cyndsan's Profile

The food are good and yummy.Appreciate that there are vegetable on side which makes the lunchbox more healthier!And the rice is 糙米飯, girls can request for fewer rice but will still feel full!The beef and fish are both tasty. Added the 咖喱長洲大魚蛋 😂 funny !I like the soup which is 足料 and hot enough Didn’t needa wait too long for the food and the staff are polite~Saw there are some people pre-ordering Delivery and pick up themselves. Would try it out next time to save more time~…Read More

行過太古三期，一上電梯就見到宜間新野，想試左一排，今日終於去買個外賣～入到去D staff都十分nice.  基本上餐牌一版好簡單，就係揀個main + drinks/soup + rice/salad。Ｄ送都好open咁放出泥俾大家揀，有真實樣睇住揀，我覺得好重要，唔怕淨對住menu個名/相，嗌完之後伏。今次同朋友揀左一個牛肋條(+$10)，一個粟米魚塊。兩個都真係幾高質啊！牛肋條又林又入味，份量都好多！好彩叫左少飯～～OL恩物朋友個魚塊都好嫩，一Ｄ都唔會係雪藏／腥。佢肚餓又真係可以嗌多飯！　ＨＡＨＡ試左個無糖豆漿，可以request要熱嫁~~ 好健康又無渣喎~~買完先見到有coffee corner，有Ｄ意想不到，下次試下先！…Read More

又到一期一會, 要搵個舒適地方聚一聚, D2都有好選擇!大公別館原來主打火鍋, 食材選擇多而又高質, 大家都非常滿意, 值得推介!!先講湯底, 鴛鴦鍋岩晒大眾, 有辣有唔辣, 麻辣鍋實在大推, 香而帶麻, 辣度唔算高, 但愈食愈過癮!愛辣既我地仲叫左腐竹, 豆腐紙等等索汁的食材, 好正!湯底入面仲有鴨血, 好滑好味, 同台灣吃到既都幾似!另外既花膠湯底都好滋補, 濃郁鮮甜, 雞肉嫩滑, 沒有味精感覺, 好好飲~~牛肉就推介牛頸脊, 牛味很重, 厚度岩岩好, 有口感又唔會鞋口, 配辣湯更上一層樓, 二百幾蚊一碟真係相當抵食!!…Read More

番工實早太大壓力, 星期五想好好慰勞自己, 男朋友帶左我黎黃埔呢間日式燒肉, 好似長期都要等位, 入面坐得都幾舒服, 同埋唔會好勁油煙味~呢到夜晚有a la carte同埋set, set 都幾多野食, 有前菜/肉/飯/甜品, 不過我地見散叫都差唔多錢, 就單點就算!黎到呢到梗係要食黑毛和牛, 價錢都相宜, 百零蚊都大大件, 其實同自己買黎係屋企燒好似都差唔多錢!重點係, 黑毛和牛大判燒真係好好食, 肉質又淋, 又香, 唔會覺得好油膩, 記得叫番一碗白飯黎食!另外黑毛和牛肩里肉都好淋又香, 值得一試!除左牛我地都有叫碟黑豚, 肉質都好爽, 切得幾薄, 唔錯!最後仲有甜品送架, 好滿足呀!…Read More

以前每年至少去一之泰國, 今年無得去, 唯有去香港既小泰國啦!! 黎到九龍城記得行下泰國街, 好多香料買架!行完就去埋小曼谷食飯, 小曼谷基本上都係九龍城既首選, 因為絕對唔會令你失望!天氣實在太熱, 叫個椰青飲下, 好清甜好好飲, 同埋好大個, 可以2個人SHARE!泰國野我最鐘意就係食炸蝦餅, 好彈牙, 入面好多蝦肉, 唔係粉既感覺, 同埋春卷魚餅都好好食, 全部新鮮炸起好開胃!另外呢到仲有得叫串燒, 即叫即燒, 牛肉都幾好食!最後再叫埋我既至愛千層糕, 超滿足!…Read More

行行下街聞到好香嘅芝士蛋糕味，原來咁岩撞正4:00新鮮出爐🤣買咗一個特濃流心芝士蛋糕，另外見到餐廳仲有好多唔同嘅批同埋Tart，所以多買多幾個返屋企同屋企人share！😆佢嘅日式芝士蛋糕都幾多味道，除咗特濃芝士，仲有鹹蛋😍斑斕蛋糕等等，都幾吸引！拎到返屋企仲係暖暖地，芝士係流心嘅，帶有鹹香唔會太甜，好鬆軟，好食！另外買咗伯爵茶撻，黑豚肉批同埋鮮奶撻，伯爵茶撻係芝士撻嚟嘅，好幼滑！白爵茶同芝士都幾夾！黑豚肉批係超級大個🤯20幾蚊都幾抵食，同埋個批做得好鬆脆，好香牛油味，食一個係超級飽，好想試埋佢嘅雞批🤣🤣…Read More

黎到呢間豐鍋雞煲, 當然係食雞煲架啦~~唔同既地方係, 呢到有幾款唔同既雞煲, 有麻辣雞煲/ 椰子雞/花膠雞~唔想咁熱氣所以就叫左滋補花膠雞啦!原來湯底係要自己滾既, 水滾後先放雞同花膠, 等漏斗過左5分鐘, 就可以慢慢飲湯, 再食雞!雞湯好香, 無味道, 清得黎有雞香味, 飲多2碗都唔會口乾~雞肉嫩滑, 份量足, 花膠唔算大條不過好淋滑, 好吃!2個人都食唔到咁多, 叫左幾款火鍋料都已經好夠, 食材都擺放得好精緻, 四寶丸又彈牙, 豬肉都爽甜, 不錯!…Read More

去過杜拜之後對中東菜都有d念念不忘, 但係香港實在好少食中東菜, 又好擔心太正宗會唔岩食~今次朋友帶我黎食呢間lamees, 食完先知原來中東菜同港式都溝得埋架!我地叫左4樣野, 沙律, 前菜, 主菜同甜品黎share~黎麥沙律簡單用上橄欖油同檸檬汁做調味, 酸酸甜甜, 配合埋七彩既顏色,好開胃!重點要推介個腐乳蟹肉天使麵! menu上係無寫明既, 因為見到有個pasta叫love hk, 原來係老闆既每月自創fusion pasta!本身以為會有d怪, 點知 腐乳同 cream sauce都幾夾, 有奶油香之餘仲有d 咸香味, 好正!!最後佢既甜品kanafeh 都要一試, 雖然係有dd甜, 不過加埋入面既芝士, 又甜又咸又脆卜卜, 食唔停口!…Read More

打針前梗係要醫飽個肚先, 黎到筲箕灣都唔知有咩好食, 入左黎商場行逛, 呢間餐廳裝修都幾有日本feel, 坐得舒服!lunch set 好多選擇, 同埋好抵食! 因為出面自助bar仲有有得任食沙律/湯/同埋飲品!飲品除左咖啡茶汽水之外, 仲有沙冰同美祿!!!美祿仲要好濃好好飲!!!!我同媽咪叫左1個lunch set, 加左幾件壽司, 天婦羅飯好澎湃, 好似係日本食到既質素!!天婦羅新鮮炸起, 好好食!壽司方面既用料都好新鮮, 帶子同海膽都好鮮甜, 相當高質!!…Read More

Coffee shop x salon 幾估唔到裝修有型，coffee好有質素，聽到啲人話咖啡師係攞獎個啲勁人lol 下次要試飲手沖先得！同行既Frd唔飲coffee，試左杯朱古力。menu寫話係秘魯75%牛奶朱古力。唔太甜又好香可可喎仲要有拉花好靚啲野食都幾有誠意喎，唔係平時嗰啲all day breakfast🥱好足料的牛油果！宜個泰式豬頸肉我勁鍾意，好野味！甜品waffle，幾大份，脆得泥入面keep到軟軟der 宜個whiskey味濃好過癮，仲要係牛角包個類waffle（原來叫croffle ）推薦啊，黃埔終於有好cafe ☺️唯一係冷氣都幾猛，大家記得帶褸哈哈…Read More

叫左媽咪出黎陪我食LUNCH, 當然要帶佢去食D好野!! 呢到既SET LUNCH都好多選擇, 有生亦有熟, 我地叫左2個SET SHARE, 1個係刺身定食, 另1個係安格斯肉眼~刺身定食賣相超吸晴, 有好多款刺身, 有帶子/三文魚腩/池魚/油甘魚等等~~本身唔太鐘意食白身魚既我, 比呢到既刺身帶來驚喜! 新鮮之餘真係好鮮甜, 口感彈牙, 比平時食到既好唔同!!另1個燒肉眼係用上照燒汁, 甜甜地同牛肉好夾~ 牛肉帶肥, 所以油脂好甘香, 配飯一流!定食仲包括茶碗蒸, 前菜, 白飯, 仲有雪糕, 好豐富!間唔中食一次好滿足呀!…Read More

平時好少食潮洲野既我, 比個潮洲朋友帶左我黎呢到食FUSION菜~一上到黎以為自己去錯地方, 因為裝修好似酒吧, 不過佢食既野都同酒好有關係!我地1行2人就叫左個2人SET, 咩都唔洗揀!脆炸拼盤大大盤熱辣辣, 新鮮薯條配黑松露醬無得輸! 送酒一流!威士忌鵝肝呢個絕對係打卡吸晴之選, 會有個bubble係杯威士忌上面, 爆既時候散發出一種煙燻香氣,再加添落杯酒到, 食之前將酒淋落去鵝肝上面, 滑流既鵝肝配上酒香, 不錯!滷水鵝肉正常滷水菜式, 連豆腐都好入味, 水準之作~炒米粉炒米粉本身以為係普通野, 點知佢炒得好乾身, 米粉幼得黎好有彈性, 配埋辣椒油好正!!除左以上既野食, 其實仲有湯, 酸羅白, 菜等等, 都幾多野食, 好多未食過既味道, 值得一試!…Read More

同媽咪食晏, 佢話想食米線, 去左附近呢間米線樂, lunch hour都幾多人食!叫左1個酸菜魚米線, 同埋涼皮!!好少地方有得坐低食涼皮, 天氣咁熱食就岩晒, 唔洗咁多熱湯XD涼皮揀左2個餸, 腐皮蝦卷同埋鴨血, 涼皮要左BB辣, 個汁除左辣仲有D酸酸地, 好開胃!腐皮蝦卷炸脆左, 入面好彈牙, 好好食!!酸菜魚米線個湯好濃郁!!超好飲!!愈食愈麻既感覺!魚片無骨, 幾滑, 因為夠薄所以索左D湯汁更加好味!另外叫左份小食, 皮蛋都幾好食, 值得推介!…Read More

放工臨時想番屋企食飯, 順便去斬D料番去食, 行過公司附近呢間燒味檔, 好似好多人幫襯~通常多人幫襯D料就新鮮架啦, 穩陣之選~入面有齊叉燒/燒鴨/燒鵝 之外, 連雞都有3款, 師傅話$78有成隻鹽焗雞, 咁我就試一試~之後再加左個燒鵝下裝, 因為老豆好鐘意食燒鵝~因為實在太多客, 都等左10幾分鐘~鹽焗雞好鬼大隻, 都未見過一隻雞裝到咁大盒, 雞皮彈牙, 雞肉帶咸香, 送飯一流!而且雞胸肉都唔鞋口亦夠入味, 真係唔錯!另外燒鵝比較肥, 鵝香很重, 熱食一定好食好多!!…Read More

呢間主題係阿仙奴既餐廳, 除左有好多球衣既佈置之外, 連餐碟都有足球元素, 認真過癮! 唔好以為主題餐廳食物一定麻麻, 呢到絕對有驚喜!!set dinner有好多選擇, 我地都揀左好耐呀!最後同朋友叫左唔同既野share, 每個set都有前菜同餐包餐湯, 同埋飲品~牛仔柳意粉煮得彈牙, 醬汁清新不膩, 牛仔柳好淋滑有牛味!牛排亦都煎得好PERFECT, 無挑剔地方, 有d估唔到呢到既牛排做得咁好!!最後我地仲叫左個souffle pancake, 上枱果陣真係震震下架, 勁好食! encore指數爆燈!!💡…Read More