traceyli's Profile

黃竹坑冇咩好野食，估唔到有間新式又健康嘅餐廳黑蒜清湯牛肋條一打開好靚，蕃茄蘿蔔、菜心、再配合紅米飯，紅米飯上仲灑左少少黑白芝麻同紫菜，顏色配搭令人10分開胃，牛肋條嘅份量佔咗大半盒，好夠食，牛肋條好好味，唔會老，灑上蔥花，造成鮮明對比。成盒飯好健康，女士食多啲都唔怕。青咖哩雞 配菜同上，咖哩雞仲配左頭角同粟米心，成個飯係淺色系，好吸引，雞肉好滑，咖哩好香又唔會太辣，愈食愈想食，好適合係黃竹坑番工嘅朋友。大大粒咖哩魚蛋好辣好入味，超級彈牙有咬口，食完一粒仲想再食外賣…Read More

香辣烤多寶魚服務去到好多人食，但係甘多人啲侍應服務非常好，招呼周到，會黎介紹今日送嘅三款素菜，烤魚到之後五分鐘會黎幫你打開蓋，當佢見到啲野食晒會黎收起啲碟，仲會將啲食物擺近啲，真係讚。烤魚叫左招牌香辣多寶魚，好大一條，肉質又白又滑，仲好惹味添，食完一面番另一面嘅時候仲入味，見到顏色都滲透左入去，辣得黎又香，香得黎又好味，簡單啲黎講色香味俱全。今日送雲耳、萵筍、冬菇，超正。見到每枱都叫寬粉，緊係要嗌黎試下啦，佢好似薯粉，闊啲，好有咬口，煮耐少少已經好入味，佢嘅魚腐好大粒，好好味。娃娃菜好新鮮好乾淨。桂花蜜糖加奶蓋佢好吸引嘅係所有飲品都可以加奶蓋，佢嘅奶蓋夠濃，成杯搞混好清甜，食完辣烤魚飲番杯簡直好爽。…Read More

地鐵站出口行5分鐘，地理位置好方便前菜有花生粒，等上菜嘅時候唔會覺得餓服務好好餐牌上食物應有盡有，有海鮮，小菜，套餐，飲品等等，我哋點左以下幾款小菜做晚餐金銀蛋上湯浸時菜，材料極之新鮮，時菜係菠菜，份量好多，味道好清新，健康之選。蒜子火腩大鱔煲，好淋好入味，鱔魚食得出係好新鮮，醬料配合得剛剛好，賣相亦都10分吸引。黃金脆皮南瓜，鹹蛋味濃郁，外脆內軟，食到停唔到口，一定要試。燒腩仔，一碟有兩條， 好肥美，外皮十分之脆口。糖水仲有紅豆沙，甜度啱啱好。…Read More

玉子燒玉子燒入口即溶，同出邊食嘅口感好唔同， 10分會有11分。炙燒三文魚壽司壽司有驚喜，估唔到有入口即溶嘅感覺，三文魚大大塊，同去日本食味道一樣吞拿魚腩蓉用手卷魚腩蓉嘅份量好多，只可以講好好食明太子烏冬明太子份量好多，中間加咗啲泡菜調味，配合得啱啱好，出神入化燒番薯翠玉瓜茄子燒麥燒嘅程度剛剛好，唔會過火，材料新鮮，食多啲都唔怕清酒煮蜆清酒煮蜆酒味濃郁， 蜆起碼有25隻，蜆肉大大粒，亦都好新鮮，物超所值甲蘿燒甲羅燒係必食，蟹膏味道一流，估唔到佢有三件多士，將蟹膏放上多士面，一啖入口，回味無窮…Read More

門面有好多明星嘅簽名同合照，已經覺得店舖嘅質素唔會太差，店員嘅服務10分好，有主動同我哋傾偈，問吓食物啱唔啱口味。避風塘辣蟹辣蟹有一個好靚嘅兜裝住，蟹有成塊臉咁大，一打開蟹殼，啖啖肉， 10分新鮮，兩個人食啱啱好，唔會覺得唔夠，蟹殼有香香嘅立美，好惹火。食神炒飯炒飯嘅外觀切到一條魚咁，眼同口係用蟹籽造成，撈埋一齊啲飯好好味，唔會太鹹。蜜桃咕嚕肉咕嚕肉唔會係細細粒，炸粉唔會太厚，配埋蜜桃很清新，貨真價實薑蔥生蠔煲本人好鍾意食蔥，蔥嘅份量好多，物超所值，生蠔有六粒，啱啱好，蠔肉亦都好大，好新鮮。…Read More

再一次嚟食呢間餐廳，餐牌多咗好多新野，餐廳嘅設計亦都有所更改扎肉湯檬粉同之前一樣咁大碗，有好多沖，有正宗越南嘅味道，扎肉都有好幾塊，好好味特色鵝肝法包第一次食鵝肝髮包，嗰包嚟到好大件，材料十足，入面有扎肉、鵝肝、菜、粉絲等等，淡淡入口好滿足鹹蛋黃薯條鹹蛋黃薯條鹹蛋醬好充足，一啲都唔孤寒，小息來講份量唔差，值得推薦。軟殼蟹咪紙卷軟殼蟹嘅質素同以前一樣好，咪紙卷皮薄，配埋沙律醬，一啖入口， 10分回味。串燒秋葵取消秋葵燒嘅程度啱啱好，仲有一碗炸醬，配搭一流…Read More

蒜香牛油法包坐低冇幾耐店員遞上蒜香牛油髮包，係前菜，服務好好脆炸法國摘蘑菇份量好多，揸得香脆可口，配有芥茉醬同另一種醬點，配合埋好好味水牛城雞翼五件叫咗鹹蛋黃味，做法好新鮮，啲雞翼好大隻，啖啖肉，值得推薦香烤美國牛肉眼扒揀咗六成熟，牛扒有塊面咁大，賣相好靚，配埋一啲紫薯蓉蕃茄同集菜沙律，紫薯蓉有驚喜，顏色配搭得好好法式焦糖燉蛋甜品精心擺位，色水好靜，仲配有一件紅莓拿破崙西餅，鬆脆可口環境餐廳設計特別，用足球做主題，長身話有好多唔同國家嘅球衣，設計好特別…Read More

今日放工，同朋友喺大坑附近食呢間正宗印度餐廳及酒吧，唔算太難搵，喺天后地鐵站出中央圖書館附近，餐廳嘅環境舒適，係沙發凳，店員幫手量體溫，:)比酒精搓手液，就會想一個薄餅，配埋四種唔同顏色嘅醬，賣相好吸引，叫咗三樣餸，首先叫左一個炸蔬菜，炸蔬菜唔會太油膩，好健康。另外仲叫咗butter chicken 再點左個薄荷薄餅，雞好滑身，將啲醬配埋薄餅好好味，好有印度風味，鐘意印度或者未試過印度餐廳嘅朋友仔可以去試下。…Read More

同人一齊分享的晚餐是開心的，望住呢套餐具都開心，同四周的環境幾配合，飲一淡玄米茶就開始品嚐美食啦餐前小碟係秋葵，配上醬油汁、花生碎粒，香口得嚟又fresh最期待嘅刺身嚟啦，有拖羅、立魚、劍魚、帶子，刺身都算厚身，味道新鮮，放落口係一種享受。叫咗一杯有柚子味嘅酒，酒入口不會太濃烈燒東風螺：食螺好怕會有腥味或者淡味，但呢個螺令人意外，首先佢用醬汁腌得幾入味，入口有香味，一啲都唔腥，都好易剝出來食。串燒食咗腩肉、甜蕃薯、雞腎、雞尾腩肉就一般，太瘦，有點肥肉會好啲，甜蕃薯好飽滿，甜度合適，雞腎爽口，味道唔錯，雞尾似以前食過的豬油渣，不過一啲都唔油膩燒池魚：池魚唔會腥，配上檸檬汁令到魚嘅味道幾出，魚皮是脆的呢個櫻花蝦飯團好紮實，材料好足，好多櫻花蝦乾，有啲白芝麻、紫菜碎，都幾香食完咁多嘢，最後當然係叫個甜品嚟作結啦，呢個水信圓餅係唔錯的選擇，晶瑩透亮，配上黑糖漿，口感清新！滿意這晚的餐廳，如果下次不會安排門口位俾我哋就好，因為一開門就好大風了，哈哈…Read More

看似簡簡單單一杯茶其實並不簡單，原來係芒果鐵觀音，很香，喝下帶微甜，不錯老火燉湯，冇味精，飲完唔會口渴，非常清甜又足料戲肉來了！蒸海鮮扇貝大大隻夠厚肉，新鮮又爽甜加多塊番薯片，甜上加甜非常細心，有計時器計時，海鮮蒸得啱啱好，唔會蒸過老，又有專人服侍，抵讚！蟶子皇夠大隻又實肉，同埸加映金菇菜，一樣又爽又甜貝類大雜燴，有刀貝丶沙白同番薯蜆。全部厚肉清甜勁新鮮！重點係完全冇沙，冇失望，正！清蒸龍躉片，夠厚身唔腥，魚皮腍口有彈性最後仲有清蒸開邊蝦，唔使多講，一樣夠哂爽甜淨係食海鮮驚唔夠飽？放心！呢間餐廳非常貼心，最後重有個八寶蒸飯比你嘆！足足有24款材料比你揀，可以揀其中八款。一路喺你面前睇住佢蒸熟，啲味道直頭令到你流晒口水～總結，呢間餐廳主打蒸氣海鮮鍋，絕對合格有餘，價錢又親民！環境舒適私隱度高，唔想太嘈靜靜地同三五知己食飯既，絕對係個好選擇。另外個八寶蒸飯有驚喜，材料多樣樣有特色，食完啱啱好夠哂飽肚，想食蒸海鮮既朋友仔，一定要黎！…Read More

前菜有6碟，泡菜、蘿蔔、蘿蔔絲、芽菜、南瓜，呢間嘅泡菜真係好好食，令我叫店員再加一碟韓國壽司:)壽司嘅餡料好足，有蛋、青瓜、蘿蔔，食落去口感一流，好有滿足感拉絲芝士紫菜蛋捲蛋捲嘅份量一啲都唔細，面頭有芥末醬同茄醬，蛋好厚，配合埋芝士，好好味韓式拉絲芝士雞雞一啲都唔老，將啲芝士捲埋啲雞一齊食，味道好夾。蜜糖味炸雞炸雞皮唔會太厚，雞唔會太瘦，而且有唔同部位，下次可以試埋其他味道服務唔可以唔讚係店員服務好好…Read More

串燒Omakase 係香港第一次食，你可以根據自己個Budget叫廚師安排，樓上仲有榻榻米，好有日本風格，如果人多仲可以包場。餐廳嘅服務好好，每上一碟菜都會介紹下特色。廚師係即整，食完一碟先上第二碟，唔會趕急。前菜凍豆腐，之後係刺身，到兩呢度啲食物全部都好新鮮，最鐘意係炸物，吉列廣島蠔同吉列帶子，皮脆得黎又唔厚炸粉。廣島蠔味道濃郁，點埋旁邊師傅自家製嘅醬汁一流，帶子冇炸得過熟，唔使點醬已經夠味，啱啱好😋仲有就係串燒，呢度全部都係炭爐即燒，秋葵加左魷魚絲係面好創新，一口茄子好似入口即溶咁，燒五花腩肉好肥美，燒鯛魚配埋個醬汁好夾。:)…Read More

和朋友2人點了3個配菜和一個主菜。先來了第一個配菜温泉蛋大啡菇，切開啡菇，內裏的蛋黃馬上流出來。温泉蛋夾在裡面配合面頭鋪上的芝士一起吃，是非常完美的配搭。之後再來了蕃薯條和香草芝士車厘茄，蕃薯條炸到金黃配上黑松露蛋黃醬，十分美味，極力推薦！香草芝士車厘茄中的芝士焗得恰到好處，喜歡芝士的推薦點這一個。不到一會主菜就來了，點了西冷牛扒（中）。足夠2人吃，牛扒是廚師決定幾成熟。牛排表面全熟，內裡是粉紅色，起初一看會怕太老。但一吃下去就感覺剛剛好，不會有太生和有血腥的味道，也不會有因太熟而變得韌。這裡要稱讚一下廚師煎牛扒的功架。…Read More

店舖設計特別，有香港特色，廚師用心製作，等得值。店員服務亦都唔錯。門西牛魔王vs蝦兵蟹將份糧十足，飽到反艇，西冷牛扒好大塊，龍蝦有手掌咁大隻，好鮮甜多汁，有驚喜，廚師一早幫手開左隻蟹鉗，唔洗擔心開唔到或者整污糟隻手，:)芝麻雞翼好有味，有肉食，唔係瘦雞，薯條炸得岩岩好，條條都好長，仲有隻炸軟殼蟹，唔會好厚炸粉，入面仲要有蟹膏。厚玉子燒比岀面嘅玉子燒厚，配埋啲汁，一流，要試。白酒 Happy hour 買一送一 好抵…Read More

三餸車仔麵。55蚊好扺食，點了肥牛，雞肉腸同埋時菜配米粉。肥牛唔會太韌，食落感覺唔係果隻好cheap果啲急凍肥牛。雞肉腸好味，唔係好鹹果啲。朋友點了牛腩，滷水雞翼和肥牛，餸同麵嘅份糧都好多，真係大件夾抵食，:)係尖沙咀地鋪黎講唔貴，牛腩好淋，湯加左腩汁，好好味，滷水雞翼都好入味。另外，叫左小食炸燒買，呢個推薦一定要食！表皮炸到金黃，外層有灑少少淮鹽調味。encore左2碟最後一定要推薦龍眼冰，真材實料，唔係得幾粒龍眼肉，最少有10粒，超過預期。…Read More