MKHKCAT's Profile

25/7/2023 放工去佐敦同老婆買完嘢，咁啱經過呢間餐廳，見門面都唔錯，於是入去試吓，地方都算大，冷氣十足，可能剛7點左右仍然有位選擇，揀咗個卡位。樓面人手充足，好快已經set好位同送上前菜。餐牌都好多款式，様樣都想試，但發現原來亦有套餐，所以就揀套餐算。套餐都唔少選擇，二人餐仲可以揀三款，都算係咁。首先有個齋湯，都幾濃，似去濕料，有冬瓜。跟住就係紅燒竹笙素翅(套餐包埋），味道比較淡。楝咗沙拉鳳梨排骨，酸酸甜甜，都幾好味，好開胃。跟住係干煸雞柳玉豆，香噴噴，唔會太喊，夠味！黑松露菜粒炒飯，都OK, 不過黑松露味就好輕。註：已問侍應確認，以上三款為套餐份量，如散叫份量多啲。原來仲有糖水、甜品送渣咋糖水黑糖紅豆糕 總結：不過不失，味道適中，套餐份量唔多，剛剛飽，都叫食得過。…Read More

-自從百寶搬咗嚟呢個地址都未曾再幫襯，以前就成日都去食。-7月21日晚上，同老婆行完深水埗，打算行去太子搵食，途經百寶，由於好幾年前都食開，印象都唔錯，決定再入去試吓。-入到去坐低，就覺得環境空氣有少少「UP」味，由於外面天氣都幾熱，冷氣都算夠涼，所以都唔理照叫嘢食。-當時客人唔多，大約坐咗7成人左右，但侍應們都唔太主動，於是我企起身向一個侍應叔叔 (之後先知，原來係經理) 招手示意落單，佢點個頭，見佢行緊過嚟，所以我就坐返低，但成兩分鐘都仲未行到，跟住睇吓佢係邊啦，點知見到佢行咗入去，真係奇怪，咁嘅情況咪叫咗個阿姐落單，首先叫咗個豉汁生根炒河，跟住再叫個荷葉飯啦，點知個阿姐話：「你做咩唔叫吓餸呀？叫晒啲飽肚嘅嘢！」佢好似唔想我叫荷葉飯咁，我就問返佢：「我想食咩都唔可以叫咩？」於是佢照落單，這是奇怪之二。-上菜速度都算快，豉汁生根炒河味道正常，仲有少少鑊氣味，不過就細碟咗啲，$78。-奇怪之三終於出現，荷葉飯到，打開發現，真係荷葉+白飯，撩吓入面，最多都係有啲素肉粒，汁都冇，冬菇都冇粒，咁樣就$85，係其他素食館都有食過，唔會係咁。（可能已經換咗廚師或者易手）-你哋自己睇，唉，好失望！…Read More

都好耐冇幫襯，今日突然諗起就特登去買外賣，環境同以前差唔多，當時未夠夜晚7點都已經坐咗8成客人，生意不錯。於是把握時間叫幾樣野：芫茜豆腐牛肉羮、福建炒飯、鴛鴦炒飯、酥琵琶豆腐。原本佢哋話因為現時比較多單，所以要等15分鐘至30分鐘，結果只係等咗差唔多二十分鐘左右，感覺都唔算好耐，而且見到每盒都大大盒，份量絕對係抵食。1.芫茜豆腐牛肉羮：好香芫茜味，味道適中，值得一試2.福建炒飯、炒飯：份量十足，抵食，越食越開胃3.酥琵琶豆腐：外賣都keep到香脆，好味…Read More

今日第一嚟午餐，叫咗個沙嗲肉片炒河，食第二啖，有啲嘢食唔到，原來係曱甴腳，即刻吐都吐唔切，係曱甴腳曱甴腳曱甴腳曱甴腳曱甴腳曱甴腳曱甴腳曱甴腳曱甴腳曱甴腳曱甴腳曱甴腳今日第一嚟午餐，叫咗個沙嗲肉片炒河，食第二啖，有啲嘢食唔到，原來係曱甴腳，即刻吐都吐唔切，係曱甴腳曱甴腳曱甴腳曱甴腳曱甴腳曱甴腳曱甴腳今日第一嚟午餐，叫咗個沙嗲肉片炒河，食第二啖，有啲嘢食唔到，原來係曱甴腳，即刻吐都吐唔切，係曱甴腳曱甴腳曱甴腳曱甴腳曱甴腳曱甴腳曱甴腳…Read More

平時見都好多人食, 今晚約8:30就去試吓, 入去即時有位, 老婆叫咗一碗三餸河粉, 我就三餸油麵 (因為店舖指定最少三餸), 都好快送到, 首先湯底都唔錯, 不過都幾有味精feel, 啲餸就普普通通, 無咩特別, 但啲麵底好唔掂, 油麵唔似平時食開嘅油麵, 好乾身, 無油麵味, 到河粉啦, 河粉可以完全沾唔到湯嘅味道, 食落好重麵粉味, 又係唔似平時食開嘅河粉, 仲好易夾爛, 結果直頭食唔落去, 只係快快食埋啲餸, 即走, 真係車仔麵另類新體驗啊!!!!…Read More