sarayuen's Profile

之前同朋友黎過一次，果次偶然呢間主題餐廳，真係好靚，佈置得好細緻，食物又好食，果次同朋友都食得好開心～ 呢度還原電影中的一些佈置，真係看到都好像置身電影中。今次約另一個朋友食飯，推介了幾間食店比佢，朋友都係對呢度有興，所以再黎Encore。今次朋友試了奶油啤酒，整得好逼真，而且朋友話都好好飲我地仲吃了軟殼蟹意粉、炸魚薯條、蝦卷等等，食得好滿足，職員亦都好細心照顧我們的需要，呢度滿足咗我地詳談的需要。朋友黎過後同我一樣愛上這裡，再帶其他朋友再黎…Read More

由於唔鍾意食珍珠，唔飲珍珠奶茶，所以好少去台式飲品店買嘢。今日咁啱落街拎嘢，因為又焗又熱，突然好想飲荔枝味嘅嘢。醒起曾見過呢度好多水果味飲品，就黎咗呢度買嘢飲，好香的荔枝味，正😋…Read More

同朋友去了這間我們都有興趣的《凡高廚房》，它是樓上舖，裝飾好幽雅，餐廳內有很多梵高的作品。入到去，已坐了4-5檯客人，大家都很安靜咁細細聲傾偈。檯面佈置有幅梵高的迷你畫，迷你畫背面是呼喚服務人員的裝置，很方便也很漂亮。前菜的麵包熱辣辣很香脆，口感非常好。雜菜湯沒有我很怕的辣味，很易入口。我們分別點了豬肋骨及西班牙海鮮炒飯。朋友的豬肋骨不韌而且味道不錯。我的西班牙海鮮炒飯好香唔漏，都很不錯。然後我點了西柚紅茶，不澀口而且有水果香味。而朋友則點咗菠蘿雪糕梳打。食飽飽還有甜品，都係味道很好。這裡味道、環境都不錯，同朋友決定可以再encore。😋…Read More

臨時和朋友約食飯，因為要去銅鑼灣拎嘢，所以上網找找有甚麼餐廳可以試下。朋友同我對這間食店很有興趣，便訂檯試試了。舖頭唔算難找，坐電梯上到去，看到檯櫈都放得好寬敞，坐得很舒適。這裡周圍放了很多Bear Brick，好可愛～　坐定定我們研究下個餐牌，這裡的餐牌同餐紙都有俄羅斯娃娃，好精美好有心思～　到步前我已同朋友講我要飲龍蝦湯，因為睇食評大家都讚這裡的湯。但好評的羅宋湯我麻麻地鍾意飲便沒有點了，但朋友點了黎試，我就飲我喜歡的龍蝦湯。兩個湯都好好飲，大家果然無介紹錯。食品方面，朋友試了流心芝士牛肉漢堡，而我就點了餐廳推介的俄式串燒牛柳，但我掛住食自己個食物忘了影相。首先朋友個漢堡，切開後有芝士流出，而且調味很好，我試食了一小舊都覺得好好味～　而我個牛柳大約有5-6成熟，幸好我不怕吃這個成數的牛肉，而且牛真的很滑亦不會有血味，好味道～　另外，我們點了個小食拼盤黎食，有魷魚圈，火煎雞翼及芝士塊。芝士塊好香唔漏，雞翼整得好脆，魷魚圈都好好食。而且餐廳職員很細心，會用心推介食物但不Hard Sell，而朋友的漢堡時佢都好細心有提醒小心咬到中間芝士時燙口。黎呢間餐廳前幾天先食完一間食物同服務都差的大牌子的地獄餐廳，今次食到呢間真係補償返我的心靈，有機會再黎Encore～～…Read More

晚上和朋友在灣仔睇舞台劇，由於時間尚早，午飯後我地周圍遊走一下。朋友之前介紹這間近藝術中心的食店訂䵽檯。上到去裝修很精緻，我們坐在告窗位置。我們早去到開頭唔太多人，可以靜靜咁傾下偈。我們因該想不到吃甚麼便點了二人餐，㒲大因爲我食唔到辣嘢，所以最終menu即使只有一隻辣椒公仔我都食唔到。好彩呢度有唔辣的嘢食，或可要求走辣。我們的餐內選了芫茜皮蛋、蒜泥白肉、烤鴨、紅燒豆腐、酸菜肉片麵（走辣）。芫茜皮蛋的芫茜好香，雖然我本身怕芫茜味，因佢切碎了所以都還可以接受到。而蒜泥白肉對我來說實在太辣，朋友說味道不錯。佢個紅燒豆腐好好味～～ 我同朋友都食到停唔到口。仲有個酸菜魚肉麵，佢d麵有點似韓國薯仔麵咁，好彈牙好好食～～ ❤️坐下食店開始多人，當日有很多普通話人，我地隔離果檯正正係說話超大聲，我和朋友後期很辛苦才聽到對方的說話。不過整體這裡值得再來。…Read More

今晚會同朋友係灣仔睇劇，我們收工係灣仔集合，朋友帶了我去利東街一間餐廳食午餐。這裡坐得好舒服，食物很美味。呢度係自助式買完自己拎埋位食，而且坐得耐唔會趕人走，可以同朋友慢慢邊食邊傾偈。一入到餐廳見佢裝飾得很優閒舒適，已感覺很Relax。踏上一堂木樓梯去樓上一層，像是去外地餐廳般，感覺很好。不過樓梯位比較窄，如同時有人上及落樓梯，便需要其中一方在樓梯轉角處處禮讓一下給對方先行了。朋友之前食過幾次，她推介了一些美食，我們揀了煙三文魚Pizza、火腿蛋餅、蘑菇雞肉闊麵。三文魚Pizza的餅乾唔會好厚，女仔食啱晒，而且味道很好蘑菇雞肉闊麵好香，而且無我最驚的一堆茄汁浸住佢，好合我口味。蛋餅因為我好想試，朋友見細細個買黎試下。佢蛋味好香，唔洗落任何調味料已經好好味～～ 朋友果然無介紹錯，呢間好好味。…Read More

今日約咗朋友食飯傾下心事，朋友網上搵到這間店，我們見好吸引便決定去試下。我地嗌咗《雜錦腸》，幾款家好味道～ 再嗌《西班牙式烤乳豬」，整得好脆好好味～～ 而且唔油同唔肥膩， 好正好好味～～另外仲嗌咗個《籠中鳥》，好得意有個籠載住燒雞，入面仲有三隻鵪鶉蛋。隻雞整得好嫰滑好正～～ 都係好好味，果然兩樣都係推介食品。呢度環境唔太嘈，燈光柔和有點偏暗，但配埋室內裝修唔錯，而且職員都很有善有禮。原本臨走想影在門口的留聲機擺設同招牌，可惜比人阻住咗影唔到。呢度唯一唔好嘅係，我地坐個位係左右兩邊都同隔離檯都係拍埋一齊坐，好似去咗食放題咁，感覺好逼。…Read More

應承咗阿媽今朝同佢出去嘆完早餐一齊去電器店睇嘢。我地本身諗住十一點半左右出去開餐，但在十一時多阿媽收到住附近的Aunty電話想拎在新加坡買的手信給我們。等埋Aunty黎，我們邀她一起吃午餐。原本想去運動場吃我的班尼迪蛋早餐。但原來果間餐廳早兩個月已經無做。轉了新餐廳。既然黎到我地都試下新開餐廳的食物。阿媽同Aunty都試了咖喱牛肉飯，我試吃了少少，咖哩好香對我來說也不辣。而且咖喱牛肉整得好滑。好味道～ 而我就試咗煎三文魚+蝦沙律+麵豉湯及貓飯。貓飯上有滿滿的木魚，每啖飯都和著木魚吃飯，味道很好。店員送餐來時有一樽豉油給我，也細心地向我說本身飯都有味道，提議我試了味再選擇是否需要加豉油。但就如店員所說，其實不用加豉油已經很香很好味了～煎三文魚整得好香好好食，我地算係盲中中食到間好嘢。呢間餐廳可以再encore。…Read More

24/12才和朋友約去大棠睇紅葉，兩個人欣賞完紅葉，等埋車出返元朗已經七點半左右，兩個極少出沒元朗的人完全沒有概念可以吃甚麼做晚餐。仲諗緊食乜事見到呢間『石崗咖喱屋』，見它的評價似乎不差，所以入咗去試下。由於我唔係好食得辣的食物，所以平日真係無乜機會食咖喱。由於唔食得咖喱，平日屋企人都會整日本咖喱又或者自製一些有咖喱香味但唔辣的食物給我。入到去，朋友因為遷就返我呢個唔辣得的人，盡量揀不太辣的東西。點完餐再細看裝修，雖然見到其實Ｄ裝修都應該一段日子的了，但感覺都很整潔。牆上有很多相片，朋友說可能開店的人真係是以前在石崗負責煮食的。首先黎到的係青檸梳打，黎到朋友有疑惑過點解梳打會係微黃色，但飲落去很香甜好飲，好鍾意～然後烤雞塊到場，初時吃食到有少少辣，但第二件又沒有，很奇怪～　不過味道不錯，落埋檸檬汁更正～之後咖喱角同薯仔餅同時到場，咖喱角係朋友每次去食有咖喱食品都會叫的食品，呢份咖喱角同平日港式茶餐廳吃到的不同，內裡有很多薯仔蓉，對我這個怕辣的人來說算係微辣，有飲品比我解辣都還可以接受。薯仔餅係我挑選的，諗住佢應該係唔辣的東西，應該很安全。點知吃得辣的朋友先試味時，竟然話我知係辣的。到我自己吃時，很安全地把薯仔餅解體，見到入面有一角綠色如尖椒的物體，朋友說那個應是指天椒，難怪連佢都話辣。之後咖喱牛腩到達，載著的容器很有特色很漂亮，咖喱很香，牛腩很腍易入口，不過辣度對我來說勁咗少少，但配埋烤餅來點咖喱吃又好好味，所以辣到飛起都忍唔住點了不少咖喱來吃烤餅。最後全餐對我黎講唔辣頂得住的只有烤餅同咖喱角，其他的對我來說係一項挑戰。。。綜合食得辣的朋友的講法，咖喱很香也很正宗，不過我想佢下次搵個食得辣的人再黎食會食更得自在～　…Read More

大約一個月前，朋友發現這間食店，我們有一天路過吃了一次晚餐。那次吃到美味的晚餐及很好的服務，不過果排太忙，最後忘了上黎寫食評。在外地居住的表哥見到我果晚放上網的相片，剛巧放假回港，約我帶佢黎試下。我們約了三點幾，其實去到前我都唔肯定有無下午茶餐。點知係樓下便見到貼住張紙有下午茶而且有折。上到去被每款下午茶吸引著。最後選了「美國BBQ豬仔骨拼薯條」同「檸檬撻」。其實本身唔係想試「檸檬撻」，不過咁啱「藍莓焗布甸」無晒所以轉食「檸檬撻」。豬仔骨煮得夠淋，唔難切。很喜歡薯條好脆好好味～～檸檬撻好香，餅皮做得很脆好好味～～ 不枉午餐食少咗嘢黎試下午茶。表哥很滿意呢餐下午茶。等我遲下帶朋友再黎試下午茶先～ …Read More

用餐完幾天後，今天才有時間寫食評！今天因為和朋友去開附近交收，所以找了附近有甚麼食店可以試下？看過食評後決定來這裡試試，這裡不難找，很近地鐵站。去到店舖，地方不大，但佈置得舒適，人不算多，所以可以享有較寧靜的用餐環境。看了餐牌後，朋友選了『黯然銷魂飯』，我選了『美國頂級安格斯西冷氣扒意粉』；由於我的餐飲品及湯只可選一樣，我見當日的湯是羅宋湯我不太有興趣，便選擇凍檸檬茶。然後朋友點完餐，店員說加錢可以加湯定飲品，我沒為意。在店員覆單時我聽到是說前兩杯凍檸檬茶。之後店員送了兩個湯來，我還以為是朋友說加錢配是連埋我那個都加錢有湯，沒留意便飲咗湯。然後發現只有一杯檸檬茶到達，等了很久都沒有第二杯，再問職員，職員再向替我們落單的人查詢。最後店員說我的餐只可配湯或飲品其一。然後我向店員說，我落單時是要檸檬茶不要湯的，然後職員說今次ｆｒｅｅ個飲品比我。雖然最終都比返杯飲品我，但我真係唔覺職員有歉意係佢落錯單，感覺似係避免再麻煩客人才決定比返杯飲品我。我不能理解，既然覆單時都說到前後兩杯凍檸茶，為何最終我那個會變成湯。其實當日人真係唔多，唔明點解會發生咁樣的事。不過一樣還一樣，這裡的食品還真不錯，起碼我點的七成熟牛扒不會像其他餐廳吃的變成又硬又乾的牛扒乾。兩款小食『黃金肉醬芝士瘋薯』及『水牛城雞翼』味道都很好～～…Read More

今天和朋友吃晚餐時在挑選有甚麼甜品可以試下。我們被這裡的拿破崙吸引咗，所以決定食飽逛一陣要去試下。一路行看到openrice寫住要輪候180個位，個心嚇一嚇。好彩去到唔多人，亦有位坐。在外面已經被優雅的門面吸引著。坐低先點餐，menu很多好吸引的甜品，最後我們分別被芒果拿破崙及菠蘿拿破崙所吸引。點完餐後才慢慢欣賞店內裝修。有好可愛的壁畫，拿破崙化身長舌怪物吃怪獸。另外一邊牆有一些畫，後來看到米之蓮公仔，我們在想這裡是不是米之蓮推介？最後上網找找果然係，我們盲中中來到一間米之蓮甜品店。但它的價錢很正常，不會貴得嚇親人。之後拿破崙出場，影完相便吃吃看。我的芒果味拿破崙很香甜，不太酸。最愛是餅中間的cream調得很好，不會很甜很漏，而且cream也很香，我鍾意啊～ 今天我們又多一間encore之選了。…Read More

吃飯前一天和朋友才有時間到Openrice找吃飯地點，亂找一輪後被這間的裝修及評價吸引了。見食評說較多人，所以嘗試先訂檯，但要吃飯當天下午4時才可訂檯，幸好有位。由於訂咗檯，以及我們早到半小時，該段時間未係太多人。一出電梯便被門外的裝飾及塗鴉所吸引。入到店內裝飾都好漂亮，猶如置身外國。坐低後，檯面有一杯糖果，有不同款色的糖給大家吃，有很多兒時愛吃的糖果。這裡連餐單都做得很漂亮，很有特色。和朋友二人，選了小食拼盤、黑松露雜菌長通粉、秘製醬汁焗豬肋骨。小食拼盤可以一次過試五款小食，雞翼整得好好味，很脆口而不乾爭爭。粗薯角亦是我的至愛～豬肋骨及長通粉都很好味。我們還有其他想試的美食，決定有機會要再encore再來吃。另外，我們點了荔枝梳打，很香甜美味～ …Read More

(20171111)雙11沒有上網Shopping，約了多年認識的朋友仔加小朋友去食飯約會。♪(*^^)o∀*∀o(^^*)♪因為有小朋友，我們選了樓上Cafe，方便照顧小朋友。食店白色的裝潢，簡單舒適，側邊仲有一隊三眼仔兵團同minions兵團，好可愛～ ⁄(⁄ ⁄ ⁄ω⁄ ⁄ ⁄)⁄食店好好，因為訂檯時有同佢地講我們有個小朋友，可否留卡位給我們？佢地好好咁比咗張U型卡位比我地，方便比小B郁下，也有鬆動d的地方放BB車果d。我㨂了個黑松有露帶子海鮮飯，望落份量唔多，但其實都幾飽。另外選了我垂涎的荔枝梳打，好味道～ 朋友點了杯加了蜜糖的花茶，我坐在對面聞到好香的蜜糖味。我同朋友加錢配埋沙律及Cake做甜品，傾到尾我們爭點忘了件Cake，好彩朋友提提我們。(^^;; 我點了朱古力蛋糕，香濃又好味，正～整餐飯店員都好有禮貼心，今次因爲同行小B改吃其他食店，想不到就遇到很好的食店了。…Read More

快到我的生日，兩位朋友約埋同我慶祝生日，我們在Openrice揀了這間評價不錯的餐廳。餐廳位於觀塘工廈內，地點不難找，在APM過去很快便到。上到去看到大大的招牌，感覺完全不在工廈內。入到去餐廳都很多位置而且座位都很寬敞。我們被安排坐在一邊一梳一邊是櫈的檯。我被梳化後的麥兜吸引著，所以過咗去坐梳化同麥兜一齊坐。坐低後我們研究過我們三個女生吃得不多，所以點了一個二人餐加上小食兩個。我們點了：凱撒沙律 鮮嫩香草燒雞 – 燒雞的皮很脆也很好吃意大利煙腩香草蕃茄闊條麵黑松露香蒜薯條 – 這個很好吃，讓人停不到手炸墨魚條 – 這個很美味，不過吃到底吃到辣椒，我吃不到辣便放棄了豆腐芝士餅配芝麻醬，秘制糖酥腰果 – 朋友訂了個甜品給我，寫上祝福語。我們選了這個店出名的甜品，果然很好味，另外秘制糖酥腰果都讓人停不到口朱古力Ginger Lemonade由入到餐廳起，職員都很細心也很熱心，美食加上良好的服務實在讓人很想再來。…Read More