Mrs.X's Profile

平時係上環食lunch食到悶悶地，難得星期六返半日，行過去中環搵下有咩食，行到士丹利街見到有間車仔麵好似好正咁，一於就揀呢間啦！坐低嘅時候發現呢間餐廳雖然係食車仔麵，但環境都幾chill喎！車仔麵最正係可以揀幾樣餸，肚餓之下揀左5餸一麵再加小食同飲品！見到有沙嗲湯底，諗都唔洗諗，即揀！真係唔係周圍都有架！至於餸就揀左惹味魷魚，豬紅中，金錢肚，豬腸同埋蝦餅。魷魚好惹味 ，彈牙鮮嫩，Q彈口感配上微辣調味，令人回味無窮。豬紅夠曬入味， 仲有啲juicy添 ，超正！蝦餅勁大塊，鮮味十足！金錢肚勁入味 ，湯中浸泡後軟中帶韌，獨特嚼勁令人上癮。豬大腸煮得軟糯不柴，腸壁滑順，吸收沙嗲精華，肥美卻不油膩。見到枱面有樽魔鬼辣嘅辣椒油，忍唔住要落少少試一試，真係落左少少，都已經feel到好辣！呢間車仔麵整體配料豐富，而且每款餸啲量都算多，經濟實惠！…Read More

同事生日，決定走進這家餐廳食生日飯，氛圍輕鬆寫意，帶點悠然的都市格調。木質桌椅與柔和的暖黃燈光交織，營造出溫馨的用餐空間。黑松露忌廉貓耳朵這道菜一上桌，黑松露的濃郁香氣撲鼻而來，令人垂涎。貓耳朵意粉口感Q彈，每一口都裹著絲滑的忌廉醬汁，濃而不膩。黑松露的獨特泥土芬芳與忌廉的柔和奶香完美平衡，偶爾點綴的帕馬森芝士碎增添鹹香層次。意大利辣肉醬貓耳朵這款經典意式辣肉充滿家常的溫暖風味。貓耳朵意粉的嚼勁與濃稠的肉醬完美結合，醬汁帶有番茄的微酸與意大利香料的層次感，辣度恰到好處，微微刺激舌尖卻不嗆口。絞肉與香腸的混合帶來豐富的肉香，慢煮的醬汁滲入意粉，每一口都飽滿而滿足。香濃慢煮牛臉肉長通粉牛臉肉經長時間燉煮，入口即化，軟嫩得幾乎融於舌尖，充滿膠質的口感與濃郁的肉汁令人驚嘆。意粉吸滿醬汁，每一口都像在品嚐時間的沉澱。在這間餐廳一邊品嚐午餐，一邊覺得好chill，休閒氛圍讓用餐體驗更加輕鬆愉快，適合任何想放慢腳步、享受美食的時刻。…Read More

位於沙田新城市廣場嘅天天海南雞，餐廳環境寬敞舒適氛圍，而且成日經過都好多人黎食，今日終於可以親臨品嚐一下！🦑火焰石燒魷魚鬚魷魚鬚新鮮彈牙，燒烤後外層微焦，內裡保持嫩滑，配上店家特製嘅泰式辣醬，酸辣交織，開胃十足。🍲豬肉骨茶小火鍋豬肉骨茶小火鍋是湯底比較淡口，充滿胡椒嘅香氣。豬肉軟嫩入味，搭配冬菇，肉丸與豆卜，口感豐富。🍡火焰石燒沙嗲串串沙嗲串串分別是牛肉、雞肉與豬肉串，燒得外焦內嫩，保留肉汁。沙嗲醬香濃順滑，花生香氣突出，與燒烤的煙燻味相得益彰。🐓天天海南雞作為招牌菜，天天海南雞果然名不虛傳。雞肉滑嫩多汁，搭配三款醬料——薑蓉、辣椒醬及黑醬油，每一口都滋味無窮。米飯以雞油烹煮，粒粒分明，散發濃郁香氣，與雞肉相輔相成。🥛50年代豆花美碌甜品環節的50年代豆花美碌帶來驚喜。豆花入口即化，細膩柔滑，帶有濃濃的懷舊風味。美碌粉灑在面上，增添獨特嘅麥芽香氣，讓人回味童年。🥤椰奶咖啡椰奶咖啡是完美嘅收尾。咖啡香濃，椰奶增添絲滑口感與熱帶風情，甜度適中，不會掩蓋咖啡嘅苦香。…Read More

尋日媽咪同我講，荃灣citywalk 2期地下嘅一門町市場內開左一間以日本麵粉為基底嘅麵包店，見到啲麵包好吸引，我地買左黑椒培根可頌、宇治抹茶紅豆包、紫薯抹茶核桃包以及麻薯蛋撻。🥐黑椒培根可頌一入口，黑椒嘅辛香與培根嘅煙燻鹹香便在舌尖炸開，完美平衡了可頌嘅酥脆與柔軟。日本麵粉賦予麵團細膩嘅層次感，外皮金黃酥脆，內裏輕盈如雲。黑椒嘅微辣不僅提升了風味，還讓這款可頌在眾多經典口味中脫穎而出。非常適合早餐或下午茶，搭配一杯黑咖啡，簡直係味覺享受。🫓宇治抹茶紅豆包這款抹茶紅豆包係日式風味嘅極致演繹。宇治抹茶嘅濃郁苦甜在口中綻放，帶有清新嘅草本香氣，與紅豆餡嘅綿密甘甜相得益彰。麵包體鬆軟濕潤，入口即化，紅豆餡不過分甜膩，保留了天然豆香。🍞紫薯抹茶核桃包呢款麵包係創意與傳統嘅完美融合。紫薯嘅天然甜味與抹茶嘅清苦交織，核桃碎則增添了香脆嘅口感層次。麵包外皮微脆，內裏濕潤蓬鬆，紫薯餡綿密細膩，抹茶嘅餘韻悠長。核桃嘅加入不僅豐富了口感，還為整體風味增添了一絲溫暖嘅堅果香。🥧麻薯蛋撻我認為呢款麻薯蛋撻係堪稱店內嘅驚喜之作。傳統蛋撻酥皮外殼包裹著軟糯嘅麻薯層，與滑順嘅蛋漿形成三重口感。蛋漿香濃卻不膩並帶有淡淡嘅香草氣息，麻薯嘅Q彈則為每咬一口增添趣味。酥皮採用日本麵粉製作，層次分明，烘烤得恰到好處。無論是甜點控還是蛋撻愛好者，相信都會對呢款創意之作讚不絕口。強烈推薦親臨一試，感受一下呢家由日本麵粉引領嘅麵包店啲烘焙魔法！📍麵包司楊屋道18號荃新天地2地下一門町市場內J31號舖…Read More

經過見到有間價錢好實惠嘅濃湯雞鍋，入去食下lunch填飽肚先去行街！叫左個胡椒豬肚雞鍋配米線，以一人份量黎講都算幾多。胡椒豬肚湯味道濃郁，而且配料充足，有木耳，紅棗，芹菜，豬肚又夠多，雞件啖啖肉，雞肉嫩滑又夠入味。至於米線個湯底又唔同嘅，都幾好味，不過我自己鐘意將啲米線浸落胡椒湯度一齊食會惹味啲～如果鐘意食芽菜嘅朋友就正喇！因為佢碗米線有勁多芽菜！！！食到最尾，我係飲哂成鍋胡椒豬肚湯，真係好正！！呢間地點方便，性價比又高，經濟又實惠，唔洗一百蚊就可以填飽肚！…Read More

平時好少出大圍搵食，今日經過田心村見到有間泰國菜，外觀睇落坐得幾舒服咁，見餐牌嘅食物都幾有特色，決定入去食番個lunch。天氣涼涼地叫左個冬蔭公湯，入面有好大隻蝦，湯味濃郁又夠酸，好醒胃，飲番碗暖笠笠。另外叫左個炭燒雞扒飯，塊雞扒超大又夠厚，真係大件夾抵食！雞皮好脆口，肉質又夠嫩滑，再點埋個蔥油汁，真係好正！！飲品方面叫左杯蜜糖青檸梳打，第一次見有加蜜糖嘅青檸梳打，又幾好飲喎～清爽得黎又帶一點甜，可以去油膩感！呢間泰國菜餐廳糅合泰，中，意三地美食的精髓，絕對係美味嘅fusion菜！！…Read More

新開張嘅餐廳，襯生日黎食下～性價比高架，唔太貴，而且都好夠飽！重點係都真係幾好食！我地分別叫左個去封門柳180g 壽喜燒套餐及特選肩胛壽喜燒180g 套餐～兩款肉都好好食，呢個價錢真係無得輸！唯一比較差嘅係位置太窄，我地坐牆邊位，枱太細，手肘又不斷撞哂牆，搞到食得無咁盡興～…Read More

難得香港嘅日式居酒屋有牛腸鍋，加埋店內嘅裝修設計令我好似置身係日本咁，真係要黎食下,止一止我嘅日本旅行癮先～🔸渣滓牛腸鍋超多牛腸，煙煙韌韌好有口感，仲有九菜同椰菜，完全索哂牛骨湯嘅味～🔸日本黑毛和牛鍋燒烏冬份量足夠兩個人，和牛都算多～🔸明太子餃子雞翼熱辣辣端上枱，一口咬落去非常脆口，而且入面勁多明太子，好正！🔸雞皮餃子呢款菜式又係無得輸，勁脆口，配埋沙律醬食一流！🔸日本鳥拼盤黎到居酒屋當然唔少得食串燒啦！呢set拼盤有齊我鐘意食嘅野，手羽串，雞皮串，雞心串，雞肝串，雞肉串及雞頸肉串，燒到好香口！🔸燒和牛他他其肉質柔嫩的和牛配上黑松露，簡直係絕配！…Read More

永年士多嘅車仔麵真係無得輸！老公叫左一個大碗麵，有成10個餸（包括豬腸，魚蛋，蘿蔔，雞翼，豬紅，豬皮，雞翼尖，紅腸，魷魚及菜），如果係一個女仔真係未必會食得哂！而我就叫左個自選三餸麵（酸齋，魚皮餃，墨魚蝦卷），叫啲大碗麵無嘅餸，咁就可以share食，試多啲唔同嘅餸！永年嘅餸款款都好夠味，真係選擇多到唔知叫乜好，樣樣都想食呀！當然唔少得要叫辣度啦！我覺得小咖喱辣都已經好辣，所以今次叫左微咖喱辣，辣度就啱啱好！另外我地叫左碟腐乳通菜同埋生菜魚肉，腐乳通菜落左勁多腐乳，超正！至於生菜魚肉有6粒，粒粒都好大粒，好有懷舊嘅味道！飲品方面叫左一杯抹茶2紅豆冰，抹茶味夠香濃幼滑，紅豆嘅甜度適中～另一杯就叫左白桃多多，夏日之選透心涼！…Read More

係大角咀探完朋友，經過呢間車仔麵，見到佢嘅湯底有花生沙嗲汁，非常吸引眼球，即刻走入去試下！我地2個人每人叫左一碗自選車仔麵～🍜花生沙嗲汁，加秘制辣汁少辣配烏冬，配料揀左酸齋，咖喱魷魚，秘制金錢肚一黎到飲左頭啖湯試下先，個沙嗲汁味好濃郁，果然名不虛傳，撈埋個辣汁仲好食！咖喱魷魚係以前嘅懷舊咖喱味，好好味！秘制金錢肚夠哂入味，直頭好食過出面粉麵店嘅金錢肚！🍜 牛腩汁，加秘制辣汁少辣配油麵，配料揀左豬皮，滷水糖心蛋，滷水豬大腸同埋手打鯪魚肉牛腩汁夠味，加埋辣汁冇得輸！豬皮大大塊都好入味，糖心蛋同埋豬大腸嘅滷水味都好夠！最正係鯪魚肉，大大條，好好味！另外叫左兩個小食，一個係韭菜豬紅，令我好驚喜嘅係成碗韭菜豬紅一啲都唔油，但豬紅又夠味，韭菜量都頗多！另一款係椒鹽炸墨魚丸，啲墨魚丸新鮮即炸，粒粒脹卜卜，好正！總括黎講，呢間車仔麵價錢唔太貴，而且味道都唔錯，值得再黎！…Read More

突然間好想食烤鴨，諗起之前有人介紹過羲和雅苑嘅烤鴨好出名，即刻book位去食！我地叫左半隻羲和烤鴨，有師傅即刻係面前切，傳來陣陣烤鴨香味，仲會介紹唔同部份有唔同食法！鴨胸皮本身已經夠香脆，再配上藍莓醬，再加上爆炸糖，口感好fresh, 而且好特別！至於鴨胸肉皮脆內嫩，就咁配芥末醬已經好好食，入口酸中帶甜！鴨腿肉配上包薄餅，加入青瓜條，京蔥絲同埋甜麵醬已經好好食！另外仲有種食法係配上包薄餅，加入山楂條，紫洋蔥同埋藍莓醬，好fresh好醒胃。濃湯酸菜魚魚肉好滑，湯底夠酸帶微辣～老北京爆肚配有香菜，芝麻醬同埋辣椒油，口感爽彈，火喉岩岩好！京式小籠包皮薄餡靚，入面有湯汁嘅精華，好好味！三色蒜泥白玉蒜泥白玉包住蘿蔔條及萵筍條，口感豐富，而且唔會覺得油膩，反而好清爽。仲有太多野食想叫，但已經好飽，下次要叫埋幾個朋友一齊食，叫多啲唔同菜式！…Read More

行過女人街，發現有間新開泰國餐廳！冬蔭公海鮮湯非常足料，而且酸味同辣味都好適中，飲完好開胃！蝦醬炒通菜蝦醬味香濃，而且菜嘅份量好大！串燒三併（共6串）揀左2豬2牛2雞，味道各有千秋，掂埋個沙嗲醬真係無得輸！咖喱炒大蜆蜆肉肥美，咖喱汁超多，當然唔少得要叫埋蒜蓉包同埋薄餅，加埋啲咖喱汁一齊食真係絕配！椰汁沙冰滿滿的椰汁沙冰高過隻杯，真係好誇張！味道亦好好味，飲完好清爽～龍眼冰味道甘甜，好潤喉，而且酸解油膩感！估唔到呢間泰國菜都幾好食，而且員工們都係泰國人，好nice, 服務亦好細心！…Read More

鳳雛燉雞呢道菜果然名不虛傳，左傳統安東燉雞作法，用醬油燉煮雞，雞肉嫩滑又juicy，配料又夠多，有紅蘿蔔，青瓜同埋冬粉，吸收哂湯汁嘅精華，真係食得好滋味！另外仲加左個石頭鍋飯，跟傳統一樣有大量紫菜絲，蘿蔔絲，牛肉，大豆芽，冬茹絲，煎蛋，撈埋韓式辣醬同吸收哂醬汁嘅味道，加埋口感豐富，真係好惹味，食到停唔到口！石頭鍋飯撈少少燉雞嘅湯汁都好好味，味道好夾！前菜有泡菜，青瓜及大豆芽，夠哂開胃，仲要可以任添！…Read More

Happy Saturday 緊係要去Happy Hour la!經過間餐廳有飲品第二杯半價，再望下間餐廳咁有格調，即刻衝入去😁我地叫左一杯Cocktail 同一杯Mocktail🥂Cocktail:Call Me By Your Name用左紫蘿蘭甜酒，紫蘇甜酒，佛手柑甜酒mix埋一齊， 味道好fresh，而且酒味唔會太濃，係開胃酒黎～而且顏色係紫藍色，好靚！Mocktail:Grassy Fresh 用檸檬華，茉莉花及青檸mix埋，味道好清新帶有姜味～蘋果酒煮紐西蘭青口第一次食呢種煮法，估唔到咁有驚喜！無諗過原來用蘋果酒煮係同青口咁夾，好有新鮮感，而且帶有淡淡嘅蘋果香味，味道出眾，真係好好味！另外叫左個四式什錦芝士pizza，芝士迷真係唔好錯過！仲有叫法式濃蝦湯及慢煮澳洲M4燒肉眼扒share食，份量好大，而且味道都唔錯！除左食物好食，另外要值得一讚嘅係員工們都好nice好細心， 每一道菜都會介紹下，服務非常到位！…Read More

上次同朋友食完花月宮已經念念不忘，今次帶埋老公去食！我地今次叫左個特別四格鍋，當中包括四川麻辣鍋，藥膳花雕花膠醉雞鍋，黑松露野菌鍋同埋蕃茄濃湯海鮮鍋。雖然係四格鍋，但每一格嘅材料都好豐富，湯底濃郁但又唔會太咸！打邊爐緊係唔少得要叫牛啦！我地叫左本地手切新鮮頂級騸牯牛頸脊，肉質鮮嫩，就算配搭邊個湯底都好好味！同埋要食佢個風花雪月手打丸拼盤，款手打丸都有特式，包括芝士流心墨魚丸，粟米奶皇墨魚丸，手打鮮蝦丸，手打鵝肝蝦丸，流沙黃金蝦丸，手打墨魚丸。每一款都夠哂大粒同埋好好食，食落去好豐富嘅口感！除此之外，仲叫左蟹子百花釀油炸鬼，鮮腐竹同蛙蛙菜，2個人都已經好夠食！呢間嘅環境好新淨，而且我好鍾意門面果啲九谷燒招財貓，嘅時候都不忘要欣賞多幾眼！下一次再黎就要試下其他湯底，款款都好吸引！…Read More