歌地利亞's Profile

去開朗豪坊，一於試下呢間係OpenRice長期人氣高企的食店，一於試下啦，係朗豪坊二樓直接有行人天橋連接旺角熟食市場，推開玻璃門第一間就係「澳門翠苑茶餐廳」!星期六下午3點幾所以都多人，係熟食市場等咗大概10分鐘先有位豬扒飽即叫即焗即煎扒，正！香噴噴，熱辣辣，個包外脆內軟，豬扒份量及味道剛剛好，不太油膩, 仲有小量洋蔥吊下味咖喱牛腩撈公仔麵咖喱汁，正！香濃！牛腩完全不硬，非常入味，公仔麵口感適中，加堆咖喱汁一流! 凍咖啡(跟餐凍飲加$2)非常出色，唔會苦，陣陣咖啡香，完全同平時茶記唔同！…Read More

星期五晚上於灣仔一帶開完會, 好想食Crepe, 之前只係去過A Creperi係上環分店, 諗都唔諗即刻去皇后大道中 !係鉅芝樓會合老公, 6:30pm 上到去好靜, 推開門一個客都無, 張張枱上面都有"Reserved"嘅牌, 好似仲午休緊咁, 有個waitress見我地望下望下, 問我地有無訂位, 因為Full Booking! 咁我又真係諗唔到咁Full...諗住要失望而回, 好彩waitress再望下d booking, 問我地7:45前可唔可以交番張枱, 結果我地有位啦!我好鍾意食甜 crepe, 所以叫咗一鹹一甜加咗個湯湯: Fish Soup: 落order 時waitress 問我地係咪share, 如果係佢會分兩個碗上, 好體貼! 個湯未放落我地張枱已經聞到魚味, 入口 直情覺得自己成緊沙甸魚咁, d魚/ 腥味超強, 好在佢有粒粒麵包做side dish, 鹹: La Marin: 材料有帶子 (都幾大隻) , 蜆仔, 煙肉, 蘑菇等等, 加唔算太creamy的忌廉汁。材料新鮮豐富, 但味道偏鹹, 雖然個sauce 唔算creamy但都真係d full甜: Crepe with banana, chocolate, almond and cream! 我的最愛! 餅底實在太好味啦! 巧克力醬同香蕉份量剛好, 加埋一齊好好好好食！再幫襯都一定要叫Crepe with banana, chocolate, almond and cream!!!! …Read More

想念在Sheffield讀書的日子,決定同老公去Soho嘅 Yorkshire Pudding食個Yorkshire Pudding懷念一下星期六Lunch唔太多人,好多外籍人士已經啤酒一杯接一杯, 我地唔係太肚餓又怕食物份量比較大, 結果 order 咗一份Yorkshire Roasted Beef 再另加一份Crab CakeYorkshire Roasted Beef - 燒牛肉燒得相當出色, 薄薄的一片, 唔乾唔"un" 已經好難得, 再加上肉汁 (gravy) 非常特別! Pudding只有兩件, 加上肉汁, 像特別的包包, 當然, 還是在約克郡食的Pudding酥皮層同即焗的比較出食, 不過在香港能品嚐特色美食已是難得Crab Cake - 唔太炸, 又足料 (大量蟹肉), 仲有不少蔬菜伴碟, 好okay! 離開時見到其他人order 的 fish & chips 同埋full day breakfast 都好大碟同埋好正, 下次可以再試! …Read More

星期日，同老公加埋班朋友去大埔農墟買有機野，買完就去食Lunch，地膽朋友介紹呢間餐廳，一於去試下！去到正值Lunch時間，全間爆滿，我地一行五人要等約10分鐘先有位。見到個午餐餐牌都有唔少選擇，隔離枱叫咗焗茄子肉醬意粉，超香！經過一量相量，我同老公叫咗個午餐咖哩牛腩，我叫咗番茄通粉，兩樣都好好味！咖哩牛腩與白飯分開，可以自已決定撈幾多汁，由於太好味，我地結果都撈晒！牛腩好淋同埋入味，薯仔份量亦剛好，番茄通粉個汁亦好好味，非一般罐頭加水。另外再後加香蕉pancake，唔太甜! 好味呀!!!!…Read More

於1068開會，開完會老闆話不如係附近食埋lunch先返公司，行行下見「亮亭」個門口咁"橙"，又由於時間尚早(12:30)唔駛等位，就咁決定。博多豚骨拉麵 ($62)多芝麻, 個湯底非常清但無味, 拉麵份量好足夠但味道一般叉燒味道一般，較肥口味唔係咁夾，應該唔會再試。…Read More

星期一7點，諗住晚市唔會好多人，可以唔駛行又窄又斜的樓梯上2樓，明點知一推開門亞姐已經叫我上2樓。香茅雞翼湯檬 ($37) : 香茅雞翼分開上，炸得香脆，但亦比較油及略咸。雞翼有四件大，由於比較大隻，進食中間部份時較困難。湯底屬清湯服務態度非常一般，有少少懷舊，當支持本地小店！…Read More

星期五7點，無人排隊而款式選擇亦已所餘無幾。點了2款，買番屋企慢慢食。包裝值得一讚，明顯有用心去設計，簡單而特別的die cut，靚呀～Mille Feuille (酥皮拿破崙) ( HK$ 43)，酥皮鬆化，不膩， Custard 幼滑亦不太甜。Lemon Tart (檸檬脆皮撻) (HK$41)，撻底鬆脆有口感， Lemon filling軟滑，比一般坊間的酸，好味！…Read More

幾個朋友gathering，又想試下新開韓菜，見阿利水位置適中，食評又Okay，唔想再多心，訂位！前菜小碟（共八款）：都好吃，泡菜略唔夠辣 + 偏甜，黑豆比較少見，芽菜仔 + 芝麻菠菜個個都like，經理見我地咁like，送多一碟芝麻菠菜！我地點咗：海鮮薄餅 - 都幾乾身，一定要點隨上的韓式辣汁，如果唔點會偏淡同埋帶唔出d海鮮味，薄餅可以再多d海鮮炆牛肋骨 - 爽甜入味，牛肋骨炆得好腍牛骨湯 - 清甜，充滿牛肉味韓式石鍋拌飯 - 最愛吃飯焦所以一定會點，店員用甜辣醬拌好，配料Okay，蛋完全融入飯中雖然都有枱韓國客人，但食物明顯迎合港人口味，不辣又偏甜。連埋地點+服務+價錢，整體不過不失:)…Read More

係IFC睇完戲，唔係太肚餓，又想食得清淡d，決定去幫襯正斗，7點幾到達，門口已經排滿哂人。2位要等20個籌，結果等咗大約20分鐘，仲好好彩係“卡位” ，係IFC等食算好快。地方好闊落，好多旅客幫襯，好多人仲係有不少行李，正斗都算細心，旅客大型行李可以放係門口派籌位後面，如果唔係，明明比較闊落的地方應該都會變到寸步難行。我地點咗:羊城荔灣艇仔粥 - 粥底非常好, 夠綿, 足料, 花生非常香口, 略嫌魚片有細骨, 比較麻煩正斗鮮蝦雲吞麵 (小) - 餡料ok, 不過皮不算薄, 麵底都ok, 不過比較細碗原蜜味叉燒腸粉 - 粉皮有點點厚, 足料菜心 (全走) - 菜心爽甜, 比較腍員工友善但實在太多客人，太忙，談不上甚麼服務。埋單連加一約170，IFC餐廳之中，不錯的選擇:)。…Read More

到咗lunch time 都唔係太肚餓，決定食得清淡d，行下行下嚟到呢到，又見未試過，老闆又好有禮貌叫過路人試下，門面又貼咗好多明星光顧的照片，一於就試一試，結果係令人失望:(坐低望咗一輪，魚粥應該係主打，但第一次都係想試d無咁易中招的，結果點鮮牛肉粥($27)牛肉粥上有少少生菜絲，吃第一口，粥底並不是綿綿的，稀，同埋唔似平時的粥味道，我以為是因為魚粥底所以味道獨特，但吃了四分一便發覺唔對路，應該係有味精，因為我明明無落胡椒粉但有胡椒粉嗰種辣味，係牛肉四周的粥亦明顯比較稀，應該係d牛肉處理得唔好 + 處理時加埋味精，同我之前係上環生記食的鮮牛肉粥質素相差好遠，一路食一路驚一陣會因為味精而唔舒服，結果食剩四分一:(雖然老闆好有禮貌，又同好多熟客傾計，講呢間鋪做咗10幾年呀，品質都keep到，但都我真係唔會再嚟，因為番到公司，成個下午都好辛苦，又飲茶又朱古力都去唔到d味精，唔舒服，唯有力勸其他同事唔好試…Read More

係Elements買禮物，行到7點，想係人潮之前食個安靜的晚飯，決定試下呢間有日本feel裝修的食肆，可能時間尚早，未見有人龍出現，亦不用等位，一個人當然被安排到吧檯坐，店內也不是有太多人客。菜單上的選擇頗為豐富，親子丼/滑蛋雞肉丼($78)是店內推介而且相對便宜，即刻決定！order時侍應姐姐建議我+20蚊轉套餐(包麵豉湯+日式胡蔴醬冷荳腐+菜沙律+漬物)，即管試吓。等了約十分鐘，親子丼套餐便奉上。麵豉湯：內有本菇+昆布+豆腐，味比較淡但okay。菜沙律：非常簡單，但有淡淡的山葵味，是我的錯覺還是神來之筆？無食蕃茄仔因望落唔太新鮮日式胡蔴醬冷荳腐：好味！荳腐好滑，醬料有芝蔴香漬物：無食親子丼：飯量okay，不過自知一定食唔晒，蛋汁非常多，我喜歡汁撈飯所以必然okay，蛋算滑的，亦混合了洋荵絲，飯無想像中咁好食，雞肉質嫩滑，味道亦唔會太淡太咸結果親子丼$78,套餐$20,連加一小費埋單$108，一個人好像吃得有點奢華…Read More

今日未夠12點就肚餓，早d出去食lunch，記得呢間鋪12:30前落order有優惠，等我行快兩步，12:25到達，由於未到正常rush hour，當然唔需要等位，但其實店內已經八成滿！可能因為店的面積小。order番茄湯米粉+魚片頭+時菜(白菜仔)$29，姐姐話12:30前落order有自製豆漿或奶茶送，可選熱或凍。我選熱豆漿不用10分鐘，即到，湯底有2舊新鮮蕃茄，仲有一pat蕃茄蓉(疑似用攪拌機處理過)，番茄濃亦唔太咸，魚片頭(有3粒)都okay。size跟內容均是輕盈健康，大胃朋友選飯餐可能比較合適。自製豆漿真的不錯，屬低糖類，最好是姐姐上米粉後不久即上熱豆漿，令到杯勁熱豆漿到食完個米粉後可以涼小小，如果唔係可以要飲好耐。經濟實惠，輕盈健康，而且食物有一定水準，附近工作的人可常來…Read More

係仙跡岩的2010VIP (有9折), 由於仲有一張25元coupon (12月31號到期), 決定今日lunch係呢度食, 終於非常後悔1:50去到, 侍應姐姐有3個, 客亦有3 個, 已經覺得有d唔對路坐低睇menu, 佢的價錢絕對唔平, 選擇亦比以往少, 老公order肉澡米線餐 ($46!!!) , 包一杯綠茶, 佢想轉飲珍珠奶茶, 要加4 蚊, 成個餐結果要$50! 我叫最平麵食- 雞翼京麵($24) + 金桔青檸($21)加珍珠(+$4), 都要$49! 叫完食物, 侍應姐姐放低張單我地先發覺有"加一服務費", 當堂啞咗, 成張單由 $99 變到$108.9, 即刻問下侍應姐姐, 佢話係新增的, 我再追問, 佢話唔係好耐之前的事, 應該係12月頭, 我真係無諗過仙跡岩會收加一服務費... ok, 都Order左, 應該完成佢, 由於無客, 我終於好肯定見到佢的食物係由微波爐烹調的, 即係叮熱d由公工場預先處理好的食物, 好, 或者叮都好味呢, 結果當然唔係..肉澡米線 - d米線好似槳糊, 肉澡都係咁, 整體: 淡而無味珍珠奶茶 - 甜爆, d珍珠外面好"林"但個心硬, 一d都唔Q雞翼京麵 - 京麵咬唔開, 味精好勁, 雞翼okay金桔青檸加珍珠 - 金桔青檸okay, 珍珠同上我真係無諗過2個人日個簡單 "叮" lunch要over $100! (就算有VIP 9 折, 都要$90) 我搵唔到理由再支持佢, join佢VIP, 由其其他品牌台式飲品只係$10-$18, 仲好有水準, 總有一間係左近...再見, 仙跡岩:(…Read More

今日過中環食, 1:15週圍都好多人, 朋友話不如試呢間, 一聽到係veggie餐廳即刻勁開心,walk-in嚟, 當然係full house, 不過我地都唔介易等一陣, 剛好有人埋單, 等咗5分鐘唔洗, 算係好好, 一坐低, 工作人員好有禮貌咁同我地講呢度只係招待會員, 叩我地留contact, 我個friend中環番工當然係佢填啦~Set Lunch 包main course + lotus root soup + house beverages, 我order咗 Meal B - Herbal White Sauce Organic Farfelle w wild mushroom, 我個friend order 咗 Meal C- Trip to Taipei!!, 5 分鐘湯上先, 正! 個main course 亦算跟住上, 好好味呀!!! 本身我好怕d多到死的白汁, 呢碟好乾身唔會太多over 咗, d herbs 超fresh, 正!!!!!!Drinks 我order 咗yoji berry tea, 淡淡的甜味 balance番個White Sauce 我地埋單的時候已經係2:15, 所客差不多全部已經走晒, 正好有機會慢慢欣賞有特色的US vintage野, 特別的凳同檯, 仲有 vintage jewellery (on sales!), 有心思的佈置!!veggie+vintage=我鍾意!…Read More

今日好忙，Lunch諗住快快手，食麥文記，點知今日澳洲牛奶公司休息，搞到麥文記勁多人等位，唔想等，快步去咗左鄰的麥奀，諗住食過中環嗰間okay呢間都唔會太差，點知錯晒！一坐低，發覺雲吞麵碗要28，個心即刻諗你憑'mug'野可以賣貴麥文記4蚊?唔通係電腦打單同杯茶? 後來我終於知道...可能係杯茶份量，食麥文記我一定一碗就飽，呢到竟然唔得！我咁鬼細食都唔得其他人可能要叫3碗!雲吞同麥文記一樣，有4粒，可惜size係麥文記一半!， 味道亦不及，蝦肉新鮮度亦不及麥文記　湯底都普通，有d鹼水味麵，唔得，太硬一定無下次!…Read More