WONT's Profile

平日下午三點去食，諗住少人啲唔洗等位，店鋪唔多客，但店員又整左好多壽司上迴轉軌，啲壽司一直在軌道上輪迴，室溫一定好易滋生細菌。食完果晚番去痾左5次，真係冇下次……Read More

一路都有間中去食下旺記早餐，住呢區。今日同個朋友去食早餐，兩位，見入面有張吉枱，問下唔可以坐，男店員大聲喝：呢張枱我地做緊野！明明只係執緊啲餐具，你可以好聲好氣講，我都唔明點解下下要躁底啲客。之後落單唔行埋黎，淨係企響部機，要客大聲講食啲咩。大佬呀我唔係食酒店要好靜，不過都係兩步路姐，你行埋少少，我唔想好似同人鬧交咁大聲叫野食。你地唔想做，咪出張QR code俾人自己落單囉！埋單果時去到櫃枱，黑口黑面好似欠佢錢咁，幾錢又唔講，要人估？？PS 唔係好忙的早餐時段，真係唔洗咁躁底。…Read More