814enad的個人專頁

之前幫襯過幾次，平時Lunch 都係附近經常食野。之前分別試過肉骨茶，海南雞，同埋咖喱牛腩，樣樣嘢都唔錯，今次點左茶薰鴨，估唔到係平時十幾蚊就有的即食煙鴨胸，見到真係大失所望，以嚟個價錢食一塊十幾蚊就有嘅鴨胸真係搞唔掂。另外，希望員工醒目晦返少少。學下自己鋪嘅經理，見Lunch時間排晒隊我諗住拎走杯野俾返過位比佢地做多單，伙計同我講要收外賣餐具錢。唔係$1比唔起，而係提供餐具係餐廳責任，我坐耐啲定係拎隻杯走好啲？正常人都諗到，變相叫我坐耐啲，識唔識計數架？…查看更多

門口小賣部有很多玩具和零食發售，重有扭蛋機，用餐就送代幣，中獎機會還不少。重有得租用韓國傳統服飾同借用生日Banner，認真多花款。嘆嘆套餐嘆嘆的價錢抵食，二人大約$200就可以吃飽。嘆嘆套餐$118 海南切雞養生蟲草花雞白湯麵+ 鹽酥雞分便有主食，配菜及飲品或甜品，相當抵食！份量不少，2人加點小食的話也夠飽了。海南切雞都算嫩滑，鹽酥雞炸得幾香脆。飲品方面推薦點沒珍珠的款式，不然真的會太飽了。🍨水火鐡鍋焦糖布朗尼配雪糕（配抹茶焦糖奶蓋）$68呢個甜品係有驚喜的，Staff上菜時會即時將冰凍的Brownie加上搽茶奶蓋再加熱到外熱內冷。口感相當特別，味道不差，值得一試！Affogato $38新品特飲無跟餐優惠，熊仔造型幾可愛，岩晒打卡。由於跟餐揀左甜品，另外點了這杯Affogato，雲尼拿雪糕加Espresso 這款簡單的飲品，味道絕對不差，而嘆嘆的售價真的很可以。夜市小食拼盤 $58小食拼盤份量也不少，抵食！九層塔蠔仔炒蛋$58這個炒蛋份量超級多，每啖也有蠔仔，相當滿意！…查看更多

The Optimist 已經係非常有名氣的西班牙菜餐廳~ 餐廳外裝修好有格調，落地玻璃+大氣的深綠色，配上大大的盆栽，有置身於西班牙街頭的感覺。🥢🍽️ 🍸 Pamplona ($68)Tequila + Ginger Beer + Lime Juice + Grapefruit未飲就先來視覺上的享受，淺橙色底，加上大大塊西柚，少少似日落; 飲落去就會酸甜酸甜，Ginger則是用來調味，味道不算很出。🍸 Expresso Martini ($88)Vodka + Coffee Liqueur + Frangelico + Coffee用左深焙度的咖啡豆，加上Vodka, 就呈現苦、甜、酸三個向度的口味；口感依舊堅實滑順🥖🧀 然後就有好typical的前菜盤 ($190) 同埋麵包，包括了Manchego芝士, 36個月手切火腿片，里肌肉臘腸， 西班牙肉腸. 西班牙辣香腸，每款油脂分佈均匀，唔會死鹹。🥩 生牛肉他他 ($140)用了和牛，口感比較彈牙； 而配料就用了比較創新的方法，用左牛骨髓同黑松露，本來以爲會好油，好漏，好彩牛骨髓係屬於比較清淡，唔係只得肥膏；除了本來已經加入黑松露，仲會係撒上新鮮的松露碎，成道菜超出預期。🐟️ Baked Dover Sole ($350)龍利柳一向都係公認好食的，唔會太多碎骨，十分友好。出色點就係配上左柑橘香芹醬，酸酸地帶出魚的鮮味。🍖 Iberico Pork Pluma ($260)Pluma即係豬的肩胛喂，肉味濃厚，口感厚實。🍡 黑毛豬串燒 ($140)肉肥比例十分完美，平時好怕食到好dry的串燒，太肥又會好有罪惡感...哩串串燒比例大約係3:7, 平時最容易入口的比例，十分Juicy。…查看更多

係北角附近返工的人都知道北角一帶有好多燒味鋪同滷水鵝店。一品無論係價錢同味道都相當不錯，經常有優惠。大約50元就可以食到份量很足的鵝飯，而且老板都好有禮貌，值得支持！環境：店鋪主要以外賣為主，無記錯的話大約有兩個坐位堂食。價錢：$28就有雞飯，$45有4寶飯，應該係同區最抵！除左滷水鵝之外，重有好多唔同的選擇，例如沙薑雞，豬腸，鵝腸，鵝肝，大墨魚等，全部滷水料都滷得好入味而且質量穩定。推薦雙拼鵝飯。鵝腸要加$8，味道真係幾唔錯！值得一試…查看更多

以為外國人唔食牛內臟，原來牛肚包就係意大利人民間傳統食物，外表比一般漢堡包大同足料嘅牛肚包，一試驚為天人，老闆表示包同牛肚麵係每日新鮮製造。難怪包外層鬆脆，內部軟綿綿，配料鮮嫩多汁，牛肚比牛扒更有肉味，一試難忘，水準遠超平日隨處可見的漢堡招牌牛肚包$49一個，份量爆多！中環一個無肉嘅包都貴過佢，以這個價錢同份量，Florence Tippa 性價比滿分。老闆幾Friendly同風趣，下次再試其他菜色。餐廳就係大館同孫中山紀念館附近。…查看更多

伊間珈琲最出色的不是咖啡而是甜點。推薦開心果Terrine，濃濃的芝士，看上去份量少少，一個人吃其實會很飽！兩個人吃的這剛剛好不太膩，雖然不在餐牌上，來這裡的人都知道這個隱藏甜品。店員說因為凍糕只能堂食不能外賣，所以直接不寫在餐牌上。咖啡不差但不算太特別，有點Overpriced。店鋪不大而且客人不多，很適合一或兩個人慢慢享受食物和聊天。圖一 Dirty Coffe $47, 開心果Terrine $65圖二 甜點圖三 餐牌圖四 環境 圖五 位置：馬頭圍道63號地庫15號舖…查看更多

好好運執左之後，以為好難再搵到有質素的沙爹牛肉麵。無意中發現中環新開的Hei，裝修睇落似西餐廳，Menu裡面估唔到係港式的， 店裡面有大大個Banner「用心做好沙爹牛」，因為呢句試下佢係咪真係掂。呢度嘅沙爹牛肉可以配飯/炒飯底，$88食沙爹牛嚟講係貴嘅。但係Hei 嘅沙爹牛真係唔錯，用料足，算對得住價錢吧！竟然無食評！我嚟寫第一條吧！店鋪細小但服務是一百分，我地去嗰晚成條街無野食，收鋪之前先入去都無趕客。係香港真係少有。…查看更多

我好少寫食評，所以無圖。今日係旺角很左好耐無意中發現金飯館意外地高人氣。二話不說就入去坐底食。上菜速度正常，唔算慢。環境：裝修幾唔錯，旺角嚟講算地方闊落味道：一間餐廳最重要嘅味道，金飯館的確沒有令我失望。黑松露墨魚肉餅真係色香味俱全。另外點左個沙嗲牛肉雙蛋炒飯，賣相更吸引。但係味道都係肉飯好。每枱都有支小茅台同醬汁，店員表示真的可以在下幾滴茅台到餸菜上。而枱面的茅台當然只是個空樽，但是還能聞到濃濃的醬香味最後就係服務，可以話係金飯館最大的敗筆。旺角人多，要搭枱要等大家都可以理解。但係坐底點左餐之後，店員為左提高返桌率，要求食客多次移動就太過份了。唔介意同其他人搭枱，並不等於唔介意食食下野要轉去另一張枱去方便未入座的客人。埋單之後員工再次想理論，我真係唔知重有咩好理論，全世界咁多間餐廳，就係金飯館先會叫個客食食下野放底碗筷，搬個客去另一張枱。希望餐廳老闆睇到呢個Comment，唔好再為難客人啦。從來入左坐叫左野都無客人會想再郁，咁樣同趕客無分別…查看更多