Antonialau's Profile

想起食壽司就會幫襯此店，疫情期間唔想坐得太迫夾又想坐得舒服啲會專登揀返呢間就算搭的士都會去。🤪⋯⋯除咗朋友今次帶咗屋企人去，平時我唔會點某幾種壽司冇試過，但今次有驚喜因為我屋企人點左個好好食嘅特色壽司，真係好好食睇得出件件壽司都整得好靚同上菜好快，我一點完好快就到因為我地食量驚人好快食完成枱都係餐碟，見到有位黑色衫哥哥仔侍應，幫我哋上菜嗰陣時好快收我哋食剩嘅餐碟，咁我問佢呢碟野好好食係啲咩嘢喺裏面跟住佢好有禮貌咁答我仲多口問我一句如果好食叫廚房師傅整多一碟出嚟跟住又山長水遠入去廚房（有啲唔好意思為咗一碟壽司）再拎個碟出嚟俾我哋，，我哋覺得呢個價錢有咁嘅環境咁嘅質素仲有咁好嘅服務已經係超值好過食出邊嗰間元X板X多多聲，我以後決定搭的士都要去，好抵食二百幾蚊可以食到好多嘢，尤其是我哋嗰啲餓咗幾年咁樣😂😂其實以前唔知有呢間野之前，喺出面壽司店同埋新嗰間壽司X食得嗰十幾碟但價錢已經唔止二百幾，好似食咗陣風咁，仲有新嗰間真係好嘈嘈到我同我朋友聽唔到自己講乜，又要等位又要貴。呢一間我決定係我嘅新飯堂啊⋯⋯唔多講睇相啦⋯⋯…Read More

難得相約朋友到黃大仙，搜尋OpenRice search餐廳因為朋友鍾意食中式嘅所以就揀咗呢一間見到食評有二百幾個like咁抱住一個搵到好嘢食嘅地方嘅心態去，由地鐵站行上去大概10分鐘左右到步，一身汗水一到步入到餐廳即時點餐，招牌嘅擔擔面第一啖落口好乾啲面好冇咬口，就好似橡筋咁但係係咬得斷嘅橡筋囉咁呢碗面係分量十足嘅但係因為啲面多啲湯少，食嘅時候最好將啲面壓落啲湯度浸一浸如果唔係面嗰啲面冇浸過湯都幾難食一定要點下啲湯先好啲，以擔擔麵嘅質素來講呢個係屬於中下，另外有一個雞肉絲粉皮，個味道簡直係惡劣因為完全冇味道雞冇雞味啲汁又係冇味粉皮唔使講啦不嬲都冇味㗎啦咁總之成碟野都係冇味道！！有一種伏都唔伏嘅地步⋯⋯價錢應該係$68左右，個人建議真係自己加豉油加辣椒醬會有返啲味道，另外點了一碟鍋貼及素菜包，由於先食頭兩個唔好食嘅之後嚟兩碟都已經帶着無驚喜嘅心情下咬一口鍋貼，反之有些驚喜鍋貼啲皮煎得好脆卜卜好香，肉汁同餡料都好食，令到心情回復返安慰嘅感覺⋯⋯正想reorder多一份跟住接着嚟一個素菜包我同朋友試吓一口大家又回復返一個冇心情想再食嘅地步⋯⋯素菜包裏面嘅餡比較少包好大好似食緊一個好乾嘅饅頭！完全同一個食評有200幾個like分別出係一個超級伏嘅餐廳，最後唯有放棄去第二間餐廳再食。…Read More

荃灣廣場食pizza嘅地方不多我行過見到咁咪入去試吓囉適逢有下午茶餐，咖啡同沙律連埋個Pizza $100有找，沙律食完喇咖啡都飲完啦大個Pizza仲未嚟，吹左兩次終於到但係一望就中伏⋯⋯，幾粒蕃茄加番茄醬等，由於好肚餓關係30秒食晒好似食陣風咁，跟住好肚餓咁埋單走，出道餐廳門口我覺得自己好似飲咗杯咖啡食咗幾條菜，食咗個Pizza base, 究竟食咗啲咩呢.......................…Read More

由於疫情下我朋友想搵一個地方係少啲人嘅餐廳食個lunch咁呢度係唯一嘅選擇因為當時正值寫字樓放飯時間見隔離譚仔大排長龍日式拉麵有排隊，見呢度全個餐廳只得1個客，心想Pizza意粉極難食都唔會難食得去邊度嘅，見佢環境都舒服一於就揀佢入去試，揀咗個Magherita Pizza added chicken topping, Spaghetti Carbonara ,先講個Pizza一嚟到熱辣辣賣相一般食咗兩件之後第三件開始出事可能我同朋友一路傾一路食第三件因為凍咗嘅關係一咬下去硬過張枱，個Pizzabase有個問題就係佢厚得來乾，非常硬，要食晒成個Pizza必須要有牙力，另外個意粉真係想放棄，個意粉咬落去好似浸咗好耐水再拎上嚟撈啲汁上去， 啲汁係完全冇味道，簡直係一個唔識煮意粉嘅人煮咗呢啲出嚟，另外餐飲就係叫咗咖啡同埋熱朱古力就完全冇問題好正常，如果想食Pizza或者意粉呢我建議真係唔好入去呢間餐廳佢只可以飲杯嘢坐低傾偈…Read More

如果為左填飽個肚，唔理味覺就歡迎入內填肚，壽司飯好酸，其中要加錢的拖羅冰感十足，咬下件件嗰啲冰醉，惟有自我溶雪擺大半個鐘先食，個沙律仲大鑊，菜係咖啡色邊，hmmm!!左口魚邊壽司係最好味嗰種。用250食個飽不過無好諗住有質素。…Read More

葵芳壽司店選擇少，得板長，元氣及發夢都估唔到咁難食嘅夢工房西曰料理，惟有搭地鐵去荃灣西嘅品川使使，之前睇食評唔差又有舒服嘅海景位，所以專情去，當日12點半左右到，入內沒有太多客五六枱食客全被安排入坐海景位，我也不例外⋯⋯環境比一般貴價日本料理更舒適，食物質素方面魚生壽司全部比較其他日式放題及板長元氣壽司更出色！串燒雞軟骨好味！海膽軍艦也有水準！用248價錢咁嘅質素，睇得出有心經營！另外lovely staff with good service, this is a great experience!definitely come again ! …Read More

我人生第一次寫食評！忍不住因為太難吃！叫酸'辣湯米線大辣！嚟到喝一口湯，竟然原全唔辣同阿姐講！佢叫我自己落辣椒油就會辣！！！算，我加！但個湯真係好怪,酸而不辣但咸！算！食啖米線，嘩！煮,到林晒的！又唔夠熱！請幻想下唔辣唔熱又林的米線怎樣煮得出我又怎樣食完佢！中途有想放低碗野棄走！！但我不想浪費食物惟有邊食邊飲啖凍檸茶！食食下又唔對路！！原來落左牛肉碎！OH!!!天吖！我唔食牛架…!!!…Read More