脆好震撼好正！醬油漬吞拿魚赤身肉質紮實味道相對濃郁，醬油令佢變得好軟滑，醬油鹹香滲透到到肉中，味道濃郁。 大拖羅吞拿魚腹部的最肥美部分，脂肪含量最高雪花分佈，入口即溶油脂甘香，輕輕火炙後帶出油香。海膽師傅好大方，比左好多海膽視覺效果一流，多到就嚟跌晒出嚟，入口即溶又香甜。宮崎柚子素麵聽落素面好似好齋，湯底有極濃柚子胡椒香，勁煙靭好食最後甜品就係新鮮北海道蜜瓜🍈…

呢間星燒味地點方便，食物又好食，最推薦佢哋嘅燒鴨，呢啲一定要食下庄！返到屋企，未開飯已經忍唔住打開偷食😛以後幫阿媽買餸就有多個選擇！皮好薄，但係好香脆，滿滿油香，中間唔會夾住好多脂肪，肉質嫩滑幾新鮮。配埋酸梅醬再用嚟送飯就正！走地雞雞半隻，雞皮滑溜有少少雞香。肉質緊實，加少少蔥油已經超級好食，如果想減肥嘅朋友仔食雞胸就啱啦。蜂蜜叉燒皇都好正㗎，我鍾意食半肥瘦肥瘦相間，咬落去嘅時候除咗有蜜糖香，仲有肉香肉汁噴發！…

行喺澳門街頭，人來人往之間，突然見到一條長龍彎彎曲曲，好奇心即時被勾曬出來。行近先發現，原來係間人氣葡撻店！最正嘅係有葡萄牙主廚親自手工製作，每隻葡撻都係師傅逐個落料、摺皮、烘焙，難怪排隊排到咁誇張都仲有咁多人等。呢度用料真係好舍得——選用日本生食級夢王蛋，蛋香濃到未入口都聞到，蛋漿滑順細膩，好似布丁咁嫩；仲有法國頂級牛油，焗出來嘅撻皮特別酥脆，咬落「咔嚓」聲清脆過響，油香仲帶住陣奶香，單係呢兩樣，已經甩開普通葡撻幾條街。眾多口味入面，小山園抹茶蛋撻真係要拎出來讚一讚。抹茶粉揀得好講究，帶住少少海苔嘅清香，唔會苦到澀嘴，反而同夢王蛋漿嘅甜潤夾得剛剛好。挖一羹入口，首先係抹茶嘅微苦係舌尖慢慢散開，跟着蛋漿嘅醇厚就滲出來，最後仲有酥皮的牛油香收尾，層次感好豐富，就算唔多鍾意甜食嘅人，都會忍唔住多咬兩啖。另一個驚喜就係蘋果蛋撻。新鮮蘋果切薄片，鋪係蛋漿上面烤到邊緣微微焦，咬落去會吃到蘋果嘅酸甜汁水，仲帶住少少果皮嘅爽脆。夢王蛋漿因為蘋果嘅果酸變得更清爽，完全唔會覺得滯，法國牛油撻皮吸收咗少少蘋果汁，多咗陣果香，連平時怕膩嘅朋友都話「正」！除咗呢兩款，黑糖珍珠千層、藍莓千層呢啲創新口味都各有擁躉，傳統嘅波爾圖葡撻亦因為頂級食材，蛋香同牛油香更突出，值得一試。想試嘅話，記得去關前正街44-A號金勝大廈地下A1號舖，雖然要排隊，但咬落第一啖個陣，就知呢個等待絕對值得啦！…

牡蠣小屋😝❤️一入門口就見到來自日本各地嘅新鮮生蠔🦪、魚、象拔蚌好吸引！餐廳裝修非常之新淨，簡潔明亮，係新式嘅居酒屋🏮6種食法生蠔分別有三文魚子、土佐醋、牛肉、蕃茄秋葵等等，咁就可以同朋友仔share唔使爭。最吸引我一定係三文魚子生蠔，有三文魚子嘅鮮香，同時有生蠔嘅甜味，三文魚子咬落脆口，好鮮甜☺️同生蠔好夾，而且食落好得意。土佐醋酸酸甜甜，生蠔重海水味😝感覺正fresh✨和牛卡爾帕喬好特別啊，係高質素生和牛淋上黑醋，底部就係洋蔥。佢哋啲生牛肉肉質靚，食落去軟嫩☺️底部喺日本洋蔥，唔會好似平時嗰啲咁攻鼻，整體都好特別！蒜香辣椒牡蠣.八爪魚意粉比想像好食好多，意粉軟硬度適中入邊加咗大量芝士粉，有芝士嘅香氣。唔會搶奪主角蠔的鮮味。蠔口感柔滑大大粒，拉麵爽口彈牙。蒜片同八爪魚🐙令味道更豐富。極尚刺身拼盤刺身勁肥美，有帶子、甜蝦、鰹魚、赤身等等全部都勁厚勁鮮，係睇得到嘅新鮮😍最鍾意就係帶子每一粒都飽滿有肉，有香濃海鮮甜味yummy…

吃茶三千真係超好飲，幾年前第一次飲已經愛上咗，直接排喺我最愛珍珠奶茶排行榜第一位！國王珍珠奶茶佢哋茶同牛奶比例完美，茶味比較香濃，啱晒我嘅口味！同埋佢哋嘅珍珠嚴格控制軟硬度，唔會隔夜，所以每次飲，都維持到彈牙有口感嘅高品質！蜜桃奶蓋佢哋而家出咗新嘅蜜桃系列，佢哋嘅蜜桃茶底超香濃水果味道，同時間有陣陣，加埋鹹香嘅奶蓋真心屈機😍宜家吃茶三千做緊打卡活動！買任何飲品，係IG/小紅書 Post打卡相＋ hastag #吃茶三千打卡@吃茶三千-香港，tag埋 @chichasanchen.hk，畀店員睇就可以拎$10現金券Bonus：如果打卡貼文有 ≥50like，截圖DM即可享有「買一送一」優惠！以上優惠僅限下一次訂單使用，不可與其他優惠同時疊加，並須於2025年7月30日前使用！…

近排成日都好想食烤鴨，諗起佢嘅油香同嫩肉就正😍旺角新開咗古琴雅苑，咁就幾時都可以食到高質素烤鴨！烤鴨二食北京烤鴨即叫即切，可以睇住師傅即場切，鴨皮充滿油香，舖頭一啲都唔孤寒，分量充足，超鍾意食嗰啲皮，脆トト得來唔會太燶。外皮脆內裏嘅鴨肉仲係嫩！薄薄的餅皮帶煙韌口感，加上京醬、青瓜、哈密瓜、梅醬等等，完美中和油膩感，好好食！二食揀咗鴨湯，分量好多可以夠四個人飲用，除咗鴨肉之外，入邊仲有豆腐冬瓜。冬瓜蓉細細粒容易入口，湯鮮香好飲😃脆鱔原條鱔拎去炸，炸得通透，而且有個蜜糖醬可以點，好好食！…

這家台灣餐廳的裝修超有特色！店裡擺放了好多棵仿真櫻花樹，粉粉紅紅的花瓣讓整個環境充滿浪漫氣息，還有許願便箋供客人填寫後掛起來，寫下心願或祝福，看起來溫馨又有趣。再說說餐廳的美食，有個超讚的SET B套餐！這個套餐包含6種精選食材，包括澳洲M7牛胸腹、澳洲250日穀飼卡樂Beef、精選牛板腱、日本鹿兒島茶美豚梅肉、西班牙粟飼豬梅片以及紐西蘭羊肉卷。想慢慢享用的話，有120分鐘的套餐可選。餐廳還有台式丸子和蔬菜，在自助區供客人隨意取用，多款台灣小食比如甜不辣、滷水牛肚都很地道。最吸引人的肯定是多款台式飲品無限暢飲，珍珠奶茶也不錯，現在不會太甜哦！…

大滾友係元朗No.1火鍋店🤩宮廷風裝修，連餐具豉油樽都係古代感覺。食材高質素，用料正，入面夠晒闊落坐得幾舒服🥳湯底要招牌花膠雞湯鍋，飲落去食落去好濃。入面有片片花膠，非常足料。雞件砌得好靚，半熟所以淥一陣就可以拎返上嚟食，好嫩滑原汁原味👍🏻材料份量十足。牛肉拼盤有6款唔同嘅牛肉部位，包括牛腱🌟牛頸脊、安格斯、黃喉、牛舌同牛柳粒。牛頸脊超好食，脂肪比例較高濃濃脂香。黃喉第一次食，好爽口。牛舌都好正，唔會太厚，但係口感爽脆牛肉味香濃。手打鵝肝墨汁墨魚丸正！入口即能感受到鵝肝的濃郁香氣，入面真係有鵝肝，墨汁令整體味道更添層次。蟹黃餃漲卜卜皮薄餡大，內餡好正😊蟹黃、蟹肉混合，鮮味十足。滾左之後與湯汁混合更吸引。佢地嘅甜品火炎豆腐花真係好屈機，豆花上面加左糖同酒，點火之後會慢憎形成糖脆脆😋又打卡又好食。…