Kaka1024's Profile

黃埔好多西餐都係伏野多咁岩見到有間新開 經過咁多次失敗都唔係太想再試不過屋企人話望落環境都ok 咁就試試 估唔到有驚喜 味道對得住價格有餘 老公話連啲配菜都好食終於唔係失望咁走 可以再黎😂希望水準可以keep住落去真心覺得每一樣都好味 唔會話有邊啲特別差 如果真係要講就生蠔🦪唔算特別好出色但都合格環境方面望落乾淨衛生 坐得舒服 服務都好好 好有禮貌食到最後屋企人仲講緊過幾兩日再食下次試埋其他嘢睇吓好唔好食終於有間似樣既餐廳…Read More

個人好鍾情火鍋 基本上一個月都最少2，3次 呢間係朋友去過之後介紹，之後就成為左我同朋友間其中一個聚腳地 佢有2層，樓下就比人數少既坐，上層就大圓枱，但我地比較喜歡下層，因為上層比較焗，下層坐得舒舒好多每次去都一定係叫個孖寶 因該抵食又好味（豬骨湯底+象拔蚌刺身） 個象拔蚌刺身係好好味，介紹d朋友去都話正好正既芝士墨魚丸唔建議大家叫韭菜餃 因為麻麻哋牛頸脊非常正 ，未試過唔好食食到最後埋會有牛奶布丁送，我唔食甜野，但個牛奶布丁我係可以食哂 因為好好味…Read More

九號水產開張第一日就已經去試，抱住非常期待既心情去，翔太壽司 同 蟹筳都試左。首先 蟹筳 ，唔計佢地之前d訪問，我諗我係開張嗰日既第一位客人 ，服務好到不得了，開頭以為第一日正常既，之後再去左2次都係好好服務 3次去我都係Lunch時間第一次去試左佢個北海道海膽蟹肉味噌丼海膽係好鮮甜，蟹肉都好好味連配菜都係好好味第二次去叫左個 行政餐（唔記得個名）呢個就真係失望，味道一般，而且有d甚至係唔好味，唔值呢個價去試，刺身都唔係好普通，唯一稱讚係賣相幾靚，服務好第三次再去諗住比多次機會可惜 已經食唔返第一日既味道 唔係難食，但唔係好味囉~~~~唯一不變嘅係服務依然好九號水產本身位置都唔係好，人又唔算多，仲要開張左無耐，如果食物唔Keep我諗都好難可以生存到好耐…Read More

同事細佬一直推薦 話平 靚 正 ，但對於小店一直擔心會有唔生鮮情況所以一直冇試⋯⋯因為天氣太熱 個人好懶唔想出去 又好想好想食壽司，忽然醒起呢間野Whatsapp叫外賣，本身都係諗住是但叫一次過下口忍，預佢唔好食，點知係我估佢唔到 我係好好好好愛食日本菜，基本上一星期最少食3次，中價到天價既都會食 但好多都係得個貴，同埋我個人真心覺得麻麻地 呢一間天羽 我係食到 嘩左幾聲 ，可能自己本身由無期望變到好大驚喜 ，佢如果一直Keep住呢個新鮮度，我絕對會個個星期幫親佢唔係誇張 呢個質素 比起我食過所謂嘅米之蓮高級日本料理新鮮好多 ，仲要係 平！海膽壽司：入口即溶 完全冇臭味木味 新鮮度我發自內心嘩出黎芥辣八爪魚壽司：呢個就真心好少 食到難食嘅厚切油甘魚壽司 ：係好好好好味！ 一定一定要叫 發自內心嘅第二個嘩珍寶帆立貝壽司：超級鮮甜 又係必叫甜蝦壽司：好新鮮 好新鮮！ 點解會咁燒左口魚壽司：入口就融化左 下次我會叫好多 太美味火炙海膽鵝肝壽司：唔駛我講都睇到塊鵝肝 係好大塊 好好味其他唔係我的分享唔到比大家但人地就食到點哂頭叫左2個手卷，足料好味！個海膽手卷唔係得個面有，係好多，真心正！！最後有樣好重要 就係d飯！ 佢連d飯都係好味！！ 我真係覺得好驚喜希望呢間野一直keep住個水準，我相信只要好食一定會有客回流 …Read More

第一次寫食評 有時覺得openrice d食評好唔可信 中過伏好多次，諗諗下自己好鍾意食就寫下食評分享下。第一次黎海港係朋友係到擺百日宴，其中長腳蟹令我一試就愛上左，自從食完第一次，已經成日叫人一齊去再食，仲為左想食佢 特登係紅磡飛的去馬鞍山食❤️咁當然有好有唔好 如果一直得個讚我都過唔到自己果關令我愛上既長腳蟹朋友問 長腳蟹緊係蒸啦，咁煮點會好味？錯！錯！錯！ 我第一次食之前都係咁諗但第一啖落口 就知錯哂 出面係好惹味 而入面係岩岩好 唔會過熟，肉質鮮甜 係絕對食到蟹既味道 保證一試難忘。我之後去過第二間食 但係完全係2回事，所以要食就去馬鞍山呢一間）蟹膏坦白講覺得唔係難食 但就好普通芝士焗龍蝦伊面好硬好乾 完全唔想食第二啖龍蝦肉一樣 唔會再叫白灼海蝦新鮮蒜蓉粉絲蒸聖子係蒸熟左少少，但整體都可以，當然最好食係個粉絲 仲有一個唔記得影相滷水鵝掌 一定要叫！ 好好味…Read More