brava11's Profile

打算支持黃店，叫外賣自取。聽電話位姐姐一問就話要親身落黎叫，問多兩問，佢先話可以send QR CODE 俾我落單，信用卡俾錢，完全唔想答，亦都感覺佢唔想做咁。跟住我即刻用app 落單，俾左錢先show前面有兩張單但要等35分鐘。頂，坦白講，冇堂食，車仔麵外賣都等咁耐，又唔一早顯示等候時間，態度又散漫，真的冇下次。…Read More

外賣4人套餐番屋企食，有兩前菜（洋蔥圈同細pizza), 一個沙律同4個湯，兩個主菜（海鮮飯同carbonara) 沙律係普通生菜同中蕃茄😑，工人姐姐話係油麥菜😒，個pizza勁難食，仲衰過樓下麵包鋪，又厚又淋，白雪雪，未夠焗，又冇味，海鮮飯淋pat pat又冇味, carbonara勁乾但又係淋pat pat，洋葱圈好油，個曲奇又係淋嘅，兩粒mini brownies 細到睇唔到，全餐飯剩係碗磨菇湯好飲😓😓我地5個人，難食到可以食剩一半，一定冇下次😤😤…Read More

好耐冇食韓國菜，今日近近地去Kim's spoon order, lunch有8折，之前喺megabox食過都幾抵食，以為今次都係，點知完全錯哂，order左一盒炸雞豪華便當（折後$84)，一盒牛仔骨豪華便當（折後$84）再加普通牛肉便當（$48）,果兩盒所謂豪華便當根本就係樣樣少少， 開出黎勁細盒，又唔好食，一住粉絲，4舊飯團仔，幾舊肉仔，我家小朋友食都只係剛好。另外果盒普通便當反而仲多飯，粉絲同肉。味道普通，一定唔會有下次…Read More

因為之前已經食過隔離嘅小菜,泰國, 越南餐廳, 今次想食下打冷, 呢間又幾多人, 就去咗呢間....點知"賴"嘢...先上一個鹵水大什($55), 味道都ok, 又有好少見嘅豬頭肉, 諗住好似幾好咁喎. 跟住等咗廿分鐘左右先黎蠔餅($48)同埋九肚魚($48). 嘩...個蠔餅真係未食過咁嘅样, 好厚, 好怪, 好難食, ok多蠔, 但係冇味,又冇蛋, 最經典係個蛋糕(*~*),里面d薯粉太多, 搞到個蠔餅好似蛋糕, 食蠔餅竟然好似食緊一個好難食嘅蛋糕咁,真係未見過!!!我地幾個人食咗一半, 就冇再食. 個九肚魚就普通, d肉好軟, 咬落去又係冇乜味!!再等十分鐘, 先黎個啫啫雞煲($50), 料好少...少得可憐, 得十舊八舊細雞肉, 味道正常, 但超唔抵!!只次一次, 下不為例!!…Read More