greenvege's Profile

喺IG見到Reels介紹呢間餐廳，俾IG影果個海膽意粉吸引到，所以就book咗佢同朋友一齊食！估佢唔到，個舖喺旺角，其實唔會太有expectation，最後啲嘢真係好好食，當日仲有live band,好有氣氛，最重要係，啲服務真係好好，我哋幾個朋友都係想搵間餐廳坐低食吓嘢傾吓偈，佢每一個侍應買來無論上菜、定係斟水，都會揀啱時候，盡量唔阻礙我哋，呢樣真係好加分！當日我哋係嗌咗Tasting Menu, 有晒前菜、湯、主菜、甜品同埋嘢飲，當日做緊888兩位，仲有OpenRice八折，性價比非常之高。根據侍應所講，佢哋有藍帶廚師同米芝蓮一星嘅廚師，食得出所有嘢都好好食，同埋好俾心機去煮，每上一道菜都同我哋介紹返嗰度係咩菜，等我哋知我哋食緊啲咩。會推介朋友去食。餐廳環境方便，啲枱唔會放得太密，坐得都舒適嘅。不過因為佢係open kitchen，所以間唔中都會有油煙味，呢樣係我唯一唔鍾意嘅地方。我哋當日仲有朋友生日， book枱嗰時都冇特別講，但係當我哋上甜品嘅時候有同佢講過一聲，侍應好好請壽星女咁坐杯酒。當日嘅侍應係好好客，如果你想同佢講嘢佢會好welcome咁同你傾，但係如果佢覺得阻住你佢自己會行開。…Read More

誤打誤撞搵到間好食嘅湘菜餐廳，位置唔大，但坐得好舒服，只係當晚有一枱客人好盡興，有啲嘈，但整體好適合再去。食物方便，每碟上菜溫度都好好，該熱的熱，該冷的冷。味道亦好好，唔會太濃、太淡，樣樣剛好，又好好食，值得推薦！唯獨服務我覺得可以改善，舖頭唔大嘅，嗰壺茶好好飲，但茶壺好細，要搵人沖水有難度，次次都要叫好耐先有人過嚟加水由於啲茶太好飲，所以特登問咗店主，原來係蕎麥茶，好香可以解辣，推介大家飲多啲！…Read More

一間環境好好嘅小店，走raw 工業風，室內有冷氣，室外而家涼涼地又好舒服，好舒適，啲位又濶落。位於遠離左少少繁忙嘅佐敦，非常適合週末抖下，舒服下嘅餐廳。星期日都有lunch set, 價錢相宜，味道亦對得住價錢。雖然星期日，但都有6-7樣嘢揀，每set 包前菜、湯、主菜、咖啡或茶。$68-$98一個set，加埋個環境，簡直無敵啦。呢餐晏食左好耐，同朋友天南地北。最重要係侍應存唔會騷擾你，你可以慢慢傾。飲啤酒嘅人仲可腑幫襯買2送1， 勁抵。…Read More

朋友生日，隨便book 間餐廳，有意外驚喜。餐廳啲枱好闊落，一啲都唔迫。環境好傳統扒房，靜靜地，餐廳有happy hour，不過要去室外，我哋幾個唔係特別飲酒就冇行出去，所以喺室內，靜靜地可以幾個人傾吓偈、食吓飯，呢個環境真係好唔錯。食物方面，叫咗個封門枊，出奇地好食，好soft、好有牛味，絕對對得起呢個價錢。carbonara， 好傳統嘅味道，鹹鹹香香，好好食。豬扒好Juicy，我哋仲嗌咗蕃薯條，非常好食絕對推介朋友生日，但係book枱嘅時候唔記得出聲，嗌甜品嘅時候佢哋都仲肯幫我哋寫Happy birthday，仲送咗張即影即有雖然成晚嘅服務唔算話好好，但係不過不失啦，環境可以補貼呢樣…Read More

呢個放題，個人認為可以再encore. 平時放題，唔食到300幾，啲質素就麻麻哋。呢個放題得兩個價錢，普通同升級。升級就多左任飲啤酒、即開生蠔同任食海胆帶子，我今次食左普通嘅竹，人均$285。有8款前菜可以自己出counter 拎。 刺身都新鮮嘅，對得住呢個價錢，盤盤上都有擺盤。蝦刺身勁大隻，岩晒鍾意食蝦嘅人。我自己就鍾意佢嘅赤貝，新鮮、爽口壽司件件好迷你，可以食多好多款，又唔會浪費。熟食款款上枱都熱辣辣，係新鮮整出黎，唔係翻叮，呢樣有誠意！推介咸蛋黃炒薯條，上枱好熱，食落辣口，蛋黃十足，不過顧住食，唔記得影相。飲品選擇就同平時外面放題、任食邊爐一樣，我鍾意佢有幾款唔甜嘅茶我揀。我地冇食升級就冇啤酒任飲，不過都可以單點。其他飲品不過不失，一定揀到啲嘢飲，不過冇驚艷嘅感覺。佢地服務好好，成日巡下有冇空碟垃圾要收，但又唔係好趕嘅feel想趕你走咁，盡量唔打擾客人成晚坐左一半人度，所以都靜靜地，埋左單，由我地繼續坐，完全冇趕過我地，臨走仲送左包花生俾我哋拎走…Read More

黎左飲第幾次茶，啲點心係ok嘅，星期六黎講，唔算特別貴，可以接受。環境都幾好，張枱夠大，可以放好多點心。服務嘅嘢，香港地唔好要求咁多。不過，佢上菜嘅速度就真係嚇死人… 每次飲餐茶都要兩個鐘，第一個點心你預大約坐低40-45 分鐘就會見到，我通常一坐低就落單。如果點炸物，麻煩一個鐘起跳。漏單嘅嘢，當然唔會認啦，連部長都只會答你，炸嘢係耐啲…. 最終我碟煎堆等左個半鐘有時間黎hea下係幾好嘅，冇時間可能搵第二間好啲…. …Read More

第一次食，都係最後一次。$98 吉列豬定食，都唔預佢有驚喜，但真係有啲差。定食包吉列豬一件伴沙律，白飯，芝麻醬沙律，鹹菜，麵豉湯，茶碗蒸同果茶。芝麻醬沙律、鹹菜、麵豉湯正常，無特別。茶碗蒸好細個，有雞肉、蟹柳、一片冬菇同幾條豆苗，偏水，味道偏淡。吉列豬扒好細件，脆口，不過好油，張吸油紙成張係油，入口好油膩嘅感覺。豬扒汁正常。伴碟沙律真係伴碟用，應該唔預你食，無沙律汁，仲黃左添。白飯都係數一數二唔好食，無米香，有噏味，仲有飯焦勁黐牙，跟餐已經好細碗，但都冇辦法完成。仲叫左三文魚脆脆飯捲$98，得4件，飯包住啲熟左嘅三文魚碎，上面有啲鹹鹹地嘅汁同天婦羅碎，啲天婦羅碎好油，整體入得口，但唔係想再食嘅感覺。呢個價錢CP值勁低…. …Read More

難得約左朋友食飯，想搵個 chill 啲嘅地方，見呢度個景幾靚，所以先book。夜晚8點booking, 一到已經安排入座，坐室外，環境唔錯，錯在喺正 speaker 前面，唔好話同朋友傾偈，連同侍應落單都聽唔到。問左一個侍應可唔可以細聲少少，直接話DJ打歌冇得細聲啲。見隔離枱再問一次，得到一樣答案，咁算數，當自己唔好彩，安排唔到比較好嘅位置。叫嘢食先真正俾我見識到咩叫服務… 一坐低8點鐘，即刻叫左個薯條，等左4個字都未到，諗住追，啲侍應全程唔望住客，全部頭昂昂，叫極都冇人理，叫到人，淨係話幫你追，最終要搵個經理追，總共50分鐘，個薯條終於現身….. 等左咁耐，勁肚餓。叫咗個沙律，但係勁細個，一罐吞拿魚應該可以做到10幾個沙律嘅份量… 勁呃錢….全程係咁叫侍應，冇人加水亦冇人理你，全部都淨係圍住個DJ counter，唔知做乜嘢…. 最終朋友忍唔住要帶個口罩行去DJ counter話俾佢聽我哋要點餸，先有人理…..叫咗個甜品，已經等咗成晚野，甜品未見到，叫我哋買單先…. 完全唔合理，堅持見到甜品先會埋單，一講完個甜品就出現啦…..仲同時間拎埋張單要我哋即刻俾錢，多謝都冇聲….. 餐飯三個人食咗千$4 ，食物so so, 完全唔值呢個價錢，服務不知所謂，好似冇糧出咁… 早知去食茶餐廳冇咁嬲……Read More

自從亞蘇介紹過泉昌既臭豆腐同咖哩魷魚後, 一直都想試下, 今日行過就同同事一齊分享左兩件臭豆腐同兩串咖哩魷魚, 不過好失望.....臭豆腐不但只一D都唔臭, 仲同一般既炸豆腐一D分別都冇, 本來仲驚會臭親其他同事添.... 雖然係睇住老闆即炸既, 但係都唔熱既.... 個爐都唔知係咪呃人架....咖哩魷魚就更加失望, 係凍既, 唔知係咪特色黎架呢??? 又唔係好辣, 又唔係好有魷魚味, 係好有咖哩味既, 不過一D都唔值$7, 一串得五件, 以後一定冇幫襯!!!個老闆既熊度呢... 真係串到爆!!!! 完全唔驚冇生意既樣!!! 我相信我以後都唔會再光顧架啦..... …Read More