ข้อมูลส่วนตัวร้าน OZ

這裡的環境、食物質素都跟一般茶餐廳分別不大，就是「好又一餐 唔好又一餐」的水準。Lunch叫了幾碟炒嘢，都是偏向濃味同油膩，未至於難食，但附近比佢好食的有大把選擇。不過，侍應態度就差得不得了。落order時，叫我哋不要指住餐牌來點餐，話會睇唔清楚，但成張飲品餐牌得6大格，指住點會睇唔清? 然後講啦，又話聽唔清楚，指住自己張手抄單畀我哋睇但又唔出聲，唔知邊個啱啱先話指住睇唔清楚?然後終於漏飲品啦，但補返後竟然在帳單加錢! 我哋埋單時問啦，又唔改單，叫我哋畀返正確價錢就算；然後我哋畀完，佢又一直對，對完又對，對完又對，對完又對。都唔知對乜，又係你唔肯改單，但自己對時又一臉懷疑。又其實，茶餐廳午市都加一? 仲要係咁既服務態度?!…ดูเพิ่มเติม

之前在Groupon用$29買了那個聲稱價值$68的組合: 法包+小食+飲品, 來到見到同一款組合最新價錢為$38. 這不特止, 用Groupon買的仲只可以選擇menu內12款組合的其中4款. 但這也不特止, 我們用Groupon來買外賣的, 待應好似視而不見, 一直只serve堂食客.在門口附近得不到理睬, 行入鋪頭落order就被待應姐姐大聲話: "行出去等等". 但你行出去等, 他們就是不會理睬你, 繼續做堂食客, 結果唯有要強行走入去落order.然後就是一直等, 見到D堂食客 (有D比我們遲來的) 都全部上晒野食, 先會輪到企係度等外賣既人. 買個法包都等左25分鐘, 無左半個lunch time.響我等緊食品既中途, 我就留意下隔離採訪既過程, 有個女仔應該係做試食, 我見佢慢慢咁試各種食品, 然後隔左一陣就話好好味, 跟住其它果D女仔就跟住話要試, 我心諗係咪咁好味呀, 都係三文治o者, 有咩咁特別. 大約五分鐘後, 職員就好有禮貌咁送上我叫既食品放響我面前, 首先, 賣相真係唔錯, 起碼可以睇到佢地係有用心放好D食品比客人, 比起我上次食既越式三文治, 根本係兩回事, 完全冇得比, (我一路都覺得越南菜係冇賣相可言, 但今次我D改觀), 一份三文治係切開兩段上比我既, 我好奇問唯一既男職員(應該係整呢份三文治既人, 個男仔幾型人喎), 佢話份三文治係原本9寸長既, 因為方便客人進食所以就切成兩段, 有時亦方便一D女性可以大家share, 佢問我係咪想一條過9寸咁食, 可以立即整過份新既比我 (我心諗駛唔駛整過咁浪費呀, 但係我欣賞佢地對客人既態度, ok喎). 跟住我就試下個三文治啦, 一咬落去發覺外面好鬆脆, 麵飽入面就好軟, 同我之前食果次既感覺好唔同, 因為上次個飽好硬, 今次就好唔同, 而裡完來係有 1.牛油, 2.扎肉, 3.豬手肉, 4.雞鬆, 5.青瓜, 6.酸紅蘿蔔絲, 7. 芫荽, 仲有一種好特別既味道既醬, 佢地當然唔會講係咩啦, 本身我係食唔晒成份三文治, 但食食下就不知不覺食晒全份, 可能係因為三文治有一種好想食既味道, 但我講唔出係點樣. 至於杯飲物, 圓肉冰其實係龍眼肉冰, 不過係晒乾既龍眼肉做既, 本身我個人對於呢種乾貨唔係咁有興趣, 但佢地味道好清甜, 唔係想像之中咁甜, 幾ok.論法包, 係OK既. 很大份、味道清新, 內有扎肉和另一種肉片, 還有青瓜、紅蘿蔔絲……還有那個 baguette, 外脆內軟新鮮, 與餡料配合. 10分我會畀7分.但買外賣都好似要keep住去乞討服務咁, 令人難以接受.…ดูเพิ่มเติม

晚餐選擇少.定食很求其, 就好像一般food court 40元左右的質素, 求求其其一個便當, 或一碗烏冬就70元.壽司價錢OK, 質素同超市壽司差唔多吧, 但非常細件.環境麻麻, 裝修幾乎無, 唔靚唔光猛, 又唔係好乾淨, 侍應又好似愛理不理咁.感覺似間三四十元晚餐的日本餐廳, 唔抵食唔會再去.…ดูเพิ่มเติม

主要都係食麵啦~ 有"担担"麵, 拉麵等.味道唔錯, 但份量少, 食完既飽肚感好似只係食左少少"口立濕"咁.環境只算乾淨, 但唔係特別舒服.以尖沙咀一帶黎講, 比佢食既選擇多好多.…ดูเพิ่มเติม

三四年前已經有食開, 當時質素非常唔錯.後來越做越大, 租晒附近一帶D舖位. 但D野開始無咁好食, 以前好香有鑊氣, 而家一味又濃又鹹乾"爭爭"咁.服務態度直情插水式咁下降, 可能因為多人到要排隊, 生意根本唔憂做.上次(亦應該係最後一次) 準備去食, 排隊時個老闆娘甚至幾多位都唔得閒問, 行過好似睇我地唔到咁.咁果度一帶得佢一間咁滯, 我地就算被當透明都繼續等.點知等左五分鐘左右, 老闆娘忽然o係我地背後大聲喝"滾水呀!", 我地讓路時發覺佢根本兩手空空, 又唔係有員工上菜, 咁擺明話我地阻路啦!我地四個人, 三個人排直線, 另外有個人企出少少傾計, 使唔使喝我地阻住呀!!!所以我地即刻走, 而且唔打算再去幫襯.人客黎幫襯, 被當透明之餘, 仲要被喝阻路!你真係有寶咩! 其他人第一次去可能覺得好食, 但我地呢D幾年前已經食開既, 當然食得出D野"喳"左好多.見佢價錢唔貴, 而且一直食開咋! 經過呢次後我地唔會再幫襯, 九龍灣仲有好多食肆, 唔係呢間大就話要去"乞"食架!…ดูเพิ่มเติม