chungching11的個人專頁

這間大排檔充滿懷舊風情，裝潢充滿本土特色，讓人一踏入就感受到濃厚的香港街頭飲食文化。上菜速度快，菜式選擇豐富，啤酒種類繁多，無論是三五知己聚會，還是一大班朋友吹水暢飲，都非常適合。 飛天通菜煲👍🏻味道調得恰到好處，味道香濃，每一口都帶有濃郁的鑊氣，是我的必食之選。啫啫滑雞煲雞肉鮮嫩入味，醬汁香濃，每一塊雞肉都充滿惹味的香氣。即使上菜一段時間後，仍然保持熱辣辣的狀態，而且份量十足，多人分享都無問題。 鳳尾蝦多士外皮炸得金黃酥脆，一口咬下，香脆的多士與爽口的蝦膠完美融合。更驚喜的是，除了蝦膠，還有原隻鳳尾蝦，口感層次豐富，回味無窮。 阿華田好立克沙冰冰涼順滑，阿華田與好立克的香濃麥芽味完美結合，甜而不膩，是上佳的解暑飲品。 整體而言，這間大排檔不僅菜式選擇多樣，味道出色，還有濃厚的本土風情，讓人彷彿回到昔日的香港街頭。無論是想品嚐地道美食，還是與朋友熱鬧聚會，這裡都是絕佳的選擇😋…查看更多

一間新開嘅日式餐廳，之前途經已經被佢嘅門面吸引，今日終於抽到時間過嚟試一試。呢度提供嘅選擇好多，除咗Omakase，仲有壽司、和食、小食等等。今日特意選咗個「大滿足壽司定食」，仲加咗幾款小食。壽司定食好豐富，包含11貫壽司以及海膽三文魚子碎拖羅飯。師傅已經為每件壽司調味得啱啱好，加上食材好新鮮，可以唔使額外加豉油，重點品嚐魚生嘅鮮味。而且，師傅非常細心，因應個人口味，特意為我每樣食物都去除咗蔥。壽司定食仲包括我最愛嘅茶碗蒸，材料非常豐富，加入咗蟹肉、魚子、蝦同帶子，味道細膩，好有驚喜。喜知次壽司絕對係壽司嘅期待之選，師傅輕輕燒過令油脂更加突出，味道香濃，齒頰留香。拖羅👍🏻👍🏻👍🏻 定食裏面包括中拖羅、大拖羅以及火炙拖羅，呢度拖羅質素一流，肉質細膩，鮮甜肥美，入口即溶，真心令人食過返尋味，十級推薦！螢光魷魚第一次試螢光魷魚壽司，味道非常濃郁，層次豐富，好值得一試。鯖魚壽司上面特別鋪咗一塊醃過嘅蘿蔔薄片，食落清新爽口，仲帶有脆脆嘅質感，好有心思。左口魚邊表面燒至焦香但保留咗內裏爽脆嘅口感，味道層次豐富，非常出色。牡丹蝦壽司大大隻嘅牡丹蝦，賣相一流，蝦表面輕輕燒過後味道更濃郁，師傅仲用蝦膏整咗個軍艦壽司，蝦味濃郁，非常滿足。刺身丼刺身丼呈現得非常精美，真係唔捨得破壞佢。用料誠意十足，配料豐富，香甜嘅海膽、飽滿魚子加上大量吞拿魚蓉，刺身下面仲有醃蘿蔔，為整體口感增添變化。玉子入口香甜，簡直係意外嘅驚喜。呢間餐廳真係充滿誠意，材料好新鮮，好幾款菜式都印象深刻，期待下次再嚟🍣✨…查看更多

隔左一排無嚟，之前每一次嚟，印象都非常好，今日嚟之前都非常期待。北海道粟米凍湯👍🏻第一次飲凍嘅粟米湯，味道濃郁，口感滑溜，一道好好嘅前菜。富山灣螢光魷魚味道鹹鹹地，師傅輕輕燒過，有好重嘅魷魚香味。梅酒啫喱第一次食梅酒味道嘅啫喱，酸酸甜甜，非常開胃。愛媛縣蜜柑鯛👍🏻師傅調配嘅味道非常好，有淡淡嘅果香味。北海道墨魚加入咗少量紫蘇葉，口感爽口。靜岡縣金目鯛👍🏻👍🏻油脂量適中，味道鮮甜，每次食Omakase, 我都好期待金目鯛。帆立貝壽司好鮮甜，因為師傅𠝹咗好多刀，令到個口感好特別。神津島黑鯥魚👍🏻賣相吸引，好重魚香味，有嚼口，油脂豐富，齒頰留香。深海池魚好重嘅魚香味，麵豉醬帶有少少辣味，味道豐富。赤貝賣相好吸引，赤背好大粒，口感爽口，味道好鮮甜。北海道牡丹蝦師傅炮製嘅時候已經好香，上面鋪滿牡丹蝦嘅蝦膏，蝦膏嘅味道非常濃郁。中吞拿魚好厚身，入口即溶，魚香味濃郁。高知縣池魚仔肉質嫩滑，因為夠新鮮，口感爽口。太刀魚👍🏻👍🏻師傅炮製嘅時候已經好香，表面燒完之後，魚香味更出，今晚最印象深刻嘅壽司。間八師傅炮製得好好，味道好豐富，食落好爽口。青魚👍🏻上面鋪咗一塊浸過醋嘅蘿蔔薄片，第一次試呢個食法，酸酸甜甜嘅蘿蔔，平衡返個油膩度，增加口感。三文魚籽魚籽多到滿瀉，魚籽味道好香甜，上面灑咗柚子皮，味道更豐富。馬糞海膽👍🏻海膽多到滿瀉，軟綿綿，好香甜。最後仲有個麵豉湯同抹茶奶凍，抹茶奶凍係由師傅自家製，抹茶味濃，好出色。每次嚟到都好滿意，師傅非常親切，每道菜都詳細介紹，我最鍾意佢將每款壽司都用唔同嘅調味料配搭，好有心思，以後一定會再嚟。…查看更多

被openrice訂位的八折優惠，和lunch飲酒的買一送一優惠，吸引我再來這餐廳。餐廳環境舒服，情調十足。前菜水牛芝士味道剛剛好，不會太咸，令沙律更豐富和juicy.龍蝦湯 👍🏻龍蝦湯味道很濃郁，齒頰留香，口感非常滑和creamy，還加入了有龍蝦肉的意大利雲吞，十分出色。四川麻辣風味意粉😍非常期待的fusion菜，蟹肉份量很多，意粉煙韌彈牙，第一次吃到麻辣味道的意粉，麻辣程度剛好，連我原本不能吃辣的，都被味道所吸引。主菜USDA ribeye肉眼煎得好香，賣相很吸引。Tiramisu賣相一流，味道不會太甜，非常出色的甜品。…查看更多

隔咗好耐無嚟鮨逸，水準依然好出色，今次試勻25品，大滿足。沖繩水雲上面鋪咗超多蟹肉，非常豐富。北海道鮟鱇魚肝香口開胃，一道好好嘅前菜。北海道汁煮黑梅貝好大粒，貝肉好爽口。真鯛卷海膽豆腐好精緻嘅一道菜，豆腐好香好滑，味道好出色。粒貝好爽口，同Wasabi味道好夾。北寄貝賣相一流，師傅加咗海苔醬，味道好夾。沖繩小龍蝦師傅即開龍蝦，非常新鮮，龍蝦肉好鮮甜爽口，師傅會再用個龍蝦頭去煲湯。縞鰺第一次食呢隻魚，好肥美，入面有少少檸檬味，同魚肉好夾。黑龍表面輕輕燒過，再搽上醬油，食落非常香口。蟹膏豆腐配松葉蟹肉上面加咗德國黑魚子，味道好香濃，松葉蟹肉非常香甜。北海道牡丹蝦賣相一流，擺碟好有誠意，蝦肉好肥美，上面啲蝦膏好香。鰤魚醬油漬表面嘅柚子胡椒好香，鰤魚好肥美。金目鯛表面輕輕燒過，味道更香。百劍貝上面鋪咗竹炭鹽，貝肉好爽口。喜知次其中一道期待嘅菜式，魚肉味道濃郁，齒頰留香。赤身醬油漬入面包住軟綿綿嘅海膽同爽脆嘅蘿蔔苗，味道同口感都好有層次。紫海膽配上紫菜天婦羅，呢個配搭好有新鮮感。磯煮鮑魚慢煮4小時嘅磯煮鮑魚，伴上味道濃郁的蟹膏，齒頰留香。松葉蟹肉壽司第一次食松葉蟹壽司，松葉蟹肉非常香甜，同蟹醋啫喱好夾。金鯛立鱗燒第一道熱食，味道和口感都兼備，表面非常香脆，魚肉就非常嫩滑，配上底下啲海苔汁，食落好Juicy.大拖羅手卷上面鋪咗啲炸蔥，有更多口感，食落又冇咁膩。白海膽香脆嘅鱈魚乾盛載住軟綿綿嘅海膽，味道同口感都好豐富。師傅上菜嘅次序好有心思，好多道菜都有驚喜。餐廳佈置裝修好舒服，師傅態度親切友善，俾到我一個好舒服難忘嘅用餐體驗，期待下次再嚟。…查看更多

前菜四點👍🏻👍🏻👍🏻賣相已經令我開咗胃，每樣擺碟都好靚，包括有白子、水雲醋、蟹膏豆腐、海膽和牛刺身，每樣都好出色，味道同口感各有特色，當中最鍾意係蟹膏豆腐同和牛刺身，和牛刺身包咗海膽同黑松露，味道口感都相當豐富。剌身四點包括金目鯛、牡丹蝦、北海道帆立貝同赤身，其中金目鯛同赤身都非常肥美。有馬山椒茶碗蒸茶碗蒸加入來自日本有馬縣嘅山椒，一貫地好好食。美國熟成肉眼😍可能因為經過熟成，食落好重牛味，入面夾咗大蔥，味道更加香。澳洲和牛舌加入微辣嘅蘿蔔蓉同淡雪鹽、最後淋上柚子酸汁，配搭非常出色，師傅係我地面前逐樣配料加上去，令食慾大增。仙台A5霜降和牛西冷🤤油脂量豐富，口感夠曬軟熟，配上蛋黃同白飯，食落無咁膩。蛋黃同白飯仲可以無限添加。隨碟仲有大量用上壽喜燒汁嚟一齊煮鮮蔬菜，非常香甜，當中包括咗青蘋果，師傅建議最後先食，用嚟減低油膩度。黑松露和牛炒烏冬用番吸收咗和牛嘅壽喜燒汁嚟煮呢個烏冬，再加入黑松露嚟煮，味道好香。…查看更多

音樂好有happy hour感覺，氣氛輕鬆，適合同朋友聚會傾計。辣酒凍風螺👍🏻螺肉爽口，辣酒夠晒入味，出色嘅開胃前菜。松葉蟹肉甲羅燒好多蟹肉，配上青瓜一齊食, 多咗香脆嘅口感，亦都減輕咗膩嘅感覺。蟹膏味道好香，仲有兩個松葉蟹鉗，好有誠意。章魚御好燒😍賣相一流，調味啱啱好，推介之選。松葉蟹肉海膽炒飯👍🏻好多蟹肉鋪喺面，味道夾得啱啱好。厚燒牛舌真係好厚切，但我唔太鍾意食牛舌，所以只有淺嘗一下。比目魚配上泰式辣醬，好特別，魚肉嫩滑，熟度啱啱好。之前去過其他分店，食物水準都唔錯，保持一致。呢度最特別係個超大梳化位，係一個好舒服嘅飲嘢聚會好地方。…查看更多

今日揀咗個和牛套餐，入面包咗龍蝦同鮑魚，一次過食到我想食嘅鐵板燒嘢食😍西柚蝦沙律比較少機會食到柚子沙律，個汁酸酸甜甜，一道好好味嘅開胃菜。澳洲龍蝦配海膽龍蝦膏醬👍🏻即場睇住師傅由新鮮活龍蝦開始炮製，令我胃口大開。據師傅介紹，今日食嘅係西澳花龍，為咗令龍蝦肉更爽口彈牙，只會煎到七成熟，再配上蝦膏和海膽汁嚟煎，味道非常香。南非活鮑魚配海苔醬👍🏻嚟自南非嘅孔雀三頭鮑魚，一入口，味道已經好有驚喜。為咗保留鮑魚嘅鮮味，師傅話只配咗白酒同牛油去煎香。另外，亦可以配上鮮海苔調配嘅醬。香煎牛舌芯燒得好香嘅牛舌芯，好重牛味，厚薄度適中，口感夠晒爽口。和牛薄燒賣相一流，油脂分布好靚，和牛包住海量嘅蔥，加埋一齊嚟燒，味道特別香。日式炒雜菜同時上碟，同牛肉隔住嚟食感覺無咁膩，睇得出餐廳喺菜式安排上嘅心思。日高昆布蜆湯賣相簡單直接，味道非常香甜，食完鐵板燒之後，配上一個清甜嘅湯，感覺非常圓滿🤤…查看更多

雖然已經唔係第一次嚟，但係每次嚟都好欣賞餐廳對於主題餐廳嘅堅持，每樣細節都同露營有關，有好多打卡位，好有心思。今日咁啱仲撞正有live Band表演。今次轉咗套餐形式，個圓形木盤好啱打卡，一次過上晒成個套餐，任我哋決定食咩先。套餐有好多款前菜、刺身、天婦羅、燒肉。刺身方面，除咗三文魚之外，仲有三文魚腩，同埋赤背都好有驚喜。炸物方面，我就推介牛肉薯餅同魷魚。牛肉方面，依家唔止淨係得燒肉一種食法，仲有壽喜燒或涮涮鍋，但係我哋始終都覺得就咁燒肉同露營最夾，可以留返下次先再試其他。燒肉有包括來自十勝嘅豚肉，當中再細分梅頭同腩肉。聽店員介紹，之後餐廳就會再轉型做日本居酒屋，仲請咗專業嘅師傅返嚟，提供串燒同各種和食，另外，亦都會有好多唔同款嘅日本酒，期待下次再嚟。…查看更多

意大利花茶好重玫瑰花味，我哋揀嘅套餐份量都相當多，這杯玫瑰花茶好幫到手解膩。蟹肉海蝦沙律好多蟹肉，蟹肉味道好香濃，沙律份量好多。黑松露海膽蟹肉溏心蛋一上菜已經聞到好香嘅黑松露味，海膽好鮮甜，溏心蛋蛋黃仲保持流心嘅狀態，食落又香又Juicy。火焰黑松露汁煮帆立貝師傅喺我哋面前加入火焰，好有驚喜。帆立貝加入蟹子，個汁有好香嘅黑松露味，會令人忍唔住飲埋個湯汁。香煎三文魚配龍蝦汁師傅用鐵板燒炮製，上菜已經聞到好重嘅魚香味，伴碟賣相一流，令人胃口大開。個龍蝦汁同三文魚好夾。原隻活龍蝦擺碟好靚，澳洲龍蝦配上海膽蝦膏汁，龍蝦味道濃烈，龍蝦肉好爽口，仲可以連埋食用玫瑰花一齊食，味道非常豐富。熊本縣A5和牛薄燒熟度啱啱好，牛肉同炸蒜片味道好夾，隨個人喜好，仲可以額外加多啲蒜片同竹炭鹽，味道同口感都好豐富。伴碟仲有日本產嘅香煎野菜。刺身帶子豆腐鯛魚湯材料好豐富，用返個龍蝦鉗，再加上帶子，味道好鮮甜。松葉蟹肉炒飯每粒米都炒到金黃色，入面有好多松葉蟹肉，雖然已經好飽，但都忍唔住全部食晒。整體嚟講，餐廳嘅材料新鮮，加上師傅用心嘅炮製同伴碟，真係做到色香味俱全。再加上好有心思咁加入火焰燒帶子嘅環節，令到成餐飯留低好深嘅印象。…查看更多

隔咗好耐無嚟，今次坐吧枱，睇住師傅炮製，胃口都特別好。刺身賣相一流，師傅好有心思放喺擺碟度，赤蝦好大隻，三文魚勁厚身，整體新鮮肥美。波士頓龍蝦浜燒師傅幫手起埋蝦鉗嘅殼，非常貼心。龍蝦鉗好多肉，蝦肉有好香嘅燒烤味。蝦頭有好多蝦膏，芝士味唔會太濃，唔會搶咗龍蝦嘅鮮味。活鮑魚配上柚子胡椒醬，鮑魚燒到有少少焦邊嘅感覺。紐西蘭刀貝師傅只淋上高湯清酒，唔加其他調味，保持刀貝嘅鮮味，刀背肉好肥美，刀貝比想像中大隻好多。伍魚一夜干👍🏻👍🏻係食過最好食嘅一夜干，燒到熟度啱啱好。魚肉好滑，好夾酸汁，好食到停唔到。海鮮雜炊👍🏻😍好足料，每啖都好多海鮮。好似食海鮮粥嘅感覺。味道好清甜，好出色嘅主食。最後嘅甜品係燒焦咗嘅士多啤梨窩夫，口感外脆內軟，有少少焦香嘅味道，非常特別。嘢食嘅賣相和味道都兼顧到，因為食材新鮮，所以唔需要太花巧嘅調味，已經好好食。師傅喺我哋面前燒海鮮和窩夫，啱晒打卡，非常有心思，整體感覺非常深刻。…查看更多

今次揀咗以鹿兒島和牛為主菜嘅二人套餐，除咗和牛，仲包括龍蝦同鮑魚等海鮮，睇到餐牌已經好想快啲開餐。季節沙律賣相一流，色彩繽紛，令人胃口大開。魚籽鵝肝蒸蛋飛魚籽鋪面，鵝肝放入去蒸蛋入面，好有驚喜。鮮活時令龍蝦個龍蝦好新鮮，食落個口感勁爽口，廚師用上龍蝦頭嘅膏嚟炒，味道更香，為咗唔好咁膩，用上多士墊底。睇住廚師鐵板燒嘅過程，令胃口更加大開。廚師喺伴碟方面都極花心思。原隻鮮活南非鮑魚用上南非九孔鮑魚，忌廉伴海苔汁，因為食材夠新鮮，鮑魚勁爽口。北海道刺身帶子熟度啱啱好，配咗紫菜同紫蘇葉，上面鋪上飛魚籽，味道好有層次。香煎頂級鵝肝係我見過最大塊嘅鵝肝，廚師嘅擺碟好有心思，大大增加胃口，食完之後，齒頰留香。鹿兒島霜降和牛薄燒夾上香蔥同蒜片一齊燒，非常香口。鹿兒島霜降和牛厚燒油脂分布啱啱好，入口即溶，可以配上岩鹽、昆布鹽、Wasabi和蒜片。秋田炒飯加入櫻花蝦和火腿，賣相一流。龍蝦清湯用上新鮮蝦頭來熬湯，味道好清甜。整體嚟講，係好有心思嘅一餐飯，睇得出廚師注重選取食材和食材配搭，重視擺碟，令到整體色香味俱全。最後，廚師亦有特別問我哋係咪慶祝節日，佢為我哋係鐵板上題字，呢度好適合慶祝節日或紀念日嘅聚會。…查看更多

隔咗一排，又嚟到Sushi N, 經過之前嘅體驗，今次充滿期待。赤背刺身因為我哋唔食蠔，師傅用赤背代替。上面灑上柚子皮，隨個人喜好，仲可以加入青檸汁，清新嘅味道配上爽脆嘅口感。間八刺身第一次食，魚味偏淡，加入師傅調配過嘅松露汁同紫蘇花，好有心思。梳子魚壽司輕輕燒過，帶出魚油嘅香味，配上三星漬，味道更加豐富。帆立貝配北海道紫海膽壽司好吸引嘅組合，味道口感都好豐富。劍魚腩刺身配醬油蛋黃漬第一次食醬油蛋黃漬，配上肥美嘅劍魚腩，又係一道充滿心思嘅組合。煙燻黑鯥壽司入口係好香嘅煙燻味，後勁係好重魚味嘅黑鯥。石鯛魚壽司肉質好實，配上柚子胡椒，味道好香口。大拖羅壽司好重油份，拖羅嚟自第三個部位，魚肉和油分分布好合適，肥得嚟又唔會太膩。最後發覺好多樣嘢都係第一次食，既深刻又有驚喜。餐廳選用嚟自日本嘅食材。今次嚟到仲發現有得借電話充電器。因為Omakase嘅用餐時間都比較長，呢個安排實在非常貼心。…查看更多

一直都想來這餐廳，因為openrice訂位有八折優惠，和最近比較空閑，所以就來吃個lunch. 餐廳環境舒服，lunch飲酒竟然有買一送一的優惠，是一個很適合約會或聚會的地方。今日特別點了幾道餐廳的招牌菜。Lobster bisque lobster ravioli龍蝦湯味道非常濃郁，加入了干邑，口感很滑和creamy, 但沒有膩的感覺, 極之出色。Carabineros prawn homemade spaghetti紅蝦意粉醬汁味道香濃，帶有很重的蝦味，意粉煙韌彈牙，和醬汁配搭得非常好。USDA ribeye 3 peppercorns sauce 肉眼煎得好香，賣相已經非常吸引，牛味濃郁。栗子Tiramisu賣相一流，裡面有好多栗子肉，令到整體口感更豐富。味道不會太甜，非常出色的甜品。…查看更多

餐廳位處銅鑼灣最旺的位置，在天台上製造輕鬆的露營空間，兩者呈現極大的對比，形成一個很chill的氣氛。餐廳的佈置極有心思，不論枱、凳、帳篷和食具等等，都與露營相關。食物方面包括燒肉、鍋物和刺身等，款式非常多，燒肉方面除了單點各類肉之外，還有提供套餐。飲品方面這裏主打日式清酒，另外還有手工啤酒。今次我們帶了狗狗過來，員工對他們都非常友善，還給他們餵了零食。自家製和牛薯餅裡面包了很多和牛粒，口感和味道都不錯。黃金炸魷魚鬚魷魚鬚好香，好適合配這裏的手工啤酒。黑豚5段腩表面搽上了燒汁，燒完之後味道非常香。宮崎和牛赤身四點點了一個和牛燒肉套餐，性價比很高。特別推薦赤身肉，口感軟熟，很重牛味。另一推介是和尚頭，油脂分布很均勻，用厚切的方式，口感非常軟熟。燒野菜沒想過淮山是燒烤的食材，雖然味道很清淡，但燒完的淮山好爽口，可以點上鹽和醬汁來吃，非常特別。…查看更多